Month: June 2022

ဇွန် ၊ ၁၅-၂၀၂၂ SP (VOM) စစ်ကိုင်းတိုင်း ၊ မုံရွာခရိုင် ၊ ဘုတလင်မြို့နယ် ၊ တလိုင်းရွာက မင်္ဂလာဆောင်သွားတဲ့ကားတစီးဟာ ဘုတလင်မြို့နဲ့ တလိုင်ရွာအကြားမှာ တိမ်းမှောက်ပြီး လူ ၁ ဦးသေဆုံးကာ ၁၀ ဦး ဒဏ်ရာရခဲ့တယ်လို့ သွားရောက်ကူညီပေးခဲ့တဲ့ လူမှုကူညီရေးအသင်းဆီက သိရပါတယ်။ ” ဒီကနေ့ မနက်ပိုင်း ၉ နာရီဝန်းကျင်က ဖြစ်တာပါ ၊ ကားပေါ်မှာ ပါတဲ့ လူ ၁၁ ယောက်အနက် ၁ ဦးသေဆုံးပြီး ၁၀ ဦး ဒဏ်ရာရတယ် “လို့ ကူညီလုပ်ကိုင်ပေးနေတဲ့ ပရဟိတသမားတယောက်က ပြောပါတယ်။ ဒါ့အပြင် ဒဏ်ရာရ လူနာတွေထဲက အသက်အန္တရာယ် စိုးရိမ်ရတဲ့ လူနာ ၃ ယောက်ကို မုံရွာပြည်သူ့ဆေးရုံကြီးဆီ ပို့ဆောင်ပေးခဲ့ပြီး မစိုးရိမ်ရတဲ့ လူနာ ၇ ယောက်ကိုတော့…

ဇွန် ၁၆-၂၀၂၂ VOM ( GG) နယ်စပ်ဂိတ်နဲ့ လေဆိပ်ကနေ ဝင်ရောက်လာမယ့် မြန်မာနိုင်ငံသားအပါအဝင် ပြည်ပခရီးသွားဧည့်သည်တွေအနေနဲ့ ကိုဗစ်ကာကွယ်ဆေးလက်မှတ်ပြသနိုင်သူတွေ RDT စစ်​ဆေးမှု ပိုးမတွေ့ပါက ကွာရန်တင်းဝင်ဖို့မလိုအပ်တော့ဘူးလို့ ကျန်းမာရေးဝန်ကြီးဌာနကနေ သိရပါတယ်။ ” လေဆိပ်ကနေဝင်လာမယ့်သူက ကာကွယ်ဆေး မထိုးထားသူဆိုရင် ၄၈နာရီ အတွင်းဆေးစစ်ထားတဲ့အဖြေကိုပေးကို ပေးရမယ်၊အဲ့ဒါကွာမယ်။နယ်စပ်ဂိတ်ကကျ ကာပကွယ်ဆေးလက်မှတ် မပြနိုင်တဲ့သူတွေကအသွားအလာကန့် သတ်ခြင်းလုပ်မယ်။ ၃ရက်မြောက်မှာပိုးစစ် မယ်။မတွေ့ရင်ခရီးဆက်နိုင်မယ်။ နယ်စပ်မှာက ၄၈ နာရီအတွင်းဆေးစစ်ထားတဲ့ လက်မှတ်ပြနိုင်ဖို့ကတော်တော်ခဲယဉ်းတယ်ဒါ ကြောင့်ကျနော်တို့ကဆေးထိုးတဲ့ဟာနဲ့ပဲ ဖြတ်လိုက်တာ။တခြားနိုင်ငံမှာ အလုပ်လုပ်ကြတယ် တခြားနိုင်ငံကဓာတ်ခွဲခန်းမှာ ဆေးစစ်ဖို့ကခက်ခဲတယ် ဒါကြောင့်ကိုယ့်နိုင်ငံသားတွေအဆင်ပြေဖို့ လုပ်လိုက်တာပါ ၄၈ နာရီကျော်လို့လည်းမရ၊ မယ်စပ်ဂိတ်ကနေဝင်ဒါကိုပြဆိုတာက တော်တော်များများအဆင်မပြေဘူး။ “လို့ ကျန်းမာရေးဝန်ကြီးဌာနက ပြောရေးဆိုခွင့်ရှိသူ ဒေါက်တာသန်းနိုင်စိုးကပြောပါတယ်။ ကာကွယ်ဆေးက မြန်မာနိုင်ငံကို ရောက်တဲ့နေ့ မတိုင်မီ ၁၄ ရက်ကျော်က ထိုးနှံထားတာ ဖြစ်ရမှာဖြစ်ပြီး လက်မှတ်မပြနိုင်ပါက အသွားအလာကန့်သတ်ကာ ၃ ရက်မြောက်နေ့မှာ…

