Month: April 2023

ခါတွမ်၊ ဧပြီ-၂၅-၂၀၂၃ မျိုးဆက်(VOM) ဆူဒန်မှာ စစ်တပ်နဲ့ ပြည်သူ့စစ်များအကြား နောက်ထပ်အပစ်အခတ်ရပ်စဲရေးသည် ဧပြီ ၂၄ ရက်ည ၁၀ နာရီတွင် စတင်သက်ပြီးနောက် လက်ရှိချိန်ထိ ကျိုးပေါက်ခြင်းမရှိသေးကြောင်း သိရပါတယ်။ စစ်တပ်နဲ့ ပြည်သူ့စစ်တွေအကြား ဧပြီ ၁၅ ရက်မှာစတင်ခဲ့တဲ့ တိုက်ပွဲတွေကြောင့် လူ ၄၀၀ ကျော်သေဆုံးခဲ့ပြီး လက်ရှိအပစ်အခတ်ရပ်စဲရေးကတော့ တတိယအကြိမ်မြောက်ဖြစ်ပါတယ်။ ၄၈ နာရီကြာ ညှိနှိုင်းပြီးနောက် ဆူဒန်စစ်တပ်နဲ့ အာအက်စ်အက်ဖ်ပြည်သူ့စစ်တို့အကြား ၇ ၂ ရီကြာ အပစ်အခတ်ရပ်စဲဖို့ သဘောတူခဲ့ခြင်းဖြစ်ကြောင်း အမေရိကန်နိုင်ငံခြားရေး၀န်ကြီး ဘလင်ကင်က ပြောပါတယ်။ အပစ်အခတ်ရပ်စဲရေးနဲ့ပတ်သက်ပြီး နှစ်ဘက်စလုံးက အတည်ပြုထုတ်ပြန်ထားပါတယ်။ မြို့တော်ခါတွမ်မှာ တိုက်ပွဲတွေကြောင့် ဒေသခံတွေဟာနေအိမ်တွေမှာ ပိတ်မိနေပြီး အစားအစာနဲ့သောက်သုံးရေးပြတ်လပ်မှုတွေ ကြုံတွေ့နေရပါတယ်။ ဆူဒန်မှာဖြစ်ပွားနေတဲ့ ပဋိပက္ခဟာ ဒေသတခုလုံးကို ပြန့်နှံ့သွားနိုင်တဲ့ ကပ်ဘေးကြီးဖြစ်လာနိုင်ကြောင်း ကုလသမဂ္ဂအတွင်းရေးမှူုးချုပ် ဂူတာရက်စ်က သတိပေးပြောဆိုထားပါတယ်။ Ref: BBC Photo:Reuters…

ကုလသမဂ္ဂ၊ ဧပြီ-၂၅-၂၀၂၃ မျိုးဆက်(VOM) ကမ္ဘာ့အင်အားကြီးနိုင်ငံတွေအကြား ပဋိပက္ခဖြစ်နိုင်ခြေဟာ သမိုင်း၀င်မြင့်မားနေကြောင်း ကုလသမဂ္ဂအတွင်းရေးမှူးချုပ် ဂူတာရက်စ်က ဧပြီ ၂၃ ရက်မှာ သတိပေးပြောဆိုလိုက်ပါတယ်။ အင်အားကြီးနိုင်ငံတွေအကြား တင်းမာမှုတွေဟာ သမိုင်း၀င်မြင့်မားနေပြီး စွန့်စားမှု သို့မဟုတ် တွက်ချက်မှုလွဲမှားမှုတွေကြောင့် ပဋိပက္ခဖြစ်နိုင်တဲ့အန္တရာယ်မြင့်မားနေတယ်လို့ ကုလသမဂ္ဂအကြီးအကဲကပြောပါတယ်။ ယူကရိန်းကို ရုရှားရဲ့ကျူးကျော်တိုက်ခိုက်မှုဟာ ကြီးမားတဲ့ ဒုက္ခတရားတွေဖြစ်ပေါ်စေခဲ့ပြီး ကိုဗစ်ကပ်ရောဂါကြောင့် ထိခိုက်နေတဲ့ကမ္ဘာ့စီးပွားရေးအပေါ်လည်း သက်ရောက်မှုတွေရှိနေတယ်လို့ သူကဆိုပါတယ်။ ရုရှားဟာ ကုလသမဂ္ဂလုံခြုံရေးကောင်စီမှာ ဧပြီလအတွက် ဥက္ကဌ တာ၀န်ယူထားတဲ့အတွက် ရုရှားနိုင်ငံခြားရေး၀န်ကြီး ဆာဂေးလပ်ရော့ဗ်ဟာ လုံခြုံရေးကောင်စီအစည်းအဝေးကို ဦးဆောင်နေပြီး ကမ္ဘာကြီးဟာ စစ်အေးခေတ်ကာလကထက် ပိုမိုအန္တရာယ်များတဲ့အခြေအနေဖြစ်တယ်လို့ ရုရှားနိုင်ငံခြားရေး၀န်ကြီးက ပြောပါတယ်။ စစ်အေးကာလမှာလိုပဲ ကျွန်တော်တို့ဟာ အန္တရာယ်ရှိတဲ့အဆင့်ကိုရောက်နေပြီး နိုင်ငံစုံဝါဒအပေါ် ယုံကြည်မှုဆုံးရှုံးနေတဲ့အတွက် အခြေအနေပိုဆိုးလာနေကြောင်း ရုရှားနိုင်ငံခြားရေး၀န်ကြီးက သတိပေးပြောဆိုပါတယ်။ Ref:Reuters Photo:Reuters #voiceofmyanmar #VOM #ကုလအကြီးအကဲ #ကမ္ဘာ့အင်အားကြီးနိုင်ငံတွေကြားပဋိပက္ခ

