Month: December 2022

ပြုံးယမ်း၊ ဒီဇင်ဘာ-၂၀-၂၀၂၂ မျိုးဆက်(VOM) ဂျပန်နိုင်ငံရဲ့ လုံခြုံရေးဗျူဟာသစ်ဟာ ဒေသတွင်းလုံခြုံရေးဆိုင်ရာ အခြေအနေကို အခြေခံကျကျပြောင်းလဲလိုက်တာ ဖြစ်ကြောင်း မြောက်ကိုရီးယားက ရှုတ်ချလိုက်ပြီး ဂျပန်ရဲ့ ရွေးချယ်မှုဟာ ဘယ်လောက်မှားပြီး အန္တရာယ်များလဲဆိုတာသိလာမယ်လို့ မြောက်ကိုရီးယားက သတိပေးလိုက်ပါတယ်။ ဒေသတွင်းတင်းမာမှုတွေနဲ့ ယူကရိန်းကိုရုရှားရဲ့ ကျူးကျော်တိုက်မှုတွေအပေါ် စိုးရိမ်ပူပန်မှုတွေကြောင့် ဂျပန်ဟာ ဒုတိယကမ္ဘာစစ်နောက်ပိုင်း အကြီးမားဆုံးစစ်ရေးတည်ဆောက်မှုကို ထုတ်ပြန်ပြီး ရက်ပိုင်းအကြာမှာ မြောက်ကိုရီးယား နိုင်ငံခြားရေး၀န်ကြီးဌာနက အခုလိုက်သတိပေးလိုက်တာဖြစ်ပါတယ်။ ဒါပေမယ့် ဘယ်လိုတုံ့ပြန်ဆောင်ရွက်မယ်ဆိုတာကိုတော့ မြောက်ကိုရီးယားဘက်က ထုတ်ဖော်ပြောဆိုခြင်း မရှိပါဘူး။ ဂျပန်နိုင်ငံဟာ အခြားနိုင်ငံတွေကို တိုက်ခိုက်နိုင်တဲ့ တိုက်ခိုက်မှုစွမ်းရည်ဆိုင်ရာ လုံခြုံရေး မဟာဗျူဟာ ချမှတ်လိုက်တာဟာ ကိုရီးယားကျွန်းဆွယ်နဲ့ အရှေ့အာရှဒေသမှာ ဆိုးရွားတဲ့ လုံခြုံရေးအကျပ်အတည်းကို ဖြစ်ပေါ်စေတယ်လို့ မြောက်ကိုရီးယားက ပြောပါတယ်။ ဂျပန်၏ မူဝါဒသစ်ကြောင့် ဒေသတွင်းလုံခြုံရေးအခြေအနေဟာ အခြေခံကျကျပြောင်းလဲသွားကြောင်းနဲ့ အဲဒီလုပ်ရပ်ဟာ ကုလသမဂ္ဂပဋိညာဉ်စာတမ်းကိုချိုးဖောက်ပြီး နိုင်ငံတကာငြိမ်းချမ်းရေးအတွက် ဆိုးရွားသော စိန်ခေါ်မှုတရပ်အဖြစ် မြောက်ကိုရီးယားက ရှုတ်ချပြောပါတယ်။ ဂျပန်ဟာ…

