Day: May 22, 2024

ပေကျင်း၊ မေ-၂၂-၂၀၂၄မျိုးဆက်(VOM)တရုတ်နိုင်ငံ ဝူဟန်မြို့မှာ ကိုဗစ်-၁၉ ကပ်ရောဂါ ကူးစက်ပျံ့နှံ့နေကြောင်း ဖော်ထုတ် သတင်းရေးသား မှုကြောင့် ထောင်ကျနေတဲ့ တရုတ် သတင်းထောက်ဟာ အကျဉ်းထောင်ကနေ ပြန်လည်လွတ်မြောက်လာပြီဖြစ်ပါတယ်။ရှန်ဟိုင်းမှ ရှေ့နေဟောင်းတယောက်လည်းဖြစ်သူ သတင်းထောက် Zhang Zhan ဆိုသူ အမျိုးသမီးဟာ တရုတ်နိုင်ငံ ဟူဘေးပြည်နယ်ရှိ ဝူဟန်မြို့ကို ၂၀၂၀ ခုနှစ်က သွားရောက်ခဲ့ပြီး ဒေသခံတွေ ကူးစက်ခံရတဲ့ အခြေအနေတွေနဲ့ အာဏာပိုင်တွေရဲ့ တုံ့ပြန်မှုတွေကို သတင်းထုတ်ဖော်ရေးသားခဲ့ပါတယ်။ဒါပေမယ့် သူမကို အာဏာပိုင်များက သတင်းမှားဖြန့်ဝေမှုအပါအဝင် စွဲချက်တွေနဲ့ တရားစွဲဆိုပြီး ထောင်လေးနှစ်ချမှတ်ခဲ့တာကြောင့် အမေရိကန်အပါအဝင် နိုင်ငံတကာက ဒီပြစ်ဒဏ်အပေါ် ဝေဖန်မှုများ ပြုလုပ်ခဲ့ပါတယ်။သူမထောင်ကျနေစဉ်အချိန်အတွင်း စီရင်ချက်ချမှတ်မှုနဲ့ အာဏာပိုင်များရဲ့ ဆောင်ရွက်မှုတွေအပေါ် အစာအငတ်ခံဆန္ဒပြမှုများ ပြုလုပ်ခဲ့ပြီး ၂၀၂၁ ခုနှစ်မှာတော့ သူမဟာ ကိုယ်အလေးချိန် ပေါင် ၉၀ သာရှိခဲ့ ပါတယ်။သူမလွတ်မြောက်လာပြီးမိသားစုနဲ့ အတူနေထိုင်ခွင့်ရပေမယ့် သူမရဲ့ လှုပ်ရှားမှုများအပေါ် အာဏာပိုင်တွေရဲ့…

