Month: June 2022

ရန်ကုန်၊ဇွန် ၂၃၊၂၀၂၂ KK(VOM) ရန်ကုန်မြို့၊ ဒဂုံမြို့သစ်ဆိပ်ကမ်းမြို့နယ်က မာကျူရီစားသောက်ဆိုင်ဟာ ဒီကနေ့ မနက်အစောပိုင်းက မီးလောင်မှုဖြစ်ခဲ့ရာ အမျိုးသမီးဝန်ထမ်း ၂ဦးသေဆုံးခဲ့တယ်လို့ ရပ်ကွက်နေသူတွေဆီက သိရပါတယ်။ မီးလောင်ခဲ့တဲ့ဆိုင်ဟာ ဒဂုံဆိပ်ကမ်းမြို့နယ်၊ ၉၁ ရပ်ကွက်၊ ကနောင်မင်းသားကြီးလမ်းမပေါ်က မာကျူရီစားသောက်ဆိုင်ဖြစ်ပြီး ဒီကနေ့ မနက် ၆ နာရီဝန်းကျင်က မီးလောင်ခဲ့တာဖြစ်တယ်လို့ ရပ်ကွက်နေသူတဦးက ပြောပါတယ်။ “ကလေးမလေးတွေ အိပ်နေတဲ့အချိန် လောင်တာဖြစ်တာဖြစ်မယ်၊ မီးငြိမ်းသွားတော့ နှစ်ဦးက သေနေပြီ တဦးကခုန်ချလို့ ဒဏ်ရာရသွားတယ်”လို့ သူကပြောပါတယ်။ မီးသတ်ဦးစီးဌာနမှ တာဝန်ရှိသူတဦးက “မာကျူရီ စားသောက်ဆိုင်က ဒီကနေ့ မနက်အစောပိုင်း ငါးနာရီဝန်းကျင်က မီးစတင်လောင်ခဲ့တယ်၊ မီးကို မီးသတ်ယာဉ်ငါးစီးနဲ့ ငြိမ်းသတ်ခဲ့ရာမှာ ၆း၀၈ နာရီမှာ မီးငြိမ်းခဲ့တယ်၊ Dead Body ၂ ဦးတွေ့ရှိတယ် တစ်ဦးက ဒဏ်ရာရတယ်၊ မီးလောင်တဲ့အကြောင်းနဲ့ ဆုံးရှုံးမှုတန်ဖိုးကို တွက်ချက်နေတုန်းပါ”လို့ ပြောပါတယ်။ မီးလောင်မှုကြောင့်…

ဇွန် ၊ ၂၃ ၊ ၂၀၂၂ SP( VOM) စစ်ကိုင်းတိုင်း ၊ ရွှေဘိုခရိုင် ၊ ခင်ဦးမြို့နယ် ၊ မြင်းဒေါင်းကျေးရွာအနီး ၊ ရေဦး ခင်ဦးကားလမ်းမှာ မနေ့ ဇွန် ၂၂ ရက် ညနေပိုင်းက ရေဦးတရားရုံးကနေ သက်သေခံပြီးပြန်လာတဲ့ ရဲတွေစီးလာတဲ့ ကား ၁ စီး မိုင်းထိမှန်ပြီး ဝိုင်းဝန်း ပစ်ခတ်ခံရတဲ့အတွက် ကားပေါ်မှာ ပါလာတဲ့ ရဲတပ်ဖွဲ့ဝင် ၁၁ ဦး သေဆုံးသွားတယ်လို့ ခင်ဦးမြို့ခံ လူမှုကူညီရေးအဖွဲ့တွေဆီက သိရပါတယ်။ ” မနေ့က ညနေပိုင်းမှာ ရုပ်အလောင်း ၁၁ လောင်း သယ်ယူပြီး ခင်ဦးဆေးရုံကို ပို့ဆောင်ပေးခဲ့ရတယ်.” လို့ နယ်ခံပရဟိတသမားတယောက်က ပြောပါတယ်။ အဲ့ဒီ ဖြစ်စဥ်နဲ့ပတ်သက်ပြီး ရွှေဘိုခရိုင်လုံခြုံရေးအဖွဲ့နဲ့ နီးစပ်သူတယောက်က ” အမှုကိစ္စနဲ့ သက်သေခံပြီး ရေဦးကနေ…

