Day: December 1, 2022

ဒီဇင်ဘာ ၂-၂၀၂၂ Voice Of Myanmar(VOM) ပြီးခဲ့တဲ့ နိုဝင်ဘာအတွင်း စစ်ကိုင်းတိုင်း၊ မြောင်မြို့နယ်ထဲက အိမ်ခြေ (၅၀၀) ကျော်ရှိတဲ့ မြစ်ဆုံကျေးရွာ မီးရှို့ခံခဲ့ရပြီး နေအိမ် (၄၂၀) မီးလောင်ဆုံးရှုံးခဲ့မှုကြောင့် မီးဘေးသင့်ပြည်သူတွေမှာ စားဝတ်နေထိုင်ရေးအတွက် အခက်အခဲများစွာကြုံနေကြရပါတယ်။ ဒါအပြင် ဒေသခံရွာသားတွေအနေနဲ့ စောင်၊ခြင်ထောင်‌၊ခေါင်းအုံး စတဲ့အသုံးအဆောင်ပစ္စည်းတွေကို အိမ်သာတွေထဲထည့်သိမ်းကာ ထွက်ပြေးကြပြီး အခုအခါ အိမ်သာတွေပါမီးရှို့ခံရတာကြောင့် ဆောင်းတွင်းကာလ ခြုံစရာစောင်မရှိတဲ့အခက်အခဲကိုပါ ရင်ဆိုင်နေရတယ်လို့ သိရပါတယ်။ လက်ရှိမှာ မြောင်နယ်အတွင်း မြစ်ဆုံကျေးရွာအပါအဝင် ရွာပေါင်း (၉) ရွာက အိမ်ခြေ (၁၀၀၀) ကျော် တပြိုင်ထဲ မီးရှို့ခံထားရတာကြောင့် တရွာနဲ့တရွာကူညီနိုင်ဖို့အခြေအနေလည်း မရှိကြဘူးလို့ သိရပါတယ်။ #voiceofmyanmar #VOM #မြောင် #မြစ်ဆုံရွာ Youtube Link – https://youtu.be/qkzbIS_45MY

Read More

ဒီဇင်ဘာ ၁-၂၀၂၂ GG (VOM) YBS ကားတွေပေါ်မှာ ခါးပိုက်နိုက်တာနဲ့ အနုကြမ်းစီးတာတွေ စတဲ့ဒုစရိုက်မှုတွေမဖြစ်အောင် ကား အားလုံးကို CCTV စောင့်ကြည့်ကင်မရာတွေတပ်ပြီး ထိန်းသိမ်းဆောင်ရွက်သွားမယ်လို့ သိရပါတယ်။ နောက်ပြီး Taxi အငှားယာဥ်တွေမှာလည်း နေပူကာမှန်ကပ်အမည်းရောင် တပ်ဆင်တာတွေ၊စတေကာကပ်တာတွေကို ဖယ်ရှားရမယ်လို့လည်း သိရပါတယ်။ “အဲ့ဒါကို ခရိးသွားပြည်သူတွေ ဘေးကင်းလုံခြုံဖို့အဓိကတပ်မှာပါ။ခါးပိုက်နိုက်တို့ ၊အနုကြမ်းစီးမှုတို့အဲ့ဒါကို ထိန်းသိမ်းချင်တာ။အရင်က cctv မတပ်တာနဲ့မကောင်းတဲ့ကားပေါ်မှာပဲ လုပ်တာများတော့လေ၊ဒါကြောင့်အားလုံးတပ်ဖို့ဆောင်ရွက်တာပါ။ညွှန်ကြားချက်လည်းထုတ်ပြီးပြီ၊မတပ်ရသေးတဲ့ကားတွေတပ်ဖို့၊တပ်ပြီးသားတွေလည်းcctvကောင်းအောင်လုပ်ဖို့ ညွှန်ကြားထားတယ်။ကားတွေမှာ ကပ်ခွင့်ကိုမပေးတော့ပါဘူး “လို့ YRTC အတွင်းရေးမှူးဦးလျန်ကျင့်မန်ကပြောပါတယ်။ YBS ကားအားလုံး CCTV တပ်ဆင်ခြင်းကို အချိန်ကာလ ၃ လ ဒါမှမဟုတ် ၆ လအတွင်း အပြီးလုပ်ဆောင်ဖို့ စီစဥ်ထားတာကြောင့် မတပ်ဆင်ရသေးတဲ့ကားတွေကို YRTC ကနေ အရင်းအနှီးစိုက်ထုတ်ပြီး တပ်ဆင်ပေးသွားမှာဖြစ်တယ်လို့သိရပါတယ်။ လက်ရှိYBS အစီးရေ ၅၇၀၀ ကျော်မှာ CCTV တပ်ဆင်ထားပြီးတဲ့ YBS ကားအစီးရေ…

