ဇွန် ၂၈ – ၂၀၂၄ GG (VOM) ဆန်စျေးနူန်းကျဆင်းအောင်နဲ့တည်ငြိမ်အောင်ဆိုပြီး ဆန်စပါးကုန်သည်တွေကိုအရေးယူတဲ့အပြင် ဆန်ရည်ညွှန်းစျေးပါသတ်မှတ်လိုက်တာကြောင့် ပြည်တွင်း စပါးစျေးကွက်မှာ တင်းတရာကို ၄ သိန်းလောက် အထိစျေးကျဆင်းနေတဲ့အပြင် အရောင်းအဝယ်လည်းအေးသွားတယ်လို့သိရပါတယ်။ ဆန်ပွဲရုံတွေ၊ကုန်သည်တွေဘက်က ဆန်ဝယ်ယူမှု လျော့ကျလာတဲ့အပြင် သက်ဆိုင်ရာတာဝန်ရှိသူတွေကလည်း စောင့်ကြည့်နေတာကြောင့် စပါးကုန်သည်၊ဆန်စက်တွေက စပါးကိုအရင်ကထက် ၃ သိန်းကနေ ၄ သိန်းလောက်အထိစျေးချဝယ်ယူနေကြလို့ တောင်သူတွေ ဒုက္ခရောက်နေကြတယ်လို့သိရပါတယ်။ စပါးစျေးကွက် ထိုးကျဆင်းသွားတဲ့အပြင် အရောင်းအဝယ်လည်းအေးသွားတယ်လို့သိရပါတယ်။ ” သူတို့ကစောင့်ကြည့်နေတာ။ဒီတော့စပါးကိုအမြင့်စျေးနဲ့မဝယ်နိုင်ဘူး။အမြင့်စျေးဝယ်ပြီး သတ်မှတ်စျေးရောင်းရရင် ရှုံးမှာဆိုတော့ စျေးကိုချဝယ်ရတာ။ဒါတောင်ဝယ်သူသိပ်မရှိဘူး၊အဝယ်အေးတယ်။စပါးတွေက ဆန်စက်မှာပုံနေတယ်။စပါးစျေးကွက်ကလတ်တလောတော့ မတက်နိုင်ဘူး၊အခြေအနေစောင့်ကြည့်ရမယ့်သဘောရှိတယ် ” လို့ပဲခူးတိုင်း ဆန်စက်ပိုင်ရှင်တယောက်က ပြောပါတယ်။ အရင်က စပါးစျေးကွက်မှာ နွေစပါးဆိုရင် ပေါင်၅၀ ရှိတင်း တရာကို ၁၆၅၀၀၀၀ ကျပ်အထိစျေးရှိခဲ့ပေမယ့် လက်ရှိမှာက ၁၃၅၀၀၀၀ ကျပ်သာရှိကာ မိုးစပါးအဟောင်းစျေးကလည်း တင်းတရာကို အနိမ့်ဆုံး ၂၃၀၀၀၀၀ ရှိခဲ့ရာကနေ…
Read Moreဆန်စျေးကွက်ထိန်းချုပ်မှု ဆန်စျေးကမကျဘဲ စပါးစျေးထိုးကျလို့တောင်သူတွေ ဒုက္ခရောက်
