Month: June 2023

၀ါရှင်တန်၊ ဇွန်-၁၄-၂၀၂၃ မျိုးဆက်(VOM) အမေရိကန်သမ္မတဟောင်း ဒေါ်နယ်ထရန့်ဟာ ဖလော်ရီဒါပြည်နယ် မိုင်ယာမီရှိတရားရုံးမှာ ဇွန် ၁၃ ရက်က လာရောက်အမှုရင်ဆိုင်ခဲ့ပြီး သူ့အပေါ်တင်ထားတဲ့စွဲချက်တွေနဲ့ပတ်သက်ပြီး အပြစ်မရှိကြောင်း ထွက်ဆိုသွားပါတယ်။ ဒေါ်နယ်ထရန့်ဟာ အမေရိကန်အစိုးရက ပထမဆုံးအကြိမ် တရားစွဲခံရတဲ့ သမ္မတဟောင်းအဖြစ် မှတ်တမ်း၀င်ခဲ့ပြီဖြစ်ပါတယ်။ သူဟာ အမေရိကန်အစိုးရရဲ့ စစ်ရေးနဲ့နူကလီးယားဆိုင်ရာ လျှို့ဝှက်ချက်တွေကို လက်၀ယ်ထားရှိမှုအပါအ၀င် စွဲချက် ၃၇ ခုနဲ့ ရင်ဆိုင်နေရပါတယ်။ အက်ဖ်ဘီအိုင်က ထောက်လှမ်းရေးတွေဟာ ဖလော်ရီဒါမှာရှိတဲ့ ဒေါ်နယ်ထရန့့်ရဲ့နေအိမ်ကနေ တာ၀န်ပြီးဆုံးရင် ပြန်အပ်ရမယ့် အစိုးရရဲ့လျှို့ဝှက်စာရွက်စားတမ်းများစွာကို သြဂုတ်လအတွင်းက သိမ်းဆည်းရမိခဲ့ပါတယ်။ ဒီကိစ္စကြောင့် တရားစွဲဆိုမှုဟာ နိုင်ငံရေးခြေထိုးမှုဖြစ်ပြီး သူ့ရဲ့သမ္မတရွေးကောက်ပွဲ မဲဆွယ်စည်းရုံးမှုတွေကို ပျက်ပြားစေဖို့အတွက် သမ္မတဂျိုးဘိုင်ဒင်က ကြိုးကိုင်လုပ်ဆောင်နေတာဖြစ်ကြောင်း ဒေါ်နယ်ထရန့်က စွပ်စွဲပြောဆိုထားပါတယ်။ ဒေါ်နယ်ထရန့်ဟာ ရာဇ၀တ်မှုစွဲချက်တွေနဲ့ တရားစွဲခံရတာဟာ ခုတကြိမ်ဆိုရင် ဒုတိယမြောက်ဖြစ်ပြီး အပြာမယ်တဦးကို ဆက်ဆံပြီး နှုတ်ပိတ်ခအဖြစ် လျှို့ဝှက်ငွေပေးခဲ့တဲ့အပေါ် ဧပြီလအတွင်းကလည်း တရားရင်ဆိုင်ခဲ့ရပါတယ်။ Ref:…

