Day: August 26, 2023

နီယာမေ၊ သြဂုတ်-၂၆-၂၀၂၃ မျိုးဆက်(VOM) ပြင်သစ်နဲ့နိုင်ဂျာဆက်ဆံရေး လျှင်မြန်စွာဆက်လက်ဆိုးရွားနေချိန်မှာ ပြင်သစ်သံအမတ်ကို နိုင်ငံတွင်းကနေ ၄၈ နာရီအတွင်းထွက်ခွာဖို့ နိုင်ဂျာအာဏာပိုင်တွေက သြဂုတ် ၂၅ ရက်မှာ အမိန့်ထုတ်လိုက်ပါတယ်။ ပြင်သစ်သံအမတ် ဆိုဗေးနီလိဒ်ဟာ နိုင်ဂျာနိုင်ငံခြာရေးဝန်ကြီးနဲ့တွေ့ဆုံဖို့ ဖိတ်ကြားချက်ကို ငြင်းဆိုခဲ့ကြောင်း နိုင်ဂျာအာဏာပိုင်တွေကပြောပါတယ်။ သံအမတ်နဲ့ပတ်သက်ပြီး လုပ်ပိုင်ခွင့်တွေဟာ တရားဝင် ရွေးကောက်ခံထားတဲ့ နိုင်ဂျာတာဝန်ရှိသူတွေထံမှာသာရှိကြောင်း ပြင်သစ်က တုံ့ပြန်ပြောဆိုထားပါတယ်။ ပြင်သစ်နိုင်ငံဟာ နိုင်ဂျာမှာ ဇူလိုင်လကဖြစ်ပွားခဲ့တဲ့ အာဏာသိမ်းမှုကို ရှုတ်ချထားပြီး ရွေးကောက်ခံသမ္မတ ဘာဇိုအမ်ကို အာဏာပြန်လည်အပ်နှင်းဖို့ နိုင်ဂျာအာဏာပိုင်တွေကို တောင်းဆိုထားပါတယ်။ နိုင်ဂျာအာဏာသိမ်းခေါင်းဆောင်တွေကတော့ လာမယ့်သုံးနှစ်အတွင်းအရပ်အသားအုပ်ချုပ်ရေးကို ပြန်လည်လွှဲပြောင်းပေးမှာဖြစ်ကြောင်း လွန်ခဲ့တဲ့ သီတင်းပတ်က ကတိပြုပြောဆိုထားပါတယ်။ အနောက်အာဖရိကဒေသ အီကိုဝပ်စ်အဖွဲ့ကတော့ ဆွေးနွေးပွဲတွေမအောင်မြင်ပါက စစ်ရေးအရကြားဝင်မယ်လို့ ခြိမ်းခြောက်ထားပြီး နိုင်ဂျာအနေနဲ့ စစ်ပွဲကိုမလိုလားပေမယ့် ဘယ်လိုကျူးကျော်မှုမျိုးကိုမဆို ခုခံကာကွယ်သွားမှာဖြစ်ကြောင်း နိုင်ဂျာအာဏာသိမ်း ခေါင်းဆောင်တွေက ထုတ်ဖော်ပြောဆိုထားပါတယ်။ Ref: BBC Photo:Getty Images #voiceofmyanmar…

မော်စကို၊ သြဂုတ်-၂၆-၂၀၂၃ မျိုးဆက်(VOM) ဝဂ္ဂနာအကြီးအကဲ ပရီဂိုဇင်သေဆုံးခဲ့တယ်လို့ ယူရဆတဲ့ လေယာဉ်ပျက်ကျမှုမှာ ရုပ်အလောင်း ၁၀ လောင်းနဲ့ လေယာဉ်ပျံသန်းမှု မှတ်တမ်းတင်ကိရိယာတွေကို ရှာဖွေတွေ့ရှိခဲ့ကြောင်း ရုရှားတာဝန်ရှိသူတွေက သြဂုတ် ၂၅ ရက်မှာပြောပါတယ်။ လက်ရှိမှာတော့ အလောင်းတွေနဲ့ပတ်သက်ပြီး မျျိုးရိုးဗီဇစစ်ဆေးမှုတွေကို လုပ်ဆောင်နေကြောင်း စုံစမ်းစစ်ဆေးသူတွေက ပြောပါတယ်။ မော်စကိုမြို့အနီးမှာ သြဂုတ် ၂၃ ရက်က ပျက်ကျခဲ့တဲ့လေယာဉ်ဟာ ဗုံး ဒါမှမဟုတ် ဒုံးကျည်ကြောင့်ဖြစ်ကြောင်း သုံးသပ်ချက်တွေ ထွက်ပေါ်နေပါတယ်။ ပရီဂိုဇင်ကိုသတ်ဖြတ်ဖို့ ရုရှားအစိုးရက အမိန့်ပေးခဲ့တယ်ဆိုတဲ့ စွပ်စွဲချက်တွေဟာ လုံးဝအလိမ်အညာတွေဖြစ်ကြောင်း ရုရှားသမ္မတပူတင်ရဲ့ ပြောရေးဆိုခွင့်ရှိသူက ပြောပါတယ်။ ပူတင်ရဲ့ သစ္စာခံတဦးဖြစ်သူ ပရီဂိုဇင်ဟာ ဇွန်လအတွင်းက ဝဂ္ဂနာအဖွဲ့ရဲ့ ရုရှားစစ်တပ်ကို ပုန်ကန်မှုကို ဦဆောင်ခဲ့ပါတယ်။ ဒါဟာသစ္စာဖောက်မှုဖြစ်ကြောင်း ပူတင်က အဲဒီအချိန်က ပြောခဲ့ပေမယ့် နောက်ပိုင်းမှာတော့ ဝဂ္ဂနာစစ်သားတွေကို ရုရှားစစ်တပ် ပါဝင်ခြင်း သို့မဟုတ် မဟာမိတ်ဘီလာရုစ်မှာ နေထိုင်ဖို့…

