အေးချမ်းသူ(VOM) မြောက်ဥက္ကလာပမြို့နယ်၊ သုနန္ဒာလမ်းမကြီးတလျှောက် ဆိုက်ကားတွေ ဆိုင်ကယ်တွေ စက်ဘီးတွေ အိမ်စီးကားတွေနဲ့ပြည့်ကျပ်လို့နေပါတယ်။ မလှမ်းမကမ်းမှာတော့ ထမင်းစားဖို့စောင့်ဆိုင်းရင်း တန်းစီနေတဲ့ အခြေခံလူတန်းစားမျိုးစုံပါဝင်တဲ့ လူအုပ်ကြီးကလည်း ရှိနေပါတယ်။ ထမင်းစားဖို့စောင့်နေတဲ့ လူတွေဟာ ကားဂိတ်နဲ့လည်းနီး ဆိုင်ကယ် ကယ်ရီသမားတွေအများစုလည်းရှိ စက်မှုဇုန်နဲ့ နီးပြီး အခြေခံလူတန်းစားအများစုနေထိုင်ရာ မြောက်ဥက္ကလာ (ည)ရပ်ကွက်၊ သုနန္ဒာလမ်းက ရွှေဘိုသူ ငါးရာတန်ထမင်းဆိုင်ကို ထမင်းစားဖို့လာကြတာပဲဖြစ်ပါတယ်။ ဗီနိုင်းစနဲ့ပြုလုပ်ကာ ချိတ်ဆွဲထားတဲ့ “ရွှေဘိုသူ ငါးရာတန် ထမင်းဆိုင်”ရဲ့ ဆိုင်းဘုတ်အောက်မှာတော့ တီရှပ်အမဲရောင်ကို တူညီစွာဝတ်ဆင်ထားတဲ့ ဝန်ထမ်းတွေဟာ ဝက်သား၊ မြစ်ငါးတန်၊ ကုလားပဲ ကြာဇံချက်၊ ငပိရည်ဖျော်၊ တို့စရာ စတာတွေ ထည့်ထားတဲ့ ဒန်အိုးကြီးတွေရှေ့မှာ စားသုံးသူတွေကို ဟင်းထည့်ပေးဖို့စောင့်နေတာပဲဖြစ်ပါတယ်။ စီတန်းထားတဲ့ လူတန်းကြီးကို တစ်ယောက်လျှင် ချစ်တီးထမင်းဆိုင်များတွင် အသုံးပြုလေ့ရှိသော စတီပန်းကန်များကို ကမ်းပေးရင်း ဟင်းထည့်သူ၊ ပဲကြာဇံချက်ထည့်ပေးသူ၊ ငပိရည်တို့စရာ ထည့်ပေးသူ ထမင်းထည့်ပေးသူနဲ့ ငါးရာတန်ထမင်းဆိုင်ကို စတင်ရောင်းချပါတော့တယ်။ ငါးရာတန်အဝစားထမင်းဆိုင်ကို သုနန္ဒာလမ်းမကြီးပေါ်မှာ…
Read Moreမြောက်ဥက္ကလာက ရွှေဘိုသူ ငါးရာတန်အဝစားထမင်းဆိုင်
