ဟောလီးဝုဒ်မင်းသားကြီးအာနိုး တောင်အာဖရိကမှာ ရုတ်တရက်တိုက်ခိုက်ခံရ

ကိပ်တောင်း၊မေ-၁၉-၂၀၁၉

မျိုးဆက်(VOM)

 

တောင်အာဖရိကမှာပြုလုပ်တဲ့အခမ်းအနားတစ်ခုမှာ  ဟောလိဝုဒ်စတားမင်းသားကြီးအာနိုးဟာအမျိုးသားတစ်ဦးရဲ့ရုတ်တရက်တိုက်ခိုက်မှုခံရလိုက်ပါတယ်။

 

 

အသက်၇၁နှစ်အရွယ်ကယ်လီဖိုးနီးယားပြည်နယ်အုပ်ချုပ်ရေးမှူးဟောင်းမင်းသားကြီးအာနိုးကိုသူ့အနောက်ကနေပြီးအမျိုးသားတစ်ဦးကကန်ကျောက်လိုက်ချိန်မှာသူဟာ  Arnold Classic Africa အားကစားဆိုင်ရာအခမ်းအနားတစ်ခုမှာပရိတ်သတ်တွေနဲ့တွေ့ဆုံစကားပြောနေချိန်ဖြစ်ပါတယ်။

 

အဲဒီမတော်တဆမှုဖြစ်ပွားပြီးနောက်တိုက်ခိုက်သူကိုဟန့်တားထိန်းချုပ်နိုင်ခဲ့ပါတယ်။စိုးရိမ်ပူပန်နေကြတဲ့အတွက်  ပရိတ်သတ်ကိုကျေးဇူးတင်တယ်လို့မင်းသားကြီးအာနိုးကသူ့ရဲ့တွစ်တာမှာရေးသားဖော်ပြထားပြီးအားလုံးအေးဆေးဖြစ်ပြီးဘာကိုမှစိတ်မပူကြဖို့အခိုင်အမာဆိုပါတယ်။

 

 

တိုက်ခိုက်သူအမျိုးသားတစ်ဦးကလေပေါ်ဝဲပြီးခြေနဲ့ကန်လိုက်တဲ့မေ၁၈ရက်ကဖြစ်ရပ်နဲ့ပတ်သက်တဲ့ဓါတ်ပုံနဲ့ဗီဒီယိုတွေကိုအာနိုးကလူမှုကွန်ရက်မှာတင်ခဲ့ပြီးအများအပြားပြန်လည်မျှဝေနေကြပါတယ်။

 

The Terminator ဇာတ်ကားနဲ့နာမည်ကြီးလာတဲ့အာနိုးဟာ  အကန်ခံရပြီးနောက်ဟန်ချက်ပျက်သွားပြီးတိုက်ခိုက်သူကကြမ်းပြင်ပေါ်ကိုလဲကျသွားချိန်မှာတော့  လုံခြုံရေးတွေကချက်ချင်းဟန့်တားနိုင်ခဲ့ပြီးနောက်ပိုင်းမှာတော့ရဲတပ်ဖွဲ့ထံလွှဲပြောင်းခဲ့ပါတယ်။

 

Ref : BBC

Photo :AFP

 

 

 

Related posts

Leave a Comment

VOM News

FREE
VIEW