Day: March 11, 2023

မတ် ၁၁ – ၂၀၂၃ GG (VOM) ရန်ကုန်မြို့၊ သာကေတမြို့နယ်၊ ၃/ရန်ပြေရပ်ကွက်ရှိ တိုက်ခန်းတခုရဲ့ ၅ လွှာကနေ အသက်ကြီးပိုင်းအမျိုးသားတဦး ပြုတ်ကျသေဆုံးမှု ဒီနေ့ မတ်လ ၁၁ ရက်နေ့မနက် ၈ နာရီခန့်က ဖြစ်ပွားခဲ့တယ်လို့သိရပါတယ်။ သေဆုံးသူဟာ တိုက်ခန်းမှာ တယောက်ထဲနေထိုင်တဲ့ လေဖြန်းထားတဲ့ အသက် ၆၉ နှစ်အရွယ် အမျိုးသားဖြစ်ကြောင်း၊ တိုက်အနောက်ဖက်ကို အဝတ်ထွက်လှန်းစဥ် ပြုတ်ကျသေဆုံးခဲ့တာဖြစ်တယ်လို့သိရပါတယ်။ အခင်းဖြစ်ရာကိုရောက်ရှိကူညီကယ်ဆယ်ရေးလုပ်ခဲ့တဲ့ သာကေတမြို့နယ်လူမှုကူညီရေးအဖွဲ့ရဲ့ အသင်းဝင်တဦးက ” တိုက်ပေါ်ကပြုတ်ကျကြောင်း သက်ဆိုင်ရာကအကြောင်းကြားလို့ သွားတော့ Dead body ဖြစ်နေလို့ဆေးရုံပို့ခဲ့ပါတယ် “လို့ ပြောပါတယ်။ တိုက်ပေါ်ကပြုတ်ကျတဲ့ အမျိုးသားဟာ ပြုတ်ကျတဲ့အရှိန်ကြောင့် ခန္ဒာကိုယ် ဘယ်ဘက်တခြမ်းလုံးထိခိုက်သွားပြီး လက်ကောက်ဝတ်ကျိုးသွားကာ နေရာမှာပဲ သေဆုံးခဲ့တာဖြစ်တယ်လို့ သိရပါတယ်။ လက်ရှိမှာ သေဆုံးအမျိုးသားရုပ်အလောင်းကို စံပြဆေးရုံကိုပို့ဆောင်ထားပြီး တာဝန်ရှိသူတွေကစစ်ဆေးမှုတွေလုက်နေတယ်လို့သိရပါတယ်။ မတ်လ ၆ ရက်နေ့ရက်ကလည်း…

  မတ် ၁၁ – ၂၀၂၃ GG (VOM) နေပြည် တော် ၊လယ်ဝေးမြိုနယ်၊ ဒလန့်ချွန် ရွာအုပ်စု၊ ဒလန့်ချွန် မှာ မနေ့ မတ်လ ၁၀ ရက် မနက်အ​စောပိုင်းက မီးလောင်မှုဖြစ်ပြီး နေအိမ် ၆ လုံး မီးထဲပါသွားတဲ့အပြင် မီးရထားလိုင်းခန်းအတွဲ အချို့လည်း မီးလောင်ခဲ့တယ်လို့သိရပါတယ်။ ” ဟုတ်တယ် မနေ့က မနက်စော ၄နာရီခွဲလောက်မှာလောင်တာ အိမ် ၆ အိမ်ပါသွားတယ်။ နောက်ပြီး မီးရထားလိုင်းခန်း ၆ ခန်းတွဲ အုတ်ကြွပ်မိုး ပျဉ်ခင်းပျဉ်ကာ ၁ အတွဲလည်းမီးလောင်ခဲ့တယ်လို့သိရတယ် ” လို့ လယ်ဝေးမြို့ခံတဦးက ပြောပြပါတယ်။ ဒလန့်ချွန်ရွာက နေအိမ်တအိမ်ရဲ့ မီးဖိုချောင် မီးကျွင်းမီးကျန်ကနေ မီးစတင်လောင်ကျွမ်းခဲ့ပြီး အဲ့ဒီကမှတဆင့် နောက်ထပ် နေအိမ် ၅လုံးနဲ့မီးရထားလိုင်းခန်းကို မီးကူးစက်လောင်ခဲ့တာဖြစ်တယ်လို့ သိရပါတယ်။ ပျဥ်ထောင်ပျဥ်ခင်း ၄…

