Category: လူထုအသံ

သတင်းမှားတခုကို အများသိ​စေရန် VOMသို့ ​ပေးစာ​ဆိုပြီး VOM အယ်ဒီတာအဖွဲ့ထံ​ရောက်ရှိလာတာကို စိစစ်ပြီး ပြန်လည်တင်ပြ​ပေးလိုက်ပါတယ်။ ရှမ်းပြည်နယ်၊ မြောက်ပိုင်း၊ မူဆယ်မြို့၌ မူးယစ်ဆေးဝါးလက်လီလက်ကား အရောင်းဆိုင်(၃၃)ဆိုင်ကို မူဆယ်ခရိုင်ရဲတပ်ဖွဲ့က တရားဝင် ရောင်းချခွင့်ပြုသည်ဟု ပြည်ပသတင်းဌာနတခုက ​ဖေ​ဖော်ဝါရီ ၁၀ရက် ရက်စွဲနဲ့ ရေးသားဖော်ပြခဲ့တာ​တွေ့ရပါတယ်။ အဲဒီသတင်းနဲ့ ပတ်သက်ပြီး ရဲတပ်ဖွဲ့အ​နေနဲ့ ကွင်းဆင်းစစ်​ဆေး​ဆောင်ရွက်ခဲ့ရာမှာ သတင်း​ဖော်ပြချက်ဟာ လုံးဝ မှားယွင်း​ကြောင်းနဲ့ မြန်မာနိုင်ငံရဲတပ်ဖွဲ့ကို သိက္ခာကျ​အောင် ဖန်တီး​ရေးသားတယ်လို့ ​ကောက်ချက်ချမိပါတယ်။ တရားမဝင်သတင်းဌာနများက ယခုလို မဟုတ်မမှန်သတင်းများကို (မဖော်ပြမှီ)၂၀၂၅၊ ဒီဇင်ဘာ(၁)ရက်မှ (၁၅)ရက်နေ့ထိ မူဆယ်မြို့ ပြည်ထောင်စုလမ်းမကြီးပေါ်ရှိ လူစည်ကားရာနေရာများ၊ ယာဥ်ရပ်နားကွင်းများ၊ လက်ဖက်ရည်ဆိုင်များ၊ စားသောက်ဆိုင်​တွေနဲ့ မြို့ပေါ်ရပ်ကွက်ကျေးရွာ​တွေမှာ မူဆယ်ခရိုင်ရဲတပ်ဖွဲ့မှူး ဦးဆာင်ပြီး ရဲတပ်ဖွဲ့အသီးသီးက မိမိတို့ အနီးဝန်းကျင်တွင် စိတ်ကြွရူးသွပ်မူးယစ်ဆေးဝါးအရောင်းဆိုင်များ ရှိလျှင် သို့မဟုတ် (ယခင်)က ရှိခဲ့ဖူးလျှင် သတင်းပေးရန်၊ သတင်းပေးခြင်းနှင့်စပ်လျဥ်း၍ သတင်းပေးသူကို လျှိုဝှက်ထားပြီး ဆုကြေးငွေကို…