အစ္စလာမ္မာဘတ်၊ ဧပြီ-၂၅ မျိုးဆက်(VOM) ပါကစ္စတန်နိုင်ငံအနောက်မြောက်ပိုင်းရှိ အကြမ်းဖက်မှုတန်ပြန်ရေးဌနမှာ ဧပြီ ၂၄ ရက်ကဖြစ်ပွားခဲ့တဲ့ ပေါက်ကွဲမှုနှစ်ခုကြောင့် လူ ၁၂ ဦးသေဆုံးသွားကြောင်း တာ၀န်ရှိသူတွေက ပြောပါတယ်။ အကြမ်းဖက်တိုက်ခိုက်မှုပြုခဲ့ကြောင်း သက်သေအထောက်အထားတွေတော့မတွေ့ရပါဘူး။ ရုံးရဲ့အလယ်မှာ ရှိတဲ့ ခဲယမ်းမီးကျောက်တွေပေါက်ကွဲမှုဖြစ်စေခဲ့တဲ့ ဝါယာရှော့ခ်ကြောင့် ဖြစ်နိုင်ကြောင်း ရဲတပ်ဖွဲ့ကပြောပါတယ်။ ပေါက်ကွဲမှုကြောင့် သေဆုံးသူအများစုမှာ ရဲတွေဖြစ်ပြီး လူ ၄၀ ကျော်ဒဏ်ရာရရှိခဲ့ကာ အဆောက်အအတွေ ပြိုကျပျက်စီးခဲ့ပြီး ပြင်ပကနေ တိုက်ခိုက်မှုတစုံတရာမရှိကြောင်း တာ၀န်ရှိသူတွေကပြောပါတယ်။ ပါကစ္စတန်တာလီဘန်အဖွဲ့ဟာ မကြာသေးမီကာလအတွင်း လုံခြုံရေးတပ်ဖွဲ့၀င်တွေကို ပစ်မှတ်ထားတိုက်ခိုက်မှုတွေ ပြုလုပ်ခဲ့ပေမယ့် လက်ရှိဖြစ်စဉ်မှာ ပါ၀င်ပတ်သက်မှုမရှိကြောင်း အခိုင်အမာပြောဆိုထားပါတယ်။ အကြမ်းဖက်တန်ပြန်ရေးဌာနဟာ၂၀၀၉ ခုနှစ်မတိုင်မီ အိုင်အက်စ်စစ်သွေးကြွများထိန်းချုပ်ထားတဲ့ ဆွတ်ချိုင့်ဝှမ်းမှာတည်ရှိပါတယ်။ စစ်သွေးကြွတွေဟာ နိုဘယ်ဆုရှင်မာလာလာကို အဲဒီဒေသမှာ ၂၀၁၂ ခုနှစ်က သေနတ်နဲ့ ပစ်ခတ်ခဲ့ဖူးပါတယ်။ Ref:BBC Photo:AFP #voiceofmyanmar #VOM #ပါကစ္စတန်

