Month: March 2023

မတ် ၂၂-၂၀၂၃ Voice Of Myanmar(VOM) ပြီးခဲ့တဲ့ မတ်လ (၂) ရက်နေ့က စစ်ကိုင်းမြို့နယ်အနောက်ခြမ်း ဧရာဝတီမြစ်နဲ့မူးမြစ်တို့ဆုံရာအရပ်မှာရှိတဲ့ တာတိုင်ကျေးရွာမှာ လူ(၁၇) ဦး အသတ်ခံရတဲ့ ဒဏ်ရာတွေနဲ့ သေဆုံးခဲ့ရပါတယ်။ ဒါ့အပြင် ဖေဖော်ဝါရီလ (၁) ရက်နေ့ကလည်း နေအိမ်တွေမီးရှို့ခံရတာကြောင့် အိမ်ခြေ (၁၀၀) ကျော်သာရှိတဲ့ တာတိုင်ရွာမှာ နေအိမ် (၃၇) လုံးမီးလောင်ဆုံးရှုံးခဲ့ပါသေးတယ်။ ဒီလိုဖြစ်စဉ်တွေကြောင့် ဒေသခံရွာသားတွေဟာ ယနေ့အချိန်ထိ ရွာထဲကိုပြန်မနေရဲသေးဘူးလို့ သိရပါတယ်။ အဲ့ဒီရွာက ဒေသခံအများစုဟာ တံငါတဖက်တောင်သူတဖက် လုပ်ကိုင်ကြသူတွေဖြစ်ပြီး လက်ရှိမှာတော့ စားဝတ်နေရေးအဆင်မပြေမှုတွေနဲ့လည်းကြုံတွေ့နေကြပါတယ်။ ဒီဖြစ်ရပ်တွေဟာ လက်နက်ကိုင်ပဋိပက္ခတွေကြောင့်ဖြစ်ပြီး လက်နက်ကိုင်အဖွဲ့အစည်းတွေအနေနဲ့ ဘယ်လိုကိစ္စရပ်မျိုးကိုမဆို အပြစ်မဲ့ပြည်သူတွေဆုံးရှုံးနစ်နာထိခိုက်မှုတွေနည်းပါးအောင် ငဲ့ညှာဆောင်ရွက်သင့်တယ်လို့ တာတိုင်ရွာသားတဦးကအကြံပြုတောင်းဆိုထားပါတယ်။ #voiceofmyanmar #VOM #တာတိုင်ကျေးရွာ

မတ် ၂၁ – ၂၀၂၃ GG (VOM) ပြည်တွင်းရွှေစျေးနူန်း မြင့်တက်အောင် စျေးကစားနေသူတွေကို အရေးယူမယ်ဆိုတဲ့အချက်အပါအဝင် ရွှေစျေးကွက်နဲ့ပတ်သက်တာတွေကို ရန်ကုန်တိုင်း ရွှေလုပ်ငန်းရှင်အသင်း YGEA၊ မန္တလေးရွှေလုပ်ငန်းရှင်အသင်းMGEA နဲ့ ဗဟိုဘဏ်ကထုတ်ပြန်ချက်တွေ ဆက်တိုက်ထုတ်ပြီး သတိပေးတာတွေလုပ် နေပါတယ်။ လက်ရှိ အမေရိကန်က ဘဏ်တွေပြိုလဲလို့ ကမ္ဘာ့ရွှေစျေး မတည်မငြိမ်ဖြစ်တဲ့အပေါ် အခွင့်ကောင်းယူပြီး ပြည်တွင်းရွှေစျေး ကစားတာတွေ လုပ်နေတာကြောင့် အခုလိုသတိပေးတာဖြစ်ကြောင်းနဲ့ အဲ့ဒီလို အွန်လိုင်းကနေ ကောလဟာလလွှင့်နေတဲ့ ရွှေစျေးတွေက တရားမဝင်ဘူးလို့ YGEA ဥက္ကဋ္ဌဦးမျိုးမြင့်ကပြောပါတယ်။ ဗဟိုဘဏ်၊YGEA နဲ့ MGEA ရွှေအသင်းတွေဟာ မနေ့က မတ်လ ၂၀ ရက်နဲ့ ဒီနေ့ ၂၁ ရက်နေ့တွေမှာ ရွှေစျေးနူန်းနဲ့ပတ်သက်တဲ့ သတိပေးချက်တွေကို ဆက်တိုက်ထုတ်ပြန်ခဲ့တာဖြစ်ပါတယ်။ ” ဂရုတွေနဲ့ ရွှေ​စျေးကစားတယ်၊ရွှေလည်းမပါ ငွေလည်းမပါ လေပတ်ကားတွေပေါ့။ အပြင်ကစျေးတွေက အတည်ပြုလို့မရဘူး၊တယောက်နဲ့တယောက် ပါးစပ်ကနေပြောနေတာ၊အပြင်ဆိုင်တွေမှာလည်း စုံစမ်းကြည့်ပါ၊သတင်းသမားတွေပြောလို့…