ပုသိမ် ၊ ဇွန်လ ၁၅ -၂၀၂၂ မင်းမြတ် ဧရာဝတီတိုင်း၊ ပုသိမ်မြို့က လုံခြုံရေးတာဝန်ရှိသူတွေဆီ PDF တပ်ဖွဲ့ဝင်ဆိုသူ ၂ ယောက် အလင်းဝင်လာတာကြောင့် အုပ်ထိန်းသူတွေလက်ကို မနေ့ ဇွန် ၁၄ ရက်ကလွှဲပေးလိုက်တယ်လို့ အုပ်ချုပ်ရေးအဖွဲ့ တာဝန်ရှိသူတွေဆီကသိရပါတယ်။ အဲ့ဒီ PDF တပ်ဖွဲ့ဝင် ၂ ယောက်ဟာ တိုင်းရင်းသားလက်နက်ကိုင်အဖွဲ့နယ်မြေအတွင်းမှာ သင်တန်းတွေတက်ရောက်ခဲ့သူတွေဖြစ်ပြီး ပြစ်မှုကျူးလွန်းခြင်းမရှိသူတွေမို့ သူတို့ရဲ့မိဘတွေလက်ကို ပြန်အပ်လိုက်တာလို့သိရပါတယ်။ PDF ဆိုသူ ၂ ယောက်အလင်းဝင်တဲ့ကိစ္စနဲ့ပတ်သက်ပြီး အုပ်ချုပ်ရေးတာဝန်ရှိသူတဦးပြောတာက ”မနေ့က အလင်းဝင်ခိုလှုံသူ PDF ၂ ယောက်ကိုသူတို့သူတို့ရဲ့ မိဘတွေဆီပြန်အပ်လိုက်ပါတယ်။အခမ်းအနားလုပ်ပြီးပြန်အပ်တာပါ။ အလင်းဝင်လာတဲ့ PDF တပ်ဖွဲ့ဝင် ၂ ယောက်က လက်နက်ကိုင် သင်တန်းဆင်း ၂ယောက်ပါ။ သူတို့ကတိုင်းရင်းသား လက်နက်ကိုင်အဖွဲ့နယ်မြေမှာသင်တန်းတွေ တက်ရောက်ခဲ့သူတွေပါ ပြစ်မှုကျူးလွန်းတာ မရှိခဲ့သူတွေပါ။နိုင်ငံတော်အစိုးရရဲ့ စေတနာနဲ့ မေတ္တာကို နားလည်လို့အလင်းဝင်လာသူတွေပါ။” လို့ ပြောပါတယ်။…

