Day: July 27, 2022

မော်စကို ၊ ဇူလိုင်-၂၇-၂၀၂၂ မျိုးဆက်(VOM) ၂၀၂၄ ခုနှစ်နှောင်းပိုင်းမှာ ရုရှားဟာ နိုင်ငံတကာအာကာသစခန်း(အိုင်အက်စ်အက်စ်) မှာ ပူးပေါင်းဆောင်ရွက်မှုတွေကနေ နှုတ်ထွက်ပြီး ကိုယ်ပိုင်အာကာသစခန်းကို တည်ဆောက်တော့မယ်လို့ ရုရှားနိုင်ငံက ဇူလိုင် ၂၆ ရက်မှာ ထုတ်ဖော်ပြောဆိုလိုက်ပါတယ်။ အမေရိကန်နဲ့ ရုရှားတို့ဟာ အခြားသော မဟာမိတ်တွေနဲ့အတူ နိုင်ငံတကာအာကာသစခန်းမှာ ၁၉၉၈ ခုနှစ်ကတည်းက ပူးပေါင်းဆောင်ရွက်မှုတွေကို အောင်မြင်စွာလုပ်ဆောင်ခဲ့ကြပါတယ်။ ဒါပေမယ့် ရုရှားကယူကရိန်းကို ကျူးကျော်တိုက်ခိုက်ပြီးနောက် ဆက်ဆံရေးယိုယွင်းလာခဲ့ပြီး အနောက်နိုင်ငံတွေရဲ့ အရေးယူပိတ်ဆို့မှုတွေကြောင့် နိုင်ငံတကာအာကာစခန်းမှာ ပူးပေါင်းဆောင်ရွက်မှုတွေကနေ နှုတ်ထွက်မယ်လို့ ရုရှားက ယခင်ကတည်းက ခြိမ်းခြောက်ပြောဆိုခဲ့ပါတယ်။ ဒါပေမယ့် နိုင်ငံတကာအာကာသစခန်းမှာ လုပ်ဆောင်နေတဲ့ ပူးပေါင်းဆောင်ရွက်မှုအစီအစဉ်တွေကနေ နှုတ်ထွက်မယ့် ရုရှားရဲ့ ရည်ရွယ်ချက်နဲ့ပတ်သက်ပြီး တရား၀င်အသိပေးချက် တစုံတရာမရရှိသေးကြောင်း နာဆာက ပြောဆိုထားပါတယ်။ အာကာသအေဂျင်စီငါးခုပါ၀င်တဲ့ ပူးပေါင်းစီမံကိန်းဖြစ်တဲ့ နိုင်ငံတကာအာကာသစခန်းဟာ ၁၉၉၈ ခုနှစ်ကတည်းက ကမ္ဘာပတ်လမ်းကြောင်းမှာ လည်ပတ်နေခဲ့ပြီး ထောင်နဲ့ ချီတဲ့ သိပ္ပံစမ်းသပ်မှုတွေပြုလုပ်ဖို့…