မတ် ၁၉-၂၀၂၃ SN (VOM) မြန်မာနိုင်ငံမှာ နိုင်ငံရေးအပြောင်းအလဲဖြစ်ပြီး (၂)နှစ်ကျော်ကာလအတွင်း အလုပ်အကိုင် အခွင့်အလမ်းတွေ တစထက်တစ ရှားပါးလာနေပြီး အလုပ်လက်မဲ့နှုန်းဟာလည်း တနှစ်ထက်တနှစ် ပိုမို တိုးတက် များပြားလာနေတာ ဖြစ်ပါတယ်။ ကိုဗစ်(၁၉)ကပ်ရောဂါအပြင် နိုင်ငံရေးဖြစ်စဥ်ပြောင်းလဲမှုတွေကြောင့်ဖြစ်လာခဲ့တဲ့ သက်ရောက်မှုတွေက မြန်မာ့စီးပွားရေးမှာ ရိုက်ခတ်မှုတွေ ရှိလာခဲ့ပြီး အလုပ်လက်မဲ့နှုန်းဟာလည်း ဆိုးရွားတဲ့ အခြေအနေဆီသို့သာ ဦးတည်လျက် ရှိနေတာပါ။ ပြီးခဲ့တဲ့ ၂၀၂၂ ခုနှစ်က မြန်မာနိုင်ငံရဲ့ အလုပ်လက်မဲ့နှုန်းဟာ ၁ ဒသမ ၈၀ ရာခိုင်နှုန်း ရှိခဲ့တယ်လို့ သိရပါတယ်။ ဒါပေမယ့် အခု ၂၀၂၃ ခုနှစ်မှာတော့ ၂ ရာခိုင်နှုန်းအထိ မြင့်တက်လာဖွယ်ရှိနေတယ်လို့ ကမ္ဘာ့နိုင်ငံပေါင်း ၁၉၆ နိုင်ငံရဲ့ စီးပွားရေးဆိုင်ရာ အညွှန်းကိန်းတွေအတွက် လိုအပ်တဲ့ အချက်အလက်တွေ မျှဝေကူညီပေးနေတဲ့ Trading Economics အဖွဲ့အစည်းက သုံးသပ်ထားပါတယ်။ အလုပ်လက်မဲ့နှုန်းကို တွက်ချက်ရာမှာ…

ဖားကန့် March- 19-2023 NY ဖားကန့်မြို့နယ်လုံးခင်းရွာအနီး သာသနာ့နယ်မြေ(ဒေသအခေါ် မျောက်ကုန်း)မှာ မနေ့ ညနေ ၆း၀၀ နာရီအချိန််ခန့်က နစကတပ်ဖွဲ့နဲ့ Kia+Pdf ပူးပေါင်းအဖွဲ့တို့ တိုက်ပွဲဖြစ်လို့ လူ၉ယောက်ထက်မနည်း သေဆုံးခဲ့တယ်လို့ မြေပြင်ခိုင်မာတဲ့ သတင်းရင်းမြစ်တွေဆီက သိရပါတယ်။ “ရဲက သုံးဦး၊အရပ်သား ကျား ၄ ဦး၊အမျိုးသမီး ၁ ဦးနဲ့ ကလေးငယ် တဦး၊ဖြစ်ပါတယ်” လို့ မျက်မြင်တွေ့ရှိခဲ့သူက ပြောပါတယ်။ သေဆုံးခဲ့တဲ့ အရပ်သားပြည်သူခြောက်ဦးဟာ တိုက်ပွဲဖြစ်ပွားရာ ငြိမ်းချမ်းသာယာကျေးရွာကားကြီးကွင်းအနီးမှာ နေထိုင်သူတွေ ဖြစ်တယ်လို့ သိရပါတယ်။ သေဆုံးသူတွေအားလုံး သေနတ်မှန် ဒါဏ်ရာတွေနဲ့ သေဆုံးခဲ့ကြပြီး၊ ဖားကန့်ဆေးရုံကို ပို့ဆောင်ထားရှိတယ်လို့ သိရပါတယ်။၊ ဒါဏ်ရာရရှိထားသူ ကလေးငယ်နဲ့ အမျိုးသမီးကိုလည်း ယင်းဆေးရုံသို့ ပို့ဆောင်ထားရှိတယ်လို့ သိရပါတယ်။ ဖားကန့်မှာ ယခု မတ်လ တတိယသီတင်းပါတ်အတွင်း တင်းတင်ူကျပ်ကျပ် ရှာဖွေစစ်ဆေးမှုတွေလုပ်နေပါတယ်။ ပြီးခဲ့တဲ့ သီတင်းပတ်က…

မတ် ၁၉-၂၀၂၃ Voice Of Myanmar(VOM) အိမ်ခြေတထောင်ကျော်ရှိတဲ့ အရာတော်မြို့နယ်ထဲက မင်းရွာမှာ ပြီးခဲ့‌တဲ့ ဖေဖော်ဝါလအတွင်းက မီးရှို့ခံခဲ့ရတာကြောင့် နေအိမ် (၉၀၀)ဝန်းကျင် မီးလောင်ဆုံးရှုံးခဲ့ပါတယ်။ ဒါ့အပြင် ကျေးရွာအနီးမှာ ထိ​တွေ့တိုက်ပွဲတွေလည်းဖြစ်ပွားခဲ့တာကြောင့် အသက်လုထွက်ပြေးခဲ့ကြရတယ်လို့ ဒေသခံတွေကပြောပါတယ်။ အခုဆိုရင် ရွာသားတွေဟာ အိုးမဲ့အိမ်မဲ့အခြေအနေနဲ့ ကျီးလန့်စာစား နေထိုင်နေကြရပြီး နိုင်ငံရေးအရ လက်နက်ကိုင်ပဋိပက္ခတွေကြားမှာ ပြည်သူတွေ ထိခိုက်မှုမရှိအောင် နှစ်ဖက်အဖွဲ့အစည်းတွေအနေနဲ့ လုပ်ဆောင်ကြဖို့ ‌မီးဘေးသင့်ပြည်သူတွေက မေတ္တာရပ်ခံတောင်းဆိုထားကြပါတယ်။ #voiceofmyanmar #VOM #မင်းရွာ