Day: February 24, 2025

ဖေဖော်ဝါရီ ၂၄ -၂၀၂၅ GG (VOM) ပဲခူးတိုင်းအနောက်ခြမ်း၊ ပြည်ခရိုင်၊ပေါက်ခေါင်းမြို့နယ် ၊ ပြည် – ပေါက်ခေါင်းလမ်းပိုင်းမှာ ဖြစ်ပွားခဲ့တဲ့ တိုက်ပွဲကြောင့် နေရပ်စွန်ခွာထွက်ပြေးတိမ်းရှောင်နေရသူ ၁၀၀၀၀ ကျော်လောက်အထိရှိနေတယ်လို့ သိရပါတယ်။ တိုက်ပွဲဖြစ်ပွားပြီးနောက် ဖေဖော်ဝါရီ ၁၉ ရက်နေ့ကစလို့ ပြည် – ပေါက်ခေါင်းလမ်းပိုင်းက အိုင်စောက်၊ သဖန်းကိုင်း၊ သစ်ရောင်းပြန်၊ ကြို့ပင်ဝိုင်း၊ရွှေကူ၊သပြေတန်း ၊ ကုန်းတန်း၊ကျောင်းကုန်း ၊ လွှစင်ကုန်း၊ ရွာမ၊ ငှက်ပျောတော၊ကွမ်းအုံစု ရွာတွေက ဒေသခံတွေဟာ နေအိမ်ကနေတိမ်းရှောင်နေကြရတာဖြစ်တယ်လို့သိရပါတယ်။ ဖေဖော်ဝါရီ ၁၉ ရက်နေ့ညပိုင်းမှာ စက်တပ်လေထီးနဲ့ဗုံးကြဲ ခံခဲ့ရတဲ့အပြင် အဲဒီနောက်မှာလည်း လက်နက်ကြီးပစ်ခတ်မှုတွေရှိတာကြောင့် ရွာလုံးကျွတ်စစ်ဘေးရှောင်နေကြတာဖြစ်တယ်လို့သိရပါတယ်။ “ရွာမှာ ဘယ်သူမှကိုမရှိတော့ဘူး ။ကျွန်တော်တို့မိသားစုလည်း ပြေးလာတာ ပဲ။အိမ်မှာ ဆန်စားဖို့ဆိုပြီး ကြိတ်ခွဲထားတဲ့ဆန်သုံးအိပ်နဲ့ စပါးလေးတွေရှိတော့နှမြောနေတာ။ပြန်ယူဖို့လည်း မယူရဲဘူးဖြစ်နေတာ။ခုထိနယ်မြေက မအေးသေးဘူး။အစစ်ဆေးလည်းကြမ်းနေတုန်းပဲ။အရင်ရက်ကဗုဲးကြဲတော့ ရွာနီးချင်းစပ်ကရွာတွေအကုန်ပြေးရတာပဲ။မပြန်ရဲကြသေးဘူး။”လို့ ကြို့ပင်ဝိုင်းရွာဒေသခံကပြောပါတယ်။ စစ်ဘေးရှောင်ပြည်သူတွေဟာ နီးစပ်ရာ ကျေးရွာတွေနဲ့…

