Day: February 16, 2023

ပနားမားစီးတီး၊ ဖေဖော်ဝါရီ-၁၆-၂၀၂၃ မျိုးဆက်(VOM) ပနားမားနိုင်ငံမှာ ရွှေ့ပြောင်းဒုက္ခသည်တွေလိုက်ပါလာတဲ့ ဘတ်စ်ကားတစီး ချောက်ထဲကို ပြုတ်ကျတိမ်းမှောက်မှုကြောင့် လူ (၄၀)ဦးသေဆုံးသွားတယ်လို့ တာ၀န်ရှိသူတွေက မနေ့ ဖေဖော်ဝါရီ ၁၅ ရက်မှာ ပြောပါတယ်။ ဘတ်စ်ကားဟာ နိုင်ငံမြောက်ပိုင်းကို ဦးတည်မောင်းနှင်ခဲ့ပြီး ကော်စတာရီကာနယ်စပ်အနီးမှာ လမ်းလွဲသွားပြီးနောက် ပြန်လှည့်ဖို့ယာဉ်မောင်းက ကြိုးစားစဉ် ချောက်ထဲကို ပြုတ်ကျတိမ်းမှောက်သွားတာဖြစ်ပါတယ်။ ဘတ်စ်ကားပေါ်မှာ လူ ၆၆ ဦးလိုက်ပါလာပြီး ဒဏ်ရာရရှိသူ ၂၀ ဦးကို ဆေးရုံတင်ထားကြောင်း တာ၀န်ရှိသူတွေကပြောပါတယ်။ သေဆုံးသူတွေဟာ ဘယ်နိုင်ငံသားတွေဆိုတာကိုတော့ ထုတ်ဖော်ပြောဆိုခြင်းမရှိပါဘူး။ ဒီမတော်တဆမှုဟာ ပနားမားနိုင်ငံမှာ ရွှေ့ပြောင်းဒုက္ခသည် အသေအပျောက်အများဆုံးဖြစ်ရပ် တခုလို့တာ၀န်ရှိသူတွေကပြောပါတယ်။ သေဆုံးသူတွေအတွက် လွန်စွာ၀မ်းနည်းကြေကွဲကြောင်း ပနားမားသမ္မတက ထုတ်ဖော်ပြောဆိုထားပါတယ်။ လွန်ခဲ့တဲ့နှစ်အတွင်း ပနားမားကို ဖြတ်ကျော်၀င်ရောက်လာတဲ့ ရွှေ့ပြောင်းဒုက္ခသည် ၂၄၈၀၀၀ ဦးထိစံချိန်တင်ခဲ့ပြီး အများစုကတော့ ဗင်နီဇွဲလားနိုင်ငံသားများဖြစ်ကာ ဟေတီနဲ့ ကျူးဘားနိုင်ငံသားတွေလည်း ပါ၀င်ပါတယ်။ Ref:BBC #voiceofmyanmar #VOM…

