Year: 2024

  တိုကျို၊ ဩဂုတ်-၁၄-၂၀၂၄ မျိုးဆက်(VOM) ဂျပန်နိုင်ငံ လက်ရှိအာဏာရ လစ်ဘရယ်ဒီမိုကရက်တစ်ပါတီရဲ့ ခေါင်းဆောင်အဖြစ် ပြန်လည်ရွေးချယ်ခံတော့မှာ မဟုတ်ကြောင်း ဝန်ကြီးချုပ် ကီရှီဒါက ဒီနေ့ ဩဂုတ် ၁၄ ရက်မှာ ထုတ်ပြန်ကြေညာလိုက်တာကြောင့် ဂျပန်ဝန်ကြီးချုပ် အပြောင်းအလဲကို မြင်တွေ့ရတော့မှာ ဖြစ်ပါတယ်။ “ လစ်ဘရယ်ဒီမိုကရက်တစ်ပါတီ ပြောင်းလဲလာမယ်ဆိုတာ ပြည်သူတွေကို ပြသဖို့လိုအပ်တယ် ”လို့ သတင်းစာရှင်းလင်းပွဲမှာ ကီရှီဒါက ပြောပါတယ်။ ဝန်ကြီးချုပ်ရဲ့ ကြေညာချက်အပေါ် ပါတီခေါင်းဆောင်တွေလည်း အံ့ဩခဲ့ကြပါတယ်။ အချို့ကတော့ လာမယ့် ၂၀၂၅ ခုနှစ်ရွေးကောက်ပွဲမှာ ပါတီကို အနိုင်ရအောင် ကီရှီဒါ စွမ်းဆောင်နိုင်မလားဆိုတဲ့အပေါ် ယခင်ကတည်းက ဝေဖန်မှုတွေ ရှိနေခဲ့ပါတယ်။ အသက် ၆၇ နှစ်အရွယ် ဝန်ကြီးချုပ်ကီရှီဒါဟာ ပါတီက စက်တင်ဘာလအတွင်း ခေါင်းဆောင်သစ်တယောက် ရွေးချယ်ပြီးနောက် ရာထူးကနေ နုတ်ထွက်ဖို့ရှိနေပါတယ်။၂၀၂၁ ခုနှစ်မှာ ဝန်ကြီးချုပ်ဖြစ်ခဲ့တဲ့ ကီရှီဒါအပေါ် လူထုထောက်ခံမှုဟာ ပါတီတွင်း…

  မော်စကို၊ ဩဂုတ်-၁၄-၂၀၂၄ မျိုးဆက်(VOM) ရုရှားနိုင်ငံထဲကို ယူကရိန်းတပ်တွေ ထိုးဖောက်ဝင်ရောက်တို်ကခိုက်နေတာ ဒုတိယသီတင်းပတ်ကို ရောက်ရှိလာပြီး ရုရှားရဲ့ ဘယ်လ်ဂိုရော့ဒေသမှာ အရေးပေါ်အခြေအနေ ကြေညာလိုက်ပါတယ်။ ယူကရိန်းတပ်တွေရဲ့ နေ့စဉ်ပစ်ခတ်တိုက်ခို်ကမှုတွေကြောင့် ဒေသတွင်းမှာ နေအိမ်တွေပျက်စီးပြီး အရပ်သားတွေ သေဆုံးနေရတယ်လို့ အုပ်ချုပ်ရေးမှူးဖြစ်သူ Vyacheslav Gladkov က ပြောပါတယ်။ ကာ့ခ်ဒေသကို ယူကရိန်းတပ်တွေ ဝင်ရောက်တိုက်ခိုက်ပြီးနောက် ဒါဟာ အရေးပေါ်အခြေအနေ ကြေညာလိုက်ရတဲ့ ဒုတိမြောက်ဒေသဖြစ်ပါတယ်။ ယူကရိန်းကတော့ ရုရှားနိုင်ငံထဲက မြို့နဲ့ရွာပေါင်း ၇၄ ခုကို ထိန်းချုပ်ထားတယ်လို့ ဆိုပါတယ်။ ရုရှားပိုင်နက်ထဲကို ယူကရိန်းတပ်တွေရဲ့ နယ်စပ်ဖြတ်ကျော်တိုက်ခို်ကမှုဟာ ဩဂုတ် ၆ ရက်က စတင်ခဲ့တာဖြစ်ပြီး ယူကရိန်းစစ်ပွဲစတင်ပြီးနောက်ပိုင်း ရုရှားနိုင်ငံထဲကို အနက်ရှိုင်းဆုံး ထိုးဖောက်ဝင်ရောက်မှုလို့ ဆိုရမှာဖြစ်ပါတယ်။ ရုရှားသမ္မတပူတင်ကတော့ ယူကရိန်းရဲ့ လုပ်ရပ်ဟာ ရုရှားပြည်သူတွေအပေါ် ရာဇဝတ်မှုတွေ ကျူးလွန်နေတာလို့ စွပ်စွဲထားပြီး ထိုက်တန်တဲ့ တုံ့ပြန်မှုနဲ့ ရင်ဆိုင်ရမယ်လို့…

