Day: September 10, 2024

မော်စကို ၊ စက်တင်ဘာ-၁၀-၂၀၂၄မျိုးဆက် (VOM)ရုရှားနိုင်ငံတဝန်းကို ယူကရိန်းက အကြီးမားဆုံး ဒရုန်းတိုက်ခိုက်မှု ပြုလုပ်ခဲ့ပြီး ဒီထဲက ၁၄၄ စင်းကို ပစ်ချခဲ့တယ်လို့ ရုရှားစစ်တပ်က ပြောပါတယ်။ယူကရိန်းရဲ့ ဒရုန်းတိုက်ခိုက်မှုကြောင့် အမျိုးသမီးတယောက်သေဆုံးကာ မော်စကိုမှာရှိတဲ့ အဆောက်အအုံတွေ မီးလောင်ပျက်စီးခဲ့ပါတယ်။ မော်စကိုရှိ လေဆိပ်လေးခုကို ပိတ်ခဲ့ရပြီး ပြည်တွင်းနဲ့ နိုင်ငံတကာလေကြောင်းခရီးစဉ် ၃၀ ကျော်ကိုလည်း ဖျက်သိမ်းခဲ့ရပါတယ်။ရုရှား လေကြောင်းရန် ကာကွယ်ရေးစနစ်က ပစ်ချခဲ့တဲ့ ယူကရိန်းဒရုန်း ၁၄၄ စင်းအနက် ထက်ဝင်လောက်က အနောက်ဘက်နယ်စပ်ဒေသ ဘရိုင်ယန်စကီ၊ အစင်း ၂၀ က မော်စကိုနဲ့ ၁၄ စင်းကတော့ ကာ့စ်ဒေသတို့မှာဖြစ်တယ်လို့ ရုရှားစစ်တပ်က ဆိုပါတယ်။မော်စကိုရှိ Ramenskoye ဒေသမှာ လူသုံးယောက်ဒဏ်ရာရခဲ့ပြီး ၄၃ ယောက်ကို ယာယီခိုလှုံရာကို ရွှေ့ပြောင်းပေထားတယ်လို့ ဒေသန္တရတာဝန်ရှိသူတွေက ပြောပါတယ်။ ယူကရိန်းကတော့ ဒီတိုက်ခိုက်မှုနဲ့ ပတ်သက်ပြီး လူသိရှင်ကြား မှတ်ချက်မပေးသေးပါဘူး။ဒီအတောအတွင်း ယူကရိန်းဘက်ကို…

ဝါရှင်တန်၊ စက်တင်ဘာ-၁၀-၂၀၂၄မျိုးဆက်(VOM)တရုတ်နဲ့ အမေရိကန်စစ်တပ် ထိပ်တန်းတာဝန်ရှိသူတွေဟာ ဒီနေ့ စက်တင်ဘာ ၁၀ က ဆွေးနွေးခဲ့တယ်လို့ တရုတ်ကာကွယ်ရေးဝန်ကြီးဌာနက ထုတ်ပြန်ပါတယ်။တောင်တရုတ်ပင်လယ်နဲ့ ဒေသတွင်းမှာ အန္တရာယ်ရှိပြီး အကျပ်ကိုင်တဲ့ နည်းလမ်းတွေ အပြုအမူတွေကို ပြန်လည်သုံးသပ်ဖို့ တရုတ်ဘက်ကို တိုက်တွန်းခဲ့တယ်လို့ အမေရိကန် တာဝန်ရှိသူတွေက ပြောပါတယ်။အမေရိကန်နဲ့ တရုတ်နိုင်ငံတို့အကြား ကုန်သွယ်ရေး၊ ထိုင်ဝမ်အရေးနဲ့ တောင်တရုတ်ပင်လယ် နယ်မြေပိုင်ဆိုင်မှုတွေနဲ့ပတ်သက်ပြီး သဘောထားကွဲလွဲနေဆဲဖြစ်ပြီး တင်းမာမှုတွေရှိနေချိန်မှာ အခုလို ဆွေးနွေးမှု ထွက်ပေါ်လာတာပါ။ထိပ်တိုက်ပဋိပက္ခတွေကို ရှောင်ရှားရေးနဲ့ တင်းမာမှုတွေလျှော့ချဖို့အတွက် စစ်ဘိုင်ဆိုင်ရာ ဆွေးနွေးပွဲတွေ ပုံမှန်ပြန်ဖြစ်ဖို့နဲ့ ဘုံစိုးရိမ်ပူပန်မှုတွေကို တားဆီးဖို့ ကြိုးပမ်းနေကြပါတယ်။ဒီနေ့မှာတော့ တရုတ်စစ်တပ်ရဲ့ တောင်ပိုင်းစစ်ဒေသအကြီးအကဲ ၀ူယန်နန်နဲ့ အမေရိကန် အင်ဒို-ပစိဖိတ်ဒေသတပ်မှူး ဆင်မျူရယ်ပါပါရိုတို့ နှစ်နိုင်ငံအရေးတွေ နက်နက်ရှိုင်းရှိုင်း ဆွေးနွေးခဲ့ကြတယ်လို့ ထုတ်ပြန်ချက်မှာ ဆိုပါတယ်။နှစ်နိုင်ငံစစ်တပ်အကြား အထင်အမြင်လွဲမှားမှုနဲ့ တွက်ချက်မှုအမှားအယွင်းများကြောင့် ပဋိပက္ခအန္တရာယ်ကို လျှော့ချရန် ဆွေးနွေးပွဲတွေ ဆက်လက်လုပ်ဆောင်ဖို့ လိုတယ်လို့ သူကတိုက်တွန်းပြောဆိုခဲ့ကြောင်း သိရပါတယ်။Ref:AFPPhoto:AP