ဝါရှင်တန်၊ ဧပြီ-၂၅-၂၀၂၃ မျိုးဆက်(VOM) ကမ္ဘာ့သမုဒ္ဒရာတွေရဲ့ အပူချိန်ဟာ မကြာသေးမီကာလတွေအတွင်း အရှိန်အဟုန်နဲ့ ပူနွေးလာကြောင်း သိပ္ပံပညာရှင်တွေက ဧပြီ ၂၄ ရက်မှာ ပြောပါတယ်။ ယခုလအတွင်းမှာ ပင်လယ်ရေမျက်နှာပြင်ဟာ စံချိန်တင်အဆင့်ထိ အပူချိန်မြင့်မားခဲ့ပြီး အခြားသောရာသီဥတုဖြစ်စဉ်တွေနဲ့ပေါင်းစပ်လိုက်ပါက ကမ္ဘာ့အပူချိန်ဟာ လာမည့်နှစ်ကုန်မှာ စံချိန်တင်အဆင့်သစ်ကို ရောက်ရှိလာမှာကို သိပ္ပံပညာရှင်တွေက စိုးရိမ်နေကြပါတယ်။ သမုဒ္ဒရာတွေရဲ့အပူချိန်ကိုမြင့်တက်စေတဲ့ အယ်လ်နီညိုရာသီဥတုဖြစ်စဉ်ဟာ လာမည့်လတွေအတွင်းမှာ ဖြစ်ပေါ်လာလိမ့်မယ်လို့ ကျွမ်းကျင်သူတွေက သတိပေးထားပါတယ်။ သမုဒ္ဒရာတွေပူနွေးမှုဟာ ရေနေသတ္တဝါများကို သေဆုံးစေသလို ဆိုးရွားတဲ့ ရာသီဥတုကိုဖြစ်ပေါ်စေကာ ပင်လယ်ရေမျက်နှာပြင်ကိုလည်း မြင့်တက်စေပါတယ်။ ဒါ့အပြင် ကမ္ဘာကြီးပူနွေးမှုဖြစ်စေတတ်တဲ့ ဖန်လုံအိမ်ဓါတ်ငွေ့တွေကို စုပ်ယူရာမှာလည်း ထိရောက်မှုနည်းပါတယ်။ ဒီလိုအခြေအနေမှာ ယခုနှစ်ဧပြီလအတွင်း သမုဒ္ဒရာတွေရဲ့ အပူချိန်ဟာ စံချိန်သစ်တင်ခဲ့ပြီး အချို့ဒေသတွေမှာတော့ ရေရှည်ကွာခြားချက် ကြီးမားကြောင်း သိပ္ပံပညာရှင်တွေက သတိပေးပြောဆိုထားပါတယ်။ Ref: BBC Photo:Getty Images #voiceofmyanmar #VOM #ဝါရှင်တန်

စတော့ဟုမ်း၊ ဧပြီ-၂၅-၂၀၂၃ မျိုးဆက်(VOM) ကမ္ဘာလုံးဆိုင်ရာ စုစုပေါင်းစစ်အသုံးစရိတ်ဟာ ပြီးခဲ့တဲ့နှစ်အတွင်း ဒေါ်လာ ၂ ဒသမ ၂၄ ထရီလီယံ သို့မဟုတ် ၃ ဒသမ ၇ ရာခိုင်နှုန်းထိ စံချိန်တင်မြင့်တက်လာကြောင်း ဆွီဒင်သုတေသနအဖွဲ့တဖွဲ့က ဧပြီ ၂၄ ရက်မှာ ထုတ်ပြန်ပါတယ်။ ဒါဟာ ၁၉၈၈ ခုနှစ်မှာ မှတ်တမ်းတွေစတင်ပြီးနောက်ပိုင်း အမြင့်ဆုံးဖြစ်ပါတယ်။ ယူကရိန်းကို ရုရှားကကျူးကျော်တိုက်ခိုက်မှုနဲ့ အရှေ့အာရှမှာ တင်းမာမှုတွေမြင့်တက်လာခြင်းက စစ်အသုံးစရိတ်တိုးလာဖို့ တွန်းအားပေးနေကြောင်း စတော့ဟုမ်းနိုင်ငံတကာ ငြိမ်းချမ်းရေး သုတေသနအဖွဲ့ရဲ့ နှစ်ပတ်လည်အစီရင်ခံစာမှာ ဖော်ပြထားပါတယ်။ ယူကရိန်းရဲ့ စစ်အသုံးစရိတ်ဟာ ယမန်နှစ်ကထက် ၆၄၀ ရာခိုင်နှုန်းမြင့်တက်လာပြီး ရုရှားရဲ့ စစ်အသုံးစရိတ်မှာ ခန့်မှန်းခြေ ၉ ဒသမ ၂ ရာခိုင်နှုန်းမြင့်တက်လာကာ ဒေါ်လာ ၈၆ ဒသမ ၄ ဘီလီယံထိ မြင့်တက်လာတယ်လို့ ဆိုပါတယ်။ ရုရှားနဲ့နီးတဲ့နိုင်ငံအချို့ဟာလည်း သူတို့ရဲ့စစ်အသုံးစရိတ်ကို တိုးမြှင့်သုံးစွဲနေပြီး…