  ဘန်ကောက်၊ ဩဂုတ်-၁၄-၂၀၂၄ မျိုးဆက်(VOM) ထိုင်းဝန်ကြီးချုပ် ဆရက်သာ သာဗီဆင်ကို ထိုင်းဖွဲ့စည်းပုံအခြေခံဥပဒေ တရားရုံးက ဒီနေ့ ဩဂုတ် ၁၄ ရက်မှာ ရာထူးကနေ ဖယ်ရှားဖို့ ဆုံးဖြတ်လိုက်ပါတယ်။ ဝန်ကြီးချုပ်ဟာ သူ့ရဲ့ အစိုးရအဖွဲ့ထဲမှာ လာဘ်ပေးလာဘ်ယူမှုနဲ့ ထောင်ကျခဲ့ဖူးတဲ့ ရှေ့နေဟောင်းတယောက်ကို ဝန်ကြီးခန့်အပ်တဲ့ ကိစ္စနဲ့ပတ်သက်ပြီး ကျင့်ဝတ်စံနှုန်းတွေနဲ့ မကိုက်ညီသူတယောက်ကို အစိုးရအဖွဲ့မှာ ဝန်ကြီးခန့်လိုက်တာဟာ ဖွဲ့စည်းပုံအခြေခံဥပဒေကို ချိုးဖောက်တာလို့ တရားရုံးက ဆိုပါတယ်။ အခုလို အမိန့်ချလိုက်တာကြောင့် အိမ်ခြံမြေသူဌေးကြီး ဆရက်သာဟာ ၁၆ နှစ်တာကာလအတွင်း ထုတ်ပယ်ခံလိုက်ရတဲ့ လေးယောက်မြောက် ထိုင်းဝန်ကြီးချုပ်ဖြစ်လာပါတယ်။ လက်ရှိမှာတော့ ဝန်ကြီးချုပ်သစ်ရွေးချယ်ဖို့ ပါလီမန်အစည်းအဝေး ခေါ်ရတော့မှာဖြစ်ပါတယ်။ ဒါဟာ မကြာသေးမီနှစ်များအတွင်း အာဏာသိမ်းမှုနဲ့ ကြုံတွေ့ခဲ့ရပြီး နိုင်ငံရေးမတည်မငြိမ်မှုတွေနဲ့ ဖြတ်သန်းခဲ့ရတဲ့ ထိုင်းနိုင်ငံအတွက် နောက်ထပ် နိုင်ငံမရေရာမှုတွေ ဖြစ်ပေါ်စေနိုင်တယ်လို့ အကဲခတ်တွေက သုံးသပ်ပါတယ်။ ပြီးခဲ့တဲ့ ရွေးကောက်ပွဲမှာ အများဆုံးအနိုင်ရရှိခဲ့ပြီး…

  Voice of Myanmar ကျူးဘားကို အနောက်ကမ္ဘာခြမ်း၏ ပထမဆုံးသော ကွန်မြူနစ်နိုင်ငံအဖြစ် သွတ်သွင်းခဲ့သော ကျူးဘားခေါင်းဆောင် ဖီဒယ်လ်ကက်စထရိုကို ၁၉၂၆ ခုနှစ် ဩဂုတ် ၁၃ ရက်တွင် မွေးဖွားခဲ့သည်။ #Voiceofmyanmar #VOM #ThisDayInHistory #August13

  ကိဗ်ယက်၊ ဩဂုတ်-၁၃-၂၀၂၄ မျိုးဆက်(VOM) ယူကရိန်းစစ်ပွဲ နှစ်နှစ်ခွဲကျော်ကြာကာလအတွင်း အကြီးမားဆုံး နယ်စပ်ဖြတ်ကျော်တိုက်ခိုက်မှုအဖြစ် ရုရှားနိုင်ငံထဲက နယ်မြေ ၁၀၀၀ စတုရန်းကီလိုမီတာကို ထိန်းချုပ်ထားနိုင်ပြီလို့ ယူကရိန်း ထိပ်တန်းတပ်မှူးက အတည်ပြုပြောဆိုပါတယ်။ ရုရှားနိုင်ငံ ကာ့စ်ခ်ဒေသမှာ ထိုးစစ်ဆင်တိုက်ခို်ကမှု ခုနှစ်ရက်မြောက်ရှိလာပြီး စစ်ဆင်ရေးကို ဆက်လက်လုပ်ဆောင်သွားမယ်လို့ ယူကရိန်းတပ်မှူး အိုလက်ဆန်ဒါဆီရာစကီးက ပြောပါတယ်။ ယူကရိန်းသမ္မတဇီလန်စကီးကလည်း ရုရှားနိုင်ငံထဲကို နယ်စပ်ဖြတ်ကျော်ထိုးစစ်ဆင်မှုကို အတည်ပြုထားပြီး ရုရှားဟာ တခြားနိုင်ငံထဲကိုယူလာတဲ့စစ် သူ့နိုင်ငံထဲ ပြန်ရောက်တော့မယ်လို့ ထုတ်ဖော်ပြောဆိုပါတယ်။ ဒီအတောအတွင်း ယူကရိန်းတပ်တွေလက်အောက်ကျရောက်ခဲ့တဲ့ ရုရှားဒေသရှိ ကျေးရွာ ၂၈ ရွာမှာ အရပ်သား ၁၂ ယောက်သေဆုံးခဲ့ပြီး အခြေအနေဆိုးရွားနေကြောင်း ရုရှား ဒေသဆိုင်ရာ တာဝန်ရှိသူတွေက ပြောပါတယ်။ ယူကရိန်းတပ်တွေရဲ့ တို်ကခိုက်မှုကြောင့် ရုရှားအနောက်ပိုင်းနယ်စပ်က ဒေသခံအများအပြားကို ဘေးလွတ်ရာကို ရွှေ့ပြောင်းပေးခဲ့ရပြီး နောက်ထပ် ဒေသခံခြောက်သောင်းနီးပါးကိုလည်း ထွက်ခွာဖို့ အမိန့်ထုတ်ထားပါတယ်။ ယူကရိန်းတပ်တွေဟာ ရုရှားနိုင်ငံထဲကို…