ဇွန် ၂၂-၂၀၂၂ Voice Of Myanmar မန္တလေးမြို့၊ ချမ်းမြသာစည်မြို့နယ်၊ ချမ်းမြသာစည်တောင်ရပ်ကွက်၊ သိပ္ပံလမ်း ၇၃ လမ်းနဲ့ ၇၈လမ်းကြားရှိ ၊ နိုဘယ် စင်တင်တေးဂီတ (ဆိုင်အဟောင်း)အတွင်း ဝင်ရောက်နေထိုင်လျက်ရှိတဲ့ စိတ်မနှံ့သူ အမျိုးသမီး(၁)ဦးက အဝတ်အစားတွေကို ဂက်စ်မီးခြစ်နဲ့ မီးပုံရှို့ရာကနေ အဆောက်အဦ ကြမ်းခင်းကို မီးကူးစက်ပြီး မီးလောင်ကျွမ်းမှုဖြစ်ပွားခဲ့တယ်လို့ မန္တလေးခရိုင်မီးသတ်ဦးစီးဌာနကနေ သိရပါတယ်။ ” အဲ့ဒီဆိုင်အဟောင်းထဲ နေနေတဲ့ စိတ်ပေါ့သွပ်တဲ့ အမျိုးသမီးက သူ့ရဲ့ အ၀တ်အစားတွေကို ဂတ်စ်အိုးတွေထားတဲ့နေရာမှာ မီးပုံရှို့တာ ၊ အဲ့ဒီကနေ မီးစလောင်ခဲ့တာ၊ ဘေးက လက်ဖက်ရည်ဆိုင်ပါ မီးထဲပါသွားတယ်”လို့ မီးသတ်သမားတဦးကပြောပါတယ်။ မီးလောင်မှုကို Level-2နဲ့ မီးငြိမ်းသတ်ခဲ့ရပြီး လောင်မှုကြောင့် နိုဘယ် စင်တင်တေးဂီတာ(ဆိုင်အဟောင်း)နဲ့ ပါးချိုင့်လေး လက်ဖက်ရည်ဆိုင်တို့ မီးလောင်ပျက်စီးကာ မီးသတ်တွက်ချက်တန်ဖိုးငွေ ၈၂သိန်းခန့် ဆုံးရှုံးခဲ့တယ်လို့ သိရပါတယ်။ မီးလောင်မှုနဲ့ ပတ်သက်ပြီး အမှတ်(၁၁)နယ်မြေရဲစခန်းက…

ဇွန် ၂၂-၂၀၂၂ KK(VOM) မြင်းခြံမြို့နယ်၊ နှပ်ချိုတောကျေးရွာမှာ မနေ့ ဇွန်၂၁ရက် နေ့လယ်ပိုင်းက မီတာခကောက်ပြီးပြန်လာတဲ့ မြင်းခြံမြို့နယ် EPC ရုံးမှ ဒု-လက်ထောက်ကြီးကြပ်ရေးမှူးနှစ်ဦး သေနတ်နဲ့ပစ်ခတ်ခံရလို့ သေဆုံးသွားတယ်လို့ မြို့ခံတွေဆီက သိရပါတယ်။ မီတာခကောက်ပြီး ပြန်လာတဲ့ မြင်းခြံမြို့နယ် EPC ရုံး ဒု-လက်ထောက်ကြီးကြပ်ရေးမှူးအဆင့်ရှိသူနှစ်ဦးကို အပြန်လမ်းမှာ အမည်မသိသေနတ်ကိုင်ဆောင်ထားသူတွေက ပစ်ခတ်ခဲ့လို့ သေဆုံးခဲ့တာဖြစ်တယ်လို့ မြို့ခံတဦးက ပြောပါတယ်။ “မီတာခတွေကောက်ပြီး အပြန်လမ်းမှာ သေနတ်နဲ့စောင့်ပြီးပစ်တာ ပွဲချင်းပြီးပဲ သေသွားတာ”လို့ သူကပြောပါတယ်။ သေဆုံးသူနှစ်ဦးဟာ မြင်းခြံမြို့နယ် EPC ရုံးမှ ဒု-လက်ထောက်ကြီးကြပ်ရေးမှူး ဦးတင်ကိုနဲ့ဦးမျိုးဇော်ဝင်း တို့ဖြစ်တယ်လို့ အုပ်ချုပ်ရေးပိုင်းနဲ့နီးစပ်သူတဦးက ပြောပါတယ်။ “သေနတ်နဲ့ပစ်သတ်သွားရုံတင်မဟုတ်ပါဘူး၊ မီတာခကောက်ထားတဲ့ ပိုက်ဆံတွေပါ ယူသွားတာပါ “လို့ သူက ပြောပါတယ်။ ပစ်ခတ်မှုဖြစ်ပြီးနောက် စစ်တပ်နဲ့ရဲတွေဟာ နှပ်ချိုတောကျေးရွာမှာ စစ်ဆေးမှုတွေပြုလုပ်ပြီး ပြစ်မှုကျူးလွန်သူကို ရှာဖွေခဲ့ပေမယ့် ဖမ်းဆီးရမိခြင်းမရှိဘူးလို့ မြို့ခံတွေဆီက သိရပါတယ်။…