ဖေဖော်ဝါရီ ၂၄ – ၂၀၂၅ SS (VOM) ရခိုင်ပြည်နယ်ရှိ စစ်တွေနဲ့ ကျောက်ဖြူမြို့နယ်မှာ နစကတပ်နဲ့ AA တပ်တွေကြား အခုရက်ပိုင်းအတွင်း စစ်ရေးအခြေအနေ တင်းမာလာနေတယ်လို့ ဒေသခံတွေက ပြောပါတယ်။ AA က ဝိုင်းရံပိတ်ဆို့ထားတဲ့ ရခိုင်ပြည် မြောက်ပိုင်းရှိ နစကရဲ့ နောက်ဆုံးလက်ကျန် စစ်တွေမြို့နယ်မှာ ပြီးခဲ့တဲ့ ဇန်နဝါရီ လဆန်းပိုင်းကစပြီး နှစ်ဖက် အပြန်အလှန် ပစ်ခတ်မှုတွေ ရှိနေခဲ့ရာက အခု ရက်ပိုင်းအတွင်း တိုက်ပွဲ ပိုမို ဖြစ်ပွားလာတာဖြစ်တယ်လို့ သိရပါတယ်။ လက်ရှိမှာ AA က စစ်တွေရှိ နစကတပ်ရင်းတွေကို ပုဏ္ဏားကျွန်း၊ ပေါက်တောနဲ့ ရသေ့တောင်ဘက်ကနေ ပစ်ခတ် တိုက်ခိုက်နေပြီး နစကဘက်ကလည်း ပြန်လည် ပစ်ခတ်မှုတွေ ရှိနေတယ်လို့ ဒေသခံတယောက်က ပြောပါတယ်။ “နစကဘက်ကလည်း လက်နက်ကြီးရော၊ လေကြောင်း တိုက်ခိုက်မှုတွေနဲ့ရော ပြန်ပြီး ခုခံနေတာ။…

ဖေဖော်၀ါရီ ၊ ၂၃၊ ၂၀၂၅ KH (VOM) စစ်ကိုင်းတိုင်း ၊ ကလေးမြို့နယ် နဲ့ ဂန့်ဂေါမြို့နယ်ကြားမှာ ရှိတဲ့ ကျေးရွာတွေဟာ အခု ရက်ပိုင်းအတွင်းလေကြောင်း တိုက်ခိုက်ခံရမှုတွေ များပြားလာပြီး ၊ လေကြောင်းရန်ကနေ ကင်း​ေ၀းဖို့ ဘေးလွတ်ရာကို ထွက်ပြေးတိမ်းရှောင်နေရတယ်လို့ ကလေးမြို့နယ် တောင်ပိုင်းမှာ နေထိုင်ကြတဲ့သူတွေဆီက သိရပါတယ်။ ” လေယာဥ်က နေ့ရော ညပါ ပျံသန်းနေတယ် ၊ နောက်ပြီး သူတို့သတင်းရတဲ့ နေရာ ပစ်မှတ်တွေပေါ်ကို ဗုံးကျဲချတယ် ၊ အခုတလော အဲ့ဒီလို ဗုံးကျဲချခံရတာ ရွာပေါင်း ဆယ်လေးငါးရွာထက်မနည်း ရှိနေပြီဖြစ်တယ် ” လို့ ကလေးမြို့နယ် တောင်ပိုင်း တင်သားကျေးရွာမှာ နေထိုင်တဲ့ ဒေသခံ တယောက်က ပြောပါတယ် ။ အဲ့ဒီလို လေကြောင်း တိုက်ခိုက်ခံရတဲ့ ရွာတွေကတော့ နတ်ချောင်း ၊…

