Month: March 2023

ဒေလီ၊ မတ်-၂၃-၂၀၂၃ မျိုးဆက်(VOM) ဥဇဘက်ကစ္စတန်နိုင်ငံမှာ ချောင်းဆိုးပျောက်ဆေးရည်ကြောင့် ကလေးငယ် ၁၈ ဦးသေဆုံးမှုနဲ့ပတ်သက်ပြီး ဆေးရည်ထုတ်လုပ်တဲ့ အိန္ဒိယဆေးကုမ္ပဏီရဲ့ထုတ်လုပ်ရောင်းချခွင့်ကို အာဏာပိုင်တွေက အပြီးရုပ်သိမ်းလိုက်ပါတယ်။ အိန္ဒိယအခြေစိုက် Marion Biotech ကထုတ်လုပ်တဲ့ချောင်းဆိုးပျောက်ဆေးနှစ်မျိုးကို စံချိန်မမှီကြောင်း ကမ္ဘာ့ကျန်းမာရေးအဖွဲ့က ဇန်နဝါရီလအတွင်းက သတိပေးထုတ်ပြန်ထားပြီး ကုမ္ပဏီဘက်ကတော့ အရည်အသွေးမမှီဆိုတာကို ပယ်ချထားပါတယ်။ ဥဇဘက်ကစ္စတန်မှာ အဲဒီဆေးရည်သောက်ပြီး ကလေးတွေသေဆုံးမှုဖြစ်ပွားပြီးနောက် Marion Biotech ရဲ့ထုတ်လုပ်မှုတွေကို အိန္ဒိယကျန်းမာရေး၀န်ကြီးဌာနက ရပ်ဆိုင်းခဲ့ပါတယ်။ လက်ရှိမှာတော့ Marion Biotech ရဲ့လိုင်စင်ကို မတ် ၂၂ ရက်မှာ အပြီးတိုင်ရုပ်သိမ်းလိုက်ပြီဖြစ်ကြောင်း ကုမ္ပဏီအခြေစိုက်ရာ ဥတာပရာဒေ့ရ်ှပြည်နယ် အာဏာပိုင်တွေကပြောပါတယ်။ အိန္ဒိယနိုင်ငံဟာ ဖွံ့ဖြိုးဆဲနိုင်ငံတွေအတွက် ဆေးးဘက်ဆိုင်ရာလိုအပ်ချက်တွေကိုဖြည့်ဆည်းပေးတဲ့ ကမ္ဘာ့အကြီးဆုံး အထွေထွေဆေးဝါးတွေတင်ပို့တဲ့နိုင်ငံဖြစ်ပါတယ်။ ဒါပေမယ့် မကြာသေးမီကာလတွေအတွင်း အိန္ဒိယဆေးကုမ္ပဏီအများအပြားဟာ သူတို့ရဲ့ဆေးဝါးအရည်အသွေးနဲ့ပတ်သက်ပြီး တာ၀န်ရှိသူတွေရဲ့ စစ်ဆေးမှုတွေအောက်မှာရှိနေကာ ဆေးဝါးထုတ်လုပ်တဲ့ စံချိန်စံညွှန်းတွေနဲ့ပတ်သက်ပြီး ကျွမ်းကျင်သူတွေက စိုးရိမ်မှုတွေရှိနေပါတယ်။ Ref: BBC Photo:…

