အန်ကာရာ၊ စက်တင်ဘာ-၇-၂၀၂၄
မျိုးဆက်(VOM)
အိန္ဒိယနိုင်ငံ Vistara လေကြောင်းလိုင်းက လေယာဉ်တစင်းဟာ ဗုံးခြိမ်းခြောက်ခံရမှုကြောင့် တူရကီနိုင်ငံ အရှေ့ပိုင်း အာဇူရမ်မြို့လေဆိပ်မှာ အရေးပေါ် ဆင်းသက်ခဲ့ရပါတယ်။
လေယာဉ်ပေါ်မှာ ဗုံးထောင်ထားတယ်ဆိုတဲ့ စာရွက်တရွက်ကို လေယာဉ်ပေါ်က သန့်စင်ခန်းမှာ တွေ့ရှိပြီးနောက်မှာ အခုလို အရေးပေါ်ဆင်းသက်ခဲ့တာဖြစ်ပြီး ခရီးသည် ၂၃၄ ယောက်နဲ့လေယာဉ်အမှုထမ်း ၁၃ ယောက်တို့ကို ဘေးလွတ်ရာ ရွှေ့ပြောင်းပေးခဲ့ရတယ်လို့ တူရကီတာဝန်ရှိသူတွေက ပြောပါတယ်။
အိန္ဒိယနိုင်ငံ မွမ်ဘိုင်းကနေ ဂျာမနီနိုင်ငံ ဖရန့်ဖတ်ကို ပျံသန်းလာတဲ့ လေယာဉ်ဟာ လုံခြုံရေးစိုးရိမ်ပူပန်မှုတွေကြောင့် လမ်းကြောင်းပြောင်းခဲ့ရပြီး တူရကီနိုင်နိုင်ငံ အာဇူရမ်လေဆိပ်မှာ ဒေသစံတော်ချိန် ညနေ ၄ နာရီ ၃၀ မိနစ်မှာ ဆင်းသက်ခဲ့တယ်လို့ Vistara လေကြောင်းလိုင်းက ထုတ်ပြန်ထားပါတယ်။
“ည ၁၁ နာရီခွဲမှာ လေယာဉ်ကို ရှာဖွေရေးလုပ်ငန်းစဉ်အားလုံး ပြီးမြောက်ခဲ့ပါတယ်။ ဘာဗုံးမှမတွေ့ပါဘူး ။ ဗုံးထောင်ထားတယ်ဆိုတာ ခြိမ်းခြောက်မှုသာ ဖြစ်တယ် ”လို့ အာဇူရမ်အုပ်ချုပ်ရေးမှူးက လေဆိပ်မှာ သတင်းထောက်တွေကို ပြောပါတယ်။
လက်ရှိမှာတော့ လေဆိပ်ရဲ့ လုပ်ငန်းဆောင်တာတွေကို ပြန်လည် လည်ပတ်နေပြီဖြစ်ပါတယ်။ ခရီးသည်တွေကို ဖရန့်ဖတ်ကို ပို့ဆောင်ဖို့ ဒီနေ့ ဒေသစံတော်ချိန် နေ့လယ် ၁၂ နာရီကျော်မှာ တူ၇ကီကို အလှည့်ကျလေယာဉ်တစင်း စေလွှတ်ထားကြောင်း လေကြောင်းလိုင်းက ထုတ်ပြန်ထားပါတယ်။
Ref:CNA
Photo:Bloombergj
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...