Month: September 2022

ဝါရှင်တန်၊ စက်တင်ဘာ-၆-၂၀၂၂ မျိုးဆက်(VOM) ရုရှားဟာ မြောက်ကိုရီးယားကနေ အမြောက်ကျည်ဆံတွေနဲ့ ဒုံးကျည်အမြောက်အများ ဝယ်ယူနေကြောင်း အမေရိကန်ထောက်လှမ်းရေးက အကဲဖြတ်ထားကြောင်း နယူးယောက်တိုင်းမ်သတင်းစာက ရေးသားဖော်ပြထားပါတယ်။ နယူးယောက်ခ်တိုင်းမ်သတင်းစာရဲ့ ဖော်ပြချက်ဟာ မှန်ကန်တယ်ဆိုတာ အတည်ပြုနိုင်ကြောင်း အမေရိကန်တာဝန်ရှိသူတွေက ပြောဆိုထားပြီး မြောက်ကိုရီးယားက စစ်လက်နက်ပစ္စည်းတွေကို ရုရှားက ထပ်ပြီးဝယ်ဖို့ရှိနေတယ်လို့ ဆိုပါတယ်။ ရုရှားဟာ အီရန်က ဝယ်ယူထားတဲ့ မောင်းသူမဲ့လေယာဉ်တွေကို ယူကရိန်းစစ်ပွဲမှာ စတင်အသုံးပြုနေပြီလို့ သတင်းတွေလည်း ထွက်ပေါ်နေပါတယ်။ ရုရှားကာကွယ်ရေးဝန်ကြီးဌာနဟာ ယူကရိန်းစစ်ပွဲမှာအသုံးပြုဖို့အတွက် မြောက်ကိုရီးယားက သန်းနဲ့ချီတဲ့ ဒုံးကျည်နဲ့ အမြောက်ကျည်တွေကို ဝယ်ယူနေကြောင်း အဲဒီသတင်းနဲ့ပတ်သက်ပြီး အမေရိကန်တာဝန်ရှိသူတဦးက ရိုက်တာရဲ့မေးမြန်းမှုကို အီးမေးလ်နဲ့ ပြန်လည်ဖြေကြားခဲ့ပါတယ်။ ရုရှားဟာ နောက်ထပ်လည်း မြောက်ကိုရီးယားရဲ့ စစ်လက်နက်ပစ္စည်းတွေကို ဝယ်ဖို့ကြိုးစားနိုင်တယ်လို့ အမည်မဖော်လိုတဲ့ အမေရိကန်တာဝန်ရှိသူက ပြောပါတယ်။ Ref:Reuters Photo: Russia Defence Ministry #voiceofmyanmar #VOM #ဝါရှင်တန်

ပေကျင်း၊ စက်တင်ဘာ-၆-၂၀၂၂ မျိုးဆက်(VOM) တရုတ်နိုင်ငံအနောက်တောင်ပိုင်းမှာ ပြင်းအား ၆ ဒသမ ၆ အဆင့်ရှိ မြေငလျင်လှုပ်ခတ်မှုကြောင့် လူ ၆၅ ဦးထက်မနည်းသေဆုံးသွားပါတယ်။ အင်အားပြင်မြေငလျင်ဟာ စီချွမ်ပြည်နယ် မြေအောက်အနက် ခြောက်မိုင်မှ စက်တင်ဘာ ၅ ရက်မှာ လှုပ်ခတ်ခဲ့တာဖြစ်ပါတယ်။ မြေငလျင်ကြောင့် ဆက်သွယ်ရေးလိုင်းများပြတ်တောက်ကာ ဆိုးဆိုးရွားရွားပျက်စီးမှုတွေဖြစ်ပေါ်စေခဲ့တဲ့ တောင်ပြိုမှုတွေ ဖြစ်ပွားခဲ့ကြောင်း တရုတ်နိုင်ငံပိုင် သတင်းဌာနက ဖော်ပြထားပါတယ်။ ငလျင်ရဲ့ ဗဟိုချက်ဟာ ချန်ဒူးမြို့ရဲ့အနောက်တောင်ဘက် ၂၂၆ ကီလိုမီတာအကွာရှိ ဝေးလံခေါင်သီတဲ့ တောင်တန်းဒေသရှိ လူဒင်းမြို့ဖြစ်ကြောင်း တရုတ်ငလျင်ကွန်ရက်စင်တာက ထုတ်ပြန်ထားပါတယ်။ ငလျင်လှုပ်ခတ်မှုကြောင့် လူ ၁၆ ဦးပျောက်ဆုံးနေပြီး ၅၀ ကျော်ဒဏ်ရာရရှိခဲ့ကြောင်းနဲ့ ကယ်ဆယ်ရေးသမား ၅၀၀ ကျော်ဖြန့်ကြက်ထားကြောင်း တရုတ်နိုင်ငံပိုင် စီစီတီဗီသတင်းဌာနက စက်တင်ဘာ ၅ ရက်နှောင်းပိုင်းမှာ ဖော်ပြထားပါတယ်။ Ref: BBC Photo:AP #voiceofmyanmar #VOM #ပေကျင်း

