Month: September 2023

ခတ္တမန္ဒူ၊ စက်တင်ဘာ-၂၃-၂၀၂၃ မျိုးဆက်(VOM) နီပေါနိုင်ငံမှာ ဆရာ ဆရာမတွေရဲ့ အကြီးအကျယ်သပိတ်မှောက်မှုဟာ သုံးရက်မြောက်နေ့ကို ရောက်ရှိလာပြီး စာသင်ကျောင်းတွေ ပိတ်ထားရပါတယ်။ ကျောင်းတွေကို ကြီးကြပ်ဖို့ ဒေသန္တရအစိုးရတွေကို လုပ်ပိုင်ခွင့်ပေးတာနဲ့ နိုင်ငံရေးနဲ့ဆက်နွယ်နေတဲ့ အဖွဲ့အစည်းတွေမှာ ဆရာ ဆရာမတွေ ပါဝင်ခွင့်ကို တားမြစ်ထားတာနဲ့ပတ်သက်ပြီး ကန့်ကွက်နေကြပါတယ်။ ဆန္ဒပြသူတွေဟာ ပြီးခဲ့တဲ့ ကြာသပတေးနေ့ကစပြီး ကန့်ကွက်မှုတွေနဲ့အတူ ခတ္တမန္ဒူရှိ လွှတ်တော်ကို ချီတက်ဆန္ဒပြခဲ့ကြပါတယ်။ အတားအဆီးတွေကို ဖြတ်ကျော်ဖို့ကြိုးစားစဉ် ရဲတပ်ဖွဲ့နဲ့ အဓိကရုဏ်းတွေ ဖြစ်ပွားခဲ့ပါတယ်။ နီပေါ ဆရာ၊ ဆရာမ တသိန်းတသောင်းကျော်ဟာ လွှတ်တော်ရှိ ပြုပြင်ပြောင်းလဲမှု ဥပဒေနဲ့ပတ်သက်ပြီး ကန့်ကွက်ဆန္ဒပြပြီး သပိတ်မှောက်မှုတွေ ပြုလုပ်နေကြတာဖြစ်ပါတယ်။ကျောင်းသားတွေနဲ့ ကျောင်းသားမိဘတွေကတော့ အခြေအနေပုံမှန်ပြန်ဖြစ်ပြီး ပညာသင်ကြားနိုင်ဖို့ တောင်းဆိုနေကြပါတယ်။ နီပေါဆရာ ဆရာမတွေဟာ နိုင်ငံရဲ့ဒီမိုကရေစီအသွင်ကူးပြောင်းရေးမှာ အဓိကပါဝင်ခဲ့ကြပါတယ်။ ၁၉၅၉ ခုနှစ် ပထမဆုံးပါလီမန်ရွေးကောက်ပွဲကျင်းပပြီးနောက် နီပေါနိုင်ငံရေးပါတီတွေဟာ ဆရာ ဆရာမတွေကို ပါတီဝင်ဖြစ်လာဖို့ စုဆောင်းခဲ့ဖူးပါတယ်။…

ခါတွမ်၊ စက်တင်ဘ-၂၃-၂၀၂၃ မျိုးဆက်(VOM) တိုက်ပွဲတွေဖြစ်ပွားနေတဲ့ ဆူဒန်မှာ ပြည်သူ့စစ်အဖွဲ့ခေါင်းဆောင်နဲ့ ဆွေးနွေးဖို့ ဆန္ဒရှိကြောင်း ဆူဒန်စစ်တပ်အကြီးအကဲ ဗိုလ်ချုပ်ကြီး အဗ္ဗဒယ်ဖက်တာအယ်လ်ဘာဟန်က ထုတ်ဖော်ပြောဆိုလိုက်ပါတယ်။ အာအက်စ်အက်ဖ်ပြည်သူ့စစ်ခေါင်ဆောင် မိုဟာမက်ဟမ်ဒန်ဒါဂါလိုနဲ့အတတူ ဆွေးနွေးဖို့ မူအားဖြင့် အဆင်သင့်ရှိနေကြောင်း ဗိုလ်ချုပ်ကြီးဘာဟန်က ဆိုပါတယ်။ သူဟာ နယူးယောက်ရှိ ကုလသမဂ္ဂအထွေထွေညီလာခံကို တက်ရောက်ခဲ့ပြီးနောက် ဘီဘီစီနဲ့ တွေ့ဆုံမေးမြန်းခန်းမှာ အခုလိုက်ပြောဆိုလိုက်တာဖြစ်ပါတယ်။ ဗိုလ်ချုပ်ကြီးဘာဟန်ဟာ ဆူဒန်လက်နက်ကိုင်တပ်ဖွဲ့(အက်စ်အေအက်ဖ်) ကိုဦဆောင်ပြီး အရပ်သားတွေကို အာဏာလွှဲပြောင်းပေးဖို့ ပျက်ကွက်ခဲ့ပေမယ့် နယူးယောက်ခရီးစဉ်ဟာ သူ့ရဲ့ခေါင်းဆောင်မှုနဲ့ နိုင်ငံတကာထောက်ခံမှုအတွက် တရားဝင်ရှာမှုအဖြစ် စောင့်ကြည့်လေ့လာသူတွေက သုံးသပ်ပြောဆိုပါတယ်။ လူနေဒေသတွေကို ခွဲခြားခြင်းမရှိဘဲ လေကြောင်းတိုက်ခိုက်မှုတွေလုပ်ဆောင်ခဲ့ကြောင်း အထောက်အထာတွေရှိတယ်လို့ ကုလသမဂ္ဂနဲ့ အကူအညီပေးရေးအဖွဲ့တွေက ထုတ်ဖော်ပြောဆိုထားပေမယ့်လည်း ဒီကိစ္စကို သူကငြင်းဆိုပါတယ်။ ဆူဒန်စစ်တပ်နဲ့ အာအက်စ်အက်ဖ်ပြည်သူ့စစ်အဖွဲ့တို့အကြား ဧပြီလမှာ စတင်ခဲ့တဲ့တိုက်ပွဲတွေကြောင့် လူပေါင်း ၅၀၀၀ ကျော်သေဆုံးခဲ့ပြီး ငါးသန်းကျော် နေရပ်စွန့်ခွာ ထွက်ပြေးခဲ့ရကြောင်း ကုလသမဂ္ဂက ထုတ်ပြန်ထားပါတယ်။ Ref:BBC…