ဘိုကလေး၊ ဇွန်လ ၁၅-၂၀၂၂ မင်းမြတ် ဧရာဝတီတိုင်း၊ဘိုကလေးမြို့နယ်၊မိန်းမလှကျွန်း ဘေးမဲ့တောနဲ့အနီးဝန်းကျင် ကျေးရွာတွေမှာ ဇွန်လကနေစတင်ပြီး မိကျောင်းတွေ မိတ်လိုက်ရာသီရောက်လာတာကြောင့် သတိနဲ့နေထိုင်ကြဖို့ လိုအပ်တယ်လို့ မိန်းမလှကျွန်းဘေးမဲ့တောအုပ်ချုပ်ရေးအဖွဲ့ကနေ သိရပါတယ်။ မိန်းမလှကျွန်းဘေးမဲ့တော တာဝန်ရှိသူတဦးက “မိန်းမလှကျွန်းတောရိုင်းတိရစ္ဆာန် ဘေးမဲ့တောမှာ မိကျောင်းတွေမိတ်လိုက်သားပေါက် ရာသီရောက်ရှိတော့မှာဖြစ်တယ်။မိန်းမလှကျွန်းဘေးမဲ့တောနဲ့ ပတ်ဝန်းကျင်ဒေသကကျေးရွာတွေမှာ မိကျောင်းအန္တရာယ်ကို ကြိုတင်သတိပြုနေကြစေလိုတယ်။ မိကျောင်းအန္တရာယ် ကင်းရှင်းစေရေးအတွက် မိန်းမလှကျွန်းအနီးက ရေချိုးဆိပ်ရှိတဲ့ရွာတွေမှာ သား၊ငါးရှာထွက်ခြင်း၊ ရေချိုးခြင်းတို့ကို သတိနဲ့သွားလာလုပ်ကိုင်ဖို့ပြောချင် တယ်။”လို့ ပြောပါတယ်။ မိန်းမလှကျွန်း အုပ်ချုပ်ရေးအဖွဲ့က မိကျောင်းတွေ မိတ်လိုက်၊အသိုက်လုပ်၊ သားပေါက်တဲ့ကာလမှာ မိန်းမလှကျွန်းနဲ့ဆက်စပ်နေရာတွေမှာ နေထိုင်တဲ့ ပြည်သူတွေ သတိပြုနေထိုင်ကြဖို့၊ချောင်းစပ်တွေမှာ အိမ်မွေးတိရစ္ဆာန်တွေလွှတ်ကြောင်းတာ၊ငါးဖမ်းတာ၊ ရေချိုးတာကို အထူးသတိပြုလုပ်ဆောင်ကြဖို့ အသိပညာပေးလုပ်ငန်းတွေလုပ်ဆောင်နေပြီး အသံချဲ့တွေအသုံးပြုပြီးတော့လည်း လိုက်လံကြေညာနေတယ်လို့သိရပါတယ်။ မိကျောင်းတွေဟာ မတ်လနဲ့ဇွန်လအထိ မိတ်လိုက်ကြပြီး ဇူလိုင်နဲ့ဩဂုတ်လမှာ အသိုက်ပြုလုပ်ကာ စက်တင်ဘာလနဲ့နိုဝင်ဘာလမှာတော့ သားပေါက်တယ်လို့ သိရပါတယ်။ အဲ့ဒီလိုအချိန်တွေမှာ လူတွေကိုမိကျောင်းတွေက ရန်လို၊ရန်ပြုတတ်တာကြောင့် မိကျောင်းအန္တရာယ် သတိပြုနေထိုင်လုပ်ကိုင်ကြဖို့လိုတယ်လို့သိရပါတယ်။…

ဇွန် ၁၅-၂၀၂၂ Voice Of Myanmar ကိုဗစ်-၁၉ ကမ္ဘာ့ကပ် ရောဂါဆိုးကြီးအပြင် တပ်မတော်က အာဏာရယူခဲ့ခြင်းနဲ့ လက်နက်ကိုင်ပဋိပက္ခများဖြစ်ပွားခြင်း ကဲ့သို့သော အဖက်ဖက်မှ သက်ရောက်မှုတွေကြောင့် ၂၀၂၁ ခုနှစ်မှာ အလုပ်အကိုင်ဆုံးရှုံးမှု ၁.၆ သန်းခန့်ရှိတယ်လို့ ခန့်မှန်းရပြီး မိသားစုရှိတဲ့ ကလေးများ၊ ကလေးအလုပ်သမားအဖြစ် လုပ်ကိုင်လာရမှု ပိုမိုများပြားလာနိုင်တဲ့ စိန်ခေါ်မှုကို ရင်ဆိုင်ရလျက်ရှိတယ်လို့ အပြည်ပြည်ဆိုင်ရာအလုပ်သားရေးရာအဖွဲ့ ILO ကနေ ထုတ်ပြန်ထားတာတွေ့ရပါတယ်။ ဇွန်လ ၁၂ ရက်နေ့မှာ ကျရောက်တဲ့ ကမ္ဘာ့ကလေးအလုပ်သမား ဆန့်ကျင်တိုက်ဖျက်ရေးနေ့ အထိမ်းအမှတ်နေ့ ထုတ်ပြန်ချက်မှာ အခုလို ဖော်ပြထားတာဖြစ်ပါတယ်။ “မတည်ငြိမ်တဲ့ နိုင်ငံရေးအခြေအနေနဲ့ ဆိုးရွားတဲ့ မြန်မာ့စီးပွားရေးကြောင့် မိသားစုအမြောက်အမြားဟာ ဆင်းရဲ၊ကျပ်တည်းမှုတွေနဲ့ ရင်ဆိုင်လာနေရပါတယ်။ ဒီလိုအကျပ်အတည်းကာလလိုမျိုးမှာ ကလေးအလုပ်သမားအဖြစ်ကနေ နည်းလမ်းမျိုးစုံနဲ့ ကာကွယ်၊ တားဆီးဖို့အတွက် လူမှုအကာအကွယ်ပေးရေး အစီအစဥ်တွေကို ပါဝင်ပတ်သက်သူတွေအားလုံး ဒီထက်ပိုပြီး အတူတူကြိုးပမ်းအားစိုက် လုပ်ဆောင်ဖို့လိုအပ်ပါတယ်”လို့ အိုင်အယ်လ်အိုရဲ့…