Day: December 22, 2020

ဒီဇင်ဘာ ၂၃-၂၀၂၀ သက်ထားခင် ၊ တိုးကြီး မန္တလေးတိုင်း၊ သပိတ်ကျင်းမြို့နယ်၊ ဆင်မွှေးကျေးရွာရှိ အများသုံးသောက်ရေကန်တစ်ကန်မှာ ရွှေချက်ရာမှာအသုံးပြုရတဲ့ ဆိုဒီယမ် ဆိုင်ရာနိုက်(Sodium Cyanide)လို့ယူဆရတဲ့ ဓာတုပစ္စည်းတွေ့ တွေ့ရှိခဲ့ပြီး အဲ့ဒီရေကိုအသုံးပြုမိတဲ့ အမျိုးသမီးတစ်ဦးသေဆုံးသွားခဲ့တဲ့အပြင် ကျန်တဲ့ နှစ်ဦးမှာ မူးဝေအော့အန်မှုတွေဖြစ်ပွားခဲ့တယ်လို့ သပိတ်ကျင်းမြို့နယ်၊ အမှတ်-၁ မဲဆန္ဒနယ်မြေ တိုင်းဒေသကြီးလွှတ်တော်ကိုယ်စားလှယ် ဦးစိုးလွင်ကပြောပါတယ်။ “cyanide ပါလို့တော့ အတည်မပြုရသေးဘူး၊ cyanideလို့ ယူဆရသော ပစ္စည်းတစ်ခု ခတ်လို့ ဖြစ်ရတယ်လို့တော့ လောလောဆယ် ယာယီ ကောက်ချက်ချကျတဲ့ သဘောပါ၊ လောလောဆယ် ရေတွေကိုတော့ လှယ်နေတယ်၊ ဓာတ်ပြယ်အောင်လည်း လုပ်နေတယ်၊ ရွာသားတွေကတော့ cyanide အခဲလို့ ယူဆပေမယ့် စစ်ဆေးချက်တွေတော့ မရသေးပါဘူး”လို့ ဦးစိုးလွင်က ပြောပါတယ်။ သေဆုံးသွားခဲ့တဲ့ အမျိုးသမီးဟာ ဒီဇင်ဘာလ ၂၁ ရက်နေ့မနက် ၅ နာရီခန့်က အဲ့ဒီ ဓာတုဆေးလို့ယူဆရတဲ့အရာတွေခတ်ထားတဲ့ အများသုံးသောက်ရေကန်အသုံးပြုပြီး…

Read More

ဒီဇင်ဘာ ၂၂-၂၀၂၀ သိင်္ဂီထွန်း (VOM) ရန်ကုန်တိုင်း၊ လှိုင်သာယာမြို့နယ်က ပန်းလှိုင်ဆေးရုံကို ကိုဗစ်အတည်ပြုလူနာကုသဖို့ ခွင့်ပြုပေးလိုက်ပြီဖြစ်တယ်လို့ ကျန်းမာရေးနဲ့ အားကစားဝန်ကြီးဌာနကနေ သိရပါတယ်။ “ပန်းလှိုင်ဆေးရုံကဖွင့်နေပြီ ၊ဖွင့်နေပြီဆိုပေမယ့်လည်း test လုပ်ဖို့ test kit က ဝယ်လို့မရသေးဘူး။ပြီးခဲ့တဲ့ ၅ ရက်လောက်က ခွင့်ပြုမိန့်ရတယ်။ test kitကို ကုမ္ပဏီမှာထားတယ်လို့သိရတယ်။ ဆေးရုံအနေနဲ့ ပုဂ္ဂလိကဆေးရုံတစ်ရုံကို ခွင့်ပြုလိုက်တယ်။ ဓာတ်ခွဲခန်းတစ်ခုရော စစ်ဆေးဖို့ခွင့်ပြုတယ်။ အသေးစိတ်တော့ ပန်းလှိုင်ကိုမေးကြည့်မှသိရမယ်”လို့ မြန်မာနိုင်ငံ ပုဂ္ဂလိကဆေးရုံများအသင်း ဥက္ကဋ္ဌ ဒေါက်တာထင်ပေါ်ကပြောပါတယ်။ ပန်းလှိုင်ဆေးရုံမှာ ကိုဗစ်လူနာကုသခွင့်ကို ကျန်းမာရေးဝန်ကြီးဌာန ကခွင့်ပြုလိုက်ပေမယ့် ဆေးရုံဘက်ကတော့ လတ်တလောမှာ လူနာ လက်ခံကုသမှုမရှိသေးကြောင်း၊ ကုသဖို့အစီအစဉ်တော့ရှိတယ်လို့ ပန်းလှိုင်ဆေးရုံဘက်ကနေ သိရပါတယ်။ ကျန်းမာရေးနဲ့ အားကစားဝန်ကြီးဌာနမှ ပြောရေးဆိုခွင့်ရှိသူ ဒေါက်တာသန်းနိုင်စိုးကတော့ “ဆေးရုံတစ်ရုံကိုတော့ ခွင့်ပြုလိုက်ပြီ၊ နာမည်ကြီးဆေးရုံတစ်ခုဖြစ်တယ်။ အရင်တပတ်လောက်ထဲက ခွင့်ပြုပေးလိုက်တာဖြစ်တယ်”လို့ ပြောပါတယ်။ ပုဂ္ဂလိကဆေးရုံတွေမှာ ကိုဗစ်လူနာ…