ဒေလီ၊ ဇူလိုင်-၂၇-၂၀၂၂ မျိုးဆက်(VOM) အိန္ဒိယနိုင်ငံအရှေ့ပိုင်း ဘီဟာပြည်နယ်ရှိ ခရိုင်ရှစ်ခုမှာ မိုးကြိုးပစ်မှုတွေကြောင့် တရက်ထဲ လူ ၂၀ သေဆုံးခဲ့ပါတယ်။ ဇူလိုင် ၂၇ ရက်နဲ့ ၂၈ ရက်တို့မှာ အဲဒီပြည်နယ်မြောက်ပိုင်းဒေသတွေမှာ မိုးကြိုးမုန်တိုင်းတွေ ပိုမိုဖြစ်ပွားနိုင်ကြောင်း မိုးလေ၀သတာ၀န်ရှိသူတွေက ခန့်မှန်းထားပါတယ်။ ဒေသခံတွေအနေနဲ့ ပြည်နယ်သဘာဝဘေးအန္တရာယ်ဆိုင်ရာ စီမံခန့်ခွဲမှုအာဏာပိုင်တွေရဲ့လမ်းညွှန်ချက်တွေကို လိုက်နာကြဖို့ ပြည်နယ်၀န်ကြီးချုပ် နစ်ရ်ှကူးမားက တိုက်တွန်းထားပါတယ်။ သေဆုံးသူတွေရဲ့ မိသားစုတွေအတွက် ဂရုဏာကြေး ရူပီးလေးသောင်းစီ ပေးအပ်ထားကြောင်း ပြည်နယ်၀န်ကြီးချုပ်က ဇူလိုင် ၂၆ ရက်မှာပြောပါတယ်။ အိန္ဒိယနိုင်ငံမှာ မုတ်သုန်မိုးရွာသွန်းတဲ့ ကာလတွေမှာ မိုးကြိုးပစ်တာတွေကြောင့် နှစ်စဉ်နှစ်တိုင်း လူရာနဲ့ချီပြီး သေဆုံးမှုတွေ ဖြစ်ပွားခဲ့ပါတယ်။ မိုးကြိုးပစ်မှုကြောင့် သေဆုံးမှုမြင့်မားရတဲ့ အကြောင်းရင်းတွေထဲကတခုကတော့ အိန္ဒိယနိုင်ငံမှာ အဆောက်အအုံတွေပြင်ပမှာ အလုပ်လုပ်ကိုင်သူတွေဟာ အခြားသောနိုင်ငံတွေထက် ပိုမိုများပြားတာကြောင့်ဖြစ်တယ်လို့ ကျွမ်းကျင်သူတွေက ပြောပါတယ်။ Ref: BBC Photo:Getty Images #voiceofmyanmar…

ကိုလံဘို၊ ဇူလိုင်-၂၇-၂၀၂၂ မျိုးဆက်(VOM) နိုင်ငံကနေ ထွက်ပြေးသွားတဲ့ သီရိလင်္ကာသမ္မတဟောင်း ဂိုတာဘာယာရာဂျာပက်ဆာဟာ စင်ကာပူနိုင်ငံကနေ သီရိလင်္ကာကို ပြန်လာဖို့စီစဉ်နေကြောင်း သီရိလင်္ကာအစိုးရအဖွဲ့ ပြောရေးဆိုခွင့်ရှိသူက ထုတ်ဖော်ပြောဆိုလိုက်ပါတယ်။ မစ္စတာရာဂျာပက်ဆာဟာ ပုန်းရှောင်နေခြင်းမရှိကြောင်း ဒါပေမယ့် သူပြန်လာမယ့် နေ့ရက်ကို အတိအကျမသိရသေးကြောင်း အစိုးရအဖွဲ့ပြောရေးဆိုခွင့်ရှိသူ ဘန်ဒူလာဂူနာဝါဒီနာက သတင်းထောက်တွေကို ပြောပါတယ်။ နိုင်ငံမှာ စီးပွားရေးအကျပ်အတည်းကြောင့် လူထုအုံကြွမှုနဲ့ ဆန္ဒပြမှုတွေအကြီးအကျယ်ဖြစ်ပွားပြီးနောက် သမ္မတဂိုတာဘာယာ ရာဂျာပက်ဆာဟာ နိုင်ငံကနေ ထွက်ပြေးသွားခဲ့ပါတယ်။ သူဟာ နိုင်ငံတော်ဘဏ္ဍာငွေတွေကို အလွဲသုံးစားလုပ်ခဲ့ခြင်းကြောင့် စီးပွားရေးအကြပ်ရိုက်ခဲ့ကာ နိုင်ငံအတွက် မရှိမဖြစ်လိုအပ်တဲ့ ကုန်ပစ္စည်းတွေ တင်သွင်းဖို့ အခက်အခဲတွေဖြစ်ပေါ်စေခဲ့ကြောင်း ဆန္ဒပြသူတွေက စွပ်စွဲထားပါတယ်။ မစ္စတာရာဂျာပက်ဆာဟာ ဇူလိုင် ၁၃ ရက်မှာ သီရိလင်္ကာနိုင်ငံမှ မော်လ်ဒိုက်သို့ ထွက်ပြေးခဲ့ပြီး ဇူလိုင် ၁၄ ရက်မှာ စင်ကာပူနိုင်ငံကို ရောက်ရှိခဲ့ပါတယ်။ Ref: BBC Photo:Getty Images #voiceofmyanmar #VOM…