ဝါရှင်တန်၊ စက်တင်ဘာ-၂၃-၂၀၂၃ မျိုးဆက်(VOM) အမေရိကန်သမ္မတဂျိုးဘိုင်ဒင်ဟာ ယူကရိန်းအတွက် တာဝေးပစ်ဒုံးကျည်တွေ ထောက်ပံ့ပေးဖို့ စီစဉ်နေကြောင်း အမေရိကန်အခြေစိုက် သတင်းဌာနတွေက ရေးသားဖော်ပြထားပါတယ်။ ယူကရိန်းဟာ မိုင် ၁၉၀ အကွာအဝေးထိပစ်ခတ်နိုင်တဲ့ ATACMS ဒုံးကျည်အချို့ကို အမေရိကန်ဆီက ရရှိမှာဖြစ်ကြောင်း အမေရိကန်သတင်းဌာနတွေကို ကိုးကားပြီး သတင်းဌာနတွေက ဖော်ပြထားပါတယ်။ အခုလို အမေရိကန်ရဲ့ တာဝေးပစ်ဒုံးကျည်တွေ ရရှိခဲ့မယ်ဆိုရင် ယူကရိန်းဟာ ရုရှားရှေ့တန်းရဲ့နောက်ကွယ်က ရုရှားရဲ့ ပစ်မှတ်တွေကို တိုက်ခိုက်နိုင်ဖွယ်ရှိနေပါတယ်။ ပြီးခဲ့တဲ့ သောကြာနေ့ကလည်း ယူကရိန်းရဲ့ ဒုံးကျည်တစင်းထက်မနည်းဟာ ရုရှားသိမ်းပိုက်ထားတဲ့ ကရိုင်းမီးယားဒေသက ရုရှားရဲ့ ပင်လယ်နက်ရေယာဉ်အုပ်စု ဌာနချုပ်ကို ထိမှန်ခဲ့ပါတယ်။ ဆီဗက်တိုပေါ်လ် ဆိပ်ကမ်းမှာဖြစ်ပွားခဲ့တဲ့ အဲဒီတိုက်ခိုက်မှုမှာ ဗြိတိန်နဲ့ ပြင်သစ်က ထောက်ပံ့ပေးထားတဲ့ Storm Shadow ဒုံးကျည်တွေနဲ့ တိုက်ခိုက်ခဲ့တာဖြစ်ကြောင်း ယူကရိန်းစစ်ဘက်သတင်းရင်းမြစ်တဦးက ဆိုပါတယ်။ ဒီဒုံးကျည်တွေရဲ့ ပစ်ခတ်နိုင်စွမ်းဟာ မိုင် ၁၅၀ အကွာအဝေးသာရှိပါတယ်။ အမေရိကန်က…

This Day in History Voice of Myanmar ဝန်ကြီးချုုပ်ဟွန်ဆန်၏ ကမ္ဘောဒီးယားအာဏာရ စီပီပီပါတီသည် ရွေးကောက်ပွဲတွင် မဲမသမာမှုများဖြင့် အနိုင်ရရှိခဲ့သည်ဆိုကာ အတိုက်အခံ စီအင်န်အာပီပါတီက ၂၀၁၃ ခုနှစ် စက်တင်ဘာ ၂၃ ရက်တွင်ပြုလုပ်သော ပါလီမန်ဖွင့်ပွဲတွင် သပိတ်မှောက်ခဲ့ကြသည်။ #voiceofmyanmar #VOM #ThisDayInHistory #September23rd