Day: April 10, 2022

သတင်းဓါတ်ပုံ Maung Tun Wai ကိုဗစ်ကြောင့် အရင်နှစ်တွေက မကျင်းပနိုင်တဲ့ ဂျပန်ရောက်မြန်မာတွေရဲ့ သင်္ကြန်ပွဲကို ဒီနှစ်မှာပြန်လည်ကျင်းပခွင့်ရခဲ့ပါတယ်။ မင်္ဂလာဒိုးအဖွဲ့ရဲ့ သံချပ်တေးသံသာတွေ ၊ယိမ်းအကတွေ ၊ မြန်မာပြည်အလွမ်းပြေ စားစရာတွေ ရောင်းချပြီး ရံပုံငွေရှာဖွေခဲ့ ကြတယ်လို့ ဒီပွဲမှာ ပါဝင်ခဲ့တဲ့ ကိုထွန်းဝေက ပြောပါတယ်။ #voiceofmyanmar #VOM #ဂျပန်သင်္ကြန်

ဧပြီ ၁၀-၂၀၂၂ KK(VOM) ရန်ကုန်တိုင်း၊ တောင်ဥက္ကလာပမြို့နယ် KBZ ဘဏ်ခွဲဓားပြတိုက်မှုမှာ ပါဝင်သူတွေကို ဒီကနေ့ နေ့လယ်ပိုင်းက ဖမ်းဆီးရမိခဲ့တယ်လို့ ရဲအသိုင်းအဝိုင်းက သိရပါတယ်။ ဘဏ်ဓားပြတိုက်မှုမှာပါဝင်သူ ၇ဦးကို သုံးခွမြို့၊ သိုက်တူးကန်ကျေးရွာ၊ ပိုးဖလံကွင်းလယ်တဲမှာ ဒီကနေ့ နေ့လယ်(၁)နာရီက ဖမ်းဆီးရမိခဲ့တာဖြစ်တယ်လို့ အမည်မဖော်လိုသူရဲအရာရှိတဦးကပြောပါတယ်။ “အားလုံး ၇ဦး ဖမ်းမိတယ် ငွေတွေရော သေနတ်ရယ် ဗုံးတစ်လုံရယ်၊ နောက်ထပ်ပါဝင်သူတွေကို ကွင်းဆက်နဲ့လိုက်နေပါတယ်”လို့ သူကပြောပါတယ်။ ဖမ်းဆီးရမိသူတွေကတော့ ကိုဟိန်းထက်ဇော်၊စည်သူ၊ဟိန်းမင်းသန့်၊သန်းဇော်ထွေး၊လှိုင်ဘွားအောင်၊ဇာနည်ထက်၊ပြည့်ဖြိုးကျော် တို့ဖြစ်တယ်လို့ ရဲတပ်ဖွဲ့ကနေ သိရပါတယ်။ တောင်ဥက္ကလာပမြို့နယ်၊ ၇ ရပ်ကွက် သံသုမာလမ်းနဲ့ မင်းရဲကျော်စွာ (၉) လမ်းထောင့်ရှိ ကမ္ဘောဇဘဏ်ခွဲ ၂၀ မှာ ဧပြီလ ၆ ရက် နေ့လယ်ပိုင်းက ဓားပြတိုက်ခံရပြီး ငွေကျပ် သိန်းနှစ်ထောင်ကျော်ပါသွားတယ်ခဲ့တာဖြစ်တယ်လို့ သိရပါတယ်။ နစကအစိုးရလက်ထက်မှာ မြန်မာတစ်နိူင်ငံတဝန်း ဓားပြတိုက်မှု ၁၈ ကြိမ်ဖြစ်ပွားခဲ့ပြီး KBZ…

ဧပြီ ၊ ၁၀-၂၀၂၂ SP (VOM) စစ်ကိုင်းတိုင်း ၊ ရွှေဘိုမြို့နယ်၊ ဥယျာဉ်တော်ကျေးရွာ၊ မဟာနန္ဒာကန်တော်ကြီး၊ ဘီလူးပြွန်အနီးမှာ ဒီကနေ့ ၊ နေ့လယ်ပိုင်းက လူ(၂)ဦး ရေနစ်ခဲ့တယ်လို့ ရွှေဘိုမြို့ခံ လူမှုကူညီရေးအသင်းတွေဆီက သိရပါတယ်။ ” ဘီလူးပြွန်ဝနား ရေဆင်းချိုးတဲ့ အမျိုးသားတဦးနဲ့ ကလေးငယ် အမျိုးသမီးတဦး ရေနစ်တာပါ ၊ ကလေးဖြစ်သူကို အသက်ရှင်လျက် ပြန်ကယ်နိုင်ခဲ့ပြီး လူကြီးကတော့ သေဆုံးပြီးမှ ပြန်ဆယ်လို့ရခဲ့တယ် “လို့ ကူညီဆောင်ရွက်ပေးခဲ့တဲ့ နယ်ခံပရဟိတသမားတယောက်က ပြောပါတယ်။ ဒါ့အပြင် ရွှေဘိုမြို့နယ် မီးသတ်အဖွဲ့နဲ့ လူမှုကူညီကယ်ဆယ်ရေးအဖွဲ့က အသက်ရှင်လျက် ကယ်ဆယ်လိုက်နိုင်တဲ့ ကလေးငယ်ကို ရွှေဘို ပြည်သူ့ဆေးရုံးကြီးဆီ ဆေးကုသဖို့ ပို့ဆောင်ပေးထားတယ်လို့ သိရပါတယ်။ အခုလို အပူလွန်ကဲတဲ့ ရာသီဥတုမှာ ရွှေဘိုမြို့နယ်ထဲက မြစ်ချောင်းအင်းအိုင်တွေထဲမှာ လူသူကင်းမဲ့နေတဲ့အချိန် ရေဆင်းမချိုးဖို့ လိုအပ်တယ်လို့ ရွှေဘိုမြို့ခံတွေက သုံးသပ်ပြောဆိုထားပါတယ်။ #voiceofmyanmar…

