Month: March 2022

၀ါရှင်တန်၊ မတ်-၁၈-၂၀၂၂ မျိုးဆက်(VOM) အမေရိကန်-အာဆီယံ အထူးထိပ်သီးဆွေးနွေးပွဲ ကျင်းပမယ့် နေ့ရက်နဲ့ပတ်သက်ပြီး ဆွေးနွေးမှုတွေ ပြုနေကြောင်း အိမ်ဖြူတော်က မတ် ၁၇ ရက်မှာ ထုတ်ဖော်ပြောကြားလိုက်ပါတယ်။ အဲဒီအစည်းအဝေးကို မတ်လ ၂၈ ရက်နဲ့ ၂၉ ရက်တို့မှာ ကျင်းပဖို့ မူလကစီစဉ်ထားကြောင်း အိမ်ဖြူတော်က ပြီးခဲ့တဲ့လမှာ ထုတ်ပြန်ခဲ့ပေမယ့် သတ်မှတ်ထားတဲ့နေ့မှာ အာဆီယံခေါင်းဆောင်တွေအားလုံး တက်ရောက်နိုင်ခြင်း မရှိတာကြောင့် ဆွေးနွေးပွဲကို အာဆီယံအလှည့်ကျ ကမ္ဘောဒီးယားက ယခုလအစောပိုင်းမှာ ရွှေ့ဆိုင်းကြောင်း ကြေညာခဲ့ပါတယ်။ ဖိတ်ကြားထားတဲ့ အာဆီယံခေါင်ဆောင်အားလုံး ပါ၀င်နိုင်စေဖို့အတွက် ဒီအစည်းအဝေးကျင်းပမယ့် သင့်တော်တဲ့ နေ့ရက်အချိန်ကို အာဆီယံမိတ်ဖက်တွေနဲ့ အနီးကပ်ဆွေးနွေးညှိနှိုင်းနေတယ်လို့ အိမ်ဖြူတော် အမျိုးသားလုံခြုံရေးကောင်စီ ပြောရေးဆိုခွင့်ရှိသူက ထုတ်ဖော်ပြောဆိုပါတယ်။ အမေရိကန်-အာဆီယံထိပ်သီးဆွေးနွေးပွဲဟာ ဒေသတွင်းမှာ တရုတ်နိုင်ငံရဲ့ ကြီးထွားလာတဲ့သြဇာလွှမ်းမိုးမှုကို တန်ပြန်ဖို့ အာဆီယံနဲ့ထိတွေ့ဆက်ဆံရေးကို မြှင့်တင်တည်ဆောက်ဖို့ အမေရိကန်ရဲ့ အားထုတ်မှု တစိတ်တပိုင်းအဖြစ် ရှုမြင်နေကြပါတယ်။ အစည်းအဝေးကို ယခုနှစ်အစောပိုင်းကတည်းက…

အော်စလို၊ မတ်-၁၈-၂၀၂၂ မျိုးဆက်(VOM) ယူကရိန်းကို ရုရှားက ကျူးကျော်တိုက်ခိုက်မှုပြုနေပြီး တင်းမာမှုတွေမြင့်တက်နေချိန်မှာ နေတိုးအဖွဲ့၀င်နိုင်ငံတွေဟာ နော်ဝေမှာ အကြီးစားစစ်ရေးလေ့ကျင့်နေကြပါတယ်။ အဲဒီစစ်ရေးလေ့ကျင့်ခန်းမှာ အဖွဲ့၀င်နိုင်ငံ ၂၇ နိုင်ငံက တပ်ဖွဲ့၀င်ပေါင်းသုံးသောင်းပါ၀င်နေပါတယ်။ ဒါ့အပြင် နေတိုးအဖွဲ့၀င်နိုင်ငံမဟုတ်တဲ့ ဆွီဒင်နဲ့ဖင်လန်တို့မှ တပ်ဖွဲ့၀င်တွေလည်း ပါ၀င်လေ့ကျင့်နေပြီး ဧပြီ ၁ ရက်နေ့မှာ စစ်ရေးလေ့ကျင့်မှု ပြီးဆုံးမှာဖြစ်ပါတယ်။ စစ်ရေးလေ့ကျင့်မှုမှာ နော်ဝေနိုင်ငံကို တိုက်ခိုက်ခံရတဲ့ပုံစံမျိုး ပုံစံတူလေ့ကျင့်ခဲ့ပြီး ပြင်သစ်၊ စပိန်နဲ့ ပိုလန်တို့မှ တပ်ဖွဲ့၀င်တွေဟာ နော်ဝေတောင်ပိုင်း အခြေစိုက်စခန်းမှာ အလျင်အမြန်တုံ့ပြန်မှုလေ့ကျင့်မှုတွေမှာ ပါ၀င်ခဲ့ပါတယ်။ ဒီစစ်ရေးလေ့ကျင့်မှုကို ၂၀၀၆ ခုနှစ်ကတည်းက နှစ်စဉ်ကျင်းပခဲ့တာဖြစ်ပြီး ယူကရိန်းကို ရုရှားကျူးကျော်တိုက်ခိုက်မှုနဲ့ တိုက်ရိုက်ဆက်စပ်မှုမရှိကြောင်း နော်ဝေစစ်ဘက်က ထုတ်ပြန်ထားပါတယ်။ ဒါပေမယ့် နေတိုးစစ်ရေးကော်မတီဥက္ကဌ ဗိုလ်ချုပ်ကြီး Rob Bauer ကတော့ အဆိုးဆုံးအတွက်ပြင်ဆင်ထားပြီး မမျှော်လင့်ထားတာတွေကို မျှော်လင့်ထားဖို့ ခုချိန်မှာ အရေးကြီးတယ်လို့ ထုတ်ဖော်ပြောဆိုထားပါတယ်။ Ref:NHK Photo:Getty…