ပင်းတယမှာ နှစ်လုံး သုံးလုံးဒိုင်​တွေ တရားဝင်စီးပွား​ရေးလိုလုပ်​နေ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ရှမ်းရပ်ကွက်တွင် ၂ လုံး ၃လုံးအား လိုင်းကြေးပေး၍ အကြီးအကျယ်ပေါ်တင်ပြုလုပ်နေပါတယ်။ သက်ဆိုင်ရာက အရေးယူဆောင်ရွက်ခြင်းမရှိပါဘူး တရားဥပဒေမစိုးမိုးဘဲ ညောင်ရွှေမှ ဦးဘုန်းကြွယ်(ခ)ကိုငယ်မှ ရဲ၊ ​မြို့နယ်ထွေအုပ် ၊ ဒေသဦးစီးအဖွဲ့များအား လိုင်းကြေးအသီးသီးပေး၍ ရောင်းချနေပါကြောင်း ဓာတ်ပုံမှတ်တမ်းများဖြင့် ​ပေးပို့ပါသည်။ ဒေသ အုပ်ချုပ်​ရေးအဖွဲ့ကလည်း လောင်းကစားများ၊ သစ်လမ်းကြောင်းများ၊ ကုန်သွယ်မှုလမ်းကြောင်းများ တရားဝင်သဖွယ်ခွင့်ပြုထားပါကြောင်း လုပ်ကိုင်​နေသူ​တွေဆီက သိရပါသည်။ ထိုကိစ္စ​တွေ​ကြောင့် ​ဒေသခံ​တွေပါ အလုပ်လက်​ကြောတင်း​အောင် မလုပ်ချင်​တော့ဘဲ ​လောင်းကစားပဲ အားစိုက်လုပ်​နေလို့ ဘဝ​တွေပျက်သူပျက်၊ ခိုးဆိုးလု​တွေတိုး​နေပါသည်။ ထို့​ကြောင့် သက်ဆိုင်ရာမှ အ​ရေးယူ​ပေးနိုင်ပါရန် VOM မှတဆင့် တင်ပြပါသည်။ ပင်းတယသား ပုံ ချဲစာရင်း ​ငွေစာရင်းလုပ်​နေပုံ

ကျွန်တော်တို့ ဆိုင်းတောင် ဝှေခါနဲ့အခြားမှော်တွေမှာ KIA မှ အတင်းအဓမ္မလူသစ်စုဆောင်းရေးအလွန်အကြူးဆွဲနေပါတယ် သတင်းဌာနအများစုက စစ်ကော်မရှင်ဖမ်းသည်ဟုဆိုသော်ငြားလည်း မြေပြင်မှာမဟုတ်ပါ ပြည်သူအများစုမှာကြောက်ရွံနေသော်လည်း ကျွန်တော်တို့မပြောရဲပါဘူး အမည်မသိလက်နက်ကိုင်ကလူတွေသတ်သွားတယ်ဆိုပြီးအသတ်ခံရသူမှာလည်းလူနှစ်ဆယ်ကျော်ရှိပါပြီ။ တရုတ်ဘုံကျောင်းက ၈တန်းအရွယ်ကလေးကိုလည်း ဖမ်းဆီးခေါ်ဆောင်သွားပါတယ် ငွေကျပ်သိန်း(၃၀) ပေးမှပြန်လွှတ်ပေးပါတယ် သက်သေလည်းရှိပါတယ်ဗျ သို့သော် အသက်အန္တရာယ်စိုးရိမ်စရာရှိတာကြောင့် ကျောင်းသားမိဘကထုတ်ပြောမှာမဟုတ်ပါဘူး အလုပ်ခွင်ထဲမှာ အလုပ်လုပ်နေသည်ဖြစ်စေ အိမ်မှာနေသည်ဖြစ်စေ လမ်းပေါ်တွင်ဖြစ်စေ ကျွန်တော်တို့ဘ၀တွေကလုံခြုံမှုမရှိတော့ပါဘူး အချို့သောနီးစပ်ရာလူတွေကတော့ ကြိုရှောင်သွားကြပါတယ် ငွေပေးရင်ပြန်လွှတ်််တယ် အခြေခံလူတန်းစားအများစုက ပါသွားရင် မိဘတွေဆွေမျိုးတွေက ငိုနေရုံကလွဲလို့ဘာမှမတတ်နိုင်တဲ့အတွက် ဒီဘက်ကပြည်သူတွေရဲ့ဘ၀ ကို ဖော်ပြပေးရန်အနူးအညွတ်တောင်းဆိုပါတယ်ဗျာ။ ဆိုင်း​တောင်​ဒေသခံ

