Month: February 2023

ဖေဖော်ဝါရီ ၂၂-၂၀၂၃ Shy V (VOM) ရှမ်းပြည်နယ်မြောက်ပိုင်း ကုန်သွယ်ရာ လမ်းကြောဘက်သွားမယ့် ကုန်တင်ကားတွေ အခုရက်ပိုင်းအတွင်း ကုန်သယ်ဆောင်ခွင့် QR Code ရဖို့ ရက်ချီ စောင့်ဆိုင်းနေရတယ်လို့ ကုန်တင်ယာဉ်မောင်းတွေဆီက သိရပါတယ်။ လက်ရှိ လားရှိုးရုံးက ထုတ်ပေးနေတဲ့ ကုန်သယ်ဆောင်ခွင့် QR Code ကို စောင့်ဆိုင်းနေတာ အချိန်အတော်ကြာနေတယ်လို့ ကျင်စန်းကျော့ဘက် ကုန်တင်ပို့မယ့် ယာဉ်မောင်း ၁ ဦး က ပြောပါတယ်။ “ဒီနေ့ဆို တစ်ည အိပ် နှစ်ရက် ဖြစ်ပြီလေ။ စနေ၊ တနင်္ဂနွေက လာတင်ထားတဲ့ ကားတွေလည်း ဒီမှာ လာပုံနေတယ်။ တနင်္လာနေ့ကလည်း ရုံးပိတ်တဲ့။ အင်္ဂါနေ့မှ လိုင်စင်ကျတော့ ကားတွေ အရမ်းပုံနေတာ။”လို့ သူက ပြောပါတယ်။ သက်ဆိုင်ရာဝန်ထမ်းတွေက ကားစာရင်းတွေ၊ ကားပုံတွေ ယူပြီး လားရှိုးရုံးကနေ နေပြည်တော််ကို လှမ်းတင်ကာ…

ဖေဖော်ဝါရီ ၂၂-၂၀၂၃ Voice Of Myanmar(VOM) မကွေးတိုင်း၊ မြိုင်မြို့နယ်အတွင်းက စစ်ဘေးရှောင်နေရသူတွေနဲ့ မီးဘေးသင့်နေတဲ့သူတွေကို လိုအပ်လျက်တွေများစွာရှိနေတဲ့ကြားက ကျန်းမာရေးစောင့်ရှောက်မှု ပေးနေရတဲ့ သားဖွားဆရာမတဦး ရှိနေပါတယ်။ သူကတော့ မြိုင်နယ်၊ ကျေးရွာတရွာက နိုင်ငံရေးမဖက် စစ်ရေးမစွက်တဲ့ ပရဟိတဆရာမလေး မသော်တာပါ။ ဆရာမလေးသော်တာဟာ သူရဲ့ကိုယ်ပိုင်ပိုက်ဆံနဲ့ ကျန်းမာရေးစောင့်ရှောက်မှုတွေပေးနေတဲ့အခါ အချိန်ကာလရှည်ကြာလာတော့ အကူအညီအထောက်အပံ့မရှိတော့တဲ့အခြေအနေတွေနဲ့ ဆေးဝါးလိုအပ်မှုအခက်အခဲတွေကြုံလာခဲ့ပါတယ်။ ဒါကြောင့် သူအမြဲစီးနေတဲ့ဆိုင်ကယ်လေးကိုရောင်းချပြီး ကျန်းမာရေးစောင့်ရှောက်မှုတွေ ဆက်လက်လုပ်ဆောင်ပေးနေပေမယ့် သူ့ကိုယ်ပိုင်ပိုက်ဆံမစိုက်ထုတ်နိုင်တဲ့တနေ့မှာ သူတတ်ထားတဲ့ ပညာနဲ့ပြည်သူတွေရဲ့ကျန်းမာရေးစောင့်ရှောက်မှုတွေကို ဆက်လက်ဆောင်ရွက်မပေးနိုင်မှာကို တွေးပြီးစိုးရိမ်ပူပန်နေပါတယ်။ လက်ရှိအချိန်ထိ မြိုင်နယ်မှာ ဆရာမ‌လေးသော်တာမွေးဖွားပေးခဲ့တဲ့ ကလေးငယ်ပေါင်း (၃၀) ကျော်အထိရှိနေပြီလို့ သိရပါတယ်။ အရင်တုန်းက စစ်ဘေးရှောင်နဲ့မီးဘေးသင့်ဒုက္ခဆိုတာတွေကို တိုင်ရင်းသားဒေသ‌တွေမှာသာ ကြားဘူးပါတယ်ဆိုတဲ့ စစ်ကိုင်းတိုင်းနဲ့မကွေးတိုင်းထဲကအညာသူအညာသားတွေလည်း ကိုယ်တိုင်ကြုံတွေ့နေကြရပါပြီ။ အဲ့ဒီအထဲမှာဆိုရင် မြိုင်မြို့နယ်ထဲက သက်ကြီးရွယ်အိုနဲ့ကိုယ်ဝန်ဆောင်မိခင်တွေ မှာကျန်းမာရေးစောင့်ရှောက်မှုတွေ လိုအပ်နေတာလည်း ဖြစ်ပါတယ်။ #voiceofmyanmar #VOM #မြိုင် #သားဖွားဆရာမသော်တာ Youtube…