ဝါရှင်တန်၊ မတ်-၁၇-၂၀၂၂ မျိုးဆက်(VOM)   ရုရှားသမ္မတပူတင်ကို စစ်ရာဇ၀တ်ကောင်အဖြစ် အမေရိကန်သမ္မတ ဂျိုးဘိုင်ဒင်က ပထမဆုံးအကြိမ် ခေါ်ဝေါ်သုံးစွဲပြီး ရှုတ်ချပြောဆိုလိုက်ပါတယ်။   မတ် ၁၆ ရက်ကပြုလုပ်တဲ့ သတင်းစာရှင်းလင်းပွဲမှာ သတင်းထောက်တဦးရဲ့မေးမြန်းမှုအပေါ် သမ္မတဂျိုးဘိုင်ဒင်က အခုလိုပြောဆိုလိုက်တာဖြစ်ပြီး ဒီအသုံးအနှုန်းဟာ လက်ခံနိုင်ဖွယ်မရှိတဲ့အပြင် ခွင့်မလွှတ်နိုင်တဲ့ စကားလုံးတွေဖြစ်တယ်လို့ ရုရှားအစိုးရ ပြောရေးဆိုခွင့်ရှိသူ ဒီမီထရီပက်စကော့က တုံ့ပြန်ပြောဆိုထားပါတယ်။   ရုရှားသမ္မတပူတင်အနေဖြင့် စစ်ရာဇ၀တ်မှုကျူးလွန်ခြင်းရှိမရှိကို အမေရိကန်နိုင်ငံခြားရေး၀န်ကြီးဌာနက စုံစမ်းမှုတွေပြုလုပ်နေကြောင်း အိမ်ဖြူတော်ပြောရေးဆိုခွင့်ရှိသူ ဂျန်ပက်ဆာကီကပြောပါတယ်။   ယူကရိန်းကိုပေးအပ်မယ့် အမေရိကန်ရဲ့ကာကွယ်ရေးအကူအညီတွေမှာ လေယာဉ်ပစ်ဒုံးကျည်တွေ၊ မောင်းသူမဲ့လေယာဉ်တွေ၊ လောင်ချာတွေပါ၀င်ပြီး ယခုသီတင်းပတ်အတွင်း အမေရိကန်ရဲ့အကူအညီဟာ ဒေါ်လာ တစ်ဘီလီယံအထိ တိုးလာတယ်လို့ ဂျိုးဘိုင်ဒင်ကပြောပါတယ်။   ဒါ့အပြင် ပိုလန်နဲ့ မော်လ်ဒိုဗာသို့ ယူကရိန်းနိုင်ငံသားသန်းပေါင်းများစွာ ဖြတ်ကျော်၀င်ရောက်မှုတွေကြောင့် လူသားချင်းစာနာမှုဆိုင်ရာ အကူအညီတွေပိုမိုပေးအပ်မယ်လို့ သူကကတိပြုထားပြီး အစားအသောက်တွေ၊ ဆေးဝါးတွေနဲ့ အခြားအထောက်အပံ့တွေပေးပို့ဖို့ အမေရိကန်အစိုးရက စီစဉ်နေပါတယ်။…

