Month: November 2023

  Voice of Myanmar အမေရိကန်သမ္မတ ရုစဗဲ့၊ ဗြိတိန်၀န်ကြီးချုပ် ၀င်စတန်ချာချီနှင့် ဆိုဗီယက်ခေါင်းဆောင် ဂျိုးဆက်စတာလင်တို့သည် ပြင်သစ်နိုင်ငံ နော်မန်ဒီကမ်းခြေတွင် ကမ်းတက်တိုက်ပွဲဆင်ကာ ဂျာမနီကို အပြီးသတ်တိုက်ခိုက်ရန် အစီအစဉ်နှင့်ပတ်သက်၍ ၁၉၄၃ ခုနှစ် နို၀င်ဘာ ၂၈ ရက်တွင် တီဟီရန်၌ တွေ့ဆုံဆွေးနွေးခဲ့ကြသည်။  

    ဘန်ကောက်၊ နိုဝင်ဘာ-၂၇-၂၀၂၃ မျိုးဆက်(VOM) ထိုင်းနိုင်ငံမှာပြုလုပ်တဲ့ မင်္ဂလားပွဲတခုမှာ သတို့သားက သတို့သမီးအပါအဝင် လူလေးယောက်ကို ပစ်သတ်မှုပြီးနောက် သူ့ကိုယ်သူလည်း အဆုံးစီရင်သွားတယ်လို့ ရဲတပ်ဖွဲ့က ပြောပါတယ်။ သတို့သားဟာ အသက် ၂၉ နှစ်အရွယ် ချာတူရွန်ဆိုသူဖြစ်ပြီး သူဟာ မသန်စွမ်းအားကစားလက်ရွေးစင်နဲ့ ထိုင်းစစ်သားဟောင်းတယောက်ဖြစ်တယ်လို့ ရဲတပ်ဖွဲ့က ဆိုပါတယ်။ သူဟာ အသက် ၄၄ နှစ်အရွယ် ကန်ချနာပါချွန်သက်နဲ့ ထိုင်းနိုင်ငံ အရှေ့မြောက်ပိုင်းမှာ စနေ့နေ့က လက်ထပ်ခဲ့ကြပြီး ညပိုင်းဧည့်ခံပွဲလုပ်ချိန်မှာ သတို့သမီးနဲ့ အခြားသူတွေကို ပစ်သတ်ခဲ့တာြ်ဖစ်ပါတယ်။ ချာတူရွန်ဟာ ဧည့်ခံပွဲကနေ ရုတ်တရက်ထွက်သွားပြီးနောက် သေနတ်တလက်နဲ့ ပြန်ရောက်လာခဲ့ပြီး သတို့သမီး၊ သူမရဲ့အမေဖြစ်သူ အသက် ၆၂ နှစ်အရွယ်အမျိုးသမီးနဲ့ ၃၈ နှစ်အရွယ်ညီမဖြစ်သူတို့ကို ပစ်သတ်ခဲ့တယ်လို့ ရဲတပ်ဖွဲ့က ထုတ်ပြန်ထားပါတယ်။ ပွဲလာတက်တဲ့ ဧည့်သည်တွေထဲက နှစ်ယောက်ဟာလည်း သေနတ်ထိမှန်ခဲ့ပြီး ဆေးရုံအရောက်မှာတော့ တယောက်သေဆုံးခဲ့ပါတယ်။ အခင်ဖြစ်ပွားချိန်မှာတော့…