၀ါရှင်တန်၊ မတ်-၂၃-၂၀၂၃ မျိုးဆက်(VOM) ရုရှားအနေနဲ့ မြန်မာအာဏာပိုင်တွေကို လက်နက်ထောက်ပံ့တာတွေရပ်မယ်ဆိုရင် မြန်မာနိုင်ငံဟာ ပဋိပက္ခကနေ ရုန်းထွက်နိုင်လိမ့်မယ်လို့ အမေရိကန်နိုင်ငံခြားရေး၀န်ကြီးဌာန အတိုင်ပင်ခံ ဒီရက်ခ်ချောလက်က မတ် ၂၂ ရက်မှာ ပြောပါတယ်။ ရုရှားအနေနဲ့ အခုလိုအခွင့်အရေးကို လက်လွှတ်မခံသင့်ဘူးလို့ ဒီရက်ခ်ချောလက်က ဂျကာတာမှာ သတင်းထောက်တွေကိုပြောပါတယ်။ နိုင်ငံတကာအသိုင်းအဝိုင်းမှာ ရုရှားဟာ မြန်မာနိုင်ငံရဲ့အနီးကပ်မိတ်ဆွေဖြစ်ပြီး အာဏာပိုင်တွေအတွက် လက်နက်နဲ့လောင်စာဆီတွေ ပံ့ပိုးပေးနေတာက အကြမ်းဖက်မှုတွေအဆုံးသတ်ရေးနဲ့ အမျိုးသားအဆင့်ဆွေးနွေးပွဲတွေကျင်းပဖို့ အာဆီယံရဲ့ ငြိမ်းချမ်းရေးအစီအစဉ်ကို ပျက်ပြားစေတယ်လို့ သူကဆိုပါတယ်။ မြန်မာနိုင်ငံရဲ့ပဋိပက္ခတွေကို အဖြေရှာပြီး ငြိမ်းချမ်းရေးနဲ့ဒီမိုကရေစီပြန်လည်ရရှိမယ့်နည်းလမ်းတခုကတော့ မြန်မာအာဏာပိုင်တွေအနေနဲ့ လက်နက်တွေမတင်သွင်းနိုင်တော့ဘူးဆိုရင် သို့မဟုတ် ရုရှားကလက်နက်ထောက်ပံ့တာတွေကို ရပ်တန့်ခြင်းတွေဖြစ်ကြောင်း သူကပြောပါတယ်။ မြန်မာနိုင်ငံရှိ အဖွဲ့အစည်း၊ လူပုဂ္ဂိုလ်နဲ့ လုပ်ငန်းတွေအပေါ် အရေးယူပိတ်ဆို့မှုတွေ ထပ်မံချမှတ်ခြင်းဖြင့် လက်နက်တွေ၀ယ်ယူဖို့ ပိုမိုခက်ခဲလာစေမယ့်နည်းလမ်းတွေကို ရှာဖွေသွားမှာဖြစ်ကြောင်း ဒီရက်ခ်ချောလက်က ဆိုပါတယ်။ လက်ရှိချိန်ထိ အမေရိကန်ဟာ မြန်မာနိုင်ငံက လူပုဂ္ဂိုလ် ၈၀ နဲ့အဖွဲ့အစည်း…

ဝါရှင်တန်၊ မတ်-၂၂-၂၀၂၃ မျိုးဆက်(VOM) အမေရိကန် ဘဏ်လုပ်ငန်းအဖွဲ့အစည်း ၂၀၀ နီးပါးဟာ မကြာသေးမီကပြိုလဲသွားခဲ့တဲ့ Silicon Valley Bank လိုမျိုး ပြိုလဲနိုင်ခြေရှိကြောင်း လူမှုသိပ္ပံကွန်ရက်ရဲ့ လေ့လာမှုအစီရင်ခံစာတရပ်မှာ ဖော်ပြထားပါတယ်။ Silicon Valley Bank ပြိုလဲမှုဟာ အမေရိကန်သမိုင်းမှာ ဘဏ်ပြိုလဲမှု ဒုတိယအကြိမ်အကြီးဆုံးဖြစ်ပြီး ၂၀၀၈ ခုနှစ် ဘဏ္ဍာရေးအကျပ်အတည်းနောက်ပိုင်း အကြီးဆုံးဖြစ်ပါတယ်။ အမေရိကန်ဘဏ်တွေမှာ ငွေအပ်နှံထားသူတွေရဲ့ထက်၀က်က သူတို့ရဲ့အပ်ငွေတွေကို ရုပ်ချည်းထုတ်ယူခဲ့မယ်ဆိုပါက အမေရိကန်ဘဏ် ၁၈၆ ခုဟာ Silicon Valley Bank လိုပြိုလဲနိုင်တယ် အန္တရာယ်ရှိနေတယ်လို့ အစီရင်ခံစာမှာဖော်ပြထားပါတယ်။ ဒီလိုဖြစ်လာခဲ့မယ်ဆိုရင် အစိုးရရဲ့ပါ၀င်ပတ်သက်မှုမရှိဘဲ သို့မဟုတ် အပ်ငွေ၀င်ရောက်မှုမရှိဘဲ အဲဒီဘဏ်တွေဟာ လုပ်ငန်းလည်ပတ်ဖို့ ဖြစ်နိုင်ခြေမရှိဘူးလို့ အစီရင်ခံစာက သတိပေးထားပါတယ်။ အမေရိကန်အစိုးရက ဘဏ်အပ်ငွေများကို ဒေါ်လာ နှစ်သိန်းငါးသောင်းထိ အကာအကွယ်ပေးထားပေမယ့်လည်း အပ်နှံသူတွေရဲ့ စိုးရိမ်မှုတွေကြောင့် အပ်ငွေပြန်လည်ထုတ်ယူမှုတွေ ဖြစ်ပေါ်လာနိုင်ခြေရှိတယ်လို့ လေ့လာမှုအစီရင်ခံစာမှာဖော်ပြထားပါတယ်။ Ref:…