Day: March 4, 2020

မြောက်ဦးမြို့နယ်နဲ့ မင်းပြားမြို့နယ်အကြားတိုက်ပွဲဖြစ် ကျောင်းသားတွေ စာမေးပွဲက ထွက်ပြေးခဲ့ရ မြောက်ဦး၊ မတ် ၄-၂၀၂၀ ခိုင်လင်းစံ (VOM) ရခိုင်ပြည်နယ်၊ မြောက်ဦးမြို့နယ်နဲ့ မင်းပြားမြို့နယ်အကြားမှာ ဒီကနေ့မနက် ၁၀ နာရီကျော်လောက်က တပ်မတော်နဲ့ အေအေတို့တိုက်ပွဲတွေဖြစ်ပွားခဲ့ကြပါတယ်။ အဲ့ဒီတိုက်ပွဲဖြစ်ပွားခဲ့တဲ့နေရာဟာ မြောက်ဦးမြို့နယ်အရှေ့ဘက် ပိုးဖြူကျွန်းကျေးရွာကနေ ပင်းပြားမြို့နယ် မြောက်ဘက်အစွန်ဆုံး ပန်းမြောင်းကျေးရွာဘက်ကို လေးမြို့မြစ်အတွင်း ဖြတ်သန်းနေတဲ့ ကူးတို့လှေကို အေအေဘက်က ပစ်ခတ်ခဲ့တာဖြစ်တယ်လို့ ဒေခသံတွေရဲ့ပြောဆိုချက်အရသိရပါတယ်။ အဲ့ဒီတိုက်ပွဲအတွင်း နှစ်ဖက်အပြန်အလှန် ပစ်ခတ်မှုတွေဖြစ်ပွားခဲ့ကြပြီး ထိခိုက်မှုတွေမရှိခဲ့ကြောင်းနဲ့ အနီးဝန်းကျင်က ကျေးရွာသားတွေကတော့ နီးစပ်ရာကျေးရွာတွေကို ထွက်ပြေးနေကြတယ်လို့ ဆိုပါတယ်။ “မနက် ၉ နာရီလောက်မှာ စစ်ကြောင်းက ကျွန်တော်တို့ရွာကနေဖြတ်သွားတယ်။ ၁၁ နာရီမထိုးခင်လောက်မှာ ပစ်ခတ်သံတွကိုကြားလိုက်ရတယ်။ သူတို့မြစ်ကူးနေတဲ့အချိန် ကူးတို့လှေကို ပစ်ခတ်ခဲ့တယ်လို့ သိရတယ်။ လောလောဆယ်တော့ ရွာကလူအများစုက ထွက်ပြေးသွားကြပြီ။”လို့ ကျောက်တွင်းကုန်းကျေးရွာသားတစ်ဦးက ပြောပါတယ်။ အဲ့ဒီတိုက်ပွဲဖြစ်ပွားခဲ့ပြီးနေက်ပိုင်း ပန်းမြောင်းကျေးရွာ အောင်မင်္ဂလာတောင်ပေါ်မှာရှိတဲ့ တပ်မတော်မြောက်…

အစာငတ်ခံသပိတ်မှောက်တဲ့ အလုပ်သမားတွေကိစ္စ NLD ရုံးချုပ်က ကူရှင်းပေး ရန်ကုန် မတ် ၄ -၂၀၂၀ သိင်္ဂီ(VOM) မှော်ဘီမြို့နယ်၊ မြောင်းတကာစက်မှုဇုံ၊ Pacific သံရည်ကျိုစက်ရုံအလုပ်သမားအချို့ဟာ လုပ်ငန်းခွင်ဘေးအန္တရာယ်ကင်းရှင်းရေးနဲ့ တစ်နေ့လုပ်ခလစာ ၉၀၀၀ ရရှိဖို့ အစာငတ်ခံ ဆန္ဒပြသပိတ်မှောက်နေပေမယ့် အလုပ်ရှင်ဘက်က မလိုက်လျောတာကြောင့် ဒီကိစ္စကိုဖြေရှင်းပေးဖို့ ရန်ကုန် ၊ အမျိုးသားဒီမိုကရေစီအဖွဲ့ချုပ်ရုံးချုပ်က တာဝန်ရှိသူတွေဆီ အလုပ်သမားတွေက ဒီကနေ နေ့လယ်ပိုင်းမှာ လာရောက်တွေ့ဆုံ ညှိနိူင်းတောင်းဆိုခဲ့ပါတယ်။ အလုပ်သမားတွေ တောင်းဆိုတဲ့ကိစ္စကို ဒီကနေ့ ညနေပိုင်းမှာပဲ ပြည်တွင်းပြည်ပအလုပ်သမားရေးရာကော်မတီ( NLD )ဗဟိုရုံး တာဝန်ရှိသူတွေဟာ မြောင်းတကာစက်မှုဇုန် ဖြေရှင်းဖို့ သွားပေးနေပြီလို့ အလုပ်သမားတွေဆီက သိရပါတယ်။ “ကျနော်တို့ သပိတ်မှောက်ကာလကလည်းကြာနေပြီ၊ အစာငတ်ခံလုပ်နေတာလည်းကြာပြီ။မှော်ဘီကသက်ဆိုင်ရာတာဝန်ရှိသူတွေညှိနိူင်းပေးပေမယ့်လည်း စက်ရုံဘက်ကအဆင်မပြေပါဘူး။ ဒါကြောင့် ဒီကတာဝန်ရှိသူတွေ လာရောက်တွေ့ဆုံဖြေရှင်းပေးဖို့ တောင်းဆိုတာပါ။ ညှိနိူင်းတာပါ။ အလုပ်ခေါ်တုန်းက လစာတစ်မျိုး ၊ ခုပေးနေတာကျတမျိုးဖြစ်နေပါတယ်။ လုပ်ငန်းခွင်ကအသက်အန္တရာယ်အတွက်လည်း ဘေးမကင်းပါဘူး”လို့ဒီကနေ့…

ရခိုင်ပြည်နယ်ရဲ့နိုင်ငံရေးအခြေအနေကို နိုင်ငံရေးပါတီသုံးခု တွေ့ဆုံဆွေးနွေးဖို့ ALD ဖိတ်ခေါ် စစ်တွေ၊ မတ် ၄- ၂၀၂၀ ခိုင်လင်းစံ (VOM) ရခိုင်ပြည်နယ်အတွင်း လက်ရှိဖြစ်ပွားနေတဲ့ နိုင်ငံရေးအခြေအနေအရပ်ရပ်နဲ့ပတ်သတ်သက်ပြီး ရခိုင်နိုင်ငံရေးပါတီသုံးခုတွေဆုံဆွေးနွေးဖို့ ALD ကကမ်းလှမ်းထားကြောင်း သိရပါတယ်။ ရခိုင်ပြည်နယ်ရဲ့ နိုင်ငံရေးပါတီတွေဖြစ်တဲ့ ရခိုင့်ဦးဆောင်ပါတီ(AFP)၊ ရခိုင်အမျိုးသားပါတီ(ANP)တို့ကို လက်ရှိရခိုင်ပြည်နယ်ရဲ့အခြေအနေကို တွေ့ဆုံဆွေးနွေးနိုင်ရေး ရခိုင်ဒီမိုကရေစီအဖွဲ့ချုပ်(ALD) ကကမ်းလှမ်းတာဖြစ်ကြောင်း သိရပါတယ်။ ” အဲဒါက စီစဉ်နေတုန်းပဲရှိသေးတယ်။ ခေါင်းစဉ်ကတော့ ဖိတ်စာမှာပါတဲ့အတိုင်း ရခိုင်ပြည်နိုင်ငံရေး ဆွေးနွေးဖို့ပေါ့။ ကို့ရခိုင်ပြည်နယ်မှာ လက်ရှိ ဖြစ်နေတဲ့ဖြစ်စဉ်တွေက သိတဲ့အတိုင်းပဲလေ။ အဲကိစ္စတွေကို ဆွေးနွေးမှာပေါ့။” လို့ ရခိုင်ဒီမိုကရေစီအဖွဲ့ချုပ်ပါတီ(ALD) ဥက္ကဋ္ဌ ဦးကျော်မြင့်က ပြောပါတယ်။ ဒီကိစ္စနဲ့ပတ်သက်ပြီး ANPနဲ့ AFP ပါတီတွေရဲ့ ရခိုင်ပြည်နယ်အတွင်း လက်ရှိဖြစ်ပွားနေတဲ့အခြေအနေတွေကို ရခိုင်နိုင်ငံရေးပါတီတွေက ဆွေးနွေးကြဖို့ ALD ရဲ့ဖိတ်ခေါ်ချက်အပေါ် အမြင်သဘောထားကိုသိလို့တာကြောင့် ဆက်သွယ်ဖို့ကြိုးစားခဲ့ပေမယ့် အဆက်အသွယ်မရရှိခဲ့ပါဘူး။ တွေ့ဆုံဆွေးနွေးဖို့ နေရာကတော့…

