Day: October 18, 2021

အောက်တိုဘာ ၁၈-၂၀၂၁ GH ( VOM )   သီတင်းကျွတ်ပွဲတော်ကာလ ချောင်းသားကမ်းခြေမှာ ရဲ၊ စစ်တပ်နဲ့ ရေပြင်အသက်ကယ်အဖွဲ့အပါအဝင် အင်အား ၅၀ လောက်နဲ့ စောင့်ကြည့်သွားမှာဖြစ်တယ်လို့ ချောင်းသာမြို့နယ် အုပ်ချုပ်ရေးအဖွဲ့ကနေ သိရပါတယ်။   “ကမ်းခြေမှာဆို ရဲတပ်ဖွဲရှိမယ်၊ ပြီးတော့နယ်မြေခံတပ် ရှိမယ်။အုပ်ချုပ်ရေးနဲ့ဌာနဆိုင်ရာပေါင်းထားတဲ့စည်းကမ်းထိန်းသိမ်းရေးကလည်း ၂၀ လောက်ရှိမယ်။ ဒီတော့ စည်းကမ်းထိန်းသိမ်းရေးတပ်ဖွဲ့နဲ့ ရဲတပ်ဖွဲ့နဲ့ တပ်နဲ့ပေါင်းရင် ၂၇ လောက်ရှိမယ်၊ ကမ်းခြေမှာ မိုးတွင်းကာလတွေမှာပါ ဆောင်ရွက်နေတဲ့အရပ်သားဝန်ထမ်း ၁၀ ယောက်ရှိမယ်၊ရေပြင်အသက်ကယ် ၁၀ ယောက်လည်းရှိမယ်။ ဆိုတော့ တနေ့ကို အယောက် ၅၀ လောက်ရှိနေမယ်။ မလိုလားအပ်တာတွေမဖြစ်ဖို့နဲ့ ခရီးသွားတွေဘေးကင်းလုံခြုံဖို့အတွက်ပါ” လို့ ချောင်းသာမြို့နယ်အုပ်ချုပ်ရေးမှူး ဦ်းကျော်သူကပြောပါတယ်။   ဒါ့အပြင် အထက်လူကြီး ခေါင်းဆောင်ပိုင်းတွေကလည်း mobile team နဲ့ စောင့်ကြည့်နေမှာဖြစ်ပြီး ချောင်းသာမြို့တွင်း မြို့ပြင်ကိုလည်း ၂၄…

အောက်တိုဘာ ၁၈-၂၀၂၁ GH ( VOM )   ပုဂံမှာ မနေ့ အောက်တိုဘာ ၁၇ရက်ကရွာခဲ့တဲ့ မိုးကြောင့် ပြသာဒ်ကြီးဘုရားအပါအဝင် ဘုရား နဲ့ အုတ်ကျောင်း ၂ ကျောင်း ထိခိုက်ပျက်စီးမှုဖြစ်ပွားခဲ့တယ်လို့ ပုဂံဒေသခံတွေဆီက သိရပါတယ်။   စိုးမင်းကြီးဘုရား၊ စေတနာကြီးဘုရားက အုတ်တံတိုင်း၊ ပုထိုးသားများဘုရား၊ မြင်းကပါရွာအနီးက အုတ်ကျောင်း၊ တောင်မြေရွာက အုတ်ကျောင်းတစ်ကျောင်းလည်း ထိခိုက်မှုရှိခဲ့တယ်လို့သိရပါတယ်။   ” ပြသာဒ်ကြီးဘုရားရဲ့အနောက်ဘက်မုဒ်က ပြိုကျတာပေါ့။ အပေါ်ကနေ ရေတွေစိမ့်ဝင်ပြီး အိပြီးပြိုကျတာ။ အရင်တုန်းက ကန်ထရိုက်စနစ်နဲ့လုပ်ခဲ့တဲ့အပိုင်းပေါ့။ နောက်ထပ်ပြိုကျတဲ့အုတ်ကျောင်းတွေရှိတယ်။ဘုရားတွေရှိတယ် ၊စူဠာမဏိဘုရားထဲလည်း ရေတွေပြန်ဝင်နေတယ်” လို့ ပုဂံဒေသခံလူမှုကူညီရှာဖွေကယ်ဆယ်ရေးအဖွဲ့ တာဝန်ရှိသူတဦးကပြောပါတယ်။   မိုးရွာသွန်းမှုကြောင့် ထိခိုက်ပျက်စီးခဲ့တဲ့ဘုရားတွေ၊အုတ်ကျောင်းတွေကို သက်ဆိုင်ရာတာဝန်ရှိသူတွေက လိုက်လံကွင်းဆင်းစစ်ဆေးတာတွေလုပ်နေတယ်လို့ သိရပါတယ်။   အခုလိုပြိုကျတာတွေနဲ့ပတ်သက်ပြီး ပုဂံရှေး/သုဌာနခွဲကိုဆက်သွယ်ခဲ့ပေမယ့် ဖုန်းလက်ခံဖြေကြားခြင်းမရှိခဲ့ပါဘူး။   ပုဂံညောင်ဦးမှာ ပြီးခဲ့တဲ့ရက်ပိုင်းကစပြီး မနေ့ကညပိုင်းအထိ…