ဖေဖော်ဝါရီ ၂၁ – ၂၀၂၃ VG(VOM) ပြည်ပပို့ကုန်ရငွေ ကန့်သတ်ချက်တွေကနေ ကင်းလွတ်ခွင့်ရထားတဲ့ ဆန်နဲ့ ဆန်ကွဲ လည်း လာမယ့်မတ်လကစပြီး ပို့ကုန်ရငွေထဲက ၆၅ ရာခိုင်နူန်းကို ဗဟိုဘဏ်သတ်မှတ်စျေးနဲ့လဲလှယ်ရတော့မှာဖြစ်တယ်လို့သိရပါတယ်။ လုပ်ငန်းရှင်တွေ အနေနဲ့ ပို့ကုန် ရငွေ ၆၅ ရာခိုင်နူန်းကို တရက်အတွင်း ဗဟိုဘဏ်သတ်မှတ်နူန်းနဲ့လဲလှယ်ရမှာဖြစ်ပြီး ကျန် ၃၅ ရာခိုင်နူန်းကိုသာ ပြင်ပစျေးကွက် ပေါက်စျေးအတိုင်း လဲလှယ်ခွင့်ရှိတော့မှာဖြစ်တယ်လို့ သိရပါတယ်။ အဲ့ဒီစနစ်သာ တကယ်ကျင့်သုံးပါက ဆန်ကုန်သည်လုပ်ငန်းရှင်တွေအနေနဲ့ ဆန်တအိတ်ကို ငွေကျပ် သောင်းဂဏန်းဝန်းကျင်နစ်နာမှုရှိတယ်လို့ သိရပါတယ်။ “ဖေဖော်ဝါရီ ၂၈ ရက်နောက်ပိုင်း မတ်လ ၁ ရက်နေ့ကစပြီး ဆန်နဲ့ဆန်ကွဲကိုလည်း တခြားကုန်ပစ္စည်းနည်းတူစနစ်နဲ့သွားမယ်လို့ကြားထားတယ်၊အတိအကျက သတင်းထုတ်ပြန်မှသိရမှာပဲ၊ဒါပေမယ့်တော်တော်လေးတော့သေချာသလောက်ဖြစ်နေပြီ၊ ၆၅ နဲ့ ၃၅ စနစ်နဲ့သွားရမယ်ဆိုရင် ဆန်တအိတ်ကို မြန်မာငွေ ၁၀၀၀၀ နစ်နာသွားနိုင်ပါတယ်”လို့ မူဆယ် ဆန်ကုန်စည်ဒိုင် ဒုတိယဥက္ကဋ္ဌဦးမင်းသိန်းကပြောပါတယ်။ ပို့ကုန်ရငွေ ကန့်သတ်ချက်ပြောင်းလဲမှုဟာ…

