Month: October 2022

ဝါရှင်တန်၊ အောက်တိုဘာ-၁၈-၂၀၂၂ မျိုးဆက်(VOM) တရုတ်နိုင်ငံဟာ ယခင်ကမျှော်လင့်ထားတာထက် ပိုမိုမြန်ဆန်တဲ့ အချိန်အတွင်း ထိုင်၀မ်နဲ့ပေါင်းစည်းရေးကို ကြိုးပမ်းလုပ်ဆောင်နေကြောင်း အမေရိကန်နိုင်ငံခြားရေး၀န်ကြီး ဘလင်ကင်က အောက်တိုဘာ ၁၇ ရက်မှာ သတိပေးပြောဆိုလိုက်ပါတယ်။ ထိုင်၀မ်အရေးနဲ့ပတ်သက်ပြီး လက်ရှိ ပိုနေမြဲကျားနေမြဲအခြေအနေကို တရုတ်နိုင်ငံက လက်မခံဖို့ ဆုံးဖြတ်ထားကြောင်း အမေရိကန်နိုင်ငံခြားရေး၀န်ကြီးက ပြောပါတယ်။ ထိုင်၀မ်နဲ့ ပေါင်းစည်းရေးအတွက် စစ်ရေးအင်အားအသုံးပြုဖို့ကိစ္စကို စွန့်လွှတ်ခြင်းမရှိကြောင်း ပေကျင်းမှာ ကျင်းပတဲ့ ကွန်မြူနစ်ပါတီကွန်ဂရက် အဖွင့်မိန့်ခွန်းမှာ သမ္မတရှီကျင်းပင်က ထုတ်ဖော်ပြောဆိုခဲ့ပါတယ်။ ဒီလိုပေါင်းစည်းရေးကို ငြိမ်းချမ်းတဲ့နည်းလမ်းနဲ့ မအောင်မြင်ရင် အကျပ်ကိုင်တာနဲ့ အင်အားသုံးတာကို တရုတ်နိုင်ငံက အသုံးပြုလာနိုင်ပြီး ဒါဟာ လက်ရှိအနေအထားကို အကြီးအကျယ်အနှောက်အယှက်ဖြစ်စေပြီး တင်းမာမှုကြီးကြီးမားမား ဖြစ်ပေါ်စေကြောင်း ဘလင်ကင်က သတိပေးပြောဆိုပါတယ်။ အမေရိကန်ဟာ ထိုင်၀မ်နဲ့ ပတ်သက်တဲ့ ကတိက၀တ်တွေကို လေးစားပြီး ကျွန်းရဲ့ ခုခံနိုင်စွမ်းကို မြင့်တင်ပေးသွားမှာဖြစ်ကြောင်း သူကပြောပါတယ်။ တကယ်လို့ ထိုင်၀မ်ကို တရုတ်ကစစ်ရေးအရ တိုက်ခိုက်မှုပြုလုပ်လာမယ်ဆိုရင်…

မော်စကို၊ အောက်တိုဘာ-၁၈-၂၀၂၂ မျိုးဆက်(VOM) ရုရှားနိုင်ငံတောင်ပိုင်း ရေ့စ်ခ်မြို့ရှိ တိုက်ခန်းတွဲအဆောက်အအုံပေါ်ကို ရုရှားဗုံးကြဲတိုက်လေယာဉ်တစင်း ပျက်ကျမှုကြောင့် လူ ၁၃ ဦးထက်မနည်းသေဆုံးခဲ့တယ်လို့ ရုရှားတာ၀န်ရှိသူတွေက ပြောပါတယ်။ ပျက်ကျသွားတဲ့လေယာဉ်ဟာ Su-34 ဂျက်တိုက်လေယာဉ်အမျိုးအစားဖြစ်ပြီး လေ့ကျင့်ပျံသန်းမှုပြုစဉ် ပျက်ကျခဲ့တာဖြစ်ကာ လေယာဉ်မှူးနှစ်ဦးကတော့ အဆောက်အအုံပေါ်ကို လေယာဉ်ပျက်မကျမီ ခုန်ထွက်နိုင်ခဲ့ပါတယ်။ အပျက်အစီးတွေကြားမှာ ရှာဖွေမှုတွေပြုလုပ်ပြီးနောက်မှာ သေဆုံးသွားသူတွေရဲ့ အလောင်း ၁၃ လောင်းကို ရှာတွေ့ရှိခဲ့ပြီး ကလေးငယ်သုံးဦးလည်း ပါ၀င်တယ်လို့ ရုရှားတာ၀န်ရှိသူတွေက ပြောပါတယ်။ လေယာဉ်ပျက်ကျခဲ့တဲ့ ကိုးထပ်တိုက်ဟာ မီးလောင်ကျွမ်းမှုဖြစ်ပွားခဲ့ပြီး လူ ၆၈ ဦးကိုကယ်တင်နိုင်ခဲ့ပြီး ဒဏ်ရာရသူ ၁၉ ဦးကို ဆေးရုံတင်ထားရတယ်လို့ ဆိုပါတယ်။ လေယာဉ်ပျံတက်ချိန်မှာ လေယာဉ်ရဲ့အင်ဂျင်တလုံး မီးလောင်မှုကြောင့် ပျက်ကျခဲ့တာဖြစ်ကြောင်း လေယာဉ်မှူးတွေရဲ့ အစီရင်ခံစာမှာ ဖော်ပြထားတယ်လို့ ရုရှားကာကွယ်ရေး၀န်ကြီးဌာနက ထုတ်ပြန်ထားပါတယ်။ Ref: BBC Photo:AFP/ Reuters #voiceofmyanmar #VOM #မော်စကို

ကိယက်ဗ်၊ အောက်တိုဘာ-၁၈-၂၀၂၂ မျိုးဆက်(VOM) ယူကရိန်းနိုင်ငံမြို့တော် ကိယက်ဗ်မှာ ဒီနေ့ပေါက်ကွဲမှုလေးကြိမ်ထက်မနည်းဖြစ်ပွားခဲ့ပြီး အောက်ကိုထိုးဆင်းဖောက်ခွဲတိုက်ခိုက်တဲ့ ကာမီကာဇီလို့ခေါ်တဲ့ ဒရုန်းတွေနဲ့ ရုရှားက တိုက်ခိုက်ခဲ့တာလို့ ယူကရိန်းသမ္မတအကြံပေးဖြစ်သူက ပြောပါတယ်။ ဒါဟာ ရုရှားအနေနဲ့ သွေးရူးတွေးတန်းဖြစ်နေတယ်ဆိုတာ ပြသနေတာလို့ ယူကရိန်းသမ္မတဇီလန်စကီးရဲ့ အကြံပေး အန်ဒရီယာမက်က ပြောပါတယ်။ ကာမီကာဇီဒရုန်းတွေနဲ့ ဒီလိုတိုက်ခိုက်မှုကြောင့် Shevchenkivskiy အလယ်ပိုင်းရှိ လူနေအအောက်အအုံတွေ ပျက်စီးခဲ့တယ်လို့ မြို့တော်၀န်က ပြောပါတယ်။ ပြီးခဲ့တဲ့ သီတင်းပတ်အတွင်းကလည်း ရုရှားဟာ ယူကရိန်းမြို့တော်ကိယက်ဗ်အပါအ၀င် နိုင်ငံနေရာအနှံ့အပြားကို ဒုံးကျည်တွေနဲ့ အပြင်းအထန်တိုက်ခိုက်ခဲ့ပြီး ဒီလိုက်တိုက်ခိုက်မှုကြောင်း လူ ၁၉ ဦးသေဆုံးခဲ့ပါတယ်။ ယူကရိန်းဆိပ်ကမ်းမြို့ဖြစ်တဲ့ Mykolaiv