ဧပြီ ၁၀-၂၀၂၂ VOM (GG) ဧရာဝတီတိုင်းအတွင်း သင်္ကြန်ပွဲတော်မှာ သံချပ်ထိုးတာ၊သရုပ်ပျက်ကခုန်တာ ၊အရက်သောက်တာအပါအဝင် အချက် ၁၀ ချက်ကိုမပြုလုပ်ဖို့သက်ဆိုင်ရာ တာဝန်ရှိသူတွေက တားမြစ်လိုက်ပါတယ်။ သင်္ကြန်ပွဲတော် ကျင်းပခြင်းကို ထိခိုက်ပျက်ပြားအောင်ဖန်တီးခြင်း၊ ပြောဆိုပြုမူဆောင်ရွက်ခြင်း၊ သရုပ်ပျက်ဝတ်စားခြင်း၊ကခုန်ခြင်း မပြုလုပ်ဖို့တားမြစ်တဲ့အပြင် မူးယစ်ထုံထိုင်းပြီး ဘေးဖြစ်စေမယ့် ဆေးဝါး၊ အရက်သောက်ပြီး ယာဉ်မျှမောင်းနှင်ခြင်း၊ လိုက်ပါစီးနင်းခြင်း၊ သွားလာခြင်း မပြုလုပ်ဖို့လည်း တားမြစ်ထား ပါတယ် ။ ယာဉ်ပေါ်ဖြစ်စေ၊ ခန္ဓာကိုယ်ပေါ်ဖြစ်စေ ဒုတ်၊ ဓါးလက်နက် ယူဆောင်သွားလာခြင်းကိုလည်း တားမြစ်ကြောင်း စတဲ့အချက်တွေကို ထုတ်ပြန်စာမှာဖော်ပြထားပါတယ်။ သက်ဆိုင်ရာတာဝန်ရှိသူတွေရဲ့ တာဝန်အရ ထိန်းသိမ်းဆောင်ရွက်နေမှုအပေါ် မချေမငံပြောဆိုခြင်း၊ ဟန့်တားနှောက်ယှက်ခြင်း၊ နိုင်ငံပိုင်ပုဂ္ဂလိကပိုင် ပစ္စည်းတွေ ထိခိုက်ပျက်စီးစေခြင်းကို မပြုလုပ်ဖို့လည်း တားမြစ်ထားတာဖြစ်ပါတယ်။ အကယ်၍ သတ်မှတ်စည်းကမ်းတွေကို ဖောက်ဖျက်ကျူးလွန်ပါက တည်ဆဲဥပဒေအရ ထိရောက်စွာ အရေးယူသွားမယ်သိရပါတယ် ။ လက်ရှိမှာ ဧရာဝတီတိုင်းအပြင် ရန်ကုန်တိုင်း ၊ပဲခူးတိုင်းအပြင် ကျန်တဲ့မြို့နယ်တွေမှာလည်း…

ဧပြီ ၊ ၉-၂၀၂၂ SP (VOM) မကွေးတိုင်းအစိုးရဖွဲ့ ဝန်ကြီးချုပ်ဟောင်း ဒေါက်တာ အောင်မိုးညိုကို မနေ့ ဧပြီ ၈ ရက်နေ့က မကွေးအကျဥ်းထောင် အထူးတရားရုံးကနေ ရွေးကောက်ပွဲဆိုင်ရာ မဲမသမာမှုနဲ့ ထောင်ဒဏ် ၁ နှစ် ချမှတ်လိုက်တယ်လို့ မကွေးမြို့ခံတွေဆီက သိရပါတယ်။ ” ရွေးကောက်ပွဲဆိုင်ရာ မဲမသမာမှု ရာဇသတ်ကြီးဥပဒေပုဒ်မ-၁၇၁ အရ ထောင်ဒဏ် ၁ နှစ် ထပ်မံချလိုက်တာဖြစ်တယ် ” လို့ မကွေးရှေ့နေအသိုင်းအဝိုင်းက ပြောပါတယ်။ မကွေးမြို့ခံ တရားလွှတ်တော် ရှေ့နေတယောက်ကလည်း” ပြီးခဲ့တဲ့ ၂၀၂၁ ၊ ဒီဇင်ဘာလက မကွေးခရိုင် ရွေးကောက်ပွဲကော်မရှင်ရုံးအဖွဲ့ တာဝန်ရှိသူတဦးက တရားလိုပြုလုပ် အမှုဖွင့်ခဲ့တဲ့ အမှုအတွက် အမိန့်ချတာ ” လို့ ပြောပါတယ်။ ဒေါက်တာအောင်မိုးညိုအပေါ် မူလက အမှုဖွင့်အရေးယူခဲ့တဲ့ အမှု ၇ မျိုးအတွက် ထောင်ဒဏ်…