ဖေဖော်ဝါရီ ၂၁-၂၀၂၃ SW(VOM) အမှတ်မထင် နှင်းတွေထူထပ်စွာကျရောက်နေတဲ့ စစ်တွေမြို့ရဲ့ မနက်ခင်း စောစောပိုင်း ပတ်ဝန်းကျင်ကိုအလှဆင်ထားချိန် မြို့လူထုကို ငွေနှင်းမှုန်တွေက ဆီးကြိုနေပါတယ်။ စစ်တွေမြို့ရဲ့ မနက်စောစောအချိန်ဟာ ဆိုင်ကယ်၊ သုံးဘီး၊ အိန္ဒိယသုံးဘီးယာဥ်တွေနဲ့ မေယုလမ်းပေါ်က လမ်းသန့်ရှင်ရေးလုပ်နေတဲ့ မိမိတို့ရဲ့ တာဝန်တွေကိုယ်စီကို လုပ်ကိုင်နေကြရပါတယ်။ မြို့ပေါ် လမ်းတွေအားလုံး နှင်းမှုန်တွေနဲ့ အမြင်အာရုံ မရှင်းသလိုခံစားရပေမယ့် လမ်းသွားလမ်းလာ ယာဥ်တွေဆီကအလင်းရှိနေတာကြောင့် လှပတဲ့ မြင်ကွင်းတခု ဖြစ်လို့နေပါတယ်။ #voiceofmyanmar #VOM #ရခိုင်

ဖေဖော်ဝါရီ ၂၁-၂၀၂၃ Voice Of Myanmar(VOM) မန္တလေးမြို့၊ ချမ်းအေးသာစံမြို့နယ်၊ ပြည်ကြီးမျက်ရှင်ရပ်ကွက်၊ ၆၅ လမ်း၊ ၃၃x၃၄ လမ်းကြား၊ မဟာအောင်မြေခရိုင်တရားရုံး ကားပါကင်အုတ်တံတိုင်းအနီးမှာ ဒီကနေ့မနက် ၁၀နာရီခန့်က ပေါက်ကွဲမှုဖြစ်ပွါးခဲ့တယ်လို့ သိရပါတယ်။ ” အသံမိုင်းလား ဗုံးလားမသိ ပေါက်တာ၊ ကျွန်တော်တို့ဆို ပြန်ပြေးလားရတာပဲ၊ ရုံးဖွင့်ချိန်ဆိုတော့ တချို့ကတော့မသိလိုက်ဘူး၊ ပေါက်ကွဲမှုဖြစ်တာကတော့ ဟုတယ်”လို့ တရာရုံးနဲ့နီးစပ်သူတဦးက VOMကိုပြောပါတယ်။ အဲ့ဒီပေါက်ကွဲမှုမှာ လူထိခိုက် ပျက်စီးဆုံးရှုံးမှုမရှိခဲ့ဘဲ ကီးပတ်ဖုန်း အပိုင်းအစ၊ ဆင်းကတ်၊ ဖုန်းဘထ္ထရီအပိုင်းအစနဲ့ ယမ်းကြိုးအပိုင်းအစတွေ တွေ့ရှိခဲ့တယ်လို့ ရဲတပ်ဖွဲ့နဲ့ နီးစပ်တဲ့အသိုင်းအဝိုင်းကနေ သိရပါတယ်။ ဒါ့အပြင် အောင်မြေသာစံမြို့နယ်၊ ဘုန်းတော်တိုးရပ်ကွက်ရှိ တိုင်းလွှတ်တော်ရုံးမှာလည်း ပေါက်ကွဲမှူဖြစ်ပွါးခဲ့တယ်လို့ လူမှုကွန်ယက်စာမျက်နှာ အချို့မှာတင်ပြထားတာကိုလည်း တွေ့ရပါတယ်။ #voiceofmyanmar #VOM #မန္တလေး #ပေါက်ကွဲမှု