Read More

ဒီဇင်ဘာ ၁ -၂၀၂၂ GG(VOM) မြန်မာနိုင်ငံသားပိုင်တဲ့ ငါး၊ ပုဇွန် မွေးမြူရေး အပါအဝင် မွေးမြူရေးကဏ္ဍကို ထုတ်ချေးထားတဲ့ ချေးငွေကို ပြန်လည်ပေးဆပ်ရမယ့်ကာလ နောက်ထပ် သက်တမ်း ၁ နှစ် တိုးပေးလိုက်တယ်လို့သိရပါတယ်။ ပြည်တွင်းစီးပွားရေးလုပ်ငန်းတွေမှာ ထိခိုက်မှုတွေ ထပ်ပြီးရှိနေတာကြောင့် စီးပွားရေးလုပ်ငန်းတွေ ငွေကြေးလည်ပတ်မှု အဆင်ပြေအောင် ချေးငွေ ပြန်လည်ပေးဆပ်ရမယ့် ကာလကို တိုးမြှင့်ပေးလိုက်တာဖြစ်တယ်လို့ ကိုဗစ်-၁၉ ကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုများအပေါ် ကုစားရေးလုပ်ငန်းကော်မတီက နိုဝင်ဘာ ၃၀ ရက်နေ့မှာ အသိပေး ပြောဆိုထားပါတယ်။ ” အတိုးကို ပေးထားတဲ့သူဖြစ်ရမယ်။နောက်ပြီး သူတို့ထုတ်ချေးတဲ့ ငွေတွေကို လုပ်ငန်းခွင်မှာတကယ်ထိထိရောက်ရောက် ဆောင်ရွက်နိုင်တာမျိုးဖြစ်ရမယ်။အဲ့ဒီအချက်နဲ့ကိုက်ရင် ချေးငွေကို နောက်နှစ်မှပြန်ဆပ်လို့ရတယ်ပေါ့။ ဘာဖြစ်ဖြစ်တနှစ်ထပ်တိုးပေးတော့ ကျနော်တို့လုပ်ငန်းတွေအဆင်ပြေတာပေါ့။အရင်က ကိုဗစ်ကြောင့်၊ အခုကနိုင်ငံရေးအခြေအနေကြောင့် အကုန်အဆင်မပြေကြဘူး ” လို့ မွေးမြူရေးလုပ်ငန်းလုပ်ကိုင်သူတဦးကပြောပါတယ်။ ငါး၊ ပုဇွန် မွေးမြူရေး အပါအဝင် မွေးမြူရေးကဏ္ဍမှာ…

Read More

ဒီဇင်ဘာ ၁-၂၀၂၂ GG(VOM) ရန်ကုန်တိုင်းအတွင်းက ဘုန်းကြီးကျောင်းတွေမှာ ညအိပ် ဧည့်သည် လက်မခံဖို့၊ အကယ်၍ လက်ခံမယ်ဆိုပါက သက်ဆိုင်ရာအုပ်ချုပ်ရေးအဖွဲ့နဲ့ချိတ်ဆက်ဆောင်ရွက်ရမှာ​ဖြစ်တယ်လို့ဘုန်းကြီးကျောင်းတွေဆီက သိရပါတယ်။ ” ဟုတ်တယ် ညအိပ်ညနေကို လက်မခံဖို့ပေါ့။ လက်ခံမယ်ဆိုရင်လည်း အုပ်ချုပ်ရေးမှူးတွေကိုအသိပေးရမယ်။ ဖြစ်နိုင်ရင်တော့ လက်မခံတာအကောင်းဆုံးပေါ့။ မလိုလားအပ်တဲ့ပြဿနာတွေမဖြစ်အောင်လို့ပြောတယ် ၊ဧည့်စာရင်းတိုင်ရမယ့်သဘောပေါ့ “လို့ ကျောင်းထိုင်ဘုန်းတော်ကြီးတပါးကမိန့်ပါတယ်။ ဒါ့ကြောင့် ကျောင်းထိုင်ပဓာန နာယက၊ တိုက်အုပ်၊ တိုက်ကြပ်၊ စာချဆရာတော်တွေ စတဲ့ တာဝန်ရှိပုဂ္ဂိုလ်များ သိရှိခြင်း၊ ခွင့်ပြုခြင်းမရှိဘဲ ညအိပ် ညနေဧည့်သည်တွေ လက်ခံခြင်း မပြုဖို့နဲ့ တကယ်လို့ ညအိပ်လက်ခံမယ်ဆိုပါက သက်ဆိုင်ရာ အုပ်ချုပ်ရေးအဖွဲ့ အစည်းနဲ့ ဆက်သွယ်ဆောင်ရွက်ဖို့ တိုင်းဒေသကြီး သံဃနာယက အဖွဲ့က ညွှန်ကြားထားတာဖြစ်တယ်လို့ သိရပါတယ်။ ရန်ကုန်တိုင်းထဲက ဘုန်းကြီးကျောင်းအချို့မှာ ည အိပ် ညနေဧည့်သည် လက်ခံခြင်းကြောင့် လုယက်မှု၊ ခိုက်ရန်ဖြစ်မှုနဲ့ စတဲ့ ဒုစရိုက်မှုခင်းတွေ ဖြစ်ပေါ်…

