ပါရီ၊ ဩဂုတ်-၂၉-၂၀၂၄
မျိုးဆက်(VOM)
တယ်လီဂရမ်တည်ထောင်သူနဲ့ စီအီးအိုဖြစ်သူ ပါဗယ်ဒူရော့ဗ်ကို ပြင်သစ်အာဏာပိုင်တွေက တရားဝင်စုံစမ်းစစ်ဆေးမှုတွေ စတင်နေပြီး နိုင်ငံတွင်းကနေထွက်ခွာခွင့် တားမြစ်ပိတ်ပင်ထားပါတယ်။
မစ္စတာဒူရော့ဗ်ဟာ ပြီးခဲ့သည့် စနေနေ့က ပါရီမြို့မြောက်ဘက် လေဆိပ်တခုကို ရောက်ရှိချိန်မှာ တယ်လီဂရမ် အက်ပလီကေးရှင်းနဲ့ပတ်သက်တဲ့ ပြစ်မှုတွေအတွက် ဖမ်း၀ရမ်းနဲ့ ပထမဆုံး ဖမ်းဆီးခံခဲ့ရပါ။
တယ်လီဂရမ် အက်ပလီကေးရှင်းနဲ့ ပတ်သက်တဲ့ ရာဇဝတ်မှုဆိုင်ရာ စုံစမ်းစစ်ဆေးမှုတစိတ်တပိုင်းအဖြစ် ပါဗယ်ဒူရော့ဗ်ကို တရားဝင် စုံစမ်းစစ်ဆေးမှုတွေ ပြုလုပ်နေကြောင်း ပြင်သစ်အစိုးရရှေ့နေတွေက ဆိုပါတယ်။
အသက် ၃၉ နှစ်အရွယ် မစ္စတာဒူရော့ဗ်ကို လက်ရှိမှာ ဖမ်းဆီးချုပ်နှောင်ထားတာမရှိပေမယ့်လည်း တရားစီရင်ရေးစနစ်ရဲ့ ကန့်သတ်ချက်တွေအောက်မှာထားရှိကာ အာမခံကြေးအဖြစ် ယူရိုငါးသန်း ပေးဆောင်ရမှာဖြစ်တယ်လို့ ရှေ့နေတွေကပြောပါတယ်။
ပြင်သစ်နိုင်ငံသားလည်းဖြစ် ရုရှားနွယ်ဖွား သန်းကြွယ်သူဌေး မစ္စတာဒူရော့ဗ်ဟာ အာဏာပိုင်တွေရဲ့ စုံစမ်းစစ်ဆေးမှုတွေအတွက် တပတ်ကိုနှစ်ကြိမ် လာရောက်စစ်ဆေးခံရမှာဖြစ်ပြီး ဒီအတောအတွင်း သူဟာ ပြင်သစ်ကနေ ဘယ်ကိုမှ သွားခွင့်မရှိပါဘူး။
ဒီကိစ္စနဲ့ပတ်သက်ပြီး မစ္စတဒူရော့ဗ်က လက်ရှိချိန်ထိ လူသိရှင်ကြား မှတ်ချက်ပြုပြောဆိုတာမျိုးမရှိသေးပါဘူး ။ ဒါပေမယ့်လည်း သူ့ရဲ့ရှေ့နေဖြစ်သူကတော့ တယ်လီဂရမ်ဟာ ဥရောပရဲ့ ဒစ်ဂျစ်တယ်စည်းမျဉ်းတွေကို လေးစားလိုက်နာကြောင်းနဲ့ အခြားလူမှုကွန်ရက်စံနှုန်းတွေနည်းတူ ပြုပြင်ပြောင်းလဲထားတယ်လို့ ထုတ်ဖော်ပြောဆိုထားပါတယ်။
Ref:BBC
Photo:Reuters
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...