မတ် ၁၁ – ၂၀၂၃ GG(VOM) ရန်ကုန်၊ လှည်းကူးမြို့နယ်၊ ကျောက်ကုတင်ရွာက နေအိမ်တအိမ်ကို ဓားပြတိုက်ခံရပြီး ငွေသိန်း ၁၀၀ နဲ့ ကားတစီး ပါသွားတယ်လို့ သိရပါတယ် ။ ဖြစ်စဥ်က မနေ့ မတ်လ ၁၀ ရက်နေ့ညပိုင်းမှာ ကျောက်ကုတင်ရွာက ဆောက်လုပ်ရေးနဲ့ အိမ်ခြံမြေလုပ်ငန်း လုပ်ကိုင်​သူ ဦးကိုကိုနေအိမ်ကို လက်နက်ပါသူ ၇ ယောက်ခန့်က ရောက်လာပြီး ဓားပြတိုက်သွားတာဖြစ်တယ်လို့သိရပါတယ်။ ” မနေ့က ည ၇ နာရီလောက်မှာ ဓားပြတိုက်ခံရတာလို့သိရတယ်။ ပိုက်ဆံသိန်း ၁၀၀ နဲ့ မာစီးဒီးကား ယူသွားတယ်လို့သိရတယ်။ သူတို့ကနည်းနည်းအကောင်ကြီးတော့ ကျနော်တို့လည်း မမေးရဲသေးဘူး ” လို့ လှည်းကူးဒေသခံတဦးကပြောပါတယ်။ နေအိမ်ဓားပြတိုက်စဥ် ဦးကိုကိုဆိုသူနဲ့အတူ မိသားစုဝင်တွေလည်းရှိကြောင်း၊ အားလုံးကို ဧည့်ခန်းထဲမှာဖမ်းဆီးချုပ်နှောင်ထားပြီး နေအိမ်ထဲရှာဖွေကာ ငွေသားအပြင် ကားကိုပါယူသွားတာဖြစ်တယ်လို့ သိရပါတယ်။ မနေ့က ဓားပြတိုက်မှုဖြစ်ပွားပြီးနောက်…

မတ်၊ ၁၁-၂၀၂၃ MM [VOM] တနင်္သာရီတိုင်း၊ တနင်္သာရီမြို့နယ်၊ လယ်သစ်ကျေးရွာအတွင်းကို လက်နက်ကြီးကျည်ကျရောက်ပေါက်ကွဲပြီး ကလေးငယ် (၁) ယောက်သေဆုံးပြီး (၄)ယောက်ဒဏ်ရာရရှိခဲ့တယ်လို့ ဒေသခံပရဟိတအဖွဲ့တွေဆီကနေ သိရပါတယ်။ ”တနင်္သာရီမြို့နယ်၊ လယ်သစ်ကျေးရွာထဲ မနေ့ မတ်လ ၁၀ ရက်က လက်နက်ကြီးကျတာ၊ ရွာထဲကျတာဆိုတော့ အထိအခိုက်များတယ် ၊ အသက် ၈ နှစ်အရွယ် ကလေးငယ် ၁ ယောက်သေဆုံးခဲ့တယ်၊ အသက် ၆၀ ကျော် အဘွားအို ၁ ယောက် အသက် ၅၀ ကျော်အရွယ် အမျိုးသား ၁ ယောက်အပါအဝင် ၄ ယောက် ဒဏ်ရာရရှိ ခဲ့တယ်။”လို့ ဒေသခံ ပရဟိတအဖွဲ့ဝင်တယောက် ကပြောပါတယ်။ အဲ့ဒီ လက်နက်ကြီးကြောင့် နေအိမ် ၃ လုံးထက်မနည်း ထိခိုက်ပျက်စီးသွားတယ်လို့သိရပြီး ဒေသခံ အယောက် ၂၀၀ ကျော်လည်း ဘေးလွတ်ရာကို…