Day: October 3, 2022

တီဟီရန်၊ အောက်တိုဘာ-၃-၂၀၂၂ မျိုးဆက်(VOM) အီရန်နိုင်ငံမှာ အောက်တိုဘာ ၂ ရက်ကဖြစ်ပွားခဲ့တဲ့ ဆန္ဒပြပွဲတွေအတွင်း တက္ကသိုလ်ကျောင်းသားတွေနဲ့ ရဲတပ်ဖွဲ့အကြား အဓိကရုန်းများဖြစ်ပွားခဲ့ပါတယ်။ စက်တင်ဘာလအတွင်းက စတင်ဖြစ်ပွားခဲ့တဲ့ ဆန္ဒပြမှုတွေအတွင်း လူ ၁၃၃ ဦးသေဆုံးခဲ့ပြီဖြစ်ပါတယ်။ ဒီလိုအဓိကရုန်းဖြစ်ပွားမှုမှာ အီရန်က ဂုဏ်သိက္ခာရှိတက္ကသိုလ်တခုဖြစ်တဲ့ တီဟီရန်ရှိ ရှာရစ်ဖ်တက္ကသိုလ်မှ ကျောင်းသားတွေအများအပြားဟာ ကျောင်း၀န်းအတွင်းရှိ ကားရပ်နားရာနေရာမှာ ပိတ်မိနေခဲ့ကြောင်း သတင်းတွေက ဖော်ပြထားပါတယ်။ ရဲတပ်ဖွဲ့၀င်တွေဟာ ကျောင်းသားတွေရဲ့ အဆောင်တွေကိုတိုက်ခိုက်ပြီး သေနတ်နဲ့ပစ်ခတ်ခဲ့တယ်လို့ နိုင်ငံတကာသတင်းတွေမှာ ဖော်ပြထားပြီး ကျောင်းသားတွေကို ရဲတပ်ဖွဲ့က မျက်ရည်ယိုဗုံးတွေနဲ့ ဖြိုခွင်းခဲ့တယ်လို့ အချို့သတင်းဌာနတွေက ဖော်ပြထားပါတယ်။ ရဲတပ်ဖွဲ့က သေနတ်နဲ့ပစ်ခတ်ခဲ့ပုံရတာကြောင့် သူတို့နဲ့ဝေးရာကို ကျောင်းသားများထွက်ပြေးနေတဲ့ ရုပ်သံမှတ်တမ်းတွေ လူမှုကွန်ရက်မှာ ပျံ့နှံ့နေပါတယ်။ မျက်နှာစည်းခေါင်းဆောင်း၀တ်ဆင်တဲ့ စည်းမျဉ်းကို ချိုးဖောက်တယ်ဆိုကာ ဖမ်းဆီးခံရတဲ့ အမျိုးသမီးတဦးသေဆုံးပြီးနောက် အီရန်မှာ အစိုးရဆန့်ကျင်ရေး ဆန္ဒပြပွဲတွေ စက်တင်ဘာလအတွင်း စတင်ဖြစ်ပွားခဲ့ပါတယ်။ အဲဒီအမျိုးသမီးဟာ ဖမ်းဆီးထားချိန်ချိန် ရုတ်တရက်နှလုံးရောဂါကြောင့်…

အူဂါဒူဂူ ၊ အောက်တိုဘာ-၃-၂၀၂၂ မျိုးဆက်(VOM) ဘာကီနာဖာဆိုမှာ စက်တင်ဘာ ၃၀ ရက်ကဖြစ်ပွားခဲ့တဲ့ အာဏာသိမ်းမှုမှာ ဖြုတ်ချခံခဲ့ရတဲ့ စစ်ခေါင်းဆောင်က ရာထူးကနေ ဆင်းပေးဖို့ တရား၀င်သဘောတူလိုက်ပြီဖြစ်သည်။ ယခင်အာဏာသိမ်းခေါင်းဆောင် ပေါလ်ဟင်နရီဒမ်မီဘာရဲ့ နှုတ်ထွက်မှုနဲ့ အခြေအနေတွေကို သတ်မှတ်စီစဉ်ထားပြီးဖြစ်ကြောင်း လက်ရှိအာဏာသိမ်းခဲ့တဲ့ ခေါင်းဆောင်သစ် ဗိုလ်အီဘရာဟင်က စက်တင်ဘာ ၂ ရက်မှာ ပြောပါတယ်။ ဒမ်မီဘာဟာ သူ့ရဲ့လုံခြုံရေးကို အာမခံဖို့၊ အမျိုးသားပြန်လည်သင့်မြတ်ရေး ဆက်လက်ကြိုးပမ်းသွားဖို့နဲ့ နှစ်နှစ်အတွင်း အရပ်သားအုပ်ချုပ်ရေးပြန်လည်ရောက်ရှိရေးအာမခံချက်ကို ဆက်လက်လေးစားလိုက်နာဖို့ အပါအ၀င် ရာထူးမှနှုတ်ထွက်ရေး အခြေအနေခုနှစ်ရပ်သတ်မှတ်ထားပါတယ်။ ဘာကီနာဖာဆိုမှာ ယခုနှစ်အတွင်း ဒုတိယအကြိမ်မြောက် အာဏာသိမ်းမှုလည်းဖြစ်ပွားခဲ့တာဖြစ်ပါတယ်။ အာဏာသိမ်းမှုနှစ်ကြိမ်စလုံးမှာ နိုင်ငံရဲ့ဆိုးရွားလှတဲ့ လုံခြုံရေးအခြေအနေတွေနဲ့ အစ္စလာမ္မစ်တွေရဲ့ သူပုန်ထမှုတွေအပေါ် ကိုင်တွယ်ဖြေရှင်းနိုင်ခြင်းမရှိတာကြောင့်လို့ အကြောင်းပြထားပါတယ်။ နိုင်ငံရဲ့ပိုင်နက်နယ်မြေ ၆၀ ရာခိုင်နှုန်းကိုသာ ထိန်းချုပ်ထားနိုင်တဲ့ ဘာကီနာဖာဆိုမှာ အစ္စလာမ္မစ်အစွန်းရောက်တွေရဲ့ တိုက်ခိုက်မှုတွေ ပိုမိုဆိုးရွားလာကြောင်း ကျွမ်းကျင်သူတွေက သတိပေးထားပါတယ်။ Ref: BBC…