သက်တန်းရင့် ပျဉ်းကတိုးပင်ကြီး(၂၀)ခန့် ခိုးလှဲခံရ မုံရွာ၊ ဇူလိုင် ၅-၂၀၂၀ ခင်မေစန်း(VOM) အမျိုးသားဥယာဉ်နဲ့ ထိစပ်နေတဲ့ ပုလဲမြို့နယ်အစပ် အလောင်းတော်ကဿပအမျိုးသား ဥယာဉ်ပိုင်နက်အတွင်း သက်တန်းရင့်ပျဉ်းကတိုးပင်ကြီး ၁၆ပင်အပါအဝင် အပင် ၂၀ ခိုးခုတ်လှဲခြင်းခံရတယ်လို့ အမျိုးသားဥယာဉ် အုပ်ချုပ်ရေးရုံးကပြောပါတယ်။ “ဇွန်လ ၃၀ ရက်နေ့က အလောင်းတော်ကဿပအမျိုးသားဥယာဉ် ထိန်းသိမ်းရေးအဖွဲ့ က ဥယာဉ်ဧရိယာအတွင်း ကင်းလှည့်ရာမှာ ပုလဲမြို့နယ်အစပ်က သက်တမ်း ငါးဆယ်ကျော်ပျဉ်းကတိုးပင် ၁၆ ပင်နဲ့ သစ်ယာပင်ကြီး ၄ ပင်ကို ခိုးယူခုတ်လှဲထားတာကို တွေ့ရှိခဲ့ရတယ်။ ပုလဲနယ်ဘက်ကတက်လာပြီး သစ်ပင်တွေ ခိုးယူဖို့ မေလပိုင်းထဲက ခုတ်လှဲထားခဲ့တယ်၊ အစောင့်တစ်ဖွဲ့နဲ့တစ်ဖွဲ့ ကင်းချိန်းချိန် အလစ်ဝင်လုပ်သွားတယ်၊ လှဲထားတာကို ဇွန်လဆန်းလောက်ထဲက သိထားပြီး တရားခံတွေမိဖို့ကို ဆက်စုံစမ်းနေပါတယ်”လို့ အုပ်ချုပ်ရေးရုံး ဦးစီးအရာရှိဦးအောင်မောင်းကပြောပါတယ်။ ခုတ်လှဲခံရတဲ့ အပင်ငုတ်များအရေအတွက်အရ အပင်(၂၀)ရှိတယ်လို့သိရပြီး အပိုင်းဖြတ်ထားပြီး သား ပျဉ်းကတိုး (၃၀) လုံး၊…
Read Moreသက်တန်းရင့် ပျဉ်းကတိုးပင်ကြီး(၂၀)ခန့် ခိုးလှဲခံရ