၀ါရှင်တန်၊ ဇွန်-၁၄-၂၀၂၃ မျိုးဆက်(VOM) နေတိုးအဖွဲ့အတွင်းရေးမှူးချုပ် ယန်စတိုတန်ဘာ့ဂ် အိမ်ဖြူတော်မှာ အမေရိကန်သမ္မတဂျိုးဘိုင်းဒင်နဲ့ တွေ့ဆုံဆွေးနွေးခဲ့ပြီး အနောက်နိုင်ငံတွေက အထောက်အပံ့တွေပေးမှုနဲ့အတူ ယူကရိန်းရဲ့ တန်ပြန်ထိုးစစ်ဟာ တိုးတက်မှုတွေရှိနေကြောင်း ထုတ်ဖော်ပြောဆိုလိုက်ပါတယ်။ လစ်သူယေးနီးယားနိုင်ငံမှာ ဇူလိုင်လအတွင်း နေတိုးအဖွဲ့ရဲ့ ထိပ်သီးဆွေးနွေးပွဲမတိုင်မီ စတိုတန်ဘာ့ဂ်ဟာ သမ္မတဂျိုးဘိုင်းဒင်နဲ့ ယူကရိန်းအရေးအပြင် အခြားကိစ္စရပ်တွေနဲ့ပတ်သက်ပြီး တွေ့ဆုံဆွေးနွေးခဲ့တာဖြစ်ပါတယ်။ ယူကရိန်းတပ်တွေဟာ နိုင်ငံအရှေ့ပိုင်းနဲ့တောင်ပိုင်း စစ်မျက်နှာစာတွေမှာ ကာလရှည်ကြာပြင်ဆင်ထားတဲ့ တန်ပြန်ထိုးစစ်ကို စတင်နေပြီဖြစ်ပြီး မကြာသေးမီရက်အတွင်းက ကျေးရွာလေးရွာကို ပြန်လည်သိမ်းပိုက်နိုင်ခဲ့သည်။ တန်ပြန်ထိုးစစ်ဟာ စေ့စပ်ညှိနှိုင်းရေးတွေဖြစ်ပေါ်လာဖို့ နည်းလမ်းတခုအဖြစ် ရှုမြင်ထားပြီး ယူကရိန်းနယ်မြေတွေ ပိုမိုလွတ်မြောက်လေ စေ့စပ်ညှိနှိုင်းရေးစားပွဲဝိုင်း အားကောင်းလေလေဖြစ်ကြောင်း နေတိုးအကြီးအကဲက ပြောပါတယ်။ ယူကရိန်းကို ရုရှားရဲ့ကျူးကျော်မှုနဲ့ပတ်သက်ပြီး နေတိုးအဖွဲ့ရဲ့တုံ့ပြန်မှုဟာ မဟာမိတ်အဖွဲ့ကို ပိုမိုအားကောင်းစေတယ်လို့ အောက်တိုဘာလမှာ ရာထူးကနေအနားယူတော့မယ့် နေတိုးအကြီးအကဲကို သမ္မတဂျိုးဘိုင်ဒင်ကပြောပါတယ်။ နေတိုးမဟာမိတ်အဖွဲ့ရဲ့ အရှေ့ပိုင်းနယ်မြေများ လုံခြုံရေးကို ခိုင်မာအောင်ပြုလုပ်ထားပြီး နေတိုးအဖွဲ့၀င်နိုင်ငံတွေရဲ့ နယ်မြေတိုင်းကို ကာကွယ်သွားမည်ဖြစ်ကြောင်း အမေရိကန်သမ္မတက ပြောဆိုသည်။…

၀ါရှင်တန်၊ ဇွန်-၁၃-၂၀၂၃ မျိုးဆက်(VOM) ကမ္ဘာလုံးဆိုင်ရာ နျူကလီးယားလက်နက်တွေအတွက် ငွေကြေးသုံးစွဲမှုဟာ၂၀၂၁ ခုနှစ်ကထက် ပြီးခဲ့တဲ့နှစ်မှာ မြင့်တက်ခဲ့ကြောင်း နျူကလီးယားလက်နက်ဖျက်သိမ်းရေး နိုင်ငံတကာလှုပ်ရှားမှုအဖွဲ့ကထုတ်ပြန်တဲ့ အစီရင်ခံစာမှာ ဖော်ပြထားပါတယ်။ ခန့်မှန်းချက်အရ နိုင်ငံ ကိုးနိုင်ငံဟာ ၂၀၂၂ ခုနှစ်အတွင်း နျူကလီးယားလက်နက်တွေအတွက် အသုံးစရိတ်ဟာ စုစုပေါင်းဒေါ်လာ ၈၂ ဒသမ ၉ ဘီလီယံမြင့်တက်ခဲ့ပြီး ၂၀၂၁ ခုနှစ်ကထက် မြင့်တက်ခဲ့ကြောင်း ဇွန် ၁၂ ရက်မှာ ထုတ်ပြန်တဲ့ အစီရင်ခံစာမှာ ဖော်ပြထားပါတယ်။ အဲဒီနိုင်ငံတွေဟာ နျူကလီးယားလက်နက်မပြန့်ပွားရေး သဘောတူစာချုပ်ကို အသိအမှတ်ပြုထားတဲ့ နျူကလီးယားအင်အားကြီး အမေရိကန်၊ ရုရှား၊ ဗြိတိန်၊ ပြင်သစ်နှင့် တရုတ်တို့အပြင် အိန္ဒိယ၊ အစ္စရေး၊ ပါကစ္စတန်နဲ့ မြောက်ကိုရီးယားတို့ ပါ၀င်နေပါတယ်။ အမေရိကန်ရဲ့ နျူကလီးယားလက်နက်တွေအတွက် အသုံးစရိတ်ဟာ ဒေါ်လာ ၄၃ ဒသမ ၇ ဘီလီယံထိရှိပြီး ကိုးနိုင်ငံထဲမှာ အမြင့်ဆုံးဖြစ်ကာ နိုင်ငံတနိုင်ငံချင်းစီရဲ့…