Read More

ဒီဇင်ဘာ ၁ -၂၀၂၂ SP (VOM) စစ်ကိုင်းတိုင်း ၊ မုံရွာခရိုင် ၊ အရာတော်မြို့နယ်နဲ့ ကန့်ဘလူခရိုင် ၊ ကန့်ဘလူမြို့နယ်ထဲက ကျေးရွာတချို့ဟာ အတွင်း မီးရှို့ဖျက်ဆီးခံရပြီး မီးလောင်သေဆုံးရသူတွေနဲ့ ထိခိုက်ဒဏ်ရာရသူတွေ ရှိခဲ့တယ်လို့ အခင်းဖြစ်ပွားရာဒေသက နယ်ခံလူမှုကူညီရေးအဖွဲ့တွေဆီက သိရပါတယ်။ ” ကျောက်တိုင်ရွာမှာ ပြီးခဲ့တဲ့ရက်ပိုင်း နိုဝင်ဘာ ၂၂ ရက် မနက်ပိုင်းက အိမ်ခြေ ၂၀၀ ရာကျော်ရှိတဲ့အထဲက အိမ်ခြေ ၁၇၀ ကျော် မီးလောင်ပြီး လက်ရှိ အိမ်ခြေ ၃၀ ကျော်ပဲကျန်တယ် ၊အဲ့ဒီအပြင် ဒက္ခိဏရာမကျောင်းတိုက်က ဆွမ်းစားကျောင်းဆောင် တခုလည်း မီးလောင်ပျက်စီးခဲ့တယ်၊ အဲ့ဒီ မီးလောင်ပြင်ထဲမှာ ဒေါ်ပြား အသက် ၉၀ နှစ်နဲ့ ဒေါ်ထူး အသက် ၇၅ နှစ် တို့ ၂ ဦးအပြင် အသက် ၃၇…

Read More

ဒီဇင်ဘာ ၁ – ၂၀၂၂ SN (VOM) ဒဂုံတက္ကသိုလ်က ကျောင်းသား ၇ ဦးကို မနေ့ နိုဝင်ဘာ ၃၀ ရက်က အင်းစိန်ထောင်တွင်းတရားရုံးကနေ ပုဒ်မ ၃၀၂ (က) နဲ့ သေဒဏ်ချမှတ်ခဲ့တယ်လို့ ဒဂုံတက္ကသိုလ် ကျောင်းသားများသမဂ္ဂက အတည်ပြုထုတ်ပြန်ထားပါတယ်။ သေဒဏ်စီရင်ချက် ချမှတ်ခံရသူတွေကတော့ မောင်ခန့်ဇင်ဝင်း၊ မောင်သူရမောင်မောင်၊ မောင်ဇော်လင်းနိုင်၊ မောင်သီဟထက်ဇော်၊ မောင်ဟိန်းထက်၊ မောင်သက်ပိုင်ဦး၊ မောင်ခန့်လင်းမောင်မောင် တို့ ဖြစ်တယ်လို့ သိရပါတယ်။ သူတို့ကို ဖက်ဆစ်ဆန့်ကျင်ရေးလက်ရုံးတပ်ဖွဲ့မှာ ပါဝင်တယ်ဆိုတဲ့ စွပ်စွဲချက်အပြင် အခုနှစ် ဧပြီလ ၁၈ ရက်က ကမ္ဘာ့ရတနာဘဏ်မန်နေဂျာ(တောင်ဒဂုံဘဏ်ခွဲ) ဒုတိယဗိုလ်မှူးကြီး စောမိုးဝင်း အပစ်ခံရပြီး သေဆုံးခဲ့မှုတွေနဲ့ ပါဝင်ပတ်သက်တယ်ဆိုတဲ့ စွပ်စွဲချက်တွေနဲ့ အင်းစိန်ထောင်တွင်း တရားရုံးက အခုလို သေဒဏ်ချမှတ်လိုက်တာဖြစ်ပြီး ကျန်ရှိနေတဲ့ အမှု ၂ မှုကိုလည်း ဆက်လက်စစ်ဆေးနေတယ်လို့ သိရပါတယ်။…

Read More