Month: February 2023

ကိဗ်ယက်၊ ဖေဖော်ဝါရီ-၂၁-၂၀၂၃ မျိုးဆက်(VOM) အမေရိကန်အနေနဲ့ ယူကရိန်းကို မပြောင်းမလဲထောက်ခံကြောင်းပြသတဲ့အနေနဲ့ သမ္မတဂျိုးဘိုင်ဒင်ဟာ ယူကရိန်းကို မကြေညာဘဲ ဖေဖော်ဝါရီ ၂၀ ရက်မှာ သွားရောက်ခဲ့ပါတယ်။ ယူကရိန်းကို ရုရှားကျူးကျော်တိုက်ခိုက်မှု ပထမဆုံးနှစ်ပတ်လည်မတိုင်ခင်မှာ အမေရိကန်သမ္မတဂျိုးဘိုင်ဒင်က အခုလိုသွားရောက်ခဲ့တာဖြစ်ပြီး ယူကရိန်းသမ္မတဇီလန်စကီးနဲ့ တွေ့ဆုံခဲ့ပါတယ်။ အမြောက်တွေအပါအ၀င် လက်နက်ခဲ့ယမ်းမီးကျောက် ဒေါ်လာသန်း ၅၀၀ တန်ဖိုးရှိ စစ်လက်နက်ပစ္စည်းတွေ ယူကရိန်းထပ်ပေးမယ်လို့ အမေရိကန်သမ္မတဂျိုးဘိုင်ဒင်ကပြောပါတယ်။ ဒါ့အပြင် ရုရှားအပေါ် အရေးယူပိတ်ဆို့မှုတွေ ဆက်လက်လုပ်ဆောင်မယ်လို့လည်း သူကပြောပါတယ်။ ဒီခရီးစဉ်ဟာ ယူကရိန်းရဲ့ ဒီမိုကရေစီ၊ အချုပ်အခြာအာဏာနဲ့ နယ်မြေပိုင်ဆိုင်မှုတွေကို အမေရိကန်က မယိုင်းမယိုင်ထောက်ခံနေကြောင်း ပြသဖို့ဖြစ်တယ်လို့ သူကပြောပါတယ်။ သမ္မတရဲ့ မကြေညာတဲ့ယူကရိန်းခရီးစဉ်ကို တာ၀န်ရှိသူလက်ဖက်စာလောက်ကနေ လအတန်ကြာကတည်းက ကြိုတင်စီစဉ်နေတာဖြစ်ပြီး ဂျိုးဘိုင်ဒင်ဟာ ပိုလန်ကနေ ၁၀ နာရီကြာရထားစီးပြီး ယူကရိန်းကိုသွားခဲ့တာလို့ အိမ်ဖြူတော်တာ၀န်ရှိသူတွေက ပြောပါတယ်။ Ref: NHK #voiceofmyanmar #VOM #က်ိဗ်ယက်

အန်ကာရာ၊ ဖေဖော်ဝါရီ-၂၁ မျိုးဆက်(VOM) အင်အားပြင်းမြေငလျင်လှုပ်ခတ်ခဲ့တဲ့ တူရကီနိုင်ငံမှာ နောက်ထပ်ငလျင်နှစ်ခု ဖေဖော်ဝါရီ ၂၀ ရက်မှာ ထပ်မံလှုပ်ခတ်ခဲ့တာကြောင့် လူသုံးဦးသေဆုံးခဲ့ပြီး ပိတ်မိနေသူတွေကို ကယ်ဆယ်ရေးသမားတွေက ရှာဖွေမှုတွေ ပြုလုပ်နေရပါတယ်။ ဖေဖော်ဝါရီ ၆ ရက်က အင်အားပြင်းမြေငလျင်လှုပ်ခတ်ခဲ့တဲ့ ဆီးရီးယားနယ်စပ်အနီးရှိ တူရကီအရှေ့တောင်ပိုင်းမှာ ပြင်းအား ၆ ဒသမ ၄ နဲ့ ၅ ဒသမ ၈ အဆင့်ရှိ နောက်ဆက်တွဲငလျင်တွေ ထပ်မံလှုပ်ခတ်ခဲ့တာဖြစ်ပါတယ်။ ဖေဖော်ဝါရီ ၂၀ ရက် ဒေသစံတော်ချိန် ည ၈နာရီ ၄ မိနစ်မှာ ပြင်းအား ၆ ဒသမ ၄ အဆင့်ရှိငလျင်လှုပ်ခတ်ခဲံ့ပြီး သုံးမိနစ်အကြာမှာတော့ ပြင်းအား ၅ ဒသမ ၈ အဆင့်ရှိနောက်ဆက်တွဲငလျင် လှုပ်ခတ်ခဲ့ကြောင်း တူရကီသဘာဝဘေးစီမံခန့်မှုအေဂျင်စီက ပြောပါတယ်။ နောက်ဆက်တွဲငလျင်တွေကြောင့် လူ ၂၁၃ ဦးဒဏ်ရာရရှိသွားကြောင်း တူရကီပြည်ထဲရေး၀န်ကြီးကပြောပါတယ်။ ဆီးရီးယားမှာတော့…

