Month: January 2023

ပေကျင်း၊ ဇန်နဝါရီ-၂၁-၂၀၂၃ မျိုးဆက်(VOM) တရုတ်နိုင်ငံ တိဗက်ဒေသရှိ အဝေးပြေးလမ်းမပေါ်မှာ ဖြစ်ပွားခဲ့တဲ့ ဆီးနှင်းပြိုကျမှုအတွင်း ပိတ်မိနေသူတွေကို ရှာဖွေကယ်ဆယ်ရေးလုပ်ငန်းတွေ အဆုံးသတ်လိုက်ပြီး သေဆုံးသူ ၂၈ ဦးထက်မနည်းရှိကြောင်း တရုတ်နိုင်ငံပိုင် သတင်းဌာနက ဇန်နဝါရီ ၂၁ ရက်မှာ ဖော်ပြထားပါတယ်။ ဇန်နဝါရီ ၁၇ ရက်ညပိုင်းက နိုင်ငံအရှေ့တောင်ပိုင်း နင်ချီမြို့ရှိ ဥမင်လှိုဏ်ခေါင်းတခုရဲ့ ထွက်ပေါက်မှာ ဆီးနှင်းပြိုကျမှုကြောင့် မော်တော်ယာဉ်နဲ့ လူများစွာ ပိတ်မိနေခဲ့ပါတယ်။ ဆီးနှင်းပြိုကျမှုဟာ လေပြင်းတွေ အလွန်တိုက်ခတ်ခြင်းကြောင့်လို့ ဒေသခံကယ်ဆယ်ရေးသမားတွေက ပြောပါတယ်။ ပိတ်မိနေသူများထဲမှာ အသက်ရှင်ကျန်ရစ်သူ ၅၃ ဦးကို တွေ့ရှိခဲ့ရပြီး သူတို့ထဲက ငါးဦးဟာ ဒဏ်ရာပြင်းထန်ကြောင်း ဒေသဆိုင်ရာအစိုးရတာ၀န်ရှိသူတဦးက ပြောပါတယ်။ ၄ ဒသမ ၆၆ မိုင်အရှည်ရှိသော ဥမင်လှိုဏ်ခေါင်းကို တူးဖော်ပြီး ကယ်ဆယ်ရေးတွေဆောင်ရွက်ရာမှာ စက်ပစ္စည်းကိရိယာ ၂၃၆ ခုနဲ့အတူ ကယ်ဆယ်ရေးလုပ်သား ၁၃၄၈ ဦးပါ၀င်ခဲ့ကြောင်း တာ၀န်ရှိသူတွေက…

လန်ဒန်၊ ဇန်နဝါရီ-၂၁-၂၀၂၃ မျိုးဆက်(VOM) ဗြိတိန်၀န်ကြီးချုပ် ရီရှီဆူနက်ခ်ဟာ ကားစီးနေချိန် လူမှုကွန်ရက်မှာ ရုပ်သံလွှင့်ချိန်မှာ ထိုင်ခုံခါးပတ်မပတ်တဲ့တာကို တွေ့ရှိတဲ့အတွက် တာ၀န်ရှိသူတွေရဲ့ ဒဏ်ရိုက်ခြင်းကို ခံခဲ့ရပါတယ်။ အသက် ၄၂ နှစ်အရွယ် ၀န်ကြီးချုပ်ဆူနက်ခ်အပေါ် သတ်မှတ်စည်းကမ်းချိုးဖောက်မှုကြောင့် ဒဏ်ငွေရိုက်ခဲ့တာဖြစ်တယ်လို့ လန်ကာရှိုင်းယားရဲတပ်ဖွဲ့က ထုတ်ပြန်ပါတယ်။ ဒီကိစ္စဟာ အမှားလုပ်မှုတာဖြစ်တယ်ဆိုတာကို ၀န်ကြီးချုပ်က အပြည့်အ၀လက်ခံပြီး တောင်းပန်ကြောင်းနဲ့ ဒဏ်ငွေကို ပေးသွားသွားမှာဖြစ်တယ်လို့ ၀န်ကြီးချုပ်ရုံးက ထုတ်ပြန်ပါတယ်။ ထိုင်ခုံခါးပတ်မပတ်တဲ့ ခရီးသည်တွေကို ဒဏ်ငွေပေါင် ၁၀၀ ချမှတ်နိုင်ပြီး တရားရုံးကိုတင်မယ်ဆိုရင်တော့ ပေါင် ၅၀၀ ထိ ဒဏ်ငွေချမှတ်နိုင်ပါတယ်။ ၀န်ကြီးချုပ်ဟာ အင်္ဂလန်မြောက်ပိုင်းကို ခရီးထွက်ချိန် ဒီရုပ်သံကို လွှင့်တင်ခဲ့တာဖြစ်ပါတယ်။ မစ္စတာဆူနက်ခ်ဟာ ဒီအစိုးရသက်တမ်းအတွင်း ပြစ်ဒဏ်သတိပေးချက် နှစ်ကြိမ်တိုင် ရရှိခဲ့သူဖြစ်ပါတယ်။ ၂၀၂၀ ခုနှစ် ဇွန်လအတွင်း ကိုဗစ်ကာလမှာ ၀န်ကြီးချုပ်ရုံးမှာကျင်းပတဲ့ မွေးနေ့ပွဲတက်ရောက်ခဲ့တာကြောင့် ၀န်ကြီးချုပ်ဟောင်း ဘောရစ်ဂျွန်ဆင်နဲ့အတူ ဒဏ်ရိုက်ခံခဲ့ရပါတယ်။ Ref:BBC…

မော်စကို၊ ဇန်နဝါရီ-၂၀-၂၀၂၃ မျိုးဆက်(VOM) ယူကရိန်းစစ်ပွဲမှာ ရုရှားရှုံးခဲ့မယ်ဆိုရင် နျူကလီးယားစစ်ပွဲဖြစ်နိုင်ကြောင်း ရုရှားသမ္မတပူတင်ရဲ့ မဟာမိတ်တဦးက နေတိုးအဖွဲ့ကို သတိပေးပြောကြားလိုက်ပါတယ်။ ရုရှားကို ဖျက်ဆီးဖို့အနောက်အုပ်စုက ကြိုးပမ်းပါက ကမ္ဘာကြီးဟာ ဆုံးခန်းတိုင်သွားမှာဖြစ်ကြောင်း ရုရှား အော်သိုဒေါ့ဘုရားကျောင်းအကြီးအကဲလည်း ပြီးခဲ့တဲ့နေ့က ပြောကြားပြီးနောက် ပူတင်ရဲ့မဟာမိတ်ကလည်း အခုလိုက် သတိပေးလိုက်တာဖြစ်ပါတယ်။ သမရိုးကျစစ်ပွဲတခုမှာ နျူကလီးယားပိုင်ဆိုင်တဲ့နိုင်ငံက စစ်ရှုံးတယ်ဆိုတာ နျူကလီးယာစစ်ပွဲ ဖြစ်စေနိုင်တယ်လို့ ပူတင်ရဲ့ သြဇာကြီးမားတဲ့ ရုရှားလုံခြုံရေးကောင်စီမှာ ဒုတိယဥက္ကဌအဖြစ် တာ၀န်ယူထားတဲ့ ရုရှားသမ္မတဟောင်း ဒီမီထရီမက်ဗီဒက်က သတိပေးပြောဆိုပါတယ်။ အခုလို သတိပေးစကားတွေ ထုတ်ဖော်ပြောဆိုလာတာဟာ ယူကရိန်းကို လက်နက်တွေပိုမိုထောက်ပံ့ဖို့ မဟာမိတ်တွေရဲ့အစည်းအဝေးမတိုင်ခင်မှာ အမေရိကန်ဦးဆောင်တဲ့ နေတိုးမဟာမိတ်တွေ စစ်ပွဲမှာ ထဲထဲ၀င်၀င် ပါမလာရေး တားဆီးဖို့ ရွယ်ပုံရပါတယ်။ နျူကလီးယားအင်အားကြီးနိုင်ငံတွေဟာ သူတို့ရဲ့ကံကြမ္မာအပေါ် အလောင်းအစားလုပ်နေရတဲ့ပဋိပက္ခတွေမှာ ဘယ်တော့မှ အရှုံးမခံဘူးလို့ ၂၀၀၈ ခုနှစ်ကနေ ၂၀၁၂ ခုနှစ်ထိ ရုရှားသမ္မတအဖြစ် တာ၀န်ထမ်းဆောင်ခဲ့တဲ့ မက်ဒီဗက်က…

