ဇူးရစ်၊ မေ-၁၄-၂၀၂၄
မျိုးဆက်(VOM)
ဉာဏ်ရည်တုနည်းပညာဟာ ကမ္ဘာလုံးဆိုင်ရာ အလုပ်သမားစျေးကွက်ကို ဆူနာမီလှိုင်းလို ထိပါးသက်ရောက်နေပြီလို့ နိုင်ငံတကာငွေကြေးရန်ပုံငွေအဖွဲ့ (အိုင်အမ်အက်ဖ်) က သတိပေးလိုက်ပါတယ်။
လာမယ့်နှစ်အတွင်းမှာ ဉာဏ်ရည်တုနည်းပညာကြောင့် ဖွံ့ဖြိုးပြီးနိုင်ငံတွေမှာ အလုပ်အကိုင် ၆၀ ရာခိုင်နှုန်းနဲ့ ကမ္ဘာတဝန်းရှိအလုပ်အကိုင်တွေရဲ့ ၄၀ ရာခိုင်နှုန်းကို သက်ရောက်မှုရှိနိုင်တယ်လို့ ဇူးရစ်တက္ကသိုလ်က ကြီးမှူးပြုလုပ်တဲ့ အခမ်းအနားတခုမှာ အိုင်အမ်အက်ဖ် ညွှန်ကြားရေးမှူး ခရစ်တာလီနာဂျော်ဂျီဗာက ပြောပါတယ်။
လူတွေက ဒါတွေအတွက် အဆင်သင့်ဖြစ်အောင်လုပ်ဖို့ အချိန်နည်းနည်းပဲရှိတော့ပေမယ့် စီးပွားရေးလုပ်ငန်းတွေဘက်တော့ ဉာဏ်ရည်တုနည်းပညာကိုသုံးဖို့ အသင့်ဖြစ်နေကြပြီ လို့ သူကဆိုပါတယ်။
ဉာဏ်ရည်တုနည်းပညာကို ကောင်းစွာစီမံခန့်ခွဲပါက ကုန်ထုတ်စွမ်းအားကို သိသိသာသာ တိုးမြင့်စေလာနိုင်ပေမယ့် စီမံခန့်ခွဲမှုလွဲမှားရင်တော့ သတင်းတုသတင်းမှားတွေ ပိုမိုဖြစ်ပေါ်စေသလို မိမိတို့ လူ့အဖွဲ့အစည်းမှာလည်း မညီမျှမှုတွေ ပိုများလာနိုင်တယ် လို့ အိုင်အမ်အက်ဖ် ညွှန်ကြားရေးမှူးက ပြောပါတယ်။
ဉာဏ်ရည်တုနည်းပညာရဲ့ ပတ်သက်ပြီး အန္တရာယ်တွေ လျော့ပါးရေးအတွက် အမေရိကန်နဲ့ တရုတ်တို့အကြား ဂျီနီဗာမှာ ဒီနေ့ဆွေးနွေးဖို့လည်းရှိနေပါတယ်။ ၂၀၂၀ ခုနှစ်မှာ ဖြစ်ပွားခဲ့တဲ့ ကပ်ရောဂါနဲ့ ယူကရိန်းစစ်ပွဲတွေကြောင့် ကမ္ဘာ့စီးပွားရေးဟာ မကြာသေးမီနှစ်တွေအတွင်း တုန်လှုပ်ခြောက်ခြားဖွယ် ကြုံခဲ့ရပေမယ့် မျှော်လင့်ထားတာထက် သိသိသာသာ ခံနိုင်ရည်ရှိနေဆဲဖြစ်တယ်လို့ သူက သုံးသပ်ပြောဆိုပါတယ်။
Ref:CNA
Photo:Reuters
Related posts
-
အိန္ဒိယ – မြန်မာနယ်စပ် ဇိုခေါထာရ် – ရိဒ်လမ်းကို အိန္ဒိယဘက်က ယာယီပိတ်
ဇူလိုင် ၂၅ – ၂၀၂၄ SN (VOM) အိန္ဒိယ-မြန်မာနယ်စပ် ဇိုခေါထာရ်... -
” မောင်လေးစုပ်” သီချင်းဒါရိုက်တာ နဲ့ “လိင်ဆက်ဆံမလား “လိုက်မေးသူတို့ အမှုဖွင့် အရေးယူခံရ
ဇူလိုင် ၂၅ – ၂၀၂၄ GG (VOM) ” မောင်လေးစုပ်... -
ဖိလစ်ပိုင်သမိုင်းမှာ အကြီးမားဆုံး ရေနံယိုဖိတ်မှုကို ထိန်းချုပ်နိုင်ဖို့ အပူတပြင်း လုပ်ဆောင်နေ
မနီလာ ၊ ဇူလိုင်-၂၅-၂၀၂၄ မျိုးဆက် (VOM) ဖိလစ်ပိုင်နိုင်ငံမှာ တိုင်ဖွန်းမုန်တိုင်း ဂေမီတိုက်ခို်ကမှုကြောင့်...