ဘန်ကောက်၊ ဒီဇင်ဘာ-၂၀-၂၀၂၂ မျိုးဆက်(VOM) ထိုင်းရေတပ်စစ်သင်္ဘောတစင်း နစ်မြုပ်မှုကြောင့် ပျောက်ဆုံးနေတဲ့အမှုထမ်း ၃၀ နီးပါးကို ကယ်ဆယ်ရေးသမားတွေက ဒုတိယမြောက်နေ့အဖြစ် ရှာဖွေကယ်ဆယ်ရေးတွေ လုပ်ဆောင်နေကြပါတယ်။ ပင်လယ်ထဲမှာ နာရီအတော်ကြာမျောပါပြီးနောက် သတိလစ်နေသူတွေအပါအ၀င် အသက်ရှင်ကျန်ရစ်သူအချို့ကို လက်ရှိချိန်ထိ တွေ့ရှိထားကြောင်း တာ၀န်ရှိသူတွေက ပြောပါတယ်။ အမှုထမ်း ၁၀၅ ဦးကိုတင်ဆောင်ထားတဲ့ ထိုင်းရေတပ်က HTMAS Sukhotai ဟာ ထိုင်းပင်လယ်ကွေ့မှာ မုန်တိုင်းမိပြီးနောက် ဒီဇင်ဘာ ၁၈ ရက်နှောင်းပိုင်းမှာ နစ်မြုပ်သွားခဲ့တာဖြစ်ပါတယ်။ အဲဒီနောက် သင်္ဘော၊ ရဟတ်ယာဉ်တွေနဲ့ ရှာဖွေကယ်ဆယ်ရေးတွေ လုပ်ဆောင်ခဲ့ရာမှာ ၇၅ ဦးကို ကယ်တင်နိုင်ခဲ့ပါတယ်။ ပျောက်ဆုံးနေသူတွေကို ရှာဖွေကယ်ဆယ်ဖို့ အတတ်နိုင်ဆုံးကြိုးစားနေကြောင်း ထိုင်းရေတပ် တာ၀န်ရှိသူတဦးကပြောပါတယ်။ အရှည် ၇၆ မီတာရှိတဲ့ ထိုင်းရေတပ်စစ်သင်္ဘော HTMAS Sukhotai ဟာ မုန်တိုင်းမီပြီး နစ်မြုပ်ချိန်မှာ နိုင်ငံအရှေ့တောင်ပိုင်း ပင်လယ်ပြင်မှာ ပုံမှန်ကင်းလှည့်မှု လုပ်ဆောင်နေတာလို့ ထိုင်းရေတပ်က…

ဒေလီ၊ ဒီဇင်ဘာ-၂၀-၂၀၂၂ မျိုးဆက်(VOM) တရုတ်နိုင်ငံနဲ့ အငြင်းပွားဖွယ်နယ်စပ်တလျှောက်မှာ အိန္ဒိယတပ်တွေဖြန့်ကြက်ချထားမှုကို တိုးမြှင့်လိုက်ကြောင်း အိန္ဒိယနိုင်ငံခြားရေး၀န်ကြီးက ထုတ်ဖော်ပြောဆိုလိုက်ပါတယ်။ အိန္ဒိယအနေနဲ့ နှစ်နိုင်ငံနယ်စပ်ရှိ လက်ရှိအနေအထားကို တရုတ်ဘက်က တဖက်သတ်ပြောင်းလဲခွင့် မပြုနိုင်ကြောင်း အိန္ဒိယနိုင်ငံခြားရေး၀န်ကြီး အက်စ်ဂျိုင်ရှန်ခါက ပြောပါတယ်။ အာရန်နာချယ်ပရာဒက်ရ်ှပြည်နယ် နယ်စပ်တလျှောက်ရှိ အငြင်းပွားဖွယ်နေရာတခုမှာ အိန္ဒိယနဲ့ တရုတ်တပ်ဖွဲ့၀င်တွေအကြား မကြာသေးမီက ပဋိပက္ခတွေဖြစ်ပွားပြီးနောက် ရက်အနည်းငယ်အကြာမှာ နယ်စပ်မှာ အိန္ဒိယတပ်တွေကို တိုးမြှင့်ချထားလိုက်တာဖြစ်ပါတယ်။ အဲဒီပဋိပက္ခဟာ တရုတ်ဘက်က ကျူးကျော်၀င်ရောက်လာခြင်းကြောင့် စတင်ဖြစ်ပွားခဲ့တာလို့ အိန္ဒိယစစ်တပ်က ထုတ်ပြန်ထားပါတယ်။ လက်ရှိနယ်စပ်အခြေအနေဟာ ယေဘုယျအာြး့ဖင့် တည်ငြိမ်နေကြောင်း ၊ နှစ်ဘက်စလုံးအနေနဲ့ နယ်စပ်ပြသနာဆွေးနွေးမှုတွေကို ဆက်လက်ထိန်းသိမ်းထားတယ်လို့ တရုတ်နိုင်ငံခြားရေး၀န်ကြီးဌာနက ထုတ်ပြန်ထားပါတယ်။ နှစ်နိုင်ငံနယ်စပ် လာဒက်ဒေသ ဂေါ်လန်တောင်ကြားမှာ နှစ်ဘက်တပ်ဖွဲ့၀င်တွေအကြား ၂၀၂၀ ခုနှစ် ဇွန်လမှာ ခိုက်ရန်ဖြစ်ပွားမှုကြောင့် အိန္ဒိယစစ်သား ၂၀ နဲ့ တရုတ်စစ်သားလေးဦး သေဆုံးခဲ့ပါတယ်။ Ref: BBC Photo:Getty…