မေ ၁၅ – ၂၀၂၃ GG (VOM) မိုခါ မုန်တိုင်းကြောင့် မကွေးတိုင်း၊ ဆင်ဖြူကျွန်းမှာ ရုတ်တရက်ရေကြီးရေလျှံမှုဖြစ်ပြီး သား အမိနှစ်ယောက်ရေစီးနဲ့အတူမျှောပါက အမေဖြစ်သူသေဆုံးပြီး သမီးဖြစ်သူကတော့ ပျောက်ဆုံးနေဆဲဖြစ်တယ်လို့ မိသားစုဝင်တွေဆီကသိရပါတယ်။ ရေစီးနဲ့အတူ မျောပါခဲ့သူတွေကတော့ ဆင်ဖြူကျွန်းမြို့ပေါ်၊ ပြည်စိုးကုန်းမှာနေထိုင်တဲ့ အသက် ၇၀ အရွယ် ဒေါ်အေးသန်း ဆိုသူနဲ့ အသက် ၄၀ ဝန်းကျင်အရွယ် သမီးဖြစ်သူ ဒေါ်ယဉ်မင်းစိုးဆိုသူတို့ဖြစ်တယ်လို့သိရပါတယ်။ ” အဲ့ဒီနားက ဘုန်းကြီးကျောင်းကပြောတာတော့ ရေကတအား တက်လာတော့ သားအမိတွေ ပစ္စည်းတွေရွှေကြ သယ်ကြရင်းနဲ့ ရေစီးနဲ့မျှောသွားတယ်။သူတို့ကသားအမိနှစ်ယောက်ထဲနေတာ၊သားကလည်းအဝေးမှာအလုပ်လုပ်နေတာ။အမေက နဲ့သမီးက လက်ချင်း ချိတ်ထားရင်းကို မျှောသွားတာကိုလည်း မြင်လို့ ကယ်ကြပေမယ့် ရေစီးတ အားသန်တော့ မမှီလိုက်ကြဘူး။သူတို့တွေကလည်း အော်ကြပေမယ့် မကယ်လိုက် နိုင်ဘူးပေါ “လို့ မိသားစုဝင်တစ်ဦးကပြောပါတယ်။ မနေ့ မေလ ၁၄ ရက်နေ့ ဆင်ဖြူကျွန်းမှာ ဖြစ်ပွားခဲ့တဲ့…
Read Moreဆင်ဖြူကျွန်း ရေကြီးမှုမှာ သားအမိနှစ်ယောက် ရေစီးနဲ့မျောပြီး အမေ သေဆုံး၊သမီးဖြစ်သူပျောက်ဆုံးနေဆဲ
