သြဂုတ်လ ၂၃ ရက်နေ့၊ ၂၀၂၃ ခုနှစ်ဟာ ၁၉၈၈ ကနေ နိုင်ငံရေးခရီးဖြတ်သန်းခဲ့တဲ့ ၈၈ မျိုးဆက်ကျောင်းသားခေါင်းဆောင်တချို့ တည်ထောင်ထားတဲ့ ပြည်သူ့ပါတီ၊ ၅ နှစ်ပြည့်တဲ့နေ့ ဖြစ်ပါတယ်။
နစက တက်ပြီး နောက်ပိုင်း ပြည်သူ့ပါတီဟာ တရားဝင် နိုင်ငံရေးပါတီအဖြစ် ရပ်တည်နိုင်ဖို့ ကြိုးစားနေဆဲ ဖြစ်ပါတယ်။
ပြည်သူ့ပါတီရဲ့ ၅ နှစ်တာ ခရီးဟာ ဘယ်လောက် ခရိးရောက်လို့ ဘာအခက်အခဲတွေ ဖြတ်ကျော်ခဲ့ရလဲ၊ အနာဂတ်ခရီးအတွက် ဘာမူဝါဒတွေ ကိုင်ဆွဲပြီး ခရီးဆက်မလဲ ဆိုတာတွေကို၊ ပြည်သူ့ပါတီရဲ့ ဥက္ကဌလည်းဖြစ်၊ ၈၈ မျိုးဆက် ကျောင်းသားခေါင်းဆောင်တဦးလည်းဖြစ်တဲ့ ဦးကိုကိုကြီးကို VOM အယ်ဒီတာချုပ် ကိုနေလင်းက တွေ့ဆုံ မေးမြန်းထားပါတယ်။
