Month: November 2024

Ms(VOM)နိုဝင်ဘာ ၇၊၂၀၂၄မြန်မာ့ရိုးရာ နှစ်သစ်ကူးအတာသင်္ကြန်ပွဲတော်ဟာ ယူနက်စကိုရဲ့ကမ္ဘာ့ဒြပ်မဲ့ယဉ်ကျေးမှုအမွေအနှစ် စာရင်းပဏာမ ရွေးချယ်တဲ့အဆင့်မှာ ပါဝင်လာပြီဖြစ်ကြောင်း သိရပါတယ်။ကမ္ဘာ့နိုင်ငံအသီးသီးက တင်ပြထားကြတဲ့ အဆိုပြုစာတွဲတွေအနက် ယူနက်စကိုရဲ့ပဏာမအဆုံးအဖြတ်မှာ ကမ္ဘာ့ဒြပ်မဲ့ယဉ်ကျေးမှုအမွေအနှစ်စာရင်းအဖြစ် သတ်မှတ်တဲ့ အဆိုပြုစာတွဲတွေထဲမှာ မြန်မာ့ရိုးရာ နှစ်သစ်ကူးအတာသင်္ကြန်ပွဲတော်စာတွဲပါဝင်လျက်ရှိတာကို ယူနက်စကိုရဲ့ Website မှာ အသိပေးထုတ်ပြန်ထားတာပါ။အဆိုပါ မြန်မာတို့ရဲ့ရိုးရာ အတာသင်္ကြန်ပွဲတော် ကမ္ဘာ့အသိအမှတ်ပြု ယူနက်စကို မှတ်တမ်းဝင် အေမွအနှစ်ဖြစ် ဖို့ကို လာမယ့် ဒီဇင်ဘာလ ၂ ရက်နေ့မှ ၇ ရက်နေ့အထိပါရာဂွေးနိုင်ငံ၊ အာဆွန်စီယွန်မြို့ မှာကျင်းပပြုလုပ်မယ့်(၁၉) ကြိမ်မြောက် ဒြပ်မဲ့ယဉ်ကျေးမှုအမွေအနှစ်ညီလာခံတွင် မြန်မာနိုင်ငံမှ တင်သွင်းထားတဲ့ မြန်မာ့ရိုးရာနှစ်သစ်ကူးအတာသင်္ကြန်ပွဲတော် အဆိုပြုစာတွဲနဲ့ပတ်သက်ပြီး တရားဝင်ဆုံးဖြတ်မည်ဖြစ်ကြောင်းလည်း သိရပါတယ်။“ပဏာမ ရွေးချယ်အတည်ပြုတဲ့အထဲ မြန်မာ့ရိုးရာအတာသသင်္ကြန်ပါတာပါ။ ဒီဇင်ဘာလမှာ လုပ်မယ့်(၁၉)ကြိမ်မြောက်ကမ္ဘာ့ဒြပ်မဲ့ယဉ်ကျေးမှုအမွေအနှစ်ညီလာခံမှာမှ အတည်ပြုမှာပါ။ ယူနက်စကိုစာရင်းဝင်သွားရင်မြန်မာ့ရိုးရာအတာသသင်္ကြန်ကဘာထူးခြားသွားလဲဆိုတော့ ကမ္ဘာကအသိ အမှတ်ပြုလိုက်တာပေါ့။ဒါကြောင့်နိုင်ငံမှာရှိတဲ့ နိုင်ငံသားအားလုံးဂုဏ်သိက္ခာပိုင်ဆိုင်ရာပေါ့ ဒါကိုလည်းကမ္ဘာက အသိအမှတ်ပြုလိုက်တဲ့သဘောပါပဲ ကျွန်တော်တို့နိုင်ငံအနေနဲ့လည်းဂုဏ်သိက္ခာပိုင်းဆိုင်ရာ အသိအမှတ်ပြု ခံလိုက်ရတာပါပဲ။ နောက်ဘာတွေဆက်လုပ်ရမလဲဆိုတော့ မြန်မာ့ရိုးရာအတာသသင်္ကြန်ပွဲက အခုမှဖြစ်တဲ့ပွဲမဟုတ်ပါဘူး။ပုဂံခေတ်ထဲကအရင်စတင်ကတည်းက…