ဝါရှင်တန်၊ ဖေဖော်ဝါရီ-၂၀-၂၀၂၃ မျိုးဆက်(VOM) ဒီခရီးစဉ်အကြောင်း ပြောရမယ်ဆိုရင်တော့ ဒါဟာအမေရိကန်သမ္မတ တယောက်အတွက် အရင်ကမကြားခဲ့ဖူးတဲ့ ရဲရင့်တဲ့ ခရီးစဉ်လို့ ပြောရမှာဖြစ်ပါတယ်။ ပုံမှန်ပစ်ခတ်တိုက်ခိုက်မှုတွေဖြစ်ပွားနေတဲ့ စစ်မြေပြင်တစ်နေရာကို လုံခြုံရေးနည်းပါးစွာနဲ့ မကြေညာဘဲ သွားရောက်မှုဟာ အမေရိကန်သမ္မတဂျိုးဘိုင်ဒင်ရဲ့ ယူကရိန်းကို ဆက်လက်ထောက်ခံကြောင်း အတိအလင်း ဖော်ပြမှုလည်းဖြစ်ပါတယ်။ ယခင်က စစ်မက်ဖြစ်ပွားနေတဲ့ အီရတ်၊ အာဖဂန်နစ္စတန်တို့ကို အရင်ကအမေရိကန်သမ္မတတွေ သွားရောက်ခဲ့ချိန်တုန်းက စစ်ရေးအင်အားအပြည့်နဲ့ လုံခြုံရေးရယူခဲ့တာဖြစ်ပြီး ဂျိုးဘိုင်ဒင်ရဲ့ ယူကရိန်းခရီးစဉ်ကတော့ မှင်တက်အံ့သြစေခဲ့ပါတယ်။ သမ္မတဟာ ပိုလန်ကိုသွားမယ့်ခရီးစဉ်ကို အိမ်ဖြူတော်က ကြိုတင်ကြေညာထားပေမယ့် ယူကရိန်းကိုသွားမယ်လို့ ထင်မှတ်မထားကြပါဘူး။ အဲဒီနောက် ယူကရိန်းသမ္မတဇီလန်စကီးနဲ့အတူ လေကြောင်းတိုက်ခိုက်မှု သတိပေးသံတွေထွက်ပေါ်နေတဲ့ကြားက ကိဗ်ယက်မြို့လယ်ကောင်မှာ အတူထွက်ပေါ်လာခဲ့ပါတယ်။ ဒါဟာ အန္တရာယ်များတဲ့ခရီးစဉ်ဖြစ်ပေမယ့် ယူကရိန်းအတွက် အမေရိကန်ရဲ့ ကတိက၀တ်တွေပြုထားတဲ့အပေါ် ဘယ်သူမှ သံသယမရှိသင့်တော့ကြောင်း အိမ်ဖြူတော်တာ၀န်ရှိသူတဦးက ပြောပါတယ်။ မစ္စတာဘိုင်ဒင်ဟာ အမေရိကန်ကနေ ပိုလန်နိုင်ငံ ဝါဆောမြို့ကို ဖေဖော်ဝါရီ ၂၀ ရက်ညပိုင်းမှာ…