မော်စကို၊ မေ-၂၂-၂၀၂၄ မျိုးဆက်(VOM) နည်းဗျူဟာမြောက် နျူကလီးယားလက်နက်များ ပစ်ခတ်မှုပုံစံတူ စစ်ရေးလေ့ကျင့်မှုကို စတင်နေကြောင်း ရုရှားကာကွယ်ရေးဝန်ကြီးဌာနက ထုတ်ပြန်ကြေညာလိုက်ပါတယ်။ ရုရှားတပ်ဖွဲ့တွေအနေနဲ့ အနောက်အုပ်စုနိုင်ငံတွေရဲ့ ရန်စတဲ့ခြိမ်းခြောက်မှုတွေကို တုံ့ပြန်ဖို့ လုပ်ဆောင်နေတယ်လို့ ဆိုထားပြီး လေ့ကျင့်မှုရဲ့ ပထမအဆင့် ဗီဒီယိုဖိုင်ကိုလည်း ထုတ်ပြန်ထားပါတယ်။ စစ်ရေးလေ့ကျင့်မှုကို ရုရှားထိန်းချုပ်မှုအောက်ရှိ ယူကရိန်းနယ်မြေတွေပါဝင်တဲ့ နယ်စပ်ဒေသဖြစ်တဲ့ တောင်ပိုင်းစစ်ဌာနချုပ်နယ်မြေမှာ ပြုလုပ်နေတာဖြစ်တယ်လို့ ရုရှားကာကွယ်ရေးဝန်ကြီးဌာနက ဆိုပါတယ်။ လေ့ကျင့်မှုမှာ Iskander တာတိုပစ်ဒုံးကျည်စနစ် အသုံးပြုပစ်ခတ်မှုဆိုင်ရာ လေ့ကျင့်မှုတွေပါဝင်သလို အသံထက်မြန်တဲ့ Kinzhal ဟိုက်ပါဆိုးနစ်ဒုံးကျည်တွေအပါအဝင် ထိပ်ဖူးပါဝင်တဲ့ လက်နက်တပ်ဆင်စနစ်တွေကိုလည်း လေ့ကျင့်ခဲ့တယ်လို့ ပြောပါတယ်။ စစ်ရေးလေ့ကျင့်မှုကို အဆင့်သုံးဆင့်နဲ့ ပြုလုပ်ဖို့ သမ္မတပူတင်က အမိန့်ပေးထားပြီး ဒုတိယအဆင့်မှာတော့ မဟာမိတ် ဘီလာရုစ်နိုင်ငံကိုလည်း ဖိတ်ကြားထားပါတယ်။ ဘီလာရုစ်နိုင်ငံတွင်းမှာ ရုရှားရဲ့ နျူကလီးယားလက်နက်အချို့ ဖြန့်ကြက်ချထားပြီးဖြစ်ပါတယ်။ အခုလို နည်းဗျူဟာမြောက် နည်းကလီးယားလက်နက် စစ်ရေးလေ့ကျင့်မှုဟာ အနောက်အုပ်စုနိုင်ငံတွေနဲ့ သူ့ရဲ့ ရုပ်သေးရုပ်…

ဘန်ကောက်၊ မေ-၂၂-၂၀၂၄ မျိုးဆက်(VOM) စင်ကာပူလေကြောင်းလိုင်းမှ လေယာဉ်တစင်းဟာ ပျံသန်းနေစဉ်အတွင်း ပြင်းထန်တဲ့ လေထုမငြိမ်မသက်မှု ဖြစ်ပေါ်ပြီးနောက်မှာ ခရီးသည်တွေထဲက Geoff Kitchen ဆိုသူ ဗြိတိန်နိုင်ငံသား တယောက်သေဆုံးသွားပါတယ်။ ခရီးသည်နဲ့ လေယာဉ်အမှုထမ်း ၂၀၀ ကျော်ကို တင်ဆောင်ပြီး လန်ဒန်ကနေ စင်ကာပူကို ပျံသန်းတဲ့ အဲဒီလေယာဉ်ဟာ မတော်တဆဖြစ်စဉ်အတွင်း အသက် ၇၃ နှစ်အရွယ် ဗြိတိန်နိုင်ငံသားဟာ နှလုံးရောဂါနဲ့ သေဆုံးသွားတာလို့ ဘန်ကောက်လေဆိပ် အာဏာပိုင်တွေက ပြောပါတယ်။ လေယာဉ်ဟာ ခရီးစဉ်အတွင်း မြန်မာနိုင်ငံအပေါ်က ဖြတ်အပျံမှာ ပြင်းထန်တဲ့ လေထုမငြိမ်မသက်မှုကြောင့် တုန်လှုပ်ခြောက်ခြားဖွယ် စိတ်ထိခိုက်စရာတွေ ကြုံတွေ့ခဲ့ရတဲ့အတွက် တောင်းပန်ကြောင်း စင်ကာပူလေကြောင်း လိုင်းက ထုတ်ပြန်ထားပါတယ်။ လေထုမငြိမ်သက်မှုကြောင့် လေယာဉ်ဟာ ပြုတ်ကျတဲ့အရှိန်မျိုးဖြစ်ပေါ်ခဲ့တာကြောင့် ထိုင်ခုံခါးပတ်ပတ်မထားသူတွေဟာ လေယာဉ်မျက်နှာကျက်နဲ့ ရိုက်မိတာမျိုး ၊ ခုံနဲ့ရိုက်မိတာမျိုးတွေ ဖြစ်ပေါ်ခဲ့တယ်လို့ ခရီးသည်တွေက ဆိုပါတယ်။ ဒီလိုအခြေအနေကြောင်း လေယာဉ်ဟာ…