ဆီးရီးယားကို တူရကီ စစ်ရေးတိုက်ခိုက်မှု စတင် ဒမတ်စကတ်၊ ဖေဖော်ဝါရီ-၂၈-၂၀၂၀ မျိုးဆက် (VOM) ဆီးရီးယားအနောက်မြောက်ပိုင်းမှာ တူရကီအစိုးရတပ်တွေရဲ့ လေကြောင်းတိုက်ခိုက်မှုကြောင့် တူရကီတပ်ဖွဲ့ဝင် ၃၃ ဦးထက်မနည်းသေဆုံးသွားတယ်လို့ တူရကီထိပ်တန်းတာဝန်ရှိသူတစ်ဦးက ပြောပါတယ်။ ဒီကိစ္စနဲ့ပတ်သက်ပြီး တူရကီဘက်ကနေ ဆီးရီးယားအစိုးရတပ်ဖွဲ့ပစ်မှတ်များကို လက်တုံ့ပြန်တိုက်ခိုက်မှုတွေ စတင်ခဲ့ပါတယ်။ ဒါပေမယ့် ဆီးရီးယားတပ်ဖွဲ့ဝင်တွေတိုက်ခိုက်ချိန်မှာ တူရကီတပ်ဖွဲ့ဝင်တွေဟာ ဂျီဟတ်တိုက်ခိုက်ရေး သမားတွေနဲ့အတူ လှုပ်ရှားနေတယ်လို့ ဆီးရီးယားရဲ့ မဟာမိတ် ရုရှားက ပြောပါတယ်။ တူရကီသမ္မတအာဒိုဂန်သည် အန်ကာရာတွင် ထိပ်တန်းအဆင့်လုံခြုံရေး အရေးပေါ်အစည်း အဝေးပြုလုပ်ြ့ပီးနောက် ဆီးရီးယားစစ်ဘက်ရဲ့ပစ်မှတ်တွေကို မြေပြင်နဲ့ ဝေဟင်တိုက်ခိုက်မှုတွေ ပြုလုပ်ခဲ့တယ်လို့ တူရကီအစိုးရက ထုတ်ပြန်ပါတယ်။ အတည်မပြုနိုင်သေးတဲ့ သတင်းတွေအရ ခရုဇ်ဒုံးပျံတွေတပ်ဆင်ထားတဲ့ ရုရှားစစ်သင်္ဘောနှစ်စင်းဟာ ဆီးရီးယားကို ဦးတည်ထွက်ခွာနေတယ်လို့ ရုရှားသတင်းဌာနတွေက ဖော်ပြထားပါတယ်။ ဆီးရီးယားအတိုက်အခံသူပုန်တွေလက်ထဲမှာရှိနေဆဲဖြစ်တဲ့ အိုင်ဒလစ်ပြည်နယ်မှာ နောက်ဆုံးဖြစ်ပွားနေတဲ့ တင်းမာမှုတွေနဲ့ ပတ်သက်ပြီး ဆီးရီးယားအစိုးရကတော့ လူသိရှင်ကြား မှတ်ချက်ပြုပြောဆိုတာမျိုးမရှိသေးပါဘူး။ Ref: BBC…
Read Moreဆီးရီးယားကို တူရကီ စစ်ရေးတိုက်ခိုက်မှု စတင်