နေပြည်တော် လယ်ဝေးမြို့နယ်အတွင်းရှိ တရားမဝင်ကျွန်းသစ်အရောင်းဝယ်ပြုလုပ်နေခြင်းနှင့် အဆိုပါတရားမဝင်ကျွန်းသစ်ဖြင့် ပြုလုပ်နေသော လယ်ဝေးမြို့ပေါ် ပရိဘောဂ ဆိုင်များနှင့် ပျဉ်းမနားမြို့ပေါ် ပရိဘောဂ ဆိုင်များအား နေပြည်တော်သစ်တောဦးစီးဌာနမှ အရေးယူခြင်းမရှိခြင်း။ (၁) လယ်ဝေးမြို့နယ် တောင်ဖီလာ၊အောင်နန်းချို ၊ ဘိလပ်မြေစက်ရုံ(max) ၊ အေးရှားဝေါကျောက်ခွဲစက်များ အနီးရှိကျွနိးသစ်များကို ဆိုင်ကယ်ဖြင့် သယ်ဆောင်ပြီး ရန်ကုန်-မန်းလေး လမ်းဟောင်းအတိုင်း မောင်းလာပြီး သာဝတ္တိလမ်းဆုံ (119 ဆီဆိုင်)အတိုင်း ဆိုင်ကယ်များဖြင့် မောင်းလာပြီး ဂူသပိတ်၊ သာစည် ၊ကြက်သွန်ခင်း ကျေးရွာများသို သွားရောက်ကာ ပွဲစားများထံ သွားရောက်ပြီး နေ့စဉ် မနက်အစော (သို့) ညပိုင်းတွင် တရားမဝင်ကျွန်းသစ်များ အရောင်းဝယ်နေ့စဉ် ပြုလုပ်နေကြပါသည်။ (၂) ရန်ကုန်- မန်းလေး အမြန်လမ်း ၁၉၃ မှ ဂုံးကျော်အောက်မှ တရားမဝင် ကျွန်းသစ်များ ကို ကား၊ဆိုင်ကယ်များဖြင့် အင်ပြင်သာ ဂိတ်အား လိုင်ကြေးပေးပြီး နေပြည်တော်…

ပြည်သူအသံကဏ္ဍ ရှမ်းပြည်နယ်အရှေ့ပိုင်း တာချီလိတ်မြို့နယ် မိုင်းကိုးကျေးရွာအုပ်စု ၊ ပန်ဟတ်ကျေးရွာ ရှိ အထက မိုင်းကိုး ကျောင်းအုပ်ကြီးဒေါ်လှလှမိုးသည် ပညာရေးဋ္ဌာနမှခွင့်ပြုထားခြင်းမရှိသော ငွေကြေးကောက်ခံမှုကို ရေကြေးမီးကြေးဟုခေါင်းစဥ်တပ်ကာ ကျောင်းသားကျောင်းသူ ၈၀၀ ကျော်ထံမှ တစ်ဦးလျှင် ၁၀ ဘတ် ( မြန်မာငွေ ၁၃၀၀ ကျပ် ) ကို လစဥ်ကောက်ခံနေပါသည်။ ရေစက်ပျက်လျှင်လည်း ကလေးများထံကောက်ခံပြီးဝယ်ပါသည်။ ကလေးများထံမှငွေကြေးများလစဥ်ကောက်ခံနေသော်လည်း ကျားသုံးအိမ်သာများမှာ သုံး၍မရအောင်စုတ်ပြတ်နေပြီး ပြုပြင်ခြင်းမရှိပဲ ကလေးများ၏ကျန်းမာရေးနှင့် အရှက်တရားကိုလျစ်လျူရှုထားပြီး ၄င်းငွေရရှိရေးကိုသာရှေးရှုဆောင်ရွက်နေပါသည်။ ထို့ကြောင့် ကျွန်မတို့ အထက မိုင်းကိုးရှိ ကျောင်းသူကျောင်းသားများသည် အခမဲ့ပညာရေးစနစ်တွင် တာချီလိတ်မြို့ပေါ်ရှိ အခြားကျောင်းများမှ ကလေးများနည်းတူ တန်းတူအခွင့်အရေးရရှိပြီး စိတ်ဓာတ်ရေးရာနှင့် ကျန်းမာရေး ကောင်းမွန်စေရေးအတွက် ကလေးများ အားမငဲ့ကွက်ပဲ ၄င်းရရှိရေးကိုသာ အမြဲလုံးပမ်းနေသော ကျောင်းအုပ်အား ထိရောက်စွာစစ်ဆေးအရေးယူပေးပါရန် Voice of Myanmar မှတစ်ဆင့် သက်ဆိုင်ရာလူကြီးမင်းများအား တင်ပြလိုက်ရပါသည်။…