ဖေဖော်ဝါရီ ၂၃၊ ၂၀၂၅’ ZY(VOM) “ဝ” ပြည်သွေးစည်း ညီညွတ်ရေး တပ်မတော် – UWSA ထိန်းချုပ်ဒေသဖြစ်တဲ့ ရှမ်းပြည်နယ်မြောက်ပိုင်း၊ ဟိုပန်ခရိုင်၊ ဟိုပန်မြို့က ကျားဖြန့် လုပ်ငန်းတခုကို UWSAမှ ဖေဖော်ဝါရီလ ၂၁ရက်က ဝင်ရောက်စီးနင်းခဲ့ရာ ကျားဖျန့်လုပ်ကိုင်သူ ၁၀၅ဦး ဖမ်းဆီးရမိခဲ့တယ်လို့ ဒေသတွင်းသတင်းရင်းမြစ်တွေထံကနေ သိရပါတယ်။ ဟိုပန်မြို့၊ မိန်းပန်း(ရှမ်း) ရပ်ကွက်ထဲရှိ ကျားဖြန့် လုပ်ငန်းတခုကို သတင်းပေးပို့လာချက်အရ ဖေဖော်ဝါရီလ ၂၁ရက်၊ မနက်အစောပိုင်းက ဝင်ရောက်စီးနင်းခဲ့တာဖြစ်ပြီး ကျားဖြန့်လုပ်ကိုင်သူ ၁၀၅ဦးနဲ့အတူ စက်ပစ္စည်းတွေကို ဖမ်းဆီးရမိခဲ့တာဖြစ်တယ်လို့ သိရပါတယ်။ “ည ၁၂ကျော်၊ တစ်နာရီဝန်းကျင်မှာ ဝင်ဖမ်းတာ။ ဖမ်းခံရတဲ့သူတွေအများစုက လူငယ်တွေများတယ်။ မိန်းကလေးတွေလည်း ၂၀ကျော်ပါတယ်။ တချို့ကိုတော့ ပိုက်ဆံနဲ့ညှိပြီး ပြန်လွှတ်ပေးလိုက်တာ။ သတင်းပေးလာလို့ ဝင်ဖမ်းတာ ပြောတယ်”လို့ သတင်းရင်းမြစ်တယောက်က VOMကို ပြောပါတယ်။ အဲဒီလုပ်ငန်းကို အဓိကဦးဆောင်လုပ်ကိုင်သူမှာ တရုတ်အမျိုးသားဖြစ်ပြီး…

ဖေဖော်ဝါရီ ၂၃၊ ၂၀၂၅ ZY(VOM) ရှမ်းပြည်နယ်မြောက်ပိုင်း ၊ မန်တုံမြို့နယ်အတွင်းရှိ KIA ဂိတ်စခန်း သုံးခုနဲ့ တိုက်နယ်ရုံးတစ်ခုရှိ TNLA တပ်ဖွဲ့တွေက ဒီကနေ့ ဖေဖော်ဝရီလ ၂၃ရက်၊ မနက်အစောပိုင်းအချိန်က ဝင်ရောက်စီးနင်းကာ လက်နက်ခဲယမ်းတွေသိမ်းယူပြီး တပ်ဖွဲ့ဝင်‌တွေကို ရိုက်နှက်ဖမ်းဆီးသွားတယ်လို့ ဒေသတွင်းသတင်းရင်းမြစ်တွေထံကနေ သိရပါတယ်။ KIA တပ်မဟာ ၄၊ လက်အောက်ခံ တပ်ရင်း (၃၄)အောက်မှာရှိတဲ့ KIAစစ်တပ်ရဲ့ လောက်ကျယ်ဂိတ်၊ ရော်ကျိန်းဂိတ်၊ မန်ဖန်ဂိတ်နဲ့ မန်မောက်ရွာက မန်ပွန်းတိုက်နယ်ရုံးတို့ကို TNLA တပ်ဖွဲ့တွေက ဝင်ရောက်စီးနင်းကာ KIA အရာရှိတွေနဲ့ တပ်သားတွေကို ဖမ်းဆီးသွားတာ ဖြစ်တယ်လို့ သိရပါတယ်။ “မနက်အစောက ဖြစ်သွားတာ၊ အော်ဟစ်ဆဲဆိုသံတွေတော့ ကြားတယ်။ သေနတ်သံတွေတော့ မကြားရဘူး။ ဘာကြောင့်ဖြစ်တာလဲဆိုတာလည်း မသိရသေးဘူး။ ဒီလိုဖြစ်စဉ်တွေ၊ နယ်မြေကိစ္စအငြင်းပွားတာတွေ ခဏခဏဖြစ်နေတော့ တိုက်ပွဲဖြစ်လာမှာ ကြောက်နေရတယ်”လို့ သတင်းရင်းမြစ်တယောက်က VOMကို ပြောပါတယ်။…