တိုကျို၊ ဇန်နဝါရီ ၂၀-၂၀၂၃ မျိုးဆက်(VOM) ဂျပန်နိုင်ငံရဲ့ ငွေကြေးဖောင်းပွမှုဟာ ၄၁ နှစ်အတွင်း အမြင့်ဆုံးထိ စံချိန်တင်မြင့်တက်နေကြောင်း တာ၀န်ရှိသူတွေက ဇန်နဝေါရီ ၂၀ ရက်မှာ ပြောပါတယ်။ လွန်ခဲ့တဲ့လအတွင်း အဓိကစားသုံးသူစျေးနှုန်းဟာ ယမန်နှစ်ကထက် လေးရာခိုင်နှုန်းမြင့်တက်ခဲ့ပြီး ဒါဟာ ဂျပန်ဗဟိုဘဏ်က ခန့်မှန်းထားတာထက် နှစ်ဆတိုးနေပါတယ်။ လူနေမှုစရိတ် ကြီးမြင့်လာခြင်းကို သက်သာစေဖို့ အတွက် အတိုးနှုန်းကို မြှုင့်တင်ဖို့ ဗဟိုဘဏ်အနေနဲ့ နောက်ထပ်ဖိအားတွေနဲ့ ရင်ဆိုင်နေရပါတယ်။ ဇန်နဝါရီ ၂၀ ရက်မှာ တရား၀င်ထုတ်ပြန်တဲ့ အချက်အလက်တွေအရ ဂျပန်နိုင်ငံရဲ့ငွေကြေးဖောင်းပွမှုဟာ ၁၉၈၁ ခုနှစ်နောက်ပိုင်း အမြင့်ဆုံးဖြစ်ပြီး ဗဟိုဘဏ်ရဲ့ခန့်မှန်းချက် ၂ ရာခိုင်နှုန်းထက် ကိုးလဆက်တိုက်ပိုများနေပါတယ်။ ဂျပန်နိုင်ငံအပြင် အခြားနိုင်ငံတွေမှာလည်း ငွေကြေးဖောင်းပွမှုတွေ ဖြစ်ပေါ်နေပြီး အမေရိကန်မှာ ဒီဇင်ဘာလအတွင်း ၆ ဒသမ ၅ ရာခိုင်နှုန်း၊ ဥရောပဇုန်မှာ ၉ ဒသမ ၂ ရာခိုင်နှုန်းနဲ့…

ပါရီ၊ ဇန်နဝါရီ-၂၀-၂၀၂၃ မျိုးဆက်(VOM) ပြင်သစ်နိုင်ငံမှာ ပင်စင်ယူရမယ့် အသက်အရွယ်ကို တိုးမြှင့်မယ့် အစီအစဉ်အပေါ် နိုင်ငံတစ်၀န်းမှာ ဆန္ဒပြမှုတွေဖြစ်ပွားခဲ့ပြီး ဇန်နဝါရီ ၁၉ ရက်ကပြုလုပ်တဲ့ ဆန္ဒပြပွဲမှာ လူတသန်းကျော်ထိ ပါ၀င်ခဲ့တယ်လို့ ပြင်သစ်ပြည်ထဲရေး၀န်ကြီးဌာနက ပြောပါတယ်။ ပါလီမန်မှာ တင်သွင်းမယ့် ဥပဒေကြမ်းမှာ ပင်စင်ယူရမယ့် အသက်အရွယ်ကို ၆၂ နှစ်ကနေ ၆၄ နှစ်အထိ တိုးမြှင့်သွားဖို့ စီစဉ်နေတဲ့ အပေါ် နိုင်ငံတ၀န်း အလုပ်သမားတွေက ဆန့်ကျင်ဆန္ဒပြနေကြတာဖြစ်ပါတယ်။ မြို့တော်ပါရီအပါအ၀င် မြိူ့ကြီး ၂၀၀ မှာ ဆန္ဒပြမှုများကြောင့် ကျောင်းများနှင့် အများပြည်သူဆိုင်ရာ ပို့ဆောင်ရေးလုပ်ငန်း အများအပြားကို ပိတ်သိမ်းခဲ့ရပြီး ပဲရစ်မြို့ရှိ အော်လီလေဆိပ်မှာ လေယာဉ်ခရီးစဉ်ငါးခုမှာ တခုဖျက်သိမ်းခဲ့ရပါတယ်။ အနာဂတ်မှာ ပင်စင်စနစ်ရဲ့ ကြီးမားတဲ့လိုငွေပြမှုကို တားဆီးဖို့အတွက် ပြုပြင်ပြောင်းလဲမှုတွေ ပြုလုပ်ဖို့ လိုအပ်ကြောင်း ပြင်သစ်၀န်ကြီးချုပ် အဲလိဇဘတ်ဘော်နီက ပြောပါတယ်။ ပင်စင်ယူရမယ့် အသက်အရွယ် ပြောင်းလဲမှုဟာ…