ဧပြီ ၊ ၄-၂၀၂၂
SP (VOM)
စစ်ကိုင်းတိုင်း ၊ ရွှေဘိုခရိုင် ၊ ဝက်လက်မြို့နယ် ၊ မန္တလေး-ရွှေဘိုကားလမ်း ၊ ရွာသာကြီးကျေးရွာနဲ့ မဲကုန်းရွာအကြား ၊ ရွှေလှံဇရပ်နားမှာ ဒီကနေ့ မနက်ပိုင်းက ခရီးသည်တင် ကားတစ်စီး မိုင်းထိမှန်းပြီး ကားပေါ်မှာ လိုက်ပါလာတဲ့ ခရီးသည်တွေ ဒဏ်ရာရခဲ့တယ်လို့ ကားသမားတွေဆီက သိရပါတယ်။
ရန်ကုန်-ကျွန်းလှ ခရီးသည်သယ်ယူပို့ဆောင်ရေး ကားဂိတ်မှူးတဦးက” အဲ့ဒီ ပေါက်ကွဲမှုကြောင့် ကားပေါ်မှာ လိုက်ပါလာတဲ့ ဘုန်းကြီး ၁ ပါး အပါအဝင် ယာဥ်မောင်း ဦးဇော်ဝင်း ၊ ယာဥ်နောက်လိုက် ဦးစိုးခိုင်နဲ့ ရွှေဘိုမြို့နယ် ၊ သရက်ပင်ဝန်းကျေးရွာ ၊ သရက်ပင်ဝန်းကျောင်းတိုက် ဆရာတော် ဥူးဇာဂရ တို့ ၃ ဦး မိုင်းစထိမှန် ဒဏ်ရာရခဲ့တာ “လို့ ပြောပါတယ်။
” ဒီမနက် ၆ နာရီဝန်းကျင်မှာ ဖြစ်တာပါ ၊ ရန်ကုန်ကနေ ကျွန်းလှမြို့ကိုသွားမယ့် ဝင်းသစ္စာ ခရီးသည်တင်မှန်လုံကားဖြစ်တယ်”လို့ ရွာသားကြီးနယ်ခံပြည်သူတယောက်ကလည်း ပြောပါတယ်။
ဒါ့အပြင် ကားရဲ့ ဘယ် / ညာ ဘေးခြမ်း လေကာမှန်တွေဟာ မိုင်းစထိမှန် ကွဲအက်ပျက်စီးခဲ့တယ်လို့ သိရပါတယ်။
ပြီးခဲ့တဲ့ လပိုင်းတွေကလည်း ခရီးသည်တင်ကားတချို့ မိုင်းထိမှန်ပြီး လူသေဆုံးမှုနဲ့ ထိခိုက်ဒဏ်ရာရသူတွေ ရှိခဲ့တာတွေလည်း ဖြစ်ပွားခဲ့သေးတယ်လို့ သိရပါတယ်။
#VOM #voiceofmyanmar #ဝက်လက် #ပေါက်ကွဲမှု