ZY(VOM) နိုဝင်ဘာ ၇၊ ၂၀၂၄ ရခိုင်ပြည်နယ်ကို ကုန်စည်တင်ပို့ရာလမ်းကြောင်း မကောင်းနိုင်သေးတဲ့အတွက် လာမယ့် ၂၀၂၅၊ ၂၀၂၆ခုနှစ် ၂နှစ်တာကာလ အတွင်း ချင်းလျှော့စိုက်ဖို့ ရှမ်းပြည်နယ်တောင်ပိုင်းဒေသက တောင်သူတွေကို ကုန်သည်တွေက တိုက်တွန်းပြောဆိုမှုတွေ ရှိနေပါတယ်။ ရှမ်းပြည်နယ်တောင်ပိုင်းဒေသမှ ထွက်ရှိတဲ့ ချင်းတွေကို အဓိကထား ဝယ်ယူနေတာက ဘင်္ဂလားဒေ့ရှ်နိုင်ငံ ဖြစ်ပြီး ချင်းတင်ပို့ရောင်းချနိုင်ဖို့ သယ်ယူပို့ဆောင်ရေးအတွက် အလွယ်ကူဆုံးနဲ့ အသက်သာဆုံးဖြစ်တဲ့ လမ်းကြောင်းက ရခိုင်၊ တောင်ကုတ်လမ်းကြောင်းဖြစ်နေတယ်လို့ ကုန်သည်တွေထံကနေ သိရပါတယ်။ အဲဒီလမ်းကြောင်းမှာ နစကတပ်ဖွဲ့နဲ့ AAတို့အကြား တိုက်ပွဲဖြစ်ပွားမှုတွေ ဆက်တိုက်ရှိနေပြီး လာမယ့် ၂နှစ်တာ ကာလအတွင်း လမ်းကြောင်းပြန်မကောင်းသေးတဲ့အတွက် ချင်းတွေကို လျှော့ချပြီး အခြားသီးနှံတွေ အစားထိုးစိုက်ပျိုးသင့်တယ်လို့ ဆိုပါတယ်။ “ရခိုင်ပြည်နယ် လမ်းကြောင်းမကောင်းနိုင်သေးတဲ့အတွက် ချင်းအရောင်းအဝယ် မကောင်းနိုင်ဘူး။ ချင်းတွေကို အဓိကဝယ်တာက ဘင်္ဂလားဒေ့ရှ်။ သယ်ယူပို့ဆောင်ရေးအတွက် အလွယ်ကူဆုံးနဲ့ အသက်သာဆုံးဖြစ်တဲ့ လမ်းကြောင်းက ရခိုင်၊တောင်ကုတ်မလား။…

နိုဝင်ဘာ ၇ – ၂ဝ၂၄ KKO(VOM) အာရှလမ်းမကြီးမှလွဲလို့ မြဝတီ-ကော့ကရိတ်လမ်းပိုင်းတွေအားလုံးကို ပြီးခဲ့တဲ့ အောက်တို ဘာလကုန်ပိုင်းမှစလို့ ပုံမှန်အတိုင်းအသုံးပြုသွားလာနိုင်ပြီဖြစ်သော်လည်း လမ်းတံတားဂိတ်ကြေးများစွာ ဒေသတွင်းလက်နက်ကိုင်အဖွဲ့ တွေကို လမ်းအသုံးပြုသူတွေက ပေးဆောင်နေရလို့ အခက်တွေ့နေရတယ်လို့ VOM က စုံစမ်းသိရှိရပါတယ်။ ဒီလမ်းပိုင်းအတွင်းမှာ ဒေသတွင်းလက်နက်ကိုင်အဖွဲ့တွေဖြစ်တဲ့ ကရင့်လက် နက်ကိုင်အဖွဲ့တွေနဲ့ PDF အဖွဲ့ တွေရဲ့ဂိတ်တွေဟာ ဂိတ်ပေါင်း ၅ဝ ကျော်အထိရှိနေတာဖြစ်တယ်လို့ ဆိုပါတယ်။ ဒါအပြင် လမ်းကြေးကောက်ခံမှုတွေကနေ တဆင့် ကရင်လက်နက်ကိုင်အဖွဲ့တွေရဲ့တလပျမ်းမျှဝင်ငွေဟာ မြန်မာကျပ်ငွေသိန်းပေါင်းလေးသောင်းဝန်းကျင်အထိရရှိနေတယ်လို့လည်း မြန်မာ့မဟာဗျူဟာနှင့် မူဝါဒလေ့လာရေးအင်စတီကျု(ISP-Myanmar)က သူတို့ရဲ့သုတေသနစာတမ်းတစ်စောင်မှာ ထုတ်ဖော်ရေးသားထားခဲ့ပါတယ်။ “အာရှလမ်းမကြီးကလွဲလို့ မြဝတီ-ကော့ကရိတ်လမ်းပိုင်းတွေ အားလုံးပုံမှန်အတိုင်းသွားလာလို့ရပါပြီ။ လမ်းတွေအားလုံးသွားလို့ရပြီ။အာရှလမ်းမကြီးကတော့အသုံးပြုလို့မရသေးဘူး။အခုသွားလို့ရတယ်ဆိုတာက တောလမ်းတွေဘက်ပါ”လို့ မြဝတီမြို့ဒေသခံ တယောက်က VOM ကို ပြောပါတယ်။ မြဝတီမြို့ဒေသခံတွေနဲ့ ကုန်တင်ယာဉ်မောင်းနှင်သူတွေရဲ့ပြောကြားမှုအရအောက်တိုဘာ လကုန်ပိုင်းမှစလို့ မြဝတီ-ကော့ကရိတ်သွားလမ်းပိုင်းတွေဖြစ်တဲ့ ယခင်လမ်းဟောင်းဒေါနတောင်တက်လမ်းအပါအဝင် ၁၀၁၈ လမ်း၊ ထို့ကော်ကိုးလမ်း၊ ကြက်ဥတောင်လမ်းပိုင်းတွေ ပြန်လည်ပြင်ဆင်ပြီးပြီဖြစ်လို့…

နိုဝင်ဘာ ၆ – ၂၀၂၄ SN (VOM) ကယားပြည်နယ်မှာ ရာဂီမုန်တိုင်းကြောင့် ရေဘေးသင့်ခဲ့ရတဲ့ ဒေသခံ သုံးသောင်းကျော်အတွက် အကူအညီတွေ လိုအပ်နေဆဲဖြစ်တယ်လို့ လူမှုကူညီရေး အဖွဲ့အစည်းတွေဆီက သိရပါတယ်။ ပြီးခဲ့တဲ့ စက်တင်ဘာလအတွင်း ဖြစ်ပေါ်ခဲ့တဲ့ ရာဂီမုန်တိုင်းကြောင့် ကယားပြည်နယ်ထဲက လွိုင်ကော်၊ ရှားတော၊ နန်းမယ်ခုံ၊ မယ်စဲ့၊ ဟိုရာ၊ ဒီးမော့ဆို အပါအဝင် မြို့နယ် စုစုပေါင်း ၁၀ မြို့နယ်လောက်မှာ ရေကြီးရေလျှံတာ၊ မြေပြိုတာတွေ ကြုံခဲ့ရပြီး အချိန် နှစ်လကျော်ကြာလာတဲ့အထိ လုံလောက်တဲ့အကူအညီတွေ မရရှိသေးဘူးလို့ သိရပါတယ်။ “တချို့မြို့နယ်က ရပ်ကွက်တွေဆို ရေလုံးဝ ပြန်မကျသေးတာတွေရှိတယ်။ ခုထိ ရေဘေးရှောင်စခန်းမှာ နေနေရတုန်း။ ရေကလည်း ရေသေကြီးလိုဖြစ်ပြီး ကျန်ခဲ့တာ။ မော်တာနဲ့ စုပ်ထုတ်မှ ရမယ်ထင်တယ်။ ရေတွေကလည်း အတော့်ကိုညစ်ပတ်နေပြီ။ ပြန်လည်ထူထောင်ရေးအတွက် အကူအညီ၊ အထောက်အပံ့တွေ အများကြီး လိုအပ်နေသေးတယ်။…