ဂျီနီဗာ၊ ဩဂုတ်-၂၇-၂၀၂၄
မျိုးဆက်(VOM)
အာဖရိကမှာ မျောက်ကျောက်ရောဂါကူးစက်မှုကို ထိန်းချုပ်နိုင်တယ်လို့ ကမ္ဘာ့ကျန်းမာရေးအဖွဲ့(WHO) က ထုတ်ဖော်ပြောကြားလိုက်ပါတယ်။
အာဖရိကဒေသ ကွန်ဂိုဒီမိုကရက်တစ်သမ္မတနိုင်ငံနဲ့ အိမ်နီးချင်းနိုင်ငံတွေမှာ ဖြစ်ပွားနေတဲ့ ရောဂါကူးစက်မှုတွေကို ထိန်းချုပ်ရပ်နိုင်ပြီး ကိုင်တွယ်ဖြေရှင်းဖို့ ဒေါ်လာ ၁၃၅ သန်းလိုအပ်တယ်လို့ ကမ္ဘာ့ကျန်းမာရေးအဖွဲ့အကြီးအကဲ တက်ဒရို့စ်က ဆိုပါတယ်။
ကွန်ဂိုတွင် အဓိကဖြစ်ပွားနေတဲ့ မျိုးကွဲသစ်အပါအဝင် ကူးစက်မှုတွေဟာ အာဖရိကဒေသပြင်ပထိ ပျံ့နှံ့လာပြီးနောက်မှာ ဒီရောဂါကို နိုင်ငံတကာ ကျန်းမာရေး အရေးပေါ်အခြေအနေအဖြစ် ကမ္ဘာ့ကျန်းမာရေးအဖွဲ့က ကြေညာခဲ့ပါတယ်။
ရောဂါတားရေးအတွက် ကျယ်ကျယ်ပြန့်ပြန် ညှိနှိုင်းဆောင်ရွက်ရမယ့် အစီအစဉ်တွေ လိုအပ်တယ်လို့ သူကဆိုပါတယ်။ ရောဂါထိန်းချုပ်ရေးနဲ့ပ ကမ္ဘာ့ကျန်းမာရေးအဖွဲ့ရဲ့မဟာဗျူဟာ ကြိုတင်ပြင်ဆင်မှုနဲ့ တုံ့ပြန်မှုအစီအစဉ်ကို ၂၀၂၄ ခုနှစ် စက်တင်ဘာလမှ၂၀၂၅ ခုနှစ် ဖေဖော်ဝါရီလထိ အကြုံးဝင်မှာဖြစ်ပါတယ်။
မျောက်ကျောက်ရောဂါဟာ ရောဂါပိုးရှိတဲ့ တိရိစာ္ဆန်တွေကနေ လူကို ကူးစက်မှုနဲ့ လူလူချင်း အနီးကပ်ထိတွေ့မှုတွေကြောင့် ကူးစက်တတ်ပြီး လူ ၁၀၀ မှာ လေးယောက် သေဆုံးမှုနှုန်းရှိ ပါတယ်။ လက်ရှိမှာတော့ အာရှဒေသမှာ ထိုင်း၊ ဖိလစ်ပိုင်၊ စင်ကာပူအပါအဝင် နိုင်ငံအချို့မှာ ကူးစက်မှုတွေ ရှိနေပါတယ်။
Ref:AFP
Photo:Getty Images
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...