Read More

ဒီဇင်ဘာ ၂၂-၂၀၂၀ နေနန်းနွယ်(VOM) တောင်ကြီးမြို့နယ်အတွင်းရှိ စားသောက်ဆိုင်တွေနဲ့ လက်ဖက်ရည်ဆိုင်တွေကို ဒီဇင်ဘာ ၂၃ ရက်နေ့ကစပြီး ဆိုင်ထိုင်စားသောက်စနစ်နဲ့ပြန်လည် ရောင်းချခွင့်ပြုတော့မှာ ဖြစ်ပါတယ်။ “ပြင်ဆင်ရမယ့် သတ်မှတ်ချက် (၄၀) ကျော်နဲ့အညီ ကျွန်တော်တို့က ဖွင့်ခွင့်ပြုသွားမှာပါ။ ကျန်းမာရေးနဲ့အားကစားဝန်ကြီးဌာနက ထုတ်ပြန်ထားတဲ့စည်းကမ်းချက်တွေနဲ့အညီ စားသောက်ဆိုင်တွေ ပြန်လည်ဖွင့်လှစ်ဖို့ လိုက်နာဆောင်ရွက်ရမယ့်အချက်တွေနဲ့အညီ ဖွင့်ခွင့်ပြုသွားမှာပါ။ မနက်ဖြန် စဖွင့်ခွင့်ပြုတော့မယ်ဆိုတာကိုတော့ ကျွန်တော်တို့အနေနဲ့ မနေ့ကမှ ညွှန်ကြားချက်ရတာပါ။ သူတို့တွေကို အဆင့် A ရယ် B ရယ် C ရယ်ဆိုပြီး (၃) ဆင့် ခွဲထားပါတယ်။ အဲ့ဒီ စစ်ဆေးတဲ့အဖြေပေါ်မူတည်ပြီး ဆိုင်ဆစ်ဆိုင်ကို ဖွင့်ခွင့်ပြု၊မပြု ဆုံးဖြတ်မှုဖြစ်ပါတယ်။ အဲ့ဒီအထဲမှာမှ A အဆင့်ရတဲ့ဆိုင်တွေကတော့ ပြည့်စုံတယ်ပေါ့။ B အဆင့်ဆိုင်တွေကိုတော့ လောလောဆယ်ဖွင့်ခွင့်ပေးထားမယ်။ C အဆင့်တွေကိုတော့ ဖွင့်ခွင့်မပေးသေးပါဘူး။ ပြီးတော့ လိုအပ်တာတွေ ထပ်မံညွှန်ကြားချက်ပြီးတော့ လိုအပ်ချက်တွေကို ထပ်ဖြည့်ခိုင်းဖို့ရှိပါတယ်။…