  အဘူဂျာ၊ နိုဝင်ဘာ-၂၇-၂၀၂၃ မျိုးဆက်(VOM) နိုင်ဂျီးရီးယားနိုင်ငံ အနောက်မြောက်ပိုင်းမှာ လက်နက်ကိုင်ဓါးပြတွေက လူ ၁၀၀ ကျော်ကို ပြန်ပေးဆွဲသွားကြောင်း ဒေသခံတွေကပြောပါတယ်။ ဇာမ်ဖာရာပြည်နယ်ရှိ ရွာတွေကို မော်တော်ဆိုင်ကယ်စီးလက်နက်ကိုင်တွေက ဝင်ရောက်စီးနှင်းခဲ့ပြီး သူတို့ကို အခွန်ပေးဆောင်ဖို့ ပျက်ကွက်တာကြောင့် ဒေသခံတွေကို ပြန်ပေးဆွဲသွားတာဖြစ်ကြောင်း မျက်မြင်သက်သေတွေက ပြောပါတယ်။ အခွန်ပေးဆောင်ဖို့ ငွေစုနေကြချိန်မှာ သေနတ်သမားတွေက ရုတ်တရက်ရောက်လာရောက် လုယက်မှုတွေ ပြုလုပ်ကာ လူ ၁၀၀ ကျော်ကို ဖမ်းဆီးသွားပြီး ဖမ်းဆီးခံရသူ အများစုကတော့ အမျိုးသမီးများနဲ့ ကလေးငယ်တွေဖြစ်ကြပါတယ်။ သေနတ်သမားတွေရဲ့ တိုက်ခိုက်မှုကြောင့် လူတယောက်သေဆုံးသွားကြောင်း သိရပါတယ်။ လုံခြုံရေးအခြေအနေ ယိုယွင်းနေတဲ့ နိုင်ဂျီးရီးယားနိုင်ငံ အနောက်မြောက်ပိုင်းမှာ မကြာသေးမီနှစ်တွေ အတွင်း ပြန်ပေးဆွဲခံရမှုတွေ တိုးပွားလာနေပါတယ်။ လက်နက်ကိုင်ဂိုဏ်းတွေနဲ့ ဓါးပြဂိုဏ်းတွေဟာ ကျေးရွာတွေ ၊ ကျောင်းတွေရှိ ကျောင်းသားကျောင်းသူတွေနဲ့ ခရီးသွားတွေကို ပြန်ပေးဆွဲပြီး ရွေးနှုတ်ငွေသန်းပေါင်းများစွာ တောင်းခံလေ့ရှိပါတယ်။ Ref:BBC…

  ဂါဇာစီးတီး၊ နိုဝင်ဘာ-၂၇-၂၀၂၃ မျိုးဆက်(VOM) အစ္စရေးနဲ့ လေးရက်ကြာ အပစ်အခတ်ရပ်စဲထားမှုကို သက်တမ်းတိုးဖို့နဲ့ ပြန်လွှတ်ပေးတဲ့ ဓါးစာခံအရေအတွက်ကို ဒီထက်တိုးမြှင့်ဖို့ လုပ်ဆောင်နေတယ်လို့ ဟားမတ်စ်အဖွဲ့က ထုတ်ဖော်ပြောဆိုလိုက်ပါတယ်။ မူလသဘောတူညီချက်ကို သက်တမ်းတိုးနိုင်တယ်လို့ အစ္စရေးဝန်ကြီးချုပ်နေတန်ယာဟုကလည်း ပြောဆိုထားပေမယ့် အပစ်ရပ်ကာလပြီးသွားရင်တော့ ဂါဇာမှာ စစ်ဆင်ရေးတွေ အင်ပြည့်အားပြည့် ပြန်လည်စတင်မယ်လို့ ဆိုပါတယ်။ ဒီအတောအတွင်း လက်ရှိအပစ်အရပ်သဘောတူညီချက် နောက်ဆုံးနေ့ဖြစ်တဲ့ တနင်္လာနေ့မှာ အစ္စရေးဓါးစာခံတွေနဲ့ ပါလက်စတိုင်းအကျဉ်းသားတွေကို အပြန်အလှန်လွှတ်ပေးဖို့ရှိနေပါတယ်။ မနေ့ကတော့ အစ္စရေးဓါးစာခံ ၁၄ ယောက်နဲ့ နိုင်ငံခြားသားသုံးယောက်ကို ဟားမတ်စ်တို့က ပြန်လွှတ်ပေးခဲ့ပြီး အစ္စရေးဘက်ကလည်း ပါလက်စတိုင်းအကျဉ်းသား ၃၉ ယောက်ကို လွှတ်ပေးခဲ့ပါတယ်။ ဂါဇာရှိ ပါလက်စတိုင်းတွေအတွက် လောင်စာဆီ၊ စားနပ်ရိက္ခာ၊ ဆေးဝါးနဲ့ အခြားသောထောက်ပံ့ရေးပစ္စည်းတွေ ဝင်ရောက်နိုင်ရေးအတွက် အစ္စရေးနဲ့ဟားမတ်စ်တို့အကြား လေးရက်ကြာ ယာယီအပစ်အခတ်ရပ်စဲခဲ့ကြတာဖြစ်ပါတယ်။ အောက်တိုဘာ ၇ ရက်က ဟားမတ်စ်တို့ရဲ့ တိုက်ခိုက်မှုကြောင့် အစ္စရေးမှာ လူ…