အင်းတော် နဲ့ မော်လူးမှာ ငလျင်ကြောင့် သာသနိကအဆောက်အဦတွေနဲ့ တံတားတစ်စင်းပျက် စပ်ခွန်သာ – ရှိုင်းအောင် ကသာ၊ မတ်လ-၄-၂၀၂၀ စစ်ကိုင်းတိုင်း၊ အင်းတော်မြို့နယ်မော်လူးဒေသ တွင်မတ်လ(၄)ရက် နံနက်(၆)နာရီတွင်အင်အားရစ်(ခ်)တာစကေး(၅)အဆင့်ရှိ အင်းအားအသင့်အတင့်ရှိတဲ့ မြေငလျင်တစ်ခု လှုပ်သွားခဲ့ပါတယ်။ အဲဒီဒဏ်ကြောင့် ၊ပုန်းဟုန်ကျေးရွာအနီးရှိ ဖုန်ကုန်းတောင်ရန်အောင်မင်္ဂံလာကျောင်းတိုက်အတွင်းက အဝင်မုခ်ဦးပြိုကျခြင်း၊ အုတ်တံတိုင်းအက်ခြင်း၊ အင်္ဂံတေကွာကျခြင်းနှင့်ဖုန်ကုန်းကိုဆက်သွယ်ထားသောချောင်းကူးတံတား (၁)ပေခန့်မြင့်တက်သွားတယ်လို့ ဒေသခံတွေက ပြောပါတယ်။ စစ်ကိုင်းတိုင်းဒေသကြီး သဘာဝဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန တိုင်းဦးစီးမှူး ဦးစဝီလီဖရန့် က “ တံတားတစ်စင်းနဲ့ ဘုန်းကြီးကျောင်းက အဆောက်အဦးတွေ ပျက်စီးဆုံးရှုံးမှုတွေ ဖြစ်ခဲ့တယ် “ လို့ ပြောပါတယ်။ မော်လူးမြို့မှလက်ထောက်မီးသတ်ဦးစီးမှူး သိန်းထိုက်ကလည်း “ဖုန်းကုန်းရယ်၊မင်းသာကစေတီပုထိုးအနည်းငယ်ယိုင်သွားတာရယ်လောလောဆယ်သိရတယ်။ပျက်စီးသွားတဲ့နေရာကိုအုပ်ချုပ်ရေးမှူးနဲ့တစ်ကွမီးသတ်တပ်ဖွဲ့ဝင်တွေသွားရောက်နေပါပြီ။အဲ့ဒီနေရာကျေးရွာက မော်လူးနဲ့(၂)မိုင်လောက်ဝေးပါတယ်” လို့ ပြောပါတယ်။ “ ဖုန်ကုန်းတောင်၊ ရန်အောင်မြင်၊ မင်္ဂလာကျောင်းတိုက် အဝင်မုခ်ဦးပြိုကျတယ်။အုတ်တံတိုင်းတွေအက်တယ်။အင်္ဂံတေတွေကွာကျတယ်။ ရှေးရေတွင်းဟောင်းပွင့်သွားတယ်။ မီးဖိုချောင်သမံသလင်းအက်တယ်။ သမိုင်းဝင်ဒီပင်္ကံရာတံတားနဲ့ ရန်အောင်မြင်ချဉ်းကပ်လမ်းပေ(၂၀)လောက် မြေကျွံပြီးတံတားက(၁)ပေမြောက်တက်သွားတယ်။ ဒီပင်္ကံရာကနဂါးရုံဘုရားမုခ်ဦးပြိုကျသွားလို့သိရတယ်။” လို့…