Day: September 26, 2023

ထုတ်ပယ်ခံခဲ့ရပေမယ့် ကုလသမဂ္ဂ လူ့အခွင့်အရေးကောင်စီကို ပြန်လည်ဝင်ရောက်ဖို့ ရုရှားကြိုးပမ်းနေ မော်စကို၊ စက်တင်ဘာ-၂၆-၂၀၂၃ မျိုးဆက်(VOM) ရုရှားဟာ ထုတ်ပယ်ခံခဲ့ရတဲ့ ကုလသမဂ္ဂ လူ့အခွင့်အရေးကောင်စီအဖွဲ့ဝင်နိုင်ငံအဖြစ် ပြန်လည်ဝင်ရောက်ဖို့ ကြိုးပမ်းနေပါတယ်။ ယူကရိန်းကို ရုရှားတပ်များကျူးကျော်တိုက်ခိုက်ပြီးနောက် ရုရှားကို ကုလသမဂ္ဂလူ့အခွင့်အရေးကောင်စီကနေ ပြီးခဲ့တဲ့ ဧပြီလက ထုတ်ပယ်ခဲ့ပါတယ်။ ရုရှားသံတမန်တွေဟာ လူ့အခွင့်အရေးကောင်စီမှာ သုံးနှစ်သက်တမ်း ရွေးချယ်ခံရဖို့ ကြိုးပမ်းနေကြောင်း ကုလသမဂ္ဂအဖွဲ့ဝင်တွေထံဖြန့်ဝေတဲ့ စာရွက်စာတမ်းတွေမှာ ဖော်ပြထားပြီး ဒါဟာ အဖွဲ့ဝင်နိုင်ငံပြန်လည်ဖြစ်လာရေး ကြိုးပမ်းမှုဟာ နိုင်ငံတကာအသိုင်းအဝိုင်းမှာ ရုရှားရဲ့ရပ်တည်မှုကို အဓိကစမ်းသပ်မှုအဖြစ် အကဲခတ်တွေက ယူဆထားပါတယ်။ ရုရှားအနေနဲ့ လူ့အခွင့်အရေးပြသနာတွေအတွက် လုံလောက်တဲ့ ဖြေရှင်းနည်းတွေကို ရှာဖွေဖို့ ကတိပြုထားပြီး ကောင်စီဟာ နိုင်ငံရေးအုပ်စုတခုရဲ့ နိုင်ငံရေးဆန္ဒကို ဖြည့်ဆည်းပေးတဲ့ ယန္တရားဖြစ်နေတယ်ဆိုကာ အနောက်နိုင်ငံတွေကို ရည်ညွှန်းပြီး ရုရှားက ပြောဆိုထားပါတယ်။ ဂျီနီဗာမှာ အခြေစိုက်တဲ့ ကုလသမဂ္ဂလူ့အခွင့်အရေးကောင်စီဟာ အဖွဲ့ဝင် ၄၇ နိုင်ငံရှိပြီး တနိုင်ငံချင်းစီအနေနဲ့ သုံးနှစ်သက်တမ်း…

တောင်တရုတ်ပင်လယ်က တရုတ်ရဲ့ ရေပေါ်အတားအဆီးတွေကို ဖိလစ်ပိုင်ကမ်းခြေစောင့်တပ် ဖယ်ရှားပြီ မနီလာ၊ စက်တင်ဘာ-၂၆-၂၀၂၃ မျိုးဆက်(VOM) တောင်တရုတ်ပင်လယ်မှာ တရုတ်နိုင်ငံကချထားတဲ့ ရေပေါ်အတားအဆီးများကို ဖိလစ်ပိုင်ကမ်းခြေ စောင့်တပ်က ဖယ်ရှားလိုက်ကြောင်း ဖိလစ်ပိုင်တာဝန်ရှိသူတွေက အတည်ပြုပြောဆိုပါတယ်။ ဒီအတားအဆီးတွေကို ဖိလစ်ပိုင်သမ္မတဖာနီနန်မားကို့ဂျူနီယာရဲ့ ညွှန်ကြားချက်အရ ဖယ်ရှားခဲ့ခြင်းဖြစ်ကြောင်း ပေ ၁ဝ၀၀ ရှိတဲ့ အတားအဆီးတွေပြုလုပ်ထားတာကြောင့် ဖိလစ်ပိုင်တံငါသည်တွေရဲ့ ငါးဖမ်းခွင့်ကို တရုတ်ဘက်ကချိုးဖောက်ခဲ့ကြောင်း ဖိလစ်ပိုင်တာဝန်ရှိသူတွေကပြောပါတယ်။ ဒါဟာ လိုအပ်လို့ အတားအဆီးတွေချထားခြင်းဖြစ်ကြောင်း တရုတ်ဘက်က ပြောဆိုထားပါတယ်။ တောင်တရုတ်ပင်လယ်ရဲ့ ၉၀ ရာခိုင်နှုန်းကျော်ကို ပိုင်ဆို်င်ကြောင်း တရုတ်နိုင်ငံက အခိုင်အမာတောင်းဆိုထားပါတယ်။ တရုတ်နိုင်ငံရဲ့ အတားအဆီးတွေချထားခြင်းဟာ ပင်လယ်ရေကြောင်းသွားလာမှုကို အန္တရာယ်ဖြစ်စေပြီး နိုင်ငံတကာဥပဒေတွေကို ပြောင်ပြောင်တင်းတင်းချိုးဖောက်ခြင်းဖြစ်ကာ ဖိလစ်ပိုင်တံငါသည်တွေရဲ့ အသက်မွေးဝမ်ကြောင်းကို ထိခိုက်စေကြောင်း ဖိလစ်ပိုင်ကမ်းခြေစောင့်တပ်ဖွဲ့က ထုတ်ပြန်ထားပါတယ်။ တောင်တရုတ်ပင်လယ်အရေးဟာ ဒေသတွင်း တည်ငြိမ်ရေး၏ အဓိကအချက်ဖြစ်ပြီး တင်းမာမှုမြင့်တက်စေနိုင်တဲ့ အပြုအမူမှန်သမျှကို ပြင်းပြင်းထန်ထန်ကန့်ကွက်ကြောင်း ဂျပန်နိုင်ငံက ထုတ်ပြန်ထားတိုက်တွန်းထားပါတယ်။ Ref:BBC…

နျူကလီးယားလက်နက်ထုတ်သုံးလာရင် မြောက်ကိုရီးယားအစိုးရ အဆုံးသတ်စေရမယ်လို့ တောင်ကိုရီးယား သမ္မတ သတိပေး ဆိုးလ်၊ စက်တင်ဘာ-၂၆ မျိုးဆက်(VOM) မြောက်ကိုရီးယားအနေနဲ့ နျူကလီးယားလက်နက်အသုံးပြုခဲ့မယ်ဆိုရင် တောင်ကိုရီးယား-အမေရိကန်မဟာမိတ်တွေရဲ့ တုံ့ပြန်မှုကြောင့် မြောက်ကိုရီးယားအစိုးရ အဆုံးသတ်သွားစေရမှာဖြစ်ကြောင်း တောင်ကိုရီးယားသမ္မတ ယွန်းဆွတ်ခ်ယိုးလ်က သတိပေးပြောဆိုလိုက်ပါတယ်။ စက်တင်ဘာ ၂၆ ရက်မှာ ဆိုးလ်မြို့အနီးမှာကျင်းပတဲ့ တောင်ကိုရီးယားတပ်မတော်နေ့ အခမ်းအနားမှာ သမ္မတယွန်းဆွတ်ခ်ယိုးလ်က မိန့်ခွန်းပြောကြားရာ အခုလိုသတိပေးပြောဆိုလိုက်တာဖြစ်ပါတယ်။ မြောက်ကိုရီးယားဟာ သူ့ရဲ့နျူကလီးယားနဲ့ ဒုံးကျည်စွမ်းရည်တွေကို အဆင့်မြှင့်တင်နေပြီး နျူကလီးယားလက်နက်တွေကို အသုံးပြုမယ်လို့ ခြိမ်းခြောက်ထားကြောင်း၊ ဒါဟာ တောင်ကိုရီးယားပြည်သူအပေါ် ခြိမ်းခြောက်မှုသာမက ကမ္ဘာ့ငြိမ်းချမ်းရေးအတွက် စိန်ခေါ်မှုတရပ်ဖြစ်ကြောင်း တောင်ကိုရီးယားသမ္မတကဆိုပါတယ်။ မြောက်ကိုရီးယားအရေးနဲ့ပတ်သက်ပြီး အမေရိကန်၊ တောင်ကိုရီးယားနဲ့ ဂျပန်တို့ရဲ့သုံးနိုင်ငံ ပူးပေါင်းဆောင်ရွက်မှု ပိုမိုခိုင်မာအားကောင်းစေဖို့ လုပ်ဆောင်သွားမှာဖြစ်ကြောင်း ယွန်းဆွတ်ခ်ယိုးလ်က ပြောပါတယ်။ တောင်ကိုရီးယားတပ်မတော်နေ့အခမ်းအနားမှာ တင့်ကားတွေ၊ အလိုအလျောက်ပစ်ခတ်နိုင်တဲ့လက်နက်စနစ်တွေ၊ တာဝေးပစ်ဒုံးကျည်တွေအပါအဝင် လက်နက်တွေကို ပြသခဲ့ပြီး ၁၀ နှစ်အတွင်း ပထမဆုံးအကြိမ်အဖြစ် ဆိုးလ်မြို့လယ်မှာ စစ်ရေးပြပွဲအခမ်းအနားကို…

This Day in History Voice of Myanmar ဟောင်ကောင်ကို ဗြိတိန်၏ နှစ် ၁၅၀ ကျော်အုပ်ချုပ်မှုအဆုံးသတ်ပြီး တရုတ်နိုင်ငံထံ ၁၉၉၇ ခုနှစ် ဇူလိုင် ၁ ရက်တွင် ပြန်လည်လွှဲပြောင်းပေးရန် ဗြိတိန်နှင့် တရုတ်နိုင်ငံတို့အကြား ၁၉၈၄ ခုနှစ် စက်တင်ဘာ ၂၆ ရက်တွင် အပြီးသတ်သဘောတူခဲ့သည်။ #voiceofmyanmar #VOM #ThisDayInHistory #September26th