Read More

ဒီဇင်ဘာ ၂၂-၂၀၂၀ ကိုတိုးကြီး(VOM) စစ်ကိုင်းတိုင်း၊ မြောင်မြို့နယ်၊ ကျောင်းဖြူကျေးရွာရဲ့အနောက်ဖက် ဧရာဝတီမြစ်ကမ်းဘေးနေရာမှာ ဒီဇင်ဘာ ၉ရက်နေ့ကနေ မနေ့ ဒီဇင်ဘာ ၂၁ အထိ ရှေးဟောင်းရွှေထည်ပစ္စည်းတွေ မကြာခဏ တွေ့နေရတယ်လို့ သိရပါတယ်။ ” ဧရာဝတီမြစ်ကမ်းဘေးက ရကြတာဖြစ်တယ်၊ ရတဲ့သူတွေက ယဉ်ကျေးမှုနဲ့ သမိုင်းတန်ဖိုးကို အလေးထားပြီး တိုင်းဒေသကြီးအစိုးရအဖွဲ့ဆီ တာဝန်သိသိ သစ္စာရှိရှိအပ်ပေးကြတယ်”လို့ ရှေးဟောင်းယဉ်ကျေးမှုသုတေသီ ဦးစိုးကပြောပါတယ်။ မနေ့ ဒီဇင်ဘာ ၂၁ မနက်ပိုင်းက စစ်ကိုင်းတိုင်းအစိုးရအဖွဲ့ဝန်ကြီးချုပ် ဒေါက်တာမြင့်နိုင်ဆီကိုလာရောက်ပြီး ရှေးဟောင်း ရွှေထည်ပစ္စည်းတွေ လာရောက်အပ်နှံသူ ဒေါ် စန်းစန်းထွေးနဲ့ ဦးလှမင်းဦးတို့ ၂ ဦးကို ကြိုတင်ဆုကြေးငွေအဖြစ် ငွေကျပ် ၄၁ သိန်းကို ဝန်ကြီးချုပ်က ပေးခဲ့တယ်လို့ သိရပါတယ်။ အဲ့ဒီလို လာရောက်အပ်နှံချိန် စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာ မြင့်နိုင်က ” ရှေးဟောင်းအမွေအနှစ် ပစ္စည်းတွေကို…

Read More

ခန္တီး ၊ဒီဇင်ဘာ ၂၂ ၊ ၂၀၂၀ ကိုတိုးကြီး (VOM) စစ်ကိုင်းတိုင်း၊ ခန္တီးမြို့နယ်၊ အနောက်ကောက်တောင်ကျေးရွာ၊ နန်မဆိုင်း ချောင်းဝအနီး ချင်းတွင်းမြစ်ထဲမှာ မနေ့ ဒီဇင်ဘာ ၂၁ ညနေပိုင်းက ကုန်တင်ရေယာဉ်မောင်းလာချိန် လှိုင်းလုံးတွေရိုက်ပုတ်မှုကြောင့် စက်လှေ ၁ စီးနစ်မြုပ်ပြီး လူ၂ ယောက် ရေနစ်ပျောက်ဆုံးနေတယ်လို့ အနောက်ကောက်တောင်ကျေးရွာအုပ်စု အုပ်ချုပ်ရေးအဖွဲ့ကနေ သိရပါတယ်။ ” စက်လှေပေါ်မှာ လူ ၈ ယောက် လိုက်ပါလာတယ်၊ ကလေး ၃ ယောက် နဲ့ လူကြီး ၅ ယောက်ဖြစ်တယ် “လို့ အနောက်ကောက်တောင်ကျေးရွာအုပ်စု အုပ်ချုပ်ရေးမှူး ဦးအောင်ကျော်ဆန်းက ပြောပါတယ်။ အနောက်ကောက်တောင်ကျေးရွာမှာနေတဲ့ ဦးအောင်မြင့်ဦးဆိုသူဟာ အသက် ၅ နှစ်အရွယ်နဲ့ ၁၀ နှစ်အရွယ် သား ၂ ယောက်နဲ့အတူ အသက် ၁၂ နှစ်အရွယ် သမီး…

Read More