ဟနွိုင်း၊ စက်တင်ဘာ-၁၀-၂၀၂၄ မျိုးဆက်(VOM) ဗီယက်နမ်နိုင်ငံ မြောက်ပိုင်းမှာ စူပါတိုင်ဖွန်းမုန်တိုင်း ရာဂီကြောင့် ဖူသိုပြည်နယ်ရှိ လူသုံးများတဲ့ တံတားတစင်း ကျိုးကျခဲ့ပြီး ကားနဲ့လူတွေ မြစ်ထဲ မျောပါပျောက်ဆုံးနေတယ်လို့ တာဝန်ရှိသူတွေက ပြောပါတယ်။ ကျိုးကျခဲ့တဲ့ ဖုန်ချောင်တံတားပေါ်ကနေ ကား ၁၀ စီး မြစ်ထဲကျရောက်ခဲ့ပြီး ပျောက်ဆုံးနေသူ ၁၃ ယောက်ကို ကယ်ဆယ်ရေးသမားတွေက အပူတပြင်းရှာဖွေနေကြပါတယ်။ ဗီယက်နမ်နိုင်ငံမှာ နှစ်ပေါင်း ၃၀ အတွင်း အပြင်းထန်ဆုံးလို့ သတ်မှတ်ရတဲ့ စူပါတိုင်ဖွန်းမုန်တိုင်း ရာဂီကြောင့် လူ ၈၀ ကျော်သေဆုံးပြီး ရာပေါင်းများစွာ ဒဏ်ရာရရှိခဲ့ကာ ဒေသခံ ၁ ဒသမ ၅ သန်း လျှပ်စစ်ဓါတ်အား ပြတ်တောက်ခဲ့ရတယ်လို့ တာဝန်ရှိသူတွေကပြောပါတယ်။ မုန်တိုင်းဟာ တနာရီလေတိုက်နှုန်း ၂၀၃ ကီလိုမီတာနှုန်းနဲ့ ဗီယက်နမ်နိုင်ငံကို ဝင်ရောက်တိုက်ခတ်ခဲ့တာဖြစ်ပြီး လူ ၂၄၀ ကျော်ထိ ဒဏ်ရာရရှိခဲ့ကာ ယခုနှစ်အတွင်း အာရှတိုက်ရဲ့…

Voice of Myanmarအမေရိကန်နိုင်ငံသား တီထွင်သူ Elias Howe သည် စက်ရုံနှင့် နေအိမ်များတွင် အထည်ချုပ်လုပ်ငန်းကို တော်လှန်ပြောင်းလဲမှု ဖြစ်စေခဲ့သည့် အပ်ချုပ်စက်အတွက် မူပိုင်ခွင့်ကို ၁၈၄၆ ခုနှစ် စက်တင်ဘာ ၁၀ ရက်တွင် ရရှိခဲ့သည်။