မနီလာ၊ ဖေဖော်ဝါရီ-၁၆-၂၀၂၃ မျိုးဆက်(VOM) တောင်တရုတ်ပင်လယ်မှာ တရုတ်နိုင်ငံရဲ့စစ်ရေးလှုပ်ရှားမှုတွေကြောင့် ဒေသတွင်းတင်းမာမှုတွေမြင့်တက်နေချိန်မှာ အမေရိကန်နဲ့ဖိလစ်ပိုင်စစ်တပ်တို့ဟာ ၂၀၁၅ ခုနှစ်နောက်ပိုင်း အကြီးစားစစ်ရေးလေ့ကျင့်မှုပြုလုပ်မယ်လို့ ဖိလစ်ပိုင်စစ်တပ်က ပြောပါတယ်။ သမ္မတဖာဒီနန်မားကို့စ်ဂျူနီယာလက်ထက်မှာ အမေရိကန်နဲ့ဖိလစ်ပိုင်တို့အကြား ဆက်ဆံရေးပိုမိုကောင်းမွန်လာခဲ့ပြီး အငြင်းပွားဖွယ်တောင်တရုတ်ပင်လယ်မှာ နယ်မြေပိုင်ဆိုင်မှုတွေ အခိုင်အမာတောင်းဆိုထားတဲ့ တရုတ်ကို ဖိလစ်ပိုင်က ရှုတ်ချပြောဆိုထားပါတယ်။ နှစ်စဉ်ကျင်းပတဲ့ Balikatan စစ်ရေးလေ့ကျင့်မှုကို ဒုတိယသုံးလပတ်မှာ ပြုလုပ်သွားမှာဖြစ်ပြီး ယခင်နှစ်က တပ်ဖွဲ့၀င် ၈၉၀၀ ထက်ပိုမိုပါ၀င်မယ်လို့ ဖိလစ်ပိုင်စစ်တပ်အကြီးအကဲ ရိုမီယိုဘရူနာက ပြောပါတယ်။ တောင်တရုတ်ပင်လယ်မှာ တရုတ်နိုင်ငံရဲ့စစ်ရေးလှုပ်ရှားမှုတွေ အရှိန်မြှင့်လုပ်ဆောင်နေတာအပြင် ဖိလစ်ပိုင်သင်္ဘောတစင်းကို တရုတ်စစ်သင်္ဘောက လေဆာနဲ့ထိုးတဲ့ဖြစ်စဉ်ကြောင့် တရုတ်သံအမတ်ကြီးကို ဖေဖော်ဝါရီ ၁၄ ရက်မှာ ဖိလစ်ပိုင်သမ္မတမားကို့စ်က ဆင့်ခေါ်ကန့်ကွက်ခဲ့ပါတယ်။ အမေရိကန်အနေဖြင့် ဖိလစ်ပိုင်စစ်တပ်နဲ့အတူ ကာကွယ်ရေးစွည်းရည်မြှင့်တင်ဖို့အတွက် စည်းမျဉ်းတွေကိုအခြေခံတဲ့ နိုင်ငံတကာဥပဒေတွေအတိုင်း လုပ်ဆောင်သွားမယ်လို့ အမေရိကန်စစ်တပ်က ထုတ်ပြန်ထားပါတယ်။ Ref: Reuters Photo:Reuters #voiceofmyanmar #VOM #မနီလာ

ပေကျင်း၊ ဖေဖော်ဝါရီ-၁၆-၂၀၂၃ မျိုးဆက်(VOM) တရုတ်နိုင်ငံမှာ အငြိမ်းစားယူသူတွေရဲ့ ဆေးဘက်ဆိုင်ရာအကျိုးခံစားခွင့်တွေကို ဖြတ်တောက်လိုက်တဲ့အပေါ် ကန့်ကွက်ဆန္ဒပြမှုတွေ ဖေဖော်ဝါရီ ၁၆ ရက်မှာ ဖြစ်ပွားခဲ့ပါတယ်။ အငြိမ်းစားယူထားတဲ့ သက်ကြီးရွယ်အိုတွေဟာ ကိုဗစ်၁-၉ ရောဂါပထမဆုံးတွေ့ရှိခဲ့တဲ့ ဝူဟန်မြို့မှာ ဒုတိယအကြိမ်မြောက် စုဝေးဆန္ဒပြခဲ့ကြပြီး အရှေ့မြောက်ဘက် တာလီယန်မြို့မှာလည်း ဆန္ဒပြမှုတွေ ဖြစ်ပွားခဲ့ပါတယ်။ ဆန္ဒပြမှုတွေဟာ တရုတ်ပြည်လုံးဆိုင်ရာ ပြည့်သူ့ကွန်ဂရက်အစည်းအဝေးမတိုင်မီ တရုတ်အစိုးရကို ဖိအားပေးဖို့ တပတ်အတွင်း ဒုတိယအကြိမ်မြောက်ဖြစ်ပွားခဲ့တာဖြစ်ပါတယ်။ အစိုးရထံကနေ ပြန်လည်တောင်းခံနိုင်တဲ့ ဆေးဘက်ဆိုင်ရာ ကုန်ကျစရိတ်များကို ဖြတ်တောက်လိုက်ခြင်း ကြောင့် အငြိမ်းစားတွေဟာ ဝူဟန်မြို့မှာ ဖေဖော်ဝါရီ ၈ ရက်ကတည်းက ဆန္ဒပြမှုတွေ စတင်ခဲ့ကြောင်း ပြည်နယ်တာ၀န်ရှိသူတွေကပြောပါတယ်။ လွန်ခဲ့တဲ့ နှစ်ကုန်ပိုင်းကလည်း တရုတ်အစိုးရရဲ့ ကိုဗစ်ကူးစက်မှုလုံး၀မရှိစေရေး တင်းကြပ်တဲ့ မူဝါဒကို တရုတ်လူငယ် ထောင်ပေါင်းများစွာက အစိုးရကို ဆန္ဒပြမှုတွေဖြစ်ပွားခဲ့ပါတယ်။ Ref:BBC #voiceofmyanmar #VOM #ပေကျင်း