Day: September 14, 2023

ထရီပိုလီ၊ စက်တင်ဘာ-၁၄-၂၀၂၃ မျိုးဆက်(VOM) လစ်ဗျားနိုင်ငံအရှေ့ပိုင်းမှာ ဆည်နှစ်ခုကျိုးပြီးနောက် ရေကြီးရေလျှံမှုများကြောင့် သေဆုံးသူအရေအတွက် ၁၈၀၀၀ မှ ၂၀၀၀၀ အကြားသေဆုံးနိုင်ကြောင်း ဒါနာမြို့တော်ဝန်က ပြောပါတယ်။ လက်ရှိချိန်ထိ ရေကြီးရေလျှံမှုတွေကြောင့် လူ ၅၀၀၀ ကျော်သေဆုံးပြီး ၁၀၀၀၀ ထက်မနည်း ပျောက်ဆုံးနေသည်။ လမ်းများရေလွှမ်းမိုးနစ်မြုပ်ပြီးနောက် အလောင်းတွေကို ပင်လယ်ထဲကနေ ပြန်လည်ဆယ်ယူလျှက်ရှိပါတယ်။ လစ်ဗျားကို အရှေ့နဲ့အနောက် ပိုင်းခြားအုပ်ချုပ်နေတဲ့ ပြိုင်ဘက်အစိုးရနှစ်ရပ်ကတော့ ရေဘေးသင့်ပြည်သူတွေအတွက် ကယ်ဆယ်ရေးလုပ်ငန်းတွေကို ညှိနှိုင်းဆောင်ရွက်နေပါတယ်။ အီဂျစ်၊ တူနီးရှား၊ အီတလီ၊ စပိန်နဲ့ တူရကီအပါအဝင် အခြားနိုင်ငံတွေက ကယ်ဆယ်ရေးအဖွဲ့တွေနဲ့ ကူညီထောက်ပံ့မှုတွေ ရောက်ရှိနေပြီဖြစ်ပါတယ်။ ညစ်ညမ်းတဲ့ရေတွေကြောင့် ဖြစ်ပေါ်လာနိုင်တဲ့ ရောဂါတွေနဲ့ပတ်သက်ပြီး ကုလသမဂ္ဂက သတိပေးထားပါတယ်။ ထရီပိုလီအခြေစိုက် လစ်ဗျားအစိုးရ တာဝန်ရှိသူတွေကတော့ ဆည်နှစ်ခုကျိုးမှုနဲ့ပတ်သက်ပြီး စုံစမ်းစစ်ဆေးဖို့ ညွှန်ကြားထားပြီး ဆည်ကျိုးမှုဖြစ်စေတာ သို့မဟုတ် လျစ်လျူရှုတာမျိုးတွေ့ရှိရင် ဘယ်သူ့မဆို အပြစ်ပေးအရေးယူမယ်လို့ ထုတ်ပြန်ထားပါတယ်။ Ref: BBC…

ဟနွိုင်း၊ စက်တင်ဘာ-၁၄-၂၀၂၃ မျိုးဆက်(VOM) ဗီယက်နမ်နိုင်ငံ မြို့တော်ဟနွိုင်းရှိ ကိုးထပ်တိုက်ခန်းတွဲတခုမှာ ဖြစ်ပွားခဲ့တဲ့မီးလောင်မှုကြောင့် လူ ၅၆ ယောက် သေဆုံးသွားကြောင်း တာဝန်ရှိသူတွေကပြောပါတယ်။ မီးလောင်ကျွမ်းမှုဟာ စက်တင်ဘာ ၁၃ ရက် ဒေသံစံတော်ချိန် ညသန်းခေါင်ကျော်အချိနမှာ စတင် လောင်ကျွမ်းခဲ့ပြီး မနက် ၂ နာရီမှာ မီးငြှိမ်းသတ်နိုင်ခဲ့ကြောင်း ဗီယက်နမ်တာဝန်ရှိသူတွေကို ကိုးကားပြီး သတင်းဌာနတွေက ဖော်ပြထားပါတယ်။ မီးလောင်ကျွမ်းခဲ့တဲ့ အဆောက်အအုံမှာ လူ ၁၅၀ ကျော်နေထိုင်ပြီး မီးလောင်မှုကြောင့် ၃၇ ယောက် ဒဏ်ရာရရှိခဲ့ကာ သေဆုံးသူတွေထဲမှာ ကလေးငယ်တဦးလည်းပါဝင်ကြောင်း တာဝန်ရှိသူတွေကပြောပါတယ်။ အဆောက်အအုံရှိ သေးငယ်တဲ့လသာဆောင်တွေကို သံပန်းအကာအရံတွေလုပ်ထားကြပြီး တိုက်ခန်းမှာ ထွက်ပေါက်တခုတည်းရှိကာ အပြင်ဘက်မှာလည်း အရေးပေါ်လှေကားမရှိကြောင်း အေအက်ဖ်ပီသတင်းဌာနက ဖော်ပြထားပါတယ်။ ဗီယက်နမ်နိုင်ငံမှာ မကြာသေးမီနှစ်တွေအတွင်း ကာရာအိုကေနဲ့ အရက်ဘားလို ဖျော်ဖြေရေးနေရာတွေမှာ လူအသေအပျောက်များတဲ့ မီးလောင်မှုတွေ မကြာခဏဖြစ်ပွားခဲ့ပါတယ်။ Ref:Al Jazeera #voiceofmyanmar…

ပြုံးယမ်း၊ စက်တင်ဘာ-၁၄-၂၀၂၃ မျိုးဆက်(VOM) မြောက်ကိုရီးယားခေါင်ဆောင် ကင်ဂျုံအန်နဲ့ ရုရှားသမ္မတပူတင်တို့ရဲ့ ထိပ်သီးဆွေးနွေးပွဲမှာ အရေးကြီးကိစ္စတွေအတွက် ကျေနပ်လောက်ဖွယ် သဘောတူညီချက်တရပ် ရရှိခဲ့ကြောင်း မြောက်ကိုရီးယားက ထုတ်ပြန်ပါတယ်။ နှစ်နိုင်ငံအကြား စစ်ရေးပူးပေါင်းဆောင်ရွက်ဖို့ ဖြစ်နိုင်ခြေတွေကို ဆွေးနွေးခဲ့ပြီး မြောက်ကိုရီးယားအတွက် ဂြိုဟ်တုနည်းပညာတွေ ကူညီပေးမှာဖြစ်ကြောင်း ရုရှားသမ္မတပူတင်က ထုတ်ဖော်ပြောဆိုပါတယ်။ ကင်ဂျုံအန်နဲ့ပူတင်တို့ဟာ ရုရှားအရှေ့ပိုင်း ဗော့စတော့ချ်နီ အာကာသစခန်းမှာ တွေ့ဆုံခဲ့ကြပြီး ဒါဟာနှစ်ဦးသား ဒုတိယအကြိမ်တွေ့ဆုံမှုဖြစ်ပြီး ၂၀၁၉ ခုနှစ်က ပထမဆုံးအကြိမ်တွေ့ဆုံဆွေးနွေးခဲ့ဖူးပါတယ်။ ရုရှားနဲ့ မြောက်ကိုရီးယားတို့အကြား အပြန်အလှန်ဖလှယ်မှုနဲ့ ပူးပေါင်းဆောင်ရွက်မှုတွေနဲ့ နိုင်ငံရေး၊ စီးပွားရေး၊ စစ်ရေးကိစ္စတွေကို အမြင်ချင်းဖလှယ်ဆွေးနွေးခဲ့ကြကြောင်း မြောက်ကိုရီးယားရဲ့ ထုတ်ပြန်ချက်မှာ ဖော်ပြထားပါတယ်။ နှစ်ဘက်အကြား ကျေနပ်ဖွယ်ကောင်းတဲ့ သဘောတူညီချက်ရရှိခဲ့ကြောင်း မြောက်ကိုရီးယားက ပြောဆိုထားပေမယ့် သဘောတူညီချက်နဲ့ပတ်သက်ပြီး အသေးစိတ်ထုတ်ပြန်ခြင်းမရှိပေ။ ဒါပေမယ့် နှစ်နိုင်ငံအကြား စစ်ရေးပူးပေါင်းဆောင်ရွက်မှု တိုးချဲ့လာနိုင်ကြောင်း စောင့်ကြည့်လေ့လာသူတွေက သုံးသပ်ပြောဆိုပါတယ်။ တွေ့ဆုံမှုအတွင်း ပူတင်အနေနဲ့ မြောက်ကိုရီးယားသို့ လာရောက်ရန်…

This Day in History Voice of Myanamar ရေနံတင်ပို့ရောင်းချသည့်နိုင်ငံများအဖွဲ့ (အိုပက်) ကို အီရန်၊ အီရတ်၊ ကူဝိတ်၊ ဆော်ဒီအာရေဗျနှင့် ဗင်နီဇွဲလားတို့ပါဝင်သော အဖွဲ့ဝင်ငါးနိုင်ငံဖြင့် ၁၉၆၀ ခုနှစ် စက်တင်ဘာ ၁၄ ရက်တွင် စတင်တည်ထောင်ခဲ့သည်။ #voiceofmyanmar #VOM #ThisDayInHistory #September14

ဟာရာရီ၊ စက်တင်ဘာ-၁၄-၂၀၂၃ မျိုးဆက်(VOM) ဇင်ဘာဘွေသမ္မတ အီမာဆန်မနန်ဂါဂွါဟာ လွန်ခဲ့တဲ့လက အငြင်းပွားဖွယ်ရွေးကောက်ပွဲမှာ အနိုင်ရရှိပြီးနောက် သူရဲ့သားနဲ့ တူဖြစ်သူကို အစိုးရအဖွဲ့၀န်ကြီးတနေရာ ခန့်အပ်လိုက်တဲ့အပေါ် အတိုက်အခံတွေရဲ့ ဝေဖန်မှုတွေနဲ့ ရင်ဆိုင်နေရပါတယ်။ သမ္မတ မနန်ဂါဂွါဟာ ဇင်ဘာဘွေ ဘဏ္ဍာရေးဒုတိယ၀န်ကြီးအဖြစ် သူ့ရဲ့သားဖြစ်သူကို ခန့်အပ်ခဲ့ပြီး တူဖြစ်သူကို ခရီးသွား၀န်ကြီးဌာန ဒုတိယ၀န်ကြီးအဖြစ် ခန့်အပ်ခဲ့ကြောင်း ဒေသတွင်း သတင်းဌာနတွေက ဖော်ပြထားပါတယ်။ အခုလိုအစိုးရအဖွဲ့မှာ ခန့်အပ်တာ၀န်ပေးမှုတွေဟာ လူမျိုးရေးဝါဒကို လှုံ့ဆော်ပေးခြင်းဖြစ်ကြောင်း ဇင်ဘာဘွေအဓိကအတိုက်အခံ စီစီစီပါတီမှ လွှတ်တော်အမတ်ဖြစ်သူ ဖက်ဇာရီမာဟီရီက စွပ်စွဲပြောဆိုပါတယ်။ အဲဒီစွပ်စွဲချက်တွေကို အာဏာရပါတီ သို့မဟုတ် ဇင်ဘာဘွေသမ္မတရုံးက ထုတ်ပြန်မှုတစ်စုံတစ်ရာမရှိသေးပါဘူး။ ဒါပေမယ့် မစ္စတာမနန်ဂါဂွါကို ထောက်ခံသူတွေကတော့ သမ္မတရဲ့သားဖြစ်သူဟာ ရာထူးအတွက် အရည်အချင်းပြည့်မှီတယ်လို့ ပြောပါတယ်။ မစ္စတာမနန်ဂါဂွါ ရွေးကောက်ပွဲအနိုင်ရရှိပြီး ပြန်လည်ရွေးချယ်ခံရမှုဟာ ဒေသတွင်းနဲ့ နိုင်ငံတကာစံနှုန်းတွေနဲ့ မကိုက်ညီကြောင်း စောင့်ကြည့်လေ့လာသူတွေက ပြောဆိုထားပြီး ရွေးကောက်ပွဲ မသမာမှုတွေရှိကြောင်း အတိုက်အခံတွေက…