တိုကျို၊ ဖေဖော်ဝါရီ-၂၀-၂၀၂၃ မျိုးဆက်(VOM) မြောက်ကိုရီးယားဟာ ဖေဖော်ဝါရီ ၂၀ ရက် ဒီနေ့မှာ ပဲ့ထိန်းဒုံးကျည်နှစ်စင်းထက်မနည်း ပစ်ခတ်ခဲ့ကြောင်း ဂျပန်ကာကွယ်ရေး၀န်ကြီးဌာနက အတည်ပြုထုတ်ပြန်ပါတယ်။ အဲဒီဒုံးကျည်တွေကို မြောက်ကိုရီးယားအနောက်ဘက်ကမ်းရိုးတန်းကနေ ပစ်ခတ်ခဲ့ခြင်းဖြစ်ပြီး ဂျပန်အထူးစီးပွားရေးဇုန်ပြင်ပ ပင်လယ်ပြင်အတွင်းကျရောက်ခဲ့ကြောင်း ထုတ်ပြန်ချက်မှာ ဖော်ပြထားပါတယ်။ မြောက်ကိုရီးယားဟာ တာတိုပစ်ပဲ့ထိန်းဒုံးကျည်နှစ်စင်းကို ဖေဖော်ဝါရီ ၂၀ ရက် ဒေသစံတော်ချိန် နံနက် ၇ နာရီမှာ  ပစ်ခတ်ခဲ့ခြင်းဖြစ်ကြောင်း တောင်ကိုရီးယားစစ်တပ်ကလည်း အတည်ပြုထားပါတယ်။ အခုလို ဒုံးကျည်ပစ်ခတ်မှုကြောင့် ဒေသတွင်းမှာသင်္ဘောတွေနဲ့ အခြားထိခိုက်ပျက်စီးမှုမရှိကြောင်း ဂျပန်ကမ်းခြေစောင့်တပ်က ထုတ်ပြန်ထားပါတယ်။  မြောက်ကိုရီးယားခေါင်းဆောင် ကင်ဂျုံအန်ရဲ့ညီမဖြစ်သူ ကင်ယိုဂျုံဟာ စစ်ရေးလေ့ကျင့်မှုတွေနဲ့ပတ်သက်ပြီး အမေရိကန်ကို ဖေဖော်ဝါရီ ၂၀ ရက်မှာ သတိပေးချက်ထုတ်ပြန်ခဲ့ပြီး  အမေရိကန်ရဲ့ လုပ်ရပ်တွေအပေါ်မူတည်ပြီး မြောက်ကိုရီးယားဟာ ပစိဖိတ်သမုဒ္ဒရာကို ဒုံးကျည်ပစ်ကွင်းအဖြစ် အသုံးပြုနိုင်ကြောင်း သတိပေးပြောဆိုပါထားပါတယ်။ Ref: NHK #voiceofmyanmar #VOM #တိုကျို

အန်ကာရာ၊ ဖေဖော်ဝါရီ-၂၀-၂၀၂၃ မျိုးဆက်(VOM) တူရကီနိုင်ငံမှာ ငလျင်လှုပ်ခတ်ပြီးနောက် နှစ်ပတ်နီးပါးအကြာမှည ပြည်နယ်နှစ်ခုကလွဲပြီး ကျန်ဒေသအားလုံးနီးပါးမှာ ရှာဖွေကယ်ဆယ်ရေးဆောင်ရွက်မှုတွေကို အဆုံးသတ်လိုက်ကြောင်း တူရကီသဘာဝဘေးအန္တရာယ်စီမံခန့်ခွဲရေးအေဂျင်စီက ဖေဖော်ဝါရီ ၁၉ရက်တွင် ထုတ်ပြန်ပါတယ်။ ခါရာမန်မာရက်စ်နဲ့ ဟာတေပြည်နယ်တို့မှာတော့ ရှာဖွေကယ်ဆယ်ရေးလုပ်ငန်းတွေကို ဆက်လက်ဆောင်ရွက်သွားမှာဖြစ်ကြောင်း သဘာဘေးအန္တရာယ်စီမံခန့်ခွဲရေးအေဂျင်စီ အကြီးအကဲက ပြောပါတယ်။ အပျက်အစီးတွေအောက်မှာ အသက်ရှင်ကျန်ရစ်သူတွေကို ရှာဖွေတွေ့ရှိနိုင်မယ့် မျှော်လင့်ချက်တွေကတော့ မှေးမှိန်နေပြီဖြစ်ပါတယ်။  ဒီအတောအတွင်း အမေရိကန်နိုင်ငံခြားရေး၀န်ကြီး ဘလင်ကင်ဟာ တူရကီနိုင်ငံကို ရောက်ရှိနေပြီး လူသားချင်းစာနာမှုဆိုင်ရာ အကူအညီ ဒေါ်လာသန်း ၁၀၀ ပေးအပ်မယ်လို့ ကြေညာပါတယ်။ တူရကီအရှေ့တောင်ပိုင်းနှင့် ဆီးရီးယားမြောက်ပိုင်းတို့မှာ   ဖေဖော်ဝါရီ ၆ ရက်က လှုပ်ခတ်ခဲ့တဲ့  အင်အားပြင်းမြေငလျင်ကြောင့် လက်ရှိချိန်ထိသေဆုံးသူဦးရေမှာ ၄၄၀၀၀ ကျော်ရှိလာပြီဖြစ်ပါတယ်။ တူရကီမှာ တိုက်ခန်းပေါင်း ၃၄၅၀၀၀ ခန့်ပျက်စီးခဲ့ပြီး လူအများအပြားပျောက်ဆုံးနေဆဲဖြစ်ကာ သေဆုံးသူအရေအတွက် တိုးလာဖွယ်ရှိကြောင်း တာ၀န်ရှိသူတွေက ပြောပါတယ်။ Ref: BBC Photo:Reuters…