ကိုလည်း တနင်္ဂနွေနေ့ နှောင်းပိုင်းမှာ ကာမီကာဇီဒရုန်းတွေနဲ့ တိုက်ခိုက်ခဲ့တယ်လို့ မြို့တော်၀န်ကပြောပါတယ်။ မြို့တော်ကိယက်ဗ်ကို မတိုက်ခိုက်မီ နာရီပိုင်းအလိုမှာ နေကြာဆီသိုလှောင်ကန်တွေကို ဒရုန်းသုံးစင်းက ဖောက်ခွဲတိုက်ခိုက်ခဲ့တယ်လို့ မြို့တော်၀န်ကပြောပါတယ်။ ပေါက်ကွဲမှုတွေဟာ ဒီနေ့မနက် ၆ နာရီ မိနစ်…

အဘူဂျာ၊ အောက်တိုဘာ-၁၇-၂၀၂၂ မျိုးဆက်(VOM) နိုင်ဂျီးရီးယားနိုင်ငံမှာ မကြာသေးမီကဖြစ်ပွားခဲ့တဲ့ ရေကြီးရေလျှံမှုများကြောင့် သေဆုံးသူဦးရေ ၆၀၀ ကျော်ထိရှိလာကြောင်း နိုင်ဂျီးရီးယား သဘာဝဘေးအန္တရာယ် စီမံခန့်ခွဲရေးအေဂျင်စီက အောက်တိုဘာ ၁၆ ရက်မှာ ပြောပါတယ်။ ရေကြီးရေလျှံမှုနဲ့ပတ်သက်ပြီး သတိပေးချက်တွေ ထုတ်ပြန်ခဲ့ပေမယ့်လည်း ပြည်နယ်အများအပြားမှာ ကောင်းစွာကြိုတင်ပြင်ဆင်မှုမရှိခဲ့ကြောင်း သဘာဝဘေးအန္တရာယ်စီမံခန့်ခွဲရေးအေဂျင်စီရဲ့ ထုတ်ပြန်ချက်မှာ ဖော်ပြထားပါတယ်။ ဆယ်စုနှစ်အတွင်း အဆိုးရွားဆုံးဖြစ်ပွားခဲ့တဲ့ ရေဘေးကြောင့် ပြည်သူ ၁ ဒသမ ၃ သန်း အိုးမဲ့အိမ်မဲ့ဖြစ်ခဲ့ရပြီး အိမ်ခြေနှစ်သိန်းကျော် ပျက်စီးခဲ့ရပါတယ်။ ရေကြီးရေလျှံမှုတွေဟာ နို၀င်ဘာလကုန်ထိ ဆက်လက်ဖြစ်ပွားနေဖွယ်ရှိကြောင်း တာ၀န်ရှိသူတွေက ပြောပါတယ်။ နိုင်ဂျီးရီးယားနိုင်ငံမှာ ရာသီအလိုက်ရေကြီးရေလျှံမှုတွေ ဖြစ်ပွားလေ့ရှိပေမယ့် ယခုနှစ်မှာ ပုံမှန်ထက် သိသိသာသာ ပိုမိုဆိုးရွားခဲ့ပြီး ပုံမှန်မဟုတ်တဲ့ မိုးရွာသွန်းခြင်းနဲ့ ရာသီဥတုဖောက်ပြန်ခြင်းတို့ကြောင့်လို့ နိုင်ဂျီးရီးယားအစိုးရက ပြောပါတယ်။ ရေဘေးနဲ့ပတ်သက်ပြီး ကြိုတင်ပြင်ဆင်မှု အစီအမံတွေအားနည်းမှုနဲ့ အခြေခံအဆောက်အအုံတွေ အရည်အသွေးညံ့ဖျင်းမှုကြောင့် ပျက်စီးဆုံးရှုံးမှုတွေ ပိုမိုဖြစ်ပေါ်စေခဲ့ကြောင်း ကျွမ်းကျင်သူတွေကပြောပါတယ်။…