Year: 2023

  ဒီဇင်ဘာ ၁၇ – ၂၀၂၃ SN (VOM) ရခိုင်ပြည်နယ်မှာ လက်ရှိ ဖြစ်ပွားနေတဲ့ တိုက်ပွဲတွေကြောင့် စစ်ဘေးရှောင်ဦးရေ နှစ်သိန်းနီးပါး ရှိလာနေပြီး အခြေခံ စားနပ်ရိက္ခာ၊ အသုံးအဆောင်နဲ့ ဆေးဝါးတွေ အရေးပေါ် လိုအပ်နေတယ်လို့ လူမူကူညီရေးအဖွဲ့တွေဆီက သိရပါတယ်။ လက်ရှိမှာ စစ်ဘေးရှောင်တွေအတွက် စားဝတ်နေရေး အခက်အခဲအပြင် ဆောင်းရာသီ ရောက်ရှိလာပြီ ဖြစ်တာကြောင့် စောင်နဲ့ အနွေးထည်တွေပါ အရေးပေါ် လိုအပ်နေတယ်လို့ သိရပါတယ်။ “အခုကတော့ နှစ်ရက်၊ သုံးရက်ကစပြီး အကုန်လုံး အေးလာတော့ မြေပြင်မှာလိုနေတာ စောင်တွေ၊ ပုဆိုးတွေပေါ့။ အဓိက က ပေါက်တောဘက်က လာတဲ့သူတွေဆိုရင် ဘာမှကိုမယူနိုင်ဘဲ ကိုယ်လွတ်ရုန်းပြေးလာရတဲ့သူတွေဆိုတော့ စားဝတ်နေရေး အတော်ကို ခက်ခဲနေတယ်။ ကျန်တဲ့နေရာ တော်တော်များများမှာလည်း ဒါက လိုအပ်တယ်လို့ ပြောလို့ရတယ်။ ဒါပေမယ့် ပေါက်တောဘက်ကလာတဲ့ သူတွေနဲ့ကျတော့ နည်းနည်းကွာတာပေါ့နော်။…

  တိုကျို၊ ဒီဇင်ဘာ-၁၇-၂၀၂၃ မျိုးဆက်(VOM) တောင်တရုတ်ပင်လယ်အရေး တရုတ်နိုင်ငံနဲ့ တင်းမာမှုတွေ မကြာသေးမီက မြင့်တက်လာခဲ့ကြောင်း ဖိလစ်ပိုင်သမ္မတ မားကို့စ်ဂျူနီယာက NHK နဲ့ သီးသန့်အင်တာဗျူးမှာ ထုတ်ဖော်ပြောဆိုလိုက်ပါတယ်။ သူဟာ ဂျပန်-အာဆီယံ အထူးထိပ်သီးဆွေးနွေးပွဲတက်ရောက်ဖို့ တိုကျိုကို ရောက်ရှိနေတာဖြစ်ပြီး ဂျပန်နဲ့ အာဆီယံတို့အနေနဲ့ စီးပွားရေးကိစ္စတွေဆောင်ရွက်နေသလို လုံခြုံရေးနယ်ပယ်မှာလည်း ပူးပေါင်းဆောင်ရွက်မှုတွေကို တိုးမြှင့်သင့်တယ်လို့ သူက ဆိုပါတယ်။ တရုတ်နဲ့တင်းမာမှုတွေဟာ မကြာသေးခင်လတွေမှာ တိုးပွားလာသလို ပိုမိုရှုပ်ထွေးလာနေပြီး အစည်းအဝေးတက်ရောက်လာတဲ့နိုင်ငံတွေအနေနဲ့ ငြိမ်းချမ်းရေးကို ထိန်းသိမ်းနည်း ရှာသင့်တယ်လို့ မားကို့စ်ဂျူနီယားက ပြောပါတယ်။ တရုတ်ကမ်းခြေစောင့်သင်္ဘောတွေဟာ မကြာသေးမီကလည်း ဖိလစ်ပိုင်သင်္ဘောတွေကို ရေအမြောက်တွေနဲ့ ပစ်ခတ်ပြီး တောင်တရုတ်ပင်လယ်အတွင်း ရေကြောင်းသွားလာမှုတွေကို ဟန့်တားခဲ့ပါတယ်။ ဖိလစ်ပိုင်၊ အမေရိကန်၊ ဂျပန် သုံးနိုင်ငံ ပူးပေါင်းဆောင်ရွက်မှုကို အားကောင်းစေဖို့လုပ်ဆောင်သွားမှာဖြစ်ပြီး ပူးတွဲစစ်ရေးလေ့ကျင့်မှုတွေ ပြုလုပ်သွားမှာဖြစ်ကြောင်း ဖိလစ်ပိုင်သမ္မတ မားကို့စ်ဂျူနီယာက ပြောပါတယ်။ Ref:NHK Photo:AFP  

  ဒီဇင်ဘာ ၁၆၊ ၂၀၂၃ Shy V (VOM) ရှမ်းပြည်နယ် မြောက်ပိုင်း၊ မူဆယ် – နမ့်ခမ်း လမ်းမကြီး စယ်လန့်ရွာနားမှာ ဒီဇင်ဘာ ၁၆ ရက်နေ့က စစ်ရှောင်တွေအပါအဝင် ခရီးသွားပြည်သူ အများအပြား ပိတ်မိနေကြောင်း ဒေသခံတွေဆီက သိရပါတယ်။ “ခုဏကပဲလေ။ စယ်လန့်မှာ။ ဝင်လို့ပဲရတယ်။ ထွက်လို့ မရဘူး ပြောတယ်။ စယ်လန့်မှာ TNLA တွေ ထိုင်တယ်လေ။ မူဆယ် – နမ့်ခမ်း လမ်းမပေါ် ကားလည်း မှောက်တယ်၊ စစ်ဘေးရှောင်တွေလည်း များတယ် ” လို့ ဒေသခံ အမျိုးသား တဦးက ပြောပါတယ်။ နမ့်ခမ်းမှာ နစကတပ်နဲ့ TNLA ပူးပေါင်း မဟာမိတ်အဖွဲ့ တို့ကြား တိုက်ပွဲ ဖြစ်ပွားနေတာ တလ ကျော် ကြာလာပြီ ဖြစ်ပြီး မူဆယ်နဲ့…