အောက်တိုဘာ ၁၈-၂၀၂၁ KT(VOM)   အကျဉ်းထောင်အသီးသီးမှာ ဖမ်းဆီးခံထားရတဲ့ အကျဉ်းသား/သူ ၁၃၀၀ကျော်ကို ပြန်လွှတ်ပေးမှာဖြစ်ပြီး ၅၀၅နဲ့ သက်ဆိုင်တဲ့ ကြားနားစစ်ဆေးဆဲပြစ်မှုဆိုင်ရာအမှုတွေကို ပြန်လည်ပိတ်သိမ်းပေးသွားမယ် ဒီကနေ့မှာ နစက ကောင်စီက ကြေညာခဲ့ပါတယ်။   ” အကျဥ်းသူ/အကျဥ်းသားတွေလွှတ်ပေးမယ်၊၁၃၁၆ ဦးလွှတ်ပေးမယ်၊ဒုတိယအမိန့်စာကတော့ ၅၀၅ နဲ့စွဲထားသူတွေကိုအမှုပိတ်မယ်၊ ၄၃၂ ၀ဦးဖြစ်ပါတယ်၊လွှတ်ပေးမယ့်အထဲမှာ အနုပညာရှင်တွေပါမယ်၊အမှုပိတ်တဲ့အထဲမှာလည်း အနုပညာရှင်တွေပါမယ်၊ လွှတ်ပေးမယ့်အထဲမှာ CDM ကြောင့်ဖမ်းထားသူတွေလည်းပါမယ်”လို့ တပ်မတော်သတင်းမှန်ပြန်ကြားရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းကပြောပါတယ်။   #voiceofmyanmar #VOM #အကျဉ်းသား #၅၀၅အမှုပိတ်သိမ်း

အောက်တိုဘာ ၊ ၁၈ -၂၀၂၁ VOM   မကွေးတိုင်း၊ မင်းဘူးခရိုင် ၊ ပွင့်ဖြူမြို့နယ် ၊ ကျောင်းတော်ရာ ကျေးရွာဘက်မှာ မနေ့ အောက်တိုဘာ ၁၇ ရက် မနက်ပိုင်းကစလို့ မိုးသက်လေပြင်း ကျရောက်ခဲ့တဲ့အတွက် ရှေးဟောင်းသမိုင်းဝင် စန္ဒကူးနံ့သာ ကျောင်းတော်ရာက စေတီ (၈)ဆူ ထိခိုက်ပျက်စီးခဲ့တယ်လို့ ပွင့်ဖြူမြို့နယ် မီးသတ်ဦးစီးဌာနကနေ သိရပါတယ်။   “သမိုင်းဝင် စန္ဒကူးနံ့သာကျောင်းတော်ရာစေတီတော်မြတ်ကြီးရဲ့ ဒုတိယအဆင့်ထီးတော်မှ စိန်ဖူးတော်ငှက်မြတ်နားတော်အထိ ထီးမဏ္ဍိုင် မြောက်ဘက်ကို ကွေးညွတ်သွားတယ် ၊ အရံစေတီ(၁၀၈)ဆူအနက်မှ ရာဟုထောင့်အရံစေတီ(၂)ဆူ ၊ စနေထောင့် အရံစေတီ (၂)ဆူ ၊ အင်္ဂါထောင့်အရံစေတီ(၄)ဆူက မြောက်ဘက်သို့ ယိမ်းယိုင်သွားခဲ့တယ် ၊ ဒိအပြင် အရှေ့ဘက်ရှိ နတ်လမ်း ပြဿဒ်ထီးတော်ပြုတ်ကျခဲ့ပြီး မာမကာတန်ဆောင်းပန်းဆွဲများလည်း ပြုတ်ကျပျက်စီးသွားတာ “လို့ မကွေးတိုင်း မီးသတ်ဦးစီးဌာန ၊ ရှာဖွေကယ်ဆယ်ရေး…