ဝါရှင်တန်၊ ဇန်နဝါရီ-၄-၂၀၂၀ မျိုဆက် (VOM) အီရန်စစ်ဘက် ထိပ်တန်းဗိုလ်ချုပ် ကာဆမ်ဆိုလိုင်မေနီကို အမေရိကန်က လေကြောင်းတိုက်ခိုက်မှုပြုပြီး သတ်ဖြတ်လိုက်တာဟာ စစ်ပွဲတစ်ခုအဆုံးသတ်ဖို့လုပ်ခဲ့တာဖြစ်ပြီး နောက်ထပ်စစ်ပွဲစဖို့မဟုတ်ကြောင်း အမေရိကန်သမ္မတဒေါ်နယ်ထရန့်က ပြောကြားလိုက်ပါတယ်။ အီရန်ဗိုလ်ချုပ်ဆိုလိုင်မေနီရဲ့ အကြမ်းဖက်လုပ်ဆောင်မှုတွေဟာ ဒီဇင်ဘာ ၃ ရက်က ဘဂ္ဂဒက်မှာပြုလုပ်တဲ့ လေကြောင်း တိုက်ခိုက်မှုမှာ ပြီးဆုံးသွားပြီလို့ သူကဆိုပါတယ်။ သေဆုံးသွားတဲ့ အီရန်ဗိုလ်ချုပ်ဆိုလိုင်မေနီဟာ အီရန်ကွပ်တပ်ဖွဲ့ရဲ့ စစ်ဦးစီးချုပ်ဖြစ်ပြီး အီရန်ရဲ့ အရှေ့အလယ်ပိုင်းစစ်ဆင်ရေးတွေကို ဦးဆောင်နေသူဖြစ်ပါတယ်။ သူ့ကို လေကြောင်းတိုက်ခိုက်မှုပြုပြီး သတ်ဖြတ်ခဲ့တာကြောင့်အမေရိကန်နဲ့ အီရန်တို့အကြား တင်းမာမှုတွေလည်း အကြီးအကျယ်မြင့်တက်နေပါတယ်။ ဒီလိုအခြေအနေမှာ ကြိုတင်ကာကွယ်မှုအဖြစ် အရှေ့အလယ်ပိုင်းဒေသသို့ တပ်ဖွဲ့ဝင် ၃၀၀၀ ကျော် ထပ်မံစေလွှတ်သွားမယ်လို့ အမေရိကန်တာဝန်ရှိသူတွေက ထုတ်ဖော်ပြောဆိုပါတယ်။ ဒေသတွင်း တင်းမာမှုများမြင့်တက်နေတာကြောင့် အီရတ်မှာရောက်ရှိနေတဲ့ အမေရိကန်နိုင်ငံသားအားလုံး နိုင်ငံအတွင်းကနေ ချက်ချင်းထွက်ခွာကြဖို့ ဘဂ္ဂဒက်ရှိအမေရိကန်သံရုံးက သတိပေးချက်ထုတ်ပြန်ထားပါတယ်။ Ref : BBC Photo: AFP #VOM…
Read Moreအီရန်နဲ့တင်းမာနေစဉ် အရှေ့အလယ်ပိုင်းသို့ အမေရိကန်တပ်ဖွဲ့ဝင် သုံးထောင်စေလွှတ်မည်