ဒေလီ၊ စက်တင်ဘာ-၅-၂၀၂၂ မျိုးဆက်(VOM) အိန္ဒိယနိုင်ငံရဲ့ အကြီးဆုံးလုပ်ငန်းစုဖြစ်တဲ့ တာတာကုမ္ပဏီ ဥက္ကဌဟောင်း ဘီလျံနာ ဆိုင်းရပ်စ်မစ်စထရီဟာ မွမ်ဘိုင်းမြို့ကိုခရီးသွားစဉ် ယာဉ်မတော်တဆမှုကြောင့် စက်တင်ဘာ ၄ ရက်မှာ ကွယ်လွန်သွားပါတယ်။ နိုင်ငံအနောက်ပိုင်း မဟာရာရ်ှထရာပြည်နယ်မှာ ဖြစ်ပွားခဲ့တဲ့ အဲဒီယာဉ်မတော်တဆမှုမှာ အခြားသူတစ်ဦးလည်းသေဆုံးပြီး နှစ်ဦးဒဏ်ရာရရှိခဲ့ကြောင်း ရဲတပ်ဖွဲ့ကပြောပါတယ်။ ဆိုင်းရပ်စ်မစ်စထရီ ကွယ်လွန်မှုဟာ အိန္ဒိယစီးပွားရေးလောကအတွက် ကြီးမားတဲ့ ဆုံးရှုံးမှုဖြစ်ကြောင်း ၀န်ကြီးချုပ်မိုဒီက ထုတ်ဖော်ပြောဆိုပါတယ်။ အသက် ၅၄ နှစ်အရွယ် မစ္စတာမစ်စထရီဟာ သူ့ရဲ့ လုပ်ငန်းစွမ်းဆောင်ရည်အပေါ် ဝေဖန်မှုတွေထွက်ပေါ်လာပြီးနောက် ၂၀၁၆ ခုနှစ်မှာ တာတာကုမ္ပဏီ ဥက္ကဌအဖြစ်မှ ဖယ်ရှားခံခဲ့ရပါတယ်။ တာတာကုမ္ပဏီဟာ ဆား၊ သံမဏိ၊ ဆော့ဖ်ဝဲနဲ့ နည်းပညာထုတ်ကုန်တွေကို နိုင်ငံပေါင်း ၁၀၀ ကျော်မှာ လည်ပတ်လုပ်ကိုင်နေပြီး ယမန်နှစ်က ဒေါ်လာ ၁၃၀ ဘီလီယံထိ ၀င်ငွေရရှိခဲ့ပါတယ်။ မစ္စတာမစ်စထရီ ယာဉ်တိုက်မှုဖြစ်ပြီး ဖြစ်ကွယ်လွန်မှုဟာ ၂၀၂၁ ခုနှစ်အတွင်း…