Month: April 2024

ကိုလံဘို၊ ဧပြီ-၂၂-၂၀၂၄မျိုးဆက်(VOM)သီရိလင်္ကာနိုင်ငံ ကားမောင်းပြိုင်ပွဲတခုမှာ ကားတစီးလမ်းချော်မှုကြောင့် လူခုနှစ်ယောက်သေဆုံးခဲ့ကြောင်း တာဝန်ရှိသူတွေက ပြောပါတယ်။ဧပြီ ၂၁ ရက်က ဒိုင်ယာတာလာဝါမြို့မှပြုလုပ်ခဲ့တဲ့ ပြိုင်ပွဲအတွင်း ဒီမတော်တဆမှုကြောင့် လူ ၁၈ ယောက်ထက်မနည်း ဒဏ်ရာရခဲ့တယ်လို့ ဆိုပါတယ်။ ဒီပြိုင်ပွဲကို သီရိလင်္ကာစစ်တပ်က စီစဉ်ကျင်းပတာဖြစ်ပြီး ၂၈ ကြိမ်မြောက်ဖြစ်ပါတယ်။အခင်းဖြစ်တဲ့အချိန်မှာ ပရိတ်သတ် တသိန်းကျော် ရှိနေပါတယ်။ သေဆုံးသူတွေထဲမှာ အသက်ရှစ်နှစ်အရွယ် မိန်းကလေးငယ်တယောက်အပါအဝင် ပြိုင်ပွဲတာဝန်ရှိသူလေးယောက်နဲ့ ပရိတ်သတ်တွေ ပါဝင်တယ်လို့ တာဝန်ရှိသူတွေက ပြောပါတယ်။သူတို့ထဲက နှစ်ယောက်ဟာ ဒဏ်ရာတွေနဲ့ ဆေးရုံအရောက်မှာ သေဆုံးခဲ့တာဖြစ်ပါတယ်။ ဒဏ်ရာရသူတွေထဲက အချို့ဟာ ဒဏ်ရာပြင်းထန်တယ်လို့ သီရိလင်္ကာ စစ်တပ်က ပြောပါတယ်။မတော်တဆမှုဖြစ်ပွားပြီးနောက်မှာ ပွဲကိုရပ်နားခဲ့ပြီး ဖြစ်စဉ်နဲ့ပတ်သက်ပြီး ရဲတပ်ဖွဲ့က စုံးစမ်းစစ်ဆေးမှုတွေ ပြုလုပ်နေကြောင်း တာဝန်ရှိသူတွေက ပြောဆိုထားပါတယ်။Ref:BBCPhoto:Sri Lanka Military Academy

Voice of Myanmar အမေရိကန်နိုင်ငံရေသမားနှင့် သဘာ၀ပတ်ဝန်းကျင် ထိန်းသိမ်းရေးသမားဖြစ်သူ ဂေးလော့ဒ်အန်တန်နယ်လ်ဆင် စတင်သတ်မှတ်ခဲ့သော မြေကမ္ဘာနေ့ ပထမ ဆုံး အထိမ်းအမှတ်အခမ်းအနားကို ၁၉၇၀ ခုနှစ် ဧပြီ ၂၂ ရက်တွင် အမေရိကန်၌ စတင်ကျင်းပခဲ့ပြီး နောက်ပိုင်းတွင် သဘာ၀ပတ်ဝန်းကျင် ထိန်းသိမ်းမှုကို ပိုမိုလှုံ့ဆော်နိုင်ခဲ့ကာ နိုင်ငံတကာ အထိမ်းအမှတ်နေ့အဖြစ် ထင်ရှားလာခဲ့သည်။

ဆိုးလ်၊ ဧပြီ-၂၁-၂၀၂၄မျိုးဆက်(VOM)တောင်ကိုရီးယားအစိုးက ပြန်လည်ပြင်ဆင်မှုလုပ်ပေးတဲ့ ဆေးဘက်ဆိုင်ရာ ပြုပြင်ပြောင်းလဲမှုအစီအစဉ် အဆိုပြုချက်ကို တောင်ကိုရီးယား ဦးဆောင်ဆရာဝန်များအဖွဲ့က ပယ်ချလိုက်ပြီး ယခင်အတိုင်း သပိတ်မှောက်တာတွေ ဆက်လက်ဖြစ်ပေါ်နေပါတယ်။ထောင်နဲ့ချီတဲ့ အငယ်တန်းဆရာဝန်တွေရဲ့ အလုပ်ထွက်မှုနဲ့ သပိတ်မှောက်မှုတွေကြောင့် တောင်ကိုရီးယား ဆေးရုံတွေရဲ့ ကျန်းမာရေးစောင့်ရှောက်မှုစနစ်တွေ ပရမ်းပတာဖြစ်ခဲ့ပြီး လာမယ့်နှစ်ကစပြီး ဆေးကျောင်းဝင်ခွင့်ကို လူဦးရေနှစ်ထောင် တိုးမယ့်အစီအစဉ်အပေါ် သပိတ်မှောက်နေကြတာဖြစ်ပါတယ်။ဒီကိစ္စအပေါ် အစိုးရရဲ့ ပထမအကြိမ် လိုက်လျောမှုအဖြစ် တက္ကသိုလ် ၃၂ ခုမှာ ကနဦးအဆိုပြုထားတဲ့ လူဦးရေး နှစ်ထောင်အစား တထောင်သာ လက်ခံမယ်လို့ ပြောင်းလဲလိုက်ပေမယ့် ကိုရီးယားဆေးဘက်ဆိုင်ရာအဖွဲ့(ကေအမ်အေ)က ဒီအစီအစဉ်ကို တပတ်အတွင်း ဖျက်သိမ်းဖို့ တောင်းဆိုထားပါတယ်။“ ဒါဟာ အခြေခံကျတဲ့ ဖြေရှင်းချက်မဟုတ်တဲ့အတွက် ကိုရီးယားဆေးဘက်ဆိုင်ရာအသင်း အရေးပေါ်ကော်မတီက လက်မခံဘူးဆိုတာ ရှင်းရှင်းလင်းလင်း အသိပေးလိုပါတယ်” လို့ အသင်းပြောရေးဆိုခွင့်ရှိသူ ကင်ဆောင်ဂျန်က သတင်းထောက်တွေကို ပြောပါတယ်။ဒါကို အဖြေရှာဖို့တပတ်ပဲ အချိန်ရတော့တယ်လို့ သူကပြောပါတယ်။ ဆေးကျောင်းဝင်ခွင့်တိုးမြှင့်လိုက်တာဟာ သက်ကြီးရွယ်အို လူ့အဖွဲ့အစည်းအတွက်…