ဆိုးလ်၊ မတ်-၁၇-၂၀၂၂ မျိုးဆက်(VOM)   တောင်ကိုရီးယားနိုင်ငံမှာ ကိုဗစ်-၁၉ ဆိုင်ရာကန့်သတ်ချက်တွေကို အဆုံးသတ်ရန်ပြင်ဆင်နေချိန်မှာ နေ့စဉ်ကူးစက်မှုအရေအတွက်ဟာ ၆၂၁၃၂၈ ထိစံချိန်တင်ခဲ့ပြီး သေဆုံးသူအရေအတွက်ဟာလည်း ၄၂၉ ဦးရှိကြောင်း အာဏာပိုင်တွေက မတ် ၁၇ ရက်မှာပြောပါတယ်။   ကူးစက်မြန် အိုမီခရွန်ဗိုင်းရပ်စ်ကြောင့် နိုင်ငံတွင်းမှာ ကိုဗစ်-၁၉ ကူးစက်မှု စံချိန်တင်မြင့်မားနေတာဖြစ်ကြောင့် တောင်ကိုရီးယား ရောဂါထိန်းချုပ်ရေးနှင့် ကာကွယ်တားဆီးရေးအေဂျင်စီက ပြောပါတယ်။   လက်ရှိမှာတော့ နေ့စဉ်ကူးစက်မှုနှုန်းဟာ အာဏာပိုင်တွေခန့်မှန်းထားတာထက် ပိုမိုများပြားနေပါတယ်။   ဒါပေမယ့် တောင်ကိုရီးယားအစိုးရကတော့ လာမယ့်သီတင်းပတ်အနည်းငယ်အတွင်း လူမှုဆိုင်ရာကန့်သတ်ချက်တွေကို ဖယ်ရှားဖို့ စီစဉ်နေပြီး လူထုကလည်း ဒီကိစ္စကို ထောက်ခံကြောင်း စစ်တမ်းတွေမှာ ဖော်ပြထားပါတယ်။   တောင်ကိုရီးယားနိုင်ငံဟာ ကာကွယ်ဆေးကျယ်ကျယ်ပြန့်ပြန့်ထိုးနှံမှုတွေကြောင့် ရောဂါကူးစက်မှုနဲ့ သေဆုံးမှုတွေ အကြီးအကျယ်မဖြစ်အောင် ကန့်သတ်နိုင်ခဲ့ကြောင်း ကျွမ်းကျင်သူတွေကပြောပါတယ်။   လက်ရှိချိန်ထိ နိုင်ငံလူဦးရေ ၅၂ သန်းရဲ့ ၆၃…

ကိယက်ဗ်၊ မတ်-၁၇-၂၀၂၂ မျိုးဆက်(VOM)   ယူကရိန်းမှာဖြစ်ပွားနေတဲ့ တိုက်ပွဲတွေအတွင်းမှာ ရုရှားစစ်ဗိုလ်ချုပ်တစ်ဦး ထပ်မံသေဆုံးသွားတယ်လို့ ယူုကရိကန်သမ္မတ ဇီလန်စကီးကပြောပါတယ်။   အဲဒီရုရှားစစ်ဗိုလ်ချုပ်ရဲ့အမည်ကို ယူကရိန်းသမ္မတက ထုတ်ဖော်ပြောဆိုခြင်းမရှိပေမယ့် ဗိုလ်ချုပ် Oleg Mityaev ဖြစ်ကြောင်း ယူကရိန်းပြည်ထဲရေး၀န်ကြီးဌာန အကြံပေးတဦးက ထုတ်ဖော်ပြောကြားထားပါတယ်။   ရုရှားစစ်ဗိုလ်ချုပ်ဟာ မာရီယူပိုလ်မြို့အနီးတိုက်ပွဲအတွင်း ယူကရိန်းအေဇော့ဗ်တပ်ရင်းရဲ့ သုတ်သင်မှုကို ခံခဲ့ရတယ်လို့ယူကရိန်း သတင်းဌာနတွေက ဆိုပါတယ်။   သူဟာ ယူကရိန်းတပ်တွေရဲ့ သုတ်သင်ခြင်းကိုခံရတဲ့ လေးဦးမြောက် ရုရှားစစ်ဗိုလ်ချုပ်လည်းဖြစ်ပါတယ်။   လက်ရှိချိန်ထိ ယူကရိန်းမှာပြုလုပ်တဲ့ စစ်ဆင်ရေးတွေမှာ ရုရှားဗိုလ်ချုပ်၂၀ ဦးက ဦးဆောင်နေတယ်လို့ လေ့လာသူတွေက ပြောဆိုထားပြီး လက်ရှိအခြေအနေအရ ရုရှားစစ်ဗိုလ်ချုပ် ငါးပုံတပုံဟာ ယူကရိန်းစစ်ပွဲမှာ သေဆုံးခဲ့တဲ့ သဘောဖြစ်ပါတယ်။   ယူကရိန်းမှာ ရုရှားထိပ်တန်းတာ၀န်ရှိသူအဆင့်တွေကို ပစ်မှတ်ထားသုတ်သင်ဖို့ ရည်ရွယ်ထားတဲ့ စစ်ထောက်လှမ်းရေးအဖွဲ့ရှိကြောင်း ယူကရိန်းသမ္မတ ဇီလန်စကီးရဲ့ အတွင်းစည်းက တာ၀န်ရှိသူတဦးက…