This Day in History(August26) Voice of Myanmar ၂၀၀၈ ခုနှစ် သြဂုတ် ၂၆ ရက်တွင် အမေရိကန် ကော်လိုရာဒို၌ပြုလုပ်သော ဒီမိုကရက်တစ်ပါတီညီလာခံတွင် ဒီမိုကရက်တစ်များသည် ဘားရက်ခ်အိုဘားမားကို ပါတီ၏ သမ္မတလောင်းအဖြစ် တရားဝင်အမည်စာရင်းတင်သွင်းခဲ့ပြီး ၎င်းသည် ပထမဆုံးသော အာဖရိကန်-အမေရိကန် သမ္မတလောင်းအဖြစ် မှတ်တမ်းဝင်ခဲ့သည်။ #voiceofmyanmar #VOM #ThisDayInHistory #August26

တီဟီရန်၊ သြဂုတ်-၂၅-၂၀၂၃ Voice of Myanmar မလေးရှားနိုင်ငံခြားရေးဝန်ကြီး ဇမ်ဘရီအဗ္ဗဒူကီဒါက “အီရန်အပေါ် အမေရိကန် ပိတ်ဆို့အရေးယူမှုတွေအပေါ် မိမိတို့အစိုးရရဲ့ ဆန့်ကျင်ကန့်ကွက်ကြောင်း” ထုတ်ဖော်ပြောကြားခဲ့ပြီး မလေးရှားအနေနဲ့ အဲဒီလို ပိတ်ဆို့အရေးယူမှုတွေကို ဘယ်သောအခါမျှ အသိအမှတ်မပြုမှာ မဟုတ်ဘူးလို့ အသိပေးခဲ့ပါတယ်။ အီရန်သမ္မတ အီဘရာဟင်ရိုင်စီနဲ့ ဩဂုတ် ၂၂ ရက်က တီဟီရန်မြို့တော်မှာ တွေ့ဆုံစဉ်အတွင်း ဇမ်ဘရီက “အစ္စလမ်မစ်သမ္မတနိုင်ငံဖြစ်တဲ့ အီရန်ဟာ ဒေသတွင်းနဲ့ မွတ်စလင်ကမ္ဘာအတွင်း မလေးရှားရဲ့ အင်မတန်အရေးကြီးတဲ့မိတ်ဖက်အဖြစ် ဆက်လက်ပြောကြားခဲ့ပါတယ်။ ဩဂုတ်လ ၂၀ ရက်မှ ၂၃ ရက်အထိ တီဟီရန်မြို့တော်သို့ ရောက်ရှိခဲ့တဲ့ သူ့ရဲ့ ခရီးစဉ်အတွင်း အီရန်အစိုးရအရာရှိတွေနဲ့ အပြုသဘောဆောင်တဲ့ ဆွေးနွေးမှုတွေကိုလည်း သူက အသိအမှတ်ပြုပြောကြားခဲ့ပါတယ်။ ဇမ်ဘရီက အထူးသဖြင့် စိုက်ပျိုးရေး၊ ဆေး၊ သိပ္ပံနဲ့ နည်းပညာနယ်ပယ်တွေမှာ နှစ်နိုင်ငံဆက်ဆံရေး ဖွံ့ဖြိုးတိုးတက်အောင် ပူးပေါင်းသွားကြဖို့ ထပ်မံတောင်းဆိုခဲ့ပါတယ်။ သမ္မတ…