မနီလာ၊ ဇွန်-၁၃-၂၀၂၃ မျိုးဆက်(VOM) ဖိလစ်ပိုင်နိုင်ငံမှာ မာယွန်မီးတောင်ကနေ ချော်ရည်ပူတွေ ဆက်လက်ထွက်ရှိနေတာကြောင့် ဒေသခံထောင်ပေါင်းများစွာ ဘေးလွတ်ရာကို ရွှေ့ပြောင်းခဲ့ရပါတယ်။ မာယွန်မီးတောင်ဟာ ပြီးခဲ့တဲ့သီတင်းပတ်ကစပြီး ချော်ရည်ပူတွေထွက်ရှိနေတာကြောင့် မီးတောင်နဲ့ ခြောက်ကီလိုမီတာအကွာမှာရှိတဲ့ ဒေသခံ ၁၄၀၀၀ နီးပါးကို အခုလိုရွှေ့ပြောင်းပေးထားရတာဖြစ်ပါတယ်။ မာယွန်မီးတောင်ပေါက်ကွဲမှုနဲ့ပတ်သက်ပြီး အဆင့်ငါးဆင့်ရှိရာမှာ လက်ရှိအခြေအနေကို အဆင့်သုံး သတိပေးချက်ထုတ်ပြန်ထားပါတယ်။ မီးတောင်ပြာတွေဟာ လေယာဉ်အင်ဂျင်တွေကို ပျက်စီးစေတာကြောင့် မီးတောင်နဲ့အနီးမှာ လေယာဉ်တွေမပျံသန်းဖို့ အာဏာပိုင်တွေက ညွှန်ကြားထားပါတယ်။ ဖိလစ်ပိုင်က မာယွန်မီးတောင်ဟာ နိုင်ငံတွင်းမှာရှိတဲ့ လှုပ်ရှားနေတဲ့ မီးတောင် ၂၄ လုံးမှာပါ၀င်ပြီး ၂၀၁၈ ခုနှစ်က နောက်ဆုံးပေါက်ကွဲခဲ့တာကြောင့် လူကိုးသောင်းကျော် ဘေးလွတ်ရာကို ထွက်ပြေးခဲ့ရပါတယ်။ ၁၉၉၃ ခုနှစ်အစောပိုင်းမှာတော့ အဲဒီမီးတောင်ပေါက်ကွဲမှုကြောင့် လူ ၇၀ ဦးသေဆုံးခဲ့ပြီး ၁၈၉၇ ခုနှစ်က ပေါက်ကွဲမှုမှာတော့ လူ ၄၀၀ ကျော်ထိ သေဆုံးခဲ့ပါတယ်။ Ref: NHK #VOM…

ဘာလင်၊ ဇွန်-၁၃-၂၀၂၃ မျိုးဆက်(VOM) နေတိုးအဖွဲ့ကို ၁၉၄၉ ခုနှစ်မှာ စတင်တည်ထောင်ပြီးနောက် အကြီးမားဆုံးသော လေတပ်စစ်ရေးလေ့ကျင့်မှုကို ဇွန် ၁၂ ရက်မှာ စတင်နေပြီဖြစ်ပါတယ်။ အဲဒီစစ်ရေးလေ့ကျင့်မှုကို ဂျာမနီမြောက်ပိုင်းနဲ့ အခြားနေရာတွေမှာ ဇွန် ၁၂ ရက်ကစတင်ခဲ့ပြီး တိုက်လေယာဉ် ၂၅၀ ၊ နေတိုးအဖွဲ့နဲ့ အခြားနိုင်ငံတွေက တပ်ဖွဲ့၀င်ပေါင်း တသောင်းကျော်ပါ၀င်ပါတယ်။ ဇွန် ၂၃ ရက်ထိပြုလုပ်မယ့် စစ်ရေးလေ့ကျင့်မှုအတွင်း ပါ၀င်တဲ့နိုင်ငံတွေအနေနဲ့ သူတို့ရဲ့လေတပ်တွေအကြား ပေါင်းစည်းညှိနှိုင်းမှုကို မြှင့်တင်ဖို့ရည်ရွယ်ထားကြောင်း တာ၀န်ရှိသူတွေကပြောပါတယ်။ ယူကရိန်းကို ကျူးကျော်၀င်ရောက်စဉ် အပြင်းအထန်ထိခိုက်ပျက်စီးစေဖို့ ရုရှားအသုံးပြုခဲ့တဲ့ မောင်းသူမဲ့လေယာဉ်နဲ့ ပဲ့ထိန်းဒုံးကျည်တွေကို တန်ပြန်တိုက်ခိုက်မှုတွေလည်း နေတိုးအဖွဲ့ရဲ့ လေတပ်စစ်ရေးလေ့ကျင့်မှုမှာ ပါ၀င်ပါတယ်။ စစ်ရေးလေ့ကျင့်မှုကို ရုရှားက ယူကရိန်းကို ကျူးကျော်တိုက်ခိုက်ခြင်းမပြုမီကပင် စီစဉ်ထားခြင်းဖြစ်ကြောင်း ၊ နေတိုးအဖွဲ့ရဲ့ လေကြောင်းစွမ်းရည်ကို ပြသရန်အရေးကြီးကြောင်း စစ်ရေးလေ့ကျင့်မှုကို အိမ်ရှင်အဖြစ်လက်ခံပြုလုပ်တဲ့ ဂျာမနီစစ်တပ်က ထုတ်ပြန်ထားပါတယ်။ Ref: NHK…