Month: August 2021

စစ်တွေ၊ ဩဂုတ် ၂၆- ၂၀၂၁ ထက်အောင်စိုင်း(VOM)   ရခိုင်ပြည်နယ်ကို မနေ့ ဩဂုတ်လ ၂၅ ရက်နေ့က တရုတ်နိုင်ငံထုတ် Sinopharm ကိုဗစ်ကာကွယ်ဆေးအလုံးရေ (၂) သောင်းခွဲရောက်ရှိကြောင်း နဲ့ အဲဒီကာကွယ်ဆေးတွေကို ပြည်နယ်တွင်းက စစ်ဘေးရှောင်တွေနဲ့ မူဆလင်ဒုက္ခသည်တွေကို ထိုးပေးသွားမှာဖြစ်တယ်လို့ သိရပါတယ်။   လက်ရှိ ပြည်နယ်ကျန်းမာရေးမှာ ကာကွယ်ဆေး အလုံးရေ (၂) သောင်းခွဲရောက်ရှိနေတာဖြစ်တဲ့အတွက် ဆေးတစ်လုံးကို လူ(၂)ယောက်ထိုးပေးနိုင်မှာဖြစ်တာကြောင့် ဒုက္ခသည်ပေါင်း (၅) သောင်းဟာ ကာကွယ်ဆေးထိုးနှံနိုင်မှာဖြစ်တယ်လို့ သိရပါတယ်။   ရခိုင်ပြည်နယ်၊ ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာစိုးဝင်းပိုင်က “ စစ်ဘေးရှောင်စခန်းတွေ၊ ကယ်ဆယ်ရေးစခန်းတွေ အဲ့ဒီမှာထိုးဖို့အတွက် လူ(၅သောင်း)စာအတွက် ကာကွယ်ဆေး ပုလင်းရေ နှစ်သောင်းခွဲ ရောက်တယ်။ နောက်ထပ်လည်း ကိုဗစ်ကာကွယ်ဆေးတွေရောက်ဖို့ ရှိပါသေးတယ်၊ ပြည်သူ့ကျန်းမာရေးဦးစီးဌာနအနေနဲ့ ရခိုင်ပြည်နယ်မှာ လူတိုင်းကို ကာကွယ်ဆေးထိုးနှံပေးနိုင်ရေးမှာ အခက်အခဲတွေရှိတယ်၊ မိမိတို့နိုင်ငံဟာ…

ဩဂုတ် ၂၅-၂၀၂၁ Shy V(VOM)   မူဆယ်မြို့မှာ ပြည်တော်ပြန်တွေကို ငွေလဲပေးနေတဲ့ အမျိုးသီးတစ်ဦး ဒီကနေ့ မနက် ၁၀ နာရီခွဲခန့်က ဓားခုတ်ခံရတဲ့အပြင် ငွေပါ လုယက်ခံလိုက်ရတယ်လို့ မျက်မြင်တစ်ဦးက ပြောပါတယ်။   “ငွေလဲအန်တီကြီး ပိုက်ဆံလုခံရတယ်။ အမျိုးသားတစ်ဦးက ဓားနဲ့ခုတ်ပြီး ငွေထုပ်ကိုလုပြေးသွားတာ၊ ငွေအလဲအလှယ် လုပ်နေတဲ့ အန်တီကြီးရဲ့ ညာဘက်လက် ဓားခုတ်ဒဏ်ရာရခဲ့ပြီး ငွေသား သိန်း ၄၀ ဝန်းကျင် ပါသွားတယ်၊ မူဆယ်မြို့မှာ သူခိုး၊ ဓားမြ အရမ်းပေါနေပြီ။” လို့ မျက်မြင်တစ်ဦးက ပြောပါတယ်။   ဒဏ်ရာရသူ အမျိုးသမီးကိုတော့ မူဆယ် ပြည်သူ့ဆေးရုံကို ပို့‌ပေးခဲ့ပြီး ဒဏ်ရာရတဲ့ လက်ဖျံကို (၅)ချက် ချုပ်လိုက်ရတယ်လို့ ကူညီပေးခဲ့သူကပြောပါတယ်။   ဓားခုတ်၊ လုယက်မှု ဖြစ်ပွားတဲ့နေရာဟာ မူဆယ်မြို့၊ ကောင်းမှုတုံရပ်ကွက်က စည်ပင်လမ်းထောင့်မှာဖြစ်ပြီး ပြည်တော်ပြန်‌တွေကို…

ပေကျင်း၊ သြဂုတ်-၂၅-၂၀၂၁ မျိုးဆက် (VOM)   တရုတ်နိုင်ငံရဲ့ အမျိုးသားသင်ရိုးညွှန်းတမ်းမှာ သမ္မတရှီကျင်းပင်ရဲ့ အတွေးအခေါ်တွေကို ထည့်သွင်းသင်ကြားပေးသွားမယ်လို့ တရုတ်ပညာရေး၀န်ကြီးဌာနက သြဂုတ် ၂၄ ရက်မှာ ထုတ်ပြန်လိုက်ပါတယ်။   တရုတ်သမ္မတရဲ့ နိုင်ငံရေးသဘောတရားတွေကို သင်ကြားပေးတာဟာ လူငယ်တွေကို မာ့က်စ်ဝါဒယုံကြည်ချက်တွေထူထောင်ဖို့ အထောက်အကူဖြစ်လိမ့်မယ်လို့ ပညာရေး၀န်ကြီးဌာနက ပြောပါတယ်။   ဒီလိုသင်ကြားခြင်းကို အခြေခံပညာမူလတန်းကျောင်းတွေကနေ တက္ကသိုလ်တွေထိ အကြုံး၀င်မှာဖြစ်ပါတယ်။ ဒါဟာ လူ့အဖွဲ့အစည်းနယ်ပယ်အသီးသီးမှာ အာဏာရတရုတ်ကွန်မြူနစ်ပါတီရဲ့အခန်းကဏ္ဍကိုခိုင်မာစေဖို့ မစ္စတာရှီရဲ့ နောက်ဆုံးအားထုတ်မှုဖြစ်ပါတယ်။   ဘက်စုံကိုယ်ကျင့်တရား၊ ဥာဏ၊ ကာယ၊ သဘောတရားတွေနဲ့အတူ ဆိုရှယ်လစ်စနစ်တည်ဆောက်သူတွေနဲ့ ဆက်ခံသူတွေကို မွေးမြူဖို့အတွက်ရည်ရွယ်ပြီး ဒီလိုသင်ကြားဖို့စီစဉ်တာလို့ ပညာရေး၀န်ကြီးဌာနကဆိုပါတယ်။   တရုတ်နိုင်ငံဟာ ၂၀၁၈ ခုနှစ်ကလည်း တရုတ်သမ္မတ ရှီကျင်းပင်ရဲ့ အတွေးအခေါ်တွေကို ဖွဲ့စည်းပုံအခြေခံဥပဒေမှာ ထည့်သွင်းခဲ့ပါတယ်။   Ref: BBC Photo:Getty Images #voiceofmyanmar #vom…

ရန်ကုန်၊သြဂုတ် ၂၅-၂၀၂၁ KK(VOM)   ရန်ကုန်မြို့၊ တောင်ဒဂုံမြို့နယ်၊ ၁၈ရပ်ကွက်မှာ မနေ့ဩဂုတ်လ ၂၄ရက် ည ၈နာရီခန့်က သရုပ်ဆောင်လူရွှင်တော် ဇော်မင်းထိုက်(ခ)ဆင်မကို နေအိမ်မှာ စစ်တပ်နဲ့ရဲတပ်ဖွဲ့ဝင်တွေက လာရောက်ဖမ်းဆီးသွားတယ်လို့ ရပ်ကွက်နေပြည်သူတွေဆီကသိရပါတယ်။   မနေ့ညနေပိုင်းက သာကေတမြို့နယ်နဲ့သဃ်န်းကျွန်းမြို့နယ်မှာ ဖမ်းဆီးမှုတွေပြုလုပ်အပြီး တောင်ဒဂုံမြို့နယ်ကို ဆက်လက်ဖမ်းဆီးရာမှာ ပါသွားခဲ့တာ ဖြစ်တယ်လို့ ၁၈ရပ်ကွက်နေသူတစ်ဦးက ပြောပါတယ်။   ၁၈ရပ်ကွက်နေသူတစ်ဦးက”ဆင်မတစ်ယောက်တည်းမဟုတ်ဘူး တောင်ဒဂုံက အချို့ရပ်ကွက်တွေမှာ ဖမ်းဆီးခံရတဲ့သူတွေလည်းရှိတယ်”လို့ သူကရှင်းပြပါတယ်။   ဇူလိုင် ၁၃ရက်က လူမှုကွန်ရက်မှာ ပျံနှံ့ခဲ့တဲ့ ဖမ်းဆီးမည့် ရုပ်ရှင်အနုပညာရှင်စာရင်းမှာ ဆင်မလည်းပါဝင်တယ်လို့ သိရပါတယ်။   ဇာတ်ပို့သရုပ်ဆောင် လူရွှင်တော် ဆင်မဟာ နစက လက်ထက်မှာ မြန်မာနိုင်ငံရုပ်ရှင်အစည်းအရုံးကလည်း နှုတ်ထွက်ထားသူတယောက်လည်းဖြစ်ပါတယ်။   #voiceofmyanmar #VOM #ရန်ကုန်

သြဂုတ် ၂၅-၂၀၂၁ KK(VOM)   ဂန့်ဂေါမြို့နယ်၊ လယ်ကြီးအရှေ့ရွာက အုပ်ချုပ်ရေးမှူး ဦးဝင်းဆွေဟာ ဒီကနေ့ မနက် ၅နာရီလောက်မှာ သေနတ်နဲ့ပစ်ခတ်ခံရတယ်လို့ ဒေသခံတွေဆီက သိရပါတယ်။   ဒေသခံတစ်ဦးက”အိမ်မှာ လာပစ်သွားတာ၊ ဒဏ်ရာကတော့စိုးရိမ်ရတယ်၊ သေတော့မသေဘူး အခုဆေးရုံမှာလို့”လို့ ပြောပါတယ်။   သေနတ်ပစ်ခတ်ခံရမှုကြောင့် ဒဏ်ရာ၃ချက်ရရှိခဲ့တဲ့ လယ်ကြီးကျေးရွာအုပ်ချုပ်ရေးမှူးကို စစ်တပ်နဲ့ရဲတပ်ဖွဲ့ဝင်တွေက ကလေးမြို့နယ်ပြည်သူ့ဆေးရုံကို ပို့ဆောင်ပေးခဲ့တယ်လို့ ဒေသခံတွေဆီကသိရပါတယ်။   လယ်ကြီးကျေးရွာအုပ်ချုပ်ရေးမှူးဟာ ဒေသခံလူငယ်များကို ဖမ်းဆီးခံရအောင် သတင်းပေးခဲ့လို့ ပစခတ်ခံရတယ်လို့ ရပ်မိရပ်ဖတွေက မှတ်ချက်ပေးပါတယ်။   လက်တလောမှာတော့ လယ်ကြီးကျေးရွာမှာ စစ်တပ်နဲ့ရဲတပ်ဖွဲ့ဝင်တွေ နေအိမ်တွေကို လိုက်လံစစ်ဆေးနေတယ်လို့ ဒေသခံတွေဆီကသိရပါတယ်။   #voiceofmyanmar #VOM #ဂန့်ဂေါ