စက်တင်ဘာ ၁၈-၂၀၂၃ GG (VOM) ထိုင်းနိုင်ငံကို MOU စနစ်နဲ့ အလုပ်သွားရောက်လုပ်ကိုင်ဖို့အတွက် အလုပ်ရှင် အလုပ်သမားအကြားစာချုပ်ချုပ်ဆိုမှုကို နယ်တွေမှာခွင့်မပြုတော့ဘဲ ရန်ကုန်မှာပဲ လာရောက်လုပ်ကိုင်ရမှာဖြစ်တယ်လို့ အလုပ်သမားဝန်ကြီးဌာနက ထုတ်ပြန်ထားမှုအရ သိရပါတယ်။ ” ဟုတ်ပါတယ် ၊အခုလကစပြီး မြောက်ဒဂုံက ကျွမ်းကျင်မှုလေ့ကျင့်ရေးသင်တန်းကျောင်းမှာပဲ စာချုပ်ချုပ်ဆိုရမှာပါ၊ အရင်က သက်ဆိုင်ရာနယ်တွေမှာခွင့်ပြုထားပေမယ့်အခုက ရန်ကုန် တစ်ခုတည်းမှာ လုပ်ရတော့မှာပါ။တိုင်းတွေပြည်နယ်တွေမခွဲတော့ဘူး”လို့ ထိုင်းကို အလုပ်သမားစေလွှတ်နေတဲ့ လိုင်စင်ရအေဂျင်စီလုပ်ငန်း လုပ်ကိုင်သူ(၁)ဦးက ပြောပါတယ်။ အလုပ်သမားတွေရှိရာ တိုင်းနဲ့ပြည်နယ်တွေမှာ အလုပ်ရှင်၊ အလုပ်သမား သဘောတူညီချက်စာချုပ် ချုပ်ဆိုခြင်းမလုပ်နိုင်တော့တဲ့အတွက် အလုပ်သမားတွေအတွက် ကုန်ကျစရိတ်ကြီးမြင့်သွားစေတယ်လို့ သိရပါတယ် ။ ထိုင်းကို သွားဖို့စောင့်နေတဲ့ အမျိုးသမီး(၁)ဦးက ” စာအုပ်တွေကလုပ်ပြီးပြီ၊ စာချုပ်တော့မချုပ်ရသေးဘူး။သူတို့အခေါ်ကိုစောင့်နေတာပါ၊ ရန်ကုန်မှာ စာချုပ်ချုပ်ရမယ်ပြောတယ်။ရန်ကုန်သွားရရင် ကားခ ၊စားစရိတ် ၊နေစရိတ် ပိုကုန်မယ်၊အခုက ပိုဆိုးတာပေါ့။ ဘယ်လိုပဲ ဖြစ်ဖြစ် ၁ သိန်းလောက်တော့ကုန်မှာပဲ”လို့ ပြောပါတယ်။…
Read Moreထိုင်းကိုသွားဖို့ အလုပ်ရှင် အလုပ်သမား စာချုပ်ကို ရန်ကုန်မှာပဲ ချုပ်ခွင့်ပြု၊ နယ